ئۈششۈك تەگكەن ياپراق

yaprah330

	ئۈششۈك تەگكەن ياپراق ھېكايە ئۇلۇغ ئاللا ...ساڭا نالە قىلىۋاتاتتىم  ،كۆڭلۈم شۇنچىلىك يېرىم .تۇرمۇشۇمدا بولىۋاتقان ئشلارغا قاراپ ئېسىمنى يوقىتىپ نېمە قىلىشىمنى، كىمدىن ئاغرىنىشىمنى بىلەلمەي تۇرۇپ قېلىۋاتاتتىم.          بىر كۈنلەردە ھەممە ھەۋەس قىلىدىغان ،قولىدىن خېلى-خېلى ئشلار كېلىدىغان، كۆزلىرىمدىن كۈلكە ئۆچمەيدىغان راۋۇرۇس بىر   قىز ئدىمغۇ ،ئەمدىچۇ؟ بۇرۇنقى شوخلۇقتىن قىلچە ئەسەر يوق، كۆزلىرىمدىن ھەسرەت، ئازاپ-ئوقۇبەتلەر تۆكۈلۈپلا تۇرغىنى تۇرغان.ئۆزۇممۇ- ئۆزۈمدىن بىزار بولۇپ بۇنىڭدىن قۇتۇلۇش ئۈچۈن شۇنچىلىك قارىشىلىق كۆرسىتەتتىم ،تىپپىرلايتىم ،يۈرەكلىرىم ئاجىز نالە قىلاتتى ، بىراق شۇ ئازاپلىق،يۈرەكلەرنى لەختە-لەختە قىلغۇدەك سۆزلەر بىرەر مىنۇتمۇ ئارامچىلىق بەرمەي قۇلاق تۈۋىمدە جاراڭلاپ مىنى تېخىمۇ قىينىماقتا ئىدى .ئۇنى، ماڭا قىلچىلىك ئىشەنمەيدىغان شۇ ۋاپاسىزنى شۇنچە ئويلىماسلىققا تىرىشاتتىم يۇ بىراق ھەر قانچە قىلساممۇ ئۇنىڭ سىياقى كۆز ئالدىمدىن  كەتمەيتتى.ئۇنىڭ ئاغزىدىن بۇنداق گەپلەر چىقىشنى كىم ئويلىغان ھە ،ھەتتا چۈشلىرىمدىمۇ ئۇ شۇنچىلىك سۆيۈملۈك ئىدىغۇ،ھەي رەھىمسىز رېئاللىق.... بىلىپ-بىلمىگەن ھالدا ئۇنىڭ بىلەن يېڭى تونۇشقاندىن ھازىرقى قەدەر بولغان تۇرمۇش كارتىنىلىرىم  كۆز ئالدىمدىن يەنە ئۆتۈشكە باشلىدى. قار ياغقان تۇنجى كۈنى ئىدى،ئۆزۇم قارغا ئامراق بولغانلىقىم ئۈچۈنمۇ ۋەياكى بۈگۇن كوچىلار ئادەتتىن تاشقىرى جانلىنىپ كەتكەچكىمۇ ئشقىلىپ مەن تولمۇ خۇشال ئىدىم. ئالدىمدىكى توپ-توپ بولۇشۇپ قار ئېتىشىپ ئويناۋاتقانلارغا ھەۋەس بىلەن تويماي قارايتتىم، ھاياجان ئىلكىدە مەكتەپكە كېلىپ قالغانلىقىمنى ئۆزۇممۇ سەزمەي قالغان ئىدىم.تۇيۇقسىز ئارقا تەرىپىمدىن كەلگەن بېر پومزەك قاردىن چۆچۈپ دەرھال كەينىمگە بۇرۇلدۇم، بويلىرى ئىگىز ،قاپقارا قىشلىق چاپان ،ئاق رەڭلىك شارپىنى تولىمۇ ياراشتۇرۇپ مەھكەم تاقىۋالغان، ئاق-سېرىققىنە، تولىمۇ تونۇش بولغان  بىر بالا قاراپ تۇراتتى. ــ كەچۈرۈڭ مەن قەستەن قىلمىغان،ئېھتىياتسىزلىقتىن تېگىپ كەتتى ــ ئۇ شۇنداق دىگىنىچە دەرھال ئارقىسىغا ئۆرۈلۈپ يۈگۈردى ۋە يۇقىرى ئاۋازدا:               يازدا ياغلىق تاشلىدۇق              قىشتا قارلىق تاشلىدۇق              سىز دوستلارنىڭ ھۆرمىتىگە              بۇ ئويۇننى باشلىدۇق مەن تۇرۇپلا قالغان ئىدىم ،دەرھال ئۇ بالىنى نەدە كۆرگەنلىكىمنى ئويلىدىم ،بىراق ھىچ ئىسىمگە ئالالمىدىم، ئېسىمنى يىغىپ قارسام ئۇ بالا ئالىقاچان كۆز ئالدىمدىن غايىب بولغاندى ،ئالدىراپ-تېنەپ قارلىقنى ئاچتىم ۋە چىرايلىق يېزىلغان خەتلەرگە تىز-تىز كۆز يۈگۈرتتۈم .             يازدا ياغلىق تاشلىدۇق              قىشتا قارلىق تاشلىدۇق              سىز دوستلارنىڭ ھۆرمىتىگە             بۇ ئويۇننى باشلىدۇق تەلەپ :چۈشلۈك دەم ئېلىشقۇچە مىنى قوغلاپ تۇتىۋېلىشىڭىز كېرەك.ئەگەر تۇتۋالالمىسىڭىزمەكتەپ دەرۋازىسى ئالدىدا كۆرىشىپ مىنى مېھمان قىلىسىز. مەن تېخىمۇ ھەيران بولۇۋاتاتتىم ،بۇ نېمە گەپ ئەمدى ،مەن ئۇنى نەدىن تاپىمەن،چىرايى تونۇش كۆرۈنگەن بىلەن مەن ئۇنىڭ ئىسمىنىمۇ بىلمىسەم ،مەكتەپتە بىر ئوغۇل بالىنى سۈرۈشتۈرۈپ يۈرسەم تېخى بولمىغان ،بۇ مەكتەپتە ئادەم ئاز بولسىچۇ كاشكى،بوپتۇ بۈگۈن مىنى نەس بېسىپتۇ، شۇنداق دەپ غوتۇلدىغىنىمچە  سىنىپقا قاراپ ماڭدىم. دەرس ئارلىقلىرىدا تۇرۇپ-تۇرۇپ سىنىپ دەرىزىسىدىن سىرىتقا قاراپ قوياتىتىم،مەكتەپ ئىچى ئاپپاق قارلار بىلەن تېخىمۇ گۈزەللىشىپ كەتكەنىدى،   مانا ھەش-پەش دىگۈچە كەچ بولۇپ مەكتەپتىنمۇ قويۇپ بېرىدىغان ۋاقىت بولدى،ئۆزۈممۇ سەل جىددىيلەشكەن ئىدىم،دوستلۇرۇم بىلەن قاملاشمىغان باھانىلەرنى ئېيتىپ تىز-تېز خوشلىشىپ ،ئاۋايلاپقىنە مەكتەپ دەرۋازىسى ئالدىغا چىقتىم.خېلى ئۇزۇن ساقلىغان بولساممۇ ھېلىقې بالىنىڭ قارىسىمۇ كۆرۈنمەيتتى، ــ تازىمۇ يالغانچى بىرنىمۇ بۇ،مەنمۇ قىزىق ،بۇ ئويۇننى راست دەپ كەتكەنچىلىرىمچۇ تېخى، ـ دەپ ئاچچىقىمدا كەتمەكچى بولۇپ تۇرسام ھاسىراپ-ھۆمۈدەپ يۈگۈرگىنىچە بىر قىز ئالدىمغا كەلدى، ــ كەچۈرۈڭ ،سىز يۇلتۇز بولامسىز؟ مەن ھەيرانلىق ئىلكىدە ھەئە دەپ جاۋاب بەردىم ــ كەچۈرۈڭ سىزنى ساقلىتىپ قويدۇم،نىجات سىزگە بۇ خەتنى بېرىپ قويۇشۇمنى ئېيتقانىدى . ــ نىجات؟؟؟ھەيران بولۇپ ئۇنىڭغا قارىدىم ئۇ قانچە تېز كەلگەن بولسا خەتنى ماڭا تۇتقۇزۇپ قويۇپ شۇنچە تېز كېتىپ قالدى .تېخىمۇ ھەيران بولۇپ خەتنى ئاچتىم. سىزنى مەكتەپ مەيدانىدا ساقلايمەن،قارلىققا رىئايە قىلسىزغۇ دەيمەن،.                                      نىجات خەتنى كۆرۈپ تېخىمۇ ئاچچىقىم كەلدى، نىمە دېگەن قىلىقسىزلىق بۇ، ئادەمگە بىمەنە تەلەپلەر بىلەن قار تاشلاپ،سوغۇقتا ساقلىتىش ئاز بولۇپ قالغاندەك ئۇ يەرگە كېلىڭ بۇ يەرگە كېلىڭ دېيىشلىرىچۇ،تېخې بېرەر ئېغىز كەچۈرۈڭ، سەت بولدى دىيىشلىرىمۇ يوق ،ۋۇ ئەدەپسىز... كەتمەكچى بولۇپ ئارقامغا شۇنداق ئۆرىلشىمگە يۈزلىرىمگە ئۇرۇلغان نەشتەردەك سوغۇقتىن پۈتۈن بەدىنىم شۇرقىراپ كەتتى، تۇرۇپ ئويلىنىپ قالدىم،مۇشۇ سوغۇقتا ئۇ بالا مىنى ساقلاپ تۇرسا مەن گەپ-سۆزسىز كېتىپ قالسام سەت بولغۇدەك، ھەي بولدىلا كۆرىشىپ كېلەي، شۇ باھانىدا بۈگۈنكى ئەدەپسىزلىكىگە تەنبىھ بېرىپ قوياي دەپ قارلارنى غاچ-غاچ دەسسىگىنىمچە مەيدانغا قاراپ ماڭدىم. ئاپئاق كەڭرى كەتكەن،تىمتاسلىققا چۆمگەن مەيدانغا قاراپ ھوزۇرلۇق ئىلكىدە چوڭقۇر نەپەس ئالدىم، مەيدان ئەتراپىدىكى  دەل-دەرەخلەر ئاپئاق لىباستىن تون كىيىپ خۇددىي توي قىزلىرىغىلا ئوخشاپ قالغانىدى، نىمە دېگەن گۈزەل ھە دەيتتىم ئىچىمدە، تۇيۇقسىز تولىمۇ مۇڭلۇق بىر مۇزىكا قۇلاق تۈۋىمدە ئاڭلاندى،يىراق بولمىغان بىر جايدا ئاپئاق قارلار ئاستىدا بىر قىز بىلەن بىر ئوغۇلنىڭ قول تۇتۇشۇپ ناخشا ئېيتقان ھالاتتە بىر مۇزىكا قۇتىسى تۇراتتى،قىزىقىنىمچە ئۇ مۇزىكا قۇتىسىنىڭ قېشىغا بېرېپ  قولۇمغا ئېلىپ تۇرۇشۇمغا ئارقامدىن بىر ئوغۇل بالىنىڭ ئاۋازى ئاڭلاندى. ــ ياقتۇردىڭىزمۇ؟ مەن چۈچۈپ كەينىمگە ئۆرۈلدۇم،ھېلقې تولىمۇ تونۇش بولغان قارلىق تاشلىغۇچى ئوغۇل كۈلۈمسىرىگىنىچە قاراپ تۇراتتى.قۇلاقلىرىدىن تارتىپ بۇرنىنىڭ ئۇچىغىچە سوغۇقتىن قىزىرىپ كەتكەن ئىدى . ــ يۇلتۇز بۇنچە سوغۇقتا سىزنى ئاۋارە قىلغىنىمدىن تولمۇ خىجىلمەن. سىزگە دەيدىغان بەكمۇ مۇھىم گەپ بار ئىدى، بىراق سىرىت بەك سوغۇق ،سىزمۇ  ھەقاچان بەك توڭلاپ كەتتىڭىز ، تاماق يىگەچ پاراڭلاشساق قانداق؟،ـ ئۇنىڭ توڭلاپ كەتكەن  ھالىتىگە، سەمىمىيلىكىگە تولغان كۆزلىرىگە  قاراپ، ئۇنى ئىنكار قىلىشقا تىلىم بارمىدى ۋە مىيىقىمدا كۈلۈمسىرگىنىمچە ئۇنىڭغا ئەگەشتىم. مەكتەپ يېنىدىكى تولىمۇ پاكىز، مىللىيچە پۇراق تۈس ئالغان بىر ئاشخانىغا كېردۇق،خېلې تارتىنىشلاردىن كېيىن ھەر ئىككىيلىمىز سومىيەن بۇيرۇتتۇق، ئارىنى بىر ئاز جىمجىتلىق باسقاندىن كېيىن ئۇ سۆز ئاچتى. ــ بۈگۈن يۈزۈمنى قىلىپ بۇ يەرگە كېلىپ بەرگىنىڭىزگە   رەھمەت ئېيتىمەن ھەم بۈگۈنكى ئەدەپسىزلىكىمدىن كەچۈرۈم سورايمەن ، بەلكىم سىز مىنى تونىمايسىزغۇ دەيمەن؟ ــ تولىمۇ تونۇش كۆرۈنىسىز بىراق نەدە كۆرگەنلىكىمنى ئېسىمگە ئالالمىدىم. ــ ئۇنداقتا باشتا  ئۆزۈمنى تونۇشتۇرۇپ ئۆتەي ، ئىسمىم نىجات. 3-يىللىق 5-سىنىپتا ،قارىغاندا سىز ئۇنتۇپ قاپسىز، بىز  بۇرۇن  كۆرۈشكەن، .ئۆتكەن يىلقى ۋىلايەت بويچە ئۆتكۈزگەن خەنزۇتىلى نۇتۇق سۆزلەش مۇسابىقىسى ئىسىڭىزدىمۇ؟ ــ ۋىلايەتلىك مۇسابىقە؟ دەرھال ئۇ بالا ئىسىمگە كەلگەن ئىدى،توغرا دەل شۇ ،بىزنىڭ مەكتەپتى9 ئوقۇغۇچى تاللانغان.لېكىن بىر ئوقۇغۇچى ئاغىرىپ   قېلىپ مۇسابىقىگە قاتنىشالمىغان،ئەتىگەن بىكار  تونۇش تويۇلماپتىكەن ئەمەسمۇ. ــ ھەئە .ئېسىمگە كەلدىڭىز، سىز ئاغىرىپ   قېلىپ  مۇسابىقىگە قاتنىشالمىغان بالا شۇمۇ ؟ ــ ھەئە دەل شۇ ــ كەچۈرۈڭ ،سىزنى پەقەت بىرلا  قېتىم  مۇسابىقىگە تاللانغانلارنى تەبرىكلەش يىغىندا كۆرگەچكە دەرھال ئېسىمگە ئالالماپتىمەن.بىراق ئىسمىڭىزنى باشقىلاردىن كۆپ ئاڭلىغان.   ــ شۇنداقمۇ ،ئۇ مىيىقىدا كۈلۈمسىرىدى ۋە سۆزىنى داۋاملاشتۇردى ، كېيىن تېلېۋىزوردىن سىلەرنىڭ مۇسابىقەڭلەرنى كۆردۇم ،سەھنىدىكى ئەتلەس كۆينەك كىيىپ تۇرغان جانلىق  ھالىتىڭىزنى كۆرۈپ تولىمۇ خۇشال بولدۇم. دەل شۇ ۋاقىتتا مۇلازىم بىز بۇيرۇتقان تاماقلارنى ئېلىپ چىقتى، بىز تارتىنىپقىنا تاماققا تۇتۇندۇق ،ئۆزۈم تاماق يەۋاتقان بولساممۇ خىيال كەپتىرىم ئۆتكەن يىلقى مۇسابىقىدە پەرۋاز قىلىۋاتاتتى ، ــ نىجات بولغىن بولسا بۇ قېتىمقى مۇسابىقىدە چوقۇم بىرىنچى بولاتتى،ـ دەيتتى قارامتۇل بىر قىز. ــ شۇنى دىگىنە ئەجەپمۇ نەس باستى ئۇنى..... ــ يىمەپسىزغۇ،ئوخشىىماپتىمۇ ؟ئۇنىڭ ئاۋازىدىن چۆچۆپ دەرھال ئېسىمنى يىغدىم ــ ياقەي، بەك ئوخشاپتۇ ،يەۋاتىمەنغۇ ئۇ چاي ئچكەچ سۆزىنى داۋام قىلدى ــ يۇلتۇز بەلكىم بۈگۈنكى ئىشىمدىن ھەيران قېلۋاتقانسىز،سىزگە راستنى ئېيتسام يۇلتۇز دېگەن بۇ ئىسىم بىر  يىل بۇرۇنلا يۈرۈكۈمنىڭ چوڭقۇر قېتىدىن ئورۇن ئالغان،  ئەسلىدە ھازىر سىزگە بۇ گەپلەرنى دېمىسەم بولاتتى ،بىراق ئەمدى قەيسەرلىكرەك بولمىسام كېيىن پۇرسەت بولمىغۇدەك ھەم بىر ئۆمۈر ئەپسۇسلۇق ،پۇشايمان ئىچىدە ئۆتۇپ كەتكۈدەكمەن.ھېلىمۇ بۇ كۈننى كۈتكىلى بىر يىلدىن ئاشتى ،سىزنى ئۆزلۈكىدىن  ماڭا دىققەت قىلسۇن دەپ شۇنچە تىرىشتىم بىراق مەكتەپنىڭ چوڭلىقىدىنمۇ بىلمىدىم ھەر قانچە قىلىپمۇ دىققىتىڭىزنى قوزغىتالمىدىم .سىزگە قانچە قېتىملاپ خەت يازغىنىمنى بىر ئۆزۈم بىر ئۇلۇغ ئاللا بىلىدۇ،بىراق سىزگە بېرىشكە جۈرئەت قىلالمىدىم.ـ ئۇنىڭ ئاۋازى بارا-بارا تىترەپ چىقىشقا باشلىدى. ئۇنىڭ گەپلىرىنى ئاڭلىغانسىرى يۈزلىرىم قىزىرىپ كېتىۋاتاتتى، ئۇ ئەڭ ئاخىردا تولىمۇ تەمكىنلك بىلەن: ــ يۇلتۇز ئويلىشىپ باقسىڭىز ،ھىچ بولمىسا دوست بولۇپ قالساق. ئۇنىڭغا قارىدىم ۋە كۈلۈمسىرەپ تۇرۇپ : ــ بولىدۇ ،مەن ئويلىنپ كۆرەي،ــ  دېدىم . دۇئادىن كېيىن ئۇنىڭ بىلەن خوشلىشىپ  ئۆيگە قاراپ يول ئالدىم . كاللام گادىرماچ خىياللار بىلەن تولۇپ كەتكەن ئىدى، ئۇنىڭ سەمىمى ھالىتى كۆز ئالدىمدىن كەتمەيتى ،ئۇنىڭ نامىنى كۆپ قېتىم ئاڭلاپ كۆرىشىشكە پۇرسەت بولمىغان بولسا مانا ئەمدى بۇنداق يوسۇندا كۆرىشىپ قېلىشىمىزنى  كىم ئويلىغان، توۋا ... كۈنلەر شۇ تەرىقىدە ئۆتىۋاتاتتى،مەكتەپلەردە تۇرۇپ-تۇرۇپ ئۇچۇرشۇپ قالساق بىر-بىرىمىزگە كۈلۈمسىرگىنمىزچە ئۆتىشىپ كېتەتتۇق ،كېيىنچە بىللە بىللە ئۆگىنىش قېلىدىغانمۇ بولدۇق ،ئۇنىڭ ھەممە نەرسىلەرگە بولغان ئەستايىدىلىق،مەسۇليەتچانلىق تۇيغۇسى مەندە بارا-بارا چوڭقۇر تەسىر قالدۇرۋاتاتتى  ،كۆزلىرىمىز بىلىپ-بىلمەي ئۇچرىشىپ قالغاندا يۈزلىرىم ئوت بولۇپ دەرھال كۆزلىرىمنى ئېلىپ قاچاتتىم. دوستلىرىممۇ ئۇنى ئېغىزىدىن چۈشۈرمەيتى، خېلى ئۇزۇن ئويلىنىش ئارقىلىق ئۇنىڭ تەلىپىگە ماقۇل بولدۇم ،ئۇنىڭ شۇ ۋاقىتتىكى ھالىتى قانداق تەسۋىرلىسەم بولار ھە ،ئۇ شۇنچىلىك خۇشال ئىدى، بىردەم مېنىڭ قوللىرىمدىن تۇتۇپ پىرقىراتسا،  بىردەم يۈرەك سوقۇشۇمنى ئاڭلىسۇن دىگەندەك باغرىغا مەھكەم باساتتى ...                        شۇنداق قىلىپ بىزنىڭ تولىمۇ ساپ ،تاتلىق بولغان مۇھەببىتىمىز باشلىنىپ كەتتى، كۈنلەر تېخىمۇ گۈزەل تېخىمۇ كۆڭۈللۈك بىلىنمەكتە ئىدى، بىللە ئۆيگە قايتىش ،مەكتەپتە بىللە تەكرار قىلىشلار ئاجايىپ مەنىلىك ئىدىكى تۇرۇپ -تۇرۇپ ئۆزۈممۇ بۇنىڭ راست ئىكەنلىكىگە ئىشەنمەي قالاتتىم . مانا ھەش-پەش دىگۈچە ئالىي مەكتەپ ئىمتىھانىغا بىر ئايچە ۋاقىت قالغاندى،ھەممەيلەن ئالدىراشچىلىق،جىدىچىلىك ئىلكىدە ئۆگىنىش قاينىمىغا چۆكۈپ كەتكەن ئىدۇق،جۈمىلىدىن ھەر ئىككىلىمىزمۇ ئورتاق نىشانىمىز ئۈچۈن تىرشۋاتاتتۇق،چارچاپ قالغاندا بولسا كەلگۈسىمىز ئۈچۈن ئۇلۇغۋار پىلانلارنى تۈزۈپ كېتەتتۇق،مەكتەپلەرنى تاللايتۇق.ئۆيدىكىلەرنىڭ تەلىپى ۋە ئۆزىمىزنىڭ ئۇزۇن تالاش-تارتىشى ئارقىلىق ھەر ئىككىلىمىز شىنجاڭ تىبى ئۇنۋىرسىتىنى بىرىنچى ئارزۇيىمىزغا يازماقچى بولدۇق .بىر-بىرىمىزگە توختماي مەدەت ،ياردەملەر بىلەن بىزگە تولىمۇ سىرلىق، قورقۇنىچلىق بىلىنگەن  ئىمتاھانىلارنىمۇ كۈتىۋالدۇق . ئەنسىرەش،ھاياجان ئىلكىدە ئمتاھانلارغا قاتنىشىۋاتاتتۇق ،ئۆزىمىزنىڭ ئارزۇسىدەك مەكتەپلەرگە ئۆتۇپ كېتىشنى ئۇلۇغ ئاللادىن تىلەيتۇق . تولىمۇ ئەپسۇس ،كونىلارنىڭ بىر يىغىنىڭ بىر كۈلكىسى بار دىگەندەك باشقا ئىمتاھانلارنى ياخشى بەردىم دەپ خوشال بولغان بولسام مانا ئەمدى خەنزۇتلى  ئىمتاھانغا كىرىپ يېرىم سائەت بولا-بولمايلا قورسىقىم ئاغىرىپ چىدىيالمايلا كەتتىم شۇنچە تىرىشقان بولسىممۇ ئىمتاھان ئاخىرلاشقۇچە چىدىيالماي ئىمتاھان نازارەتچىسىنىڭ نازارەت قىلىشى ئاستىدا ئىككى قېتىم تازلىق ئۆيىگە چىقتىم . ئۇلۇغ ئاللا نىمە كەلگۈلۈك بۇ ماڭا ، قايسى قىلغان گۇناھلىرىم ئۈچۈن بۇ كۇنلەرنى كۆرەي  ،كۆز ياشلىرىم دەريا كەبى ئاققان ،كاللام قۇپقۇرۇق ،پۈتۈن جىسمىم سېزىمىنى يوقاتقان ھالەتتە ،جانسىز پۇتلىرىمنى سۆرىگىنىمچە مەكتەپ ئالدىدىكى ئادەم دېڭىزىغا قوشۇلدۇم ،بىر تونۇش گەۋدە ماڭا يېقىنلاپ كېلىۋاتاتتى. پۈتۈن كۈچۈمنى يىغىپ ۋارقىرىدىم : ــ ئاپا ،جېنىم ئاپا،مەن تەلەيسىزنى كەچۈرۈڭ،ــ دىگىنىمچە ئۇنىڭىغا ئۆزىمنى ئاتتىم  . ــ ئاپا مەن .مەن ...ئاۋازلىرىم بۇغۇلۇپ گېلىمغا بىر نەرسە كەپلىشىپ قالغاندەك گەپ قىلالمايۋاتاتتىم .ئاپام مىنى باغرىغا چىڭ باسقىنىچە قۇلىقىمغا پىچىرلايتى ــ ھىچقىس يوق بالام ،سىز تىرىشتىڭىز،مەن سىزدىن پەخىرلىنىمەن،ئاپىڭىز سىزدىن پەخىرلىنىدۇ ...ئاخىرىنى ئاڭلاشقا ماغدۇرۇم قالمىغان ئىدى،ئاپامنىڭ يۆلەشتۇرىشى بىلەن ئۆيگە قانداق كەلگىنىمنى بىلمەيمەن ، ئۆيدىكىلەرنىڭ بىرەر كۈن ئارام ئېلىپ ئاندىن ئارۇز تاللايلى دېگەنگە ئۇنماي ئۇشۇقلىق قىلىپ  ئەتىسىلا ئارزۇ تاللاشنى باشلىۋەتىىم ،  ئۆيدىكىلەرنىڭ بۇ ئىشقا شۇنچە ئارلاشقۇسى كەلسىمۇ يەنىلا مىنىڭ تاللىشىمغا ھۆرمەت قىلدىغىنىمنى ئېيتىپ ماڭا قويۇپ بەردى . دەسلسپتە ،بەرىبىر ئۆزۈم ئارزۇ قىلغان مەكتەپكە ئۆتەلىشىمدە چوڭ ئۈمۈد يوق ،بېشىمغا كەلگەننى كۆرەي دەپ يازماقچىمۇ بولدۇم ۋە دەرھال ئارزۇ جەدۋىلىنى كۆتىرگىنىمچە مەكتەپكە ماڭدىم ،كاللامدا مىىڭ بىر ئوي ،ئەي دەردىم قانداق قىلاي ... ــ نىمە؟ساراڭ بولدىڭمۇ،سەن كەلگۇسىڭە ياق كەلگۈسىمىزگە مۇشۇنداق چاقچاق قىلماقچىمۇ ؟مەن قارىشى ،كىم سېنى ئۆتەلمەيدۇ دەيدۇ ؟نەتىنجىمىز چىقىپتىمۇ يە؟بۇنداق دۆتلىك قىلما ،ماڭا ،ئۆيىڭدىكىلەرگە يۈز كېلەلەيدىغان ئىشنى قىل. يۇلتۇز ۋەدىمىزنى ئۇنتۇپ قالمىغىن . ئۇنىڭ سۆزلىرىنى ئاڭلاپ ئەتىگەن ئېيتقان  دادامنىڭ سۆزلىرىمۇ قۇلاق تۈۋۈمدە ياڭرىدى، ــ قىزىم، ئاپىڭىز ھەر ئككىلىمىز چوڭ يەرلەردە ئوقۇپ باقمىغان ،مەكتەپلەرنىڭ قانداقلىقىنى ئانچە بەك بىلىپمۇ كەتمەيمىز،بىزنىڭ ئۇمۇد قىلدىغىنىمىز شۇ سىزنىڭ بەخىتىڭىز .خوشاللىقىڭىز، شۇڭا بىز ئارزۇ تاللاشتا سىزنىڭ تاللىشىڭىزغا ھۆرمەت قىلىشنى لايىق كۆردۇق،  مەيلى قانداقلا بولسۇن ئويلىشىپ ئىش قىلىڭ ، پۇشايمان قىلدىغان ئىش قىلماڭ . بىز مەڭگۇ سىزنى قوللايمىز ... كۆزلىرىمگە يەنە يىغا ئولاشتى ،توغرا كىم مىنى ئۆتەلمەيدۇ دەيدۇ . ئۆلمىگەن جاندا ئۈمۈد بار دەپتىكەن ،ئۆيدىكىلەر ماڭا شۇنچە ئىشەنسە مەن بۇنداق قىلسام ئۇلارغا قانداق يۈز كېلەلەيمەن . شۇنداق قىلپىپ ئارزۇنى قايتىدىن توشقۇزۇشقا باشلىدىم، ئويلىماپتىكەنمەن ئارزۇ تاللاش ئىمتاھان بېرىشتىنمۇ تەس ئىشكەن دىسە .ئككى كۈن ئويلىنىپ ،ئۆيدىكىلەرگە مەسلھەت سېلىپ دىگەندەك ئاران تەستە ئازۇلارنىمۇ توشقۇزۇپ بولدۇم .ئەمدىكى گەپ نەتىنجەمدە ئىدى ، نەتىنجىمىز چىقىدىغانغا يېقىنلاشقانسىرى  دەككە-دۈككىدە قويغان تۇتقىنىمنى بىلمەيدىغان بولۇۋاتاتتىم ،مانا تاقەتسىزلىك بىلەن كۈتكەن كۈنمۇ ئاخىرى يېتىپ كەلدى ، ئىمتاھان نەتىنجىسى توردا ئېلان قىلىنىپتۇ دېگەن خەۋەرنى ئاڭلاش بىلەن دوستلار بىر-بىرىمىزگە خەۋەر قىلىپ دەرھال تورخانىغا قاراپ ئۇچتۇق . باشقىلار بىر-بىرلەپ ئۆزلىرىنىڭ نەتىنجىسىنى سۈرۈشتۈرۈىشكە باشلىدى ،بەزىلەر خوشال بولۇپ چۇرقۇراشسا يەنە بەزىلەرنىڭ قاپاقلىرى تۈرۈلگەن،ئىككى-ئۈچ قىزلار بولسا مىچىلداپ يىغلاشقا باشلىغانىدى، قورقىۋاتتاتىم.يۈرەكلىرىمنىڭ گۈپۈلدەپ  سوقىشىنى ئۆزۈممگە  ئەينەن ئاڭلاۋاتتاتتى ،ئۇ ئۆزىنىڭ ئىمتاھان كىنىشكە نۇمىرىنى كىرگۈزدى 513،ھەر ئككليلىمىز چوڭقۇر بىر تىندۇقيۇ قورقۇنۇش ئىچىدە  دەرھال مىنىڭكىنى كىرگۈزدۇق 417،نومۇرۇمنى كۆرىشىم بىلەن لاسسىدە بوششىشىپ كەتتىم ،كۆزلىرىم قاراڭغۇلۇشۇپ ئۆزىممۇ بىلمىگەن ھالدا ئولتۇرۇپ قالغان ئىدىم ،كۆزلىرىمدە يەنە شۇ ياش ... ئۇ ھەدەپ ماڭا تەسەللى بەرمەكتتە ،بىراق ئۇنىڭ گەپلىرى قۇلۇقۇمغا كىردىغاندەك  ئەمەس ئىدى، ئۇنىڭغا يالغۇز تۇرغۇم بارلىقىمنى ئېيتىپ سىرىتقا چىقتىم ،شۇ ماڭغىنىمچە قانداق بولۇپ ئۆيگە بېرىپ قالغىنىمنى بىلمەيمەن ،بېشىمنى كۆتىرىپ قارىسام شۇ سۈيۈملۈك دەرۋازا ، ــ يۇلتۇز ،كۆپ ئويلاپ كەتمە ، ــ چۆچۆپ ئارقامغا ئۆرلدىم ئۇ مەندىن نەچە قەدەم كەينىدە تۇراتتى ــ ھەممە ئىشلار ياخشى بولۇپ كېتىدۇ ،بالدۇرراق ئارام ئالغىن ،خوش ،خۇدايىمغا ئامانەت ،ــ ئۇنىڭ بىلەن سۇسلا خوشلىشىپ ئۆيگە كىردىم .ئۆيدىكىلەر مىنىڭ كىرگىنىمنى كۆرۇپ سوئال نەزىردە دەرھال ماڭا تىكىلدى ۋە چىرايىمنى كۆرىشى بىلەن ئارتۇق گەپ قىلمىدى ،يۈگۈرگىنىمچە ياتاق ئۆيىمگە كىردىم ۋە كارۋىتىمغا ئۆزىمنى ئاتتىم . كۈنلەر ئەنە شۇ يىغلاش-قاقشاشلار ئلىكىدە ئۆتمەكتە ئىدى ،خۇداغا مىىڭ شۈكرى ،ھېلمۇ ياخشى بىر –بىردىن مېھرىبان ئاتا-ئانام .كۈيۈمچان ئوغۇل دوستۇم بولۇپ قاپتىكەن ،بولمىغان بولسا مەن بۇ ئازاپلىق كۈنلەردە  قانداق قىلار بولغۇيتۇم ھە... ئۇ شىنجاڭ تىبى ئۇنۋىرسىتىنىڭ چاقىرىق قەغىزنى ئاللاقاچان تاپشۇرۋالغان ئىدى ،مەندىن قىلچە خەۋەر يوق ،ئاپام مەندىكى ئالامەتلەرنى كۆرۇپ كۆڭلى ئېچىلىپ قالسا ئەجەپ ئەمەس دەپ يېزدىكى تۇققانلارنىڭ ئۆيىگە ئېلىپ چىقتى ،بۇ يەردىكى كەڭ-كۇشادىلىكنى كۆرۈپ خېلى ياخشى بولۇپ قالغان ئىدىم. ياز كۈنلىرى ئۇلار ئېتىز-ئېرىق ئىشلىرى ئۈچۈن تولىمۇ ئالدىراش ئىدى .چۇشلۈك تاماققا ئالدىراش تەيارلىىق قىلۋاتساق دادامدىن تېلفون كەلدى. ــ يۇلتۇز چاقىرقىڭىز كەپتۇ ،سىزنى دەرھال مەكتەپكە بېرىپ ئەكىۋالسۇن دەيدۇ .ــ جىدديچىلىكتە نەدىن كەلگەنلىكىنى سوراشنىمۇ ئۇنتۇپ تېلفوننى قويۇپلا دەرھال كېتىشكە تەييارلاندىم . غەرىبى شىماللي مىللەتلەر ئىنىستىتۇتى ،تۇرۇپلا قالغان ئىدىم .يا خوشال بولىشىمنى يا يىغلىشىمنى بىلمەيتىم ،توۋا تەغدىر دىگەن ئاجايىپ ھە...بۇرۇن شۇنداق ئىچكىردە ئوقۇغۇم بار ئىدىغۇ ،ئېنىق ئېسىمدە ئىچكىرى تولۇق ئوتتۇرغا ئۆتەلمىگەن ۋاقتىمدا قانچىلىك كۆڭلۈم يېرىم بولۇپ كەتكەن ،قانچە كېچە كىرپىك قاقماي چىققان ئىدىم ،مانا ئۆزۈم ئارزۇ قىلغان ئىچكىر يەنە تېخى ئۆزۈم ياخشى كۆرىدىغان كىلىنكا كەسىپى ،بىراق كۆڭلۇم ئاجايىپلا يېرىم ،ئەمدى قانداق قىلغۇلۇق . كاللام شۇنچىلىك قالايمىقان ،ئاپامنىڭ چارقىرىشلىرىنىمۇ ئاڭلىماي يۇگۈرگىنىمچە سىرىتقا چىقىپ كېتېپتىمەن.بىر ۋاقىتتا مۇزدەك يامغۇر تامچىسىدىن چۆچۈپ بېشىمنى كۆتىرسەم يول بويىدىكى كۆل  بويىدا يالغۇز ئولتۇراتتىم ،ئاسمانمۇ ماڭا  ئىچ ئاغىرتىۋاتقاندەك كۆز يېشى قىلۋاتاتتى ،كۆلدىكى  بېلىقلارمۇ ماڭا نىمە ئىش  بولغانلىقىنى بىلگۈسى كەلگەندەك پات-پات سۇدىن بېشىنى چىقىرىپ قاراپ  قويىشاتتى ،كۆل يۈزى يامغۇر تامچىسىدىن ھەر خىل چوڭ كىچىك چەمبەرلەرنى ھاسىل قىلىپ ئاستا-ئاستا غايىپ بولىۋاتاتتى ،خۇددى بىزنىڭ مۇھابىتىمىزمۇ مانا مۇشۇنداق غايىپ بولىدىغاندەك ھېس  قىلىپ يەنە مىچىلداشقا باشلىدىم ،مانا مۇشۇنداق قانچىلىك ئولتۇرغىنىمنى بىلمەيمەن بىر ۋاققىتتا  ماشىنىنىڭ قاتتىق سىگىنالىدىن چۆچۈپ ئېسىمنى يىغدىم  ، يامغۇرمۇ توختىغان ئىدى ،بۇلۇتلار ئارىسىدىن قۇياش ماڭا قاراپ تاتلىقىنە كۈلۈمسىرەۋاتاتتى ،بايامقى ھاۋادىن قىلچە ئەسەر يوق ،پۈتكۈل كائنات پاكىزلىنىپ قايتىدىن جانلىنىپ  كەتكەن ئىدى،ئەنە شۇ ساپ ھاۋادىن چوڭقۇر قانغۇچە نەپەس ئالدىم ۋە يەنە قايتىدىن ئويلىنىشقا باشلىدىم ، بەلكىم بۇ ئاللاھنىڭ بىزگە بەرگەن بىر سىنىقىدۇر ،بۇ سىناقتىن ئوڭۇشۇق بولۇپ كەتسەك بەلكىم مەڭگۈ بەخىتلىك بولۇرمىز.بەلكىم  بۇ بىر ياخشىلىقتۇر دىگەندەك كۆپلىگەن ئېنىق بولمىغان ،ئۆزۈممۇ قايىل بولمىغان بىر مۇنچە سەۋەپلەرنى تېپىپ ئۆزۈمگە تەسەللىي بەرگىنىمچە ئۆيگە قاراپ ماڭدىم . ئاپام تولىمۇ خوشال كۆرىنەتتى ،بىراق مىنى كۆرىشى بىلەنلا كۆزلىرىگە ياش ئالدى .ئۇ ئاغزىنى ئۆمىلەيتى يۇ گەپ قىلالمايۋاتاتتى ،بىلىمەن ئۇ  خوشاللىق يېشى  ئىدى ،لېكىن مەندىن ئايرىلىپ باقمىغاچقا ماڭا قىيماي كۆز ياشلىرىنى تۆكىۋاتاتتى ،بۇ ھالەتنى كۆرۈپ يەنە ئۆزۈمنى تۇتۋالالماي يىغلاپ تاشلىدىم .ئاھ ...نىمىدىگەن ئىللق ھە !!!ئانا باغرىنىڭ تەڭداشسىز ئىكەنلىكىنى يەنە بىر قېتىم ھېس قىلىۋاتاتتم ،ئاپامنىڭ قوينىدا قاچانلاردا ئۇخلاپ قالغىنىمنى بىلمەيمەن ،كۆزلىرىمنى ئاچقىنىمدا كۈن نەيزە بويى ئۆرلىگەنىدى ،باشلىرىم چىڭقىلىپ ئاغرىيتتى ،تۇيۇقسىز تېخى بۇ ئىشنى نىجاتقا دىمىگەنلىكىم ئىسىمگە كەلدى دە دەرھال تېلفونى قولۇمغا ئېلىپ تونۇش نومۇرلارنى بېسىشقا باشلىدىم ، ــ ئەسسالام ئەلەيكۇم ،ــ تولىمۇ تونۇش سۆيۈملۈك بىر ئاۋاز ،بىز بىرھازا پاراڭلاشقاندىن كېيىن كۆرىشمەكچى بولۇپ ،ئالدىراپ تېنەپ كېيىنىشكە باشلىدىم ،ئۇنىڭ ئالدىدا چوقۇم يىغلىماسلىققا ،چوقۇم ئۇنىڭغا كۈلۈپ تۇرۇپ گەپ قېلىش توغۇرلۇق ئۆزۈمگە ئۆزۈم قەسەم بېرىپ ئۆيدىن چىقتىم ،ئەپسۇس ،تولىمۇ ئەپسۇس ،ئۇنى يىراقتىن كۆرۈشىم بىلەنلا كۆزلىرىمگە يىغا ئولاشتى ،غەيرەتلىك بول ،قەيسەر بول دەپ ئىچىمدە قانچە قېتىملاپ تەكرارلىغىنىمنى ساناپ بېرەلمەيمەن... ئۇنىڭغا ئۆزىمنى ئاتتىم .ئۇمۇ ماڭا تەسەلى بەرمەكچى بولاتتى يۇ ئاۋازلىرى تىترەپ گەپ قېلالمايۋاتاتتى ،بىز خېلې ئۇزۇن سۈكۈتتە تۇردۇق ئۇ ئۆزىنى خېلى تۇزەشتۈرۋالغاندىن كېيىن ئېغىز ئاچتى ، ــ كۆڭلىمىزنى يېرىم قىلمايلى يۇلتۇز ،توغرا بۇ ھەر ئككىيلىمىزگە تەس كەلدى ، ھازىر مېنىڭ كۆڭلىممۇ سىېنىڭكىدەكلا يېرىم، بولىدىغان ئىش بولۇپ بولدى ،مىڭ قايغۇ ئۇرغان بىلەن ئەسلىگە كەلمەيدۇ ،شۇڭا بىز مۇشۇ ئازاپنى كۈچكە ئايلاندۇرۇپ كەلگۇسىمىز ئۈچۈن تىرىشايلى ،كۆڭلىڭنى يېرىم قلماڭ ،بۇ بىزگە بېرلىگەن ياخشى سىناق ،مەن مۇھابىتىمىزگە ئىشىنىمەن ،بىز چوقۇم غەلبە قىلىمىز... ــ بىراق ... ــ  ئەجىبا مۇھابىتىمىزگە ئىشەنمەمسىەن جېنىم ؟ ــ ياق ئۇنداق ئەمەس ،مەن مۇھابىتىمىزگە ئىشىنىمەن،بىراق بىز يىلدا ئاران بىر ئىككى قېتىم كۆرىشەلەيمىز ئەمەسمۇ ،ــ يەنە ئاغزىمنى ئۈمچەتىشكە باشلىدىم . ــ يىغلاڭغۇ،مېنى كۆز ياشلىرىڭغا كۆمىۋىتەي دەمسەن نېمە؟  بېلىمەن ئۆز سۆيگىنىدىن ئايرىلىپ تۇرۇش بەكمۇ ئازاپلىق ،بىراق بىز بىر-بىرىمىزنى چىن قەلبىمىزدىن سۆيىمىزغۇ،مۇھابىتىڭگە ئىشەن.قارا بىز بىر-بىرمىزنى سېغىنىپ –سېغىنىپ ،بىر-بىرىمىزسىز تۇرمۇشنىڭ قانچىلىك ئازاپلىق بولىدىغانلىقىنى بىلگەندە،ھىجران ئازاپىدا پۇچلانغاندا ئاران  كۆرىشىمىز،بۇ ئازاپلىقراق بولسىمۇ بىراق كېيىن   قەدىرىمىزگە تېخىمۇ يېتىپ ،بىللە بولغان ھەربىر مىنۇت ھەربىر سىكىنۇتنىمۇ تېخىمۇ قەدىرلەيدىغان بولىمىز،شۇڭا قەيسەررەك بولغىن .ۋەدە بېرەي سەن ئاسمىنىمدىكى بىردىنبىر  يۇلتۇز ...ئۇ بوشقىنە كۆز ياشلىرىم بىلەن يۇيۇلۇپ كەتكەن يۈزلىرىمنى چىمداپ قويدى . ــ ئۇنىڭ گەپلىرىنى ئاڭلاپ كۆڭلۈم خېلى كۆتۈرۈلۈپ قالغان ئىدى ،توغرا ،مۇھابىتىمگە ئىشىنەي دەيتىم ئىچىمدە. كۈنلەر قەستەن مەن بىلەن قېرىشىۋاتقاندەك تولىمۇ تېز ئۆتمەكتە ئىدى.مانا ھەش-پەش دىگۈچە مەكتەپكە ماڭىدىغان ۋاقىتلار كېلىپ قالغان ئىدى،بېلىتىمنى مەن بېلەن بىر مەكتەپكە ئۆتكەن مەنمۇ كۆرۈپ باقمىغان ،دادامنىڭ دوستڭنىڭ ئوغىلى ئېلىپ قويىدىغان بولدى ،مەن بولسام ئالدىرىماي مېڭىشقا تەييارلىق قىلىۋاتاتتىم ،ئۇ مەندىن بىر ھەپتە بۇرۇن ئۇرۇمچىگە قاراپ يول ئالدى ،تولىمۇ ئەپسۇس ئۇ كۈنى ئاپام ئورۇن تۇتۇپ يېتىپ قالغاچقا ئۇنى ئۇزاتقىلى چىقالمىدىم .كۆڭلۈم شۇنچىلىك يېرىم ئىدى ،يەنە نەچچە كۈندىن كېيىن ئۈرۈمچىگە بارغاندا كۆرىشىدىغانلىقىمىزنى توختىماي ئۆزۈمگە ئەسكەرتىپ كۈننى ئاران كەچ قىلدىم .كەچتە شۇنچە قىلىپمۇ ئۇخلىيالمىدىم .تاڭ سەھەر ئۆزۈممۇ بىلمىگەن  ھالدا ئۇخلاپ قاپتىمەن. ئۆيدىكىلەرمۇ مىنى چارچاپ كەتتى ئۇخلىۋالسۇن دەپ ئويغاتماپتۇ ،ئورنۇمدىن تورۇپ سائەتكە  قارىسام ،سائەت ئىستىرىلكىسى توققۇزدىن قىرىقبەشنى كۆرسىتىپ تۇراتتى ،دەرھال يۈزلىرىمنى يۇيۇپ ئاپامنىڭ يېنىغا كىردىم .ئۇلۇغ ئاللاغا مىڭ شۈكرى ،بۇگۇن ئاپام خېلى ياخشى بولۇپ قالغان ئىدى،ئۆيلەرنى بىرقۇر تازلىۋىتىپ تاماق ئېتىۋاتسام  . ئىشىك يىنىك ئېچىلىغىنىچە  دادام بىر ناتونۇش بىر ئۇغۇل كىرىپ كەلدى . ــ قىزىم ،بۇياق ئەكپەرجان ،ئەزمەت داداڭىزنىڭ ئوغىلى بولىدۇ. ــ ئەسسالام ئەلەيكۇم،ئۇنىڭ بىلەن سۇنسقىنە سالاملاشتىم ۋە ئولتۇرۇشقا ئىشارەت قىلدىم . ئۇ سالام –ساھەتتىن كېيىن ،ـــ كەچۈرۈڭلار .ئەسلىدە بېلەتنى بالدۇرراق ئەكىلىپ بەرسەم بولاتتى ،بىراق يېقىندا سەل ئالدىراش بولۇپ قېلىپ ۋاققىت چىقىرالماي قالدىم . ــ بالام نىمىلەرنى دەيدىغانسىزئادەمنى خېجىل قېلىپ .ھېلىمۇ سىزنى بەك ئاۋارە قىلۋەتتۇق مەنمۇ رەھمەت دىگىنىمچە بېلەتنى قولۇمغا ئالدىم ۋە تۇرۇپلا قالدىم .بېلەت ئاقسۇدىن لەنجۇغىچە تۇراتتى . ــ نىمە؟ئۈرۈمچىگە چۈشمەمدۇق ؟ ــ ئۈرۈمچىگە بېرىپ ماڭساق پويىز ئالمىشىپ جاپا تارتىپ قالغۇدەكمىز شۇڭا ...،ــ ئۇ مىنىڭ چىرايىمغا قاراپ توختاپ قالدى.قاپاقلىرىمنى  تۈرگىنىمچە ئارقامغا ئۆرىلىپ ئاشخانا ئۆيگە كىرىپ كەتتىم .ئۇ بالىمۇ خىجىل بولۇپ قالدى بولغاي دادامنىڭ ئولتۇرۇپ  تاماق يەپ كېتىڭ دېيىشلىرگە ئۆزىرخالىق ئېيتقىنىچە خوشلىشىپ چىقىپ كەتتى .داداممۇ ماڭا ئاچچىق كۆزلىرى بىلەن قاراپ قويۇپ ئاپامنىڭ يېنىغا كېرىپ كەتتى، قولۇم تاماق ئېتىۋاتقان بولسىمۇ كاللام شۇ بېلەتنىڭ ئىشىدا ئىدى .نىجات بېلەن شۇنداق قىلىپ قىشلىق تەتىلدە كۆرىشىدىغانلىقىمنى ئويلىسام يەنە يىغلىغۇم كېلەتتى .ئاپامنىڭ ۋارقىرىشى بىلەن دەرھال ئېسىمنى يىغىپ قازانىڭ ئاغزىنى ياپتىم .مايغا ئوت كەتكەن ئىدى.قايتىدىن شۇنچە تۈجۈپىلەپ ئەتكەن تامىققىمۇ تۇزلۇق بولۇپ قالغان ئىدى .مۇشۇنداق تۇتقان –قويغىنىمنى بىلمەي مەكتەپكە ماڭىدىغان كۇنىمۇ كەلدى ،يۈك-تاقلىرىمنى كۆتىرىپ ئۆيدىكىلەر بىلەن پويىز ئىستانىسىغا چىقتۇق ،ئۇ ۋاققىتىكى مەنزىرە كۆز ئالدىمدىن كەتمەيدۇ ،مەن چوڭ بولۇپ تاكى ھازىرغىچە ھەر قانچە ئىش بولۇپ كەتسىمۇ  دادامنىڭ يىغلىغىنى كۆرۈپ باقمىغان ،ئۇ مانا ماڭا قول پۇلاڭشىتقىنىچە ياشلىرىنى سۈرتىۋاتاتتى ،ئاپامغۇ يىغلاپ ئېقىپ كەتكەن ئىدى ،سىڭلىم بولسا ماڭا ھەۋەسلەنگىنچە سەكرەپ قول پۇلاڭشتىۋاتاتتى، مەنمۇ بارلىق دەرتلىرىمنى بىراقلا چىقىرۋالماقچى بولغاندەك ئۆكسۈپ –ئۆكسۈپ يىغلاۋاتاتتىم . ــ كۆڭلىڭىزنى يېرىم قىلماڭ .ــ ھېلقى بېلەت ئېلىپ بەرگەن بالا ماڭا قەغەز تەڭلىگىنىچە قاراپ تۇراتتى . ياشلىرىمنى ئېيتىپ ئورنۇمغا كېلىپ ئولتۇردۇم .بىز خېلى ئۇزۇن گەپ سۆزسىز ئولتۇرۇپ كەتتۇق .بىرھازادىن كېيىن ئۇ ئارىمىزدىكى جىمقىتلىقنى بۇزدى. ــ بۇنداق گەپ سۆزسىز ئولتۇرۇپ كەتمەيلى ،يەنە تېخى ئككى كۈنلەرچە بىللە ئولتۇرمىز،تونىشىپ قالايلى ئىسمىم ئەكپەر . ــ ئىسمىم يۇلتۇز .ئالدىنقى قېتىمدىكى ئەدەپسىزلىكىمنى كەچۈرۈڭ . شۇنداق قىلىپ پاراڭلاشقاچ ماڭدۇق،ئارىمىزدىكى تارتىنىشمۇ بارا-بارا سۇسلىشىۋاتاتتى ،ئۇ تولىمۇ قىزىقچى ئىدى ،قاپاقلىرىم تۈرۈلۈپ قالغىدەك بولسام، سەتلىشىپ كېتىدىكەنسىز ،سىزگە ياراشمايدىكەن ،مۇز قاپاق دەپ يۈرۈپ مىنى كۈلدۈرۈپ ئولتۇراتتى ،مەنمۇ ئۆزۈم شوق بولغاچقا ئاندا –مۇندا چاقچاقلارنى قىلىپ قوياتتىم . شۇنداق قىلىپ ھېرىپ-چارچاشلار ئىلكىدە مەكتەپكىمۇ يىتىپ كەلدۇق .ناتونۇش بىر شەھەر،ناتونۇش مۇھىت ،ناتونۇش ئادەملەر،نېىمە قىلىشىمنى بېلەلمەي گاڭگىراپ قېلىۋاتاتتىم .ھېلىمۇ ياخشى تەلىيىمگە ئەكپەر بىلەن بىر سىنىپتا  بولۇپ قاپتىكەنمەن بولمىغان بولسا قانداق قىلار بولغۇيتىم .ئۇنىڭ ياردىمدە ياتاقلارغا جايىدا  ئورۇنلىشىپ،باشقا ئىشلىرىمنىمۇ ئىزىغا سېلۋالدىم . بۈگۈن نىجات بىلەن ئالاقىلاشمىغىلى ئۈچ كۈنلەرچە بولۇپ قالغان ئىدى ،دەرھال تېلفون كارتىسى بىجىردىم ۋە ئۆيدىكلەرگە ئامان-ئېسەنلىكمنى بېرىپ بولۇپلا ئۇنىڭغا تېلفون قىلدىم ،تاقاتسىزلىك بىلەن تېلفونۇمنى قولىقىمغا تۇتۇپ تۇرۋاتاتتىم . ــ ئەسسالام ئەلەيكۇم،ــ ئۇ ئاخىرى تېلفونى ئالدى . ۋەئەلەيكۇم ئەسسالام دېيىشنىمۇ ئۇنتۇپ بۇ مەن دەپلا گەپ قىلالمىدىم ــ ھە ،قانداق تۇرۋاتسەن؟تىنىچ-ئامان بېرىپ بولدىڭمۇ؟مەن تېخى سېنى مۇشۇنداقلا غايىپ بولغان ئوخشايدۇ دەپ ئويلاپتىكەنمەن . خۇدايىمغا شۇكرى ئېسىڭدە باركەنمەن ئۇ تەنە ئارلاش سۆزلەۋاتاتتى ، مەندىن ئازراق خاپا بولغان ئىدى .دىمىسىمۇ مەنمۇ كەلگەن كۈنى بەك ئالدىراش بولۇپ كېتىپ پەقەت ئۆيدىكىلەرگىلا تېىفون قېلىپ ئۇنىڭغا قىلمىغان ئىدىم. ــ كەچۈرگىن ،كېلىپلا بەك ئالدىراش بولۇپ كەتتىم.ــ ئاۋازلىرىم تىترەشكە باشلىدى . ئاۋازىمنى ئاڭلاپ ئۇمۇ ماڭا ئىچ ئاغىرتقان تەلەپپۇزدا ــ بۇنىڭدىن كېيىن ئۇنداق قىلمغىن ،مەن بەك ئەنسىرەپ قالىدىكەنمەن .ئككى كۈندىن بويان تېلفون قولىمدىن چۈشمىدى ،تېلفون قىلاي دېسەم يا نومىرىڭنى بىلمەيمەن.ئامال يوق ئۆيىڭگە تېلفون قىلدىم ،ئۇلارمۇ بىلمەيدىكەن ،بىراق سېنىڭ ساق-سالامەت بېرىپ بولغىنىڭنى ئاڭلاپ كۆڭلىم جايىغا چۈشتى. ــ ۋەدە بېرەي بۇنىڭدىن كېيىن بۇنداق قىلمايمەن.سېنى بەك كۆرگىم كەلدى ،ــ ئۇنىڭغا ئەركىلەشكە باشلىدىم . بىز بىر ھازا  تاتلىق پاراڭلاشقاندىن كېيىن قىيىشمىغان ھالدا تېلفوننى قويدۇق. ناتونۇش مۇھىتقا كۆنەلمەي ئاران تۇرۋاتقاندا مەكتەپتىن ھەربىي مەشىقنى باشلىدى،بۇ يەرنىڭ ھاۋاسى شىنجاڭغا ئوخشىمايتى،بەزىدە شۇنچىلىك ئىسسىق ئىدىكى چىدىيالماي قالاتتۇق ،بەزىدە پۈتكۈل كائىنات چاڭ –توزانغا تولۇپ كېتەتتى ،كۈندىز بىلەن كېچىنىڭ تېمپىراتورا پەرقى بەك چوڭ ئىدى .ھەربى مەشىق ماڭا ھەققىقەتەن خېلىلا تەس كەلدى ،تېخى بالا كەلسە قوش كەپتۇ دېگەندەك ،كېلىپلا نوپۇسىمدىن چاتاق چىقىپ نۇرغۇن ئاۋارچىلىقلارغا ئۇچىراپ كەتتىم .شۇنىڭ بېلەن مەنمۇ شۇ مەكتەپتىكى بىردىنبىر ياخشى ئۆتىدىغان ئەكپەرنى ئىزدىدىم .شۇنداق بېرىش-كېلىشلەر بىلەن بىز ياخشى دوستلاردىن بولۇپ قالغانىدۇق . مانا مۇشۇنداق قىلىپ بىر قارىسا تولىمۇ ئالدىراش بىر قارىسا قىلىدىغان ھىچ ئىش يوق ئاللىي مەكتەپ ھاياتتىم باشلاندى .ئويناپ كۈلۈپ يىغلاپ قاقشاپ دىگەندەك كۆزنى يۇمۇپ ئاچقۇچە ئالىي مەكتەپنىڭ ئىككىنچى يىللىقىغىمۇ چىقتۇق.كۈنلەر ھەقىقەتەنمۇ تىز ئۆتىۋاتاتتى . بىراق ،يېقىندىن بويان نىجات بىلەن تولا سوقىشىدىغان بولۇپ قالغان ئىدىم . ــ يەنە شۇ ئەكپەر بېلەن كۆرىشتىڭ دېگىن ،يۇلتۇز سەن نىمانداق قىلسەن .نىمىشقا مېنىىڭ ھېسياتىمنى ئويلاپ قويمايسەن ؟ ــ سەن نىمىشقا ماڭا ئىشەنمەيسەن؟بىز دوست دېدىمغۇ،ئۇنىڭ ئۈستىگە بىر سىنىپتا بولغاندىكىن پائالىيەتلەر بولسا بىللە ،ئۇنى خاتا چۈشىنىپ كەتسەڭ بولمايدۇ . ــ مەن خاتا چۈشىنىپ قېلىۋاتامدىم ياكى سەن ئاشۇرۋېتىپ بارامسەن يۇلتۇز؟ مانا مۇشۇنداق ئۇرۇش-تارتىشلار ئۈزۈلمەيۋاتاتتى.ئۇنىڭغا شۇنچە چۈشەندۇرگەن بولساممۇ ئۇ چۈشىندىغاندەك ئەمەس ئىدى ،ئاخىرى ئۇلا خوشال بولىدىغان ئىش بولسا دەپ ئەكپەر بىلەن ئانچە پاراڭلاشمايدىغانمۇ  بولدۇم .سىنىپلاردا ئۇچىرشىپ قالساق سالاملىشىپلا ئۆتۈپ كېتىدىغان بولۇپ قالدىم .پۈتۈن كۈنلىرىمنى ياتاقداشلىرىم بىلەنلا ئۆتكۈزەتتىم .بىز بىر سىنىپتا بولمىغاچقا بۇرۇن ياتاقداشلىرىم بىلەن مۇناسىۋىتىم ئانچە ياخشى بولمىغان بولسا مانا ئەمدى ئاچا –سېڭلىدەك بولۇپ كەتكەنىدۇق .بولىپمۇ پەزىليە ئىسىملىك بىرقىز بىلەن بەك يېقىن ئۆتەتىتىم  ،گەرچە بىر سىنىپتا بولمىساقمۇ ئاساسەن پائالىيەتلىرىمىز بىللە ئىدى ،تاماقلارغا بىللە چىققاتتۇق ،بىللە ئۆگىنىش قىللاتتۇق .ئارام كۇنلىرى بولسا بىللە بازارغا چىققاتتۇق ،ئۇ ماڭا شۇنداق ئامراقلق قىلاتتى ،كېيىنچە مەنمۇ ئۇنىڭدىن ھىچنىمى يوشۇرمايدىغان بولدۇم . نىجات بىلەن پاراڭلاشقاندىمۇ تۇرۇپ –تۇرۇپ ئۇ توغۇرلۇق سۆزلەپ بېرىدىغان بولدۇم ،كۈنلەر شۇنچىلىك مەنىلىك ئۆتمەكتە ئىدى ،نىجات بېلەنمۇ بۇرۇنقىدەك ياخشى بولۇپ قالغان ئىدىم ،قانماي –قانماي تېلفونلاردا پاراڭلىشىپ باشقىلارنىڭ ھەۋىسىنى كەلتۈرۈپ كېتەتتۇق ،بىر-بىرمىزنىڭ كۈنلۈك پائاليەتلىرىدىن تولۇق خەۋەردار ئىدۇق .نىمە ئىشلار بولسا تەڭ ھەل قىللاتتۇق ،ئۆزۈمنى دۇنيادىكى ئەڭ بەخىتلىك قىز ھېساپلايتىم ،نىمىلا ئىىش قىلسام نىجاتنى ئاغزىمدىن چۈشۈرمەيتىم . ياتاقتا بىكار قالغاندا پەزىليە بىلەن كەلگۈسىمىز توغۇرلۇق پاراڭلىشاتتۇق ،كېيىنچە ئۇنىڭ ئەكپەرگە كۆڭلى بارلىقىنى بىلدىم .ئۇنىڭ ئۆتىنىشى بىلەن ئەكپەر بېلەن ئالاقىلىشىپ ،بىر نەچچە قېتىم تاماق يەپ ئۇلارنى تونۇشتۇرۇپ قويدۇم ،پەزىليە شۇنچىلىك خوش بولدى ،ئۇنىڭ بۇ ھالىتىنى كۆرۈپ مەنمۇ ئۆزۈمنىڭ ئىشىدىن تولىمۇ خۇرسەن بولغان ئىدىم .   كېيىنچە پەزىليە شۇنداق خىياللىي يۇرۇيدىغان بولۇپ قالدى ، نىمە بولغاندۇ دەپ ئۇنىڭدىن نەچچە قېتىم سورىغان بولساممۇ كۆڭلۈم يېرىم دەپ ماڭا دېگىلى ئۇنمىدى ، مەنمۇ ئۆزىنىڭ دىگۈسى كەلگەندە دەپ بېرەر دەپ زىغىرلاپ سوراپ كەتمىدىم ۋە كۆڭلىڭنى يېرىم قىلما دەپ تەسەللي بەردىم  .ئۇنىڭدىن كېيىن ئۇ مەندىن ئەكپەر توغۇرلۇق كۆپ نەرسىلەرنى سورىماس بولۇپ قالدى ،ئۇزاق ئۆتمەي مىنىڭ توغۇلغان كۈنۈم كەلدى ،تۇغۇلغان كۈنۈمدە ئويلىمىغان ئىككى ئىش بولدى .كېچە سائەت ئەمدى 0بولىشىغا ياتاقنىڭ ئىشىكى چىكىلدى .ياتاقتا تۇغۇلغان كۈنۈمنى مۇبارەكلەۋاتاتتۇق ،پەزىليە دەرھال ئىشىكنى ئاچتتى  ، ئىشىك ئالدىدا بىزنىڭ سىنىپتىكى يەنىوڭ قولدا چوڭ بىر تورىتنى تۇتقىنىچە تۇراتتى ،ئۇ بۇنى ئەكپەرنىڭ بەرگەنلىكىنى ئېتىپ كېتىپ قالدى، پەزىليە دەرھال تورتنى ماڭا تۇتققازدى ،ئوڭاسزلانغىنىمچە ئۇنىڭغا  قارىدىم،ئۇنىڭ  قاپاقلىرى بىلىنەر-بىلىنمەس تۈرۈلگەن ،ئۇ گەپ سۆزسىز  ئۇدۇللا كارۋىتىغا چىقىىپ كەتتى ،  ئۇنىڭغا نېمە دېيىشىمنى بىلمەيلا قالدىم . ياتاقتىكىلەرنىڭ يالۋۇرىشى بىلەن ئۇ خېلى ئۇزۇندىن كېيىن تەستە پەسكە چۈشۈپ بىز بىلەن بىللە ئولتۇردى . ئەتىسى ھاياجان ئىلكىدە نىجات ئەۋەتكەن 99تال ئەتىرگۈلنى تاپشۇرۇپ ئالدىم .سىنىپتىكى ھەممەيلەن ھەۋەس قىلىپ كەتكەن ئىدى ،ئۆزىممۇ خوشاللىقتا ئەتىرگۈلدەك ئېچىلىپ كەتكەن ئىدىم . شۇ كۈنۈ كەچتە پەزىليە قېشىمغا كېلىپ ئولتۇردى ــ ئاداش كەچۇر ،ئاخشام كىچىكلىك قىلىپ قويدۇم .ھازىر ئويلىسام خىجىل بولۇپ كېتىمەن، مەن چۈشەندۇرمەكچى بولىشىمغا ئۇ  گېپىمنى ئۈزۈپلا ،ــ ھىچقىس يوق ،بولدى دىمىگىنە ،مەن تېخىمۇ خىجىل بولۇپ قالىدىكەنمەن .دېدى شۇنىڭ بېلەن ئۇنىڭ بېلەن ياخشىلىشىپ قالدىم .شۇ كۈنىدىن باشلاپ ئۇ نىجات توغۇرلۇق كۆپ سوئاللانى سورايدىغان بولۇپ قالدى ،مەنممۇ ئۆزىمچە ھاياجانلىنىپ  نىجات ئىككىمىزنىڭ ئىشلىرىنى كۆپتىرىپ دىگۈدەك  سۆزلەپ كېتەتتىم . بىر كۈنى ئۇ ئاپامغا تېلفون قېلاتتىم ،مىنىڭ تېلفونۇم توختاپ قاپتۇ دەپ تېىفونۇمنى سورىدى ،مەن ئەزەلدىن باشقىلارغا تېلفونۇمنى بېرىپ تۇرمايتىم ،بىراق بۇ قېتىم قىلچە ئىكىلەنمەيلا  تېلفونۇمننى ئۇنىڭغا ئۇزاتتىم ،ئۇ تېلفونۇمنى كۆتىرگىنىچە سىرىتقا چىقىپ كەتتى،خېلى ئۇزۇندىن كېيىن قايتىپ كىردى . ــ رەھمەت ئاداش ــ ۋوي نىمە بوپسەن ،ئەجەپ تۈزۈت قىلىپ كېتىپسەنغۇ ،ئوخشىمايلا قالدىڭ جۇمۇ ئۆزىڭگە ،ــ دېدىم مەن ــ شۇ بۇنىڭدىن كېيىن باشقىچە ياشاي دەيمەنغۇ ــ ۋوي ۋوي باللا ئۆزگىچە ،ــ مەن چاقچاق قىلىپ قويۇپ  كىر يويۇش ئۈچۈن كىيىملىرىمنى ئېلىشقا باشلىدىم ،ئۇمۇ باشقا گەپ قىلمىدى . كۇنلەر شۇ تەرىقىدە ئۆتىۋاتاتتى ،كۈندە سىنىپقا دەرىسكە چىقىپ ،تاماق يەپ ،تېلفون قۇچاقلاپلا كۈنلىرىمنى ئۆتكۈزىۋاتاتتىم .مەكتەپكىمۇ خېلى كۆنىپ قالغان ئىدىم ،ھەر بىر كۈنلىرىمنى تولىمۇ ئالدىراشچىلىق ئىچىدە كۈتىۋالاتىم ،مەكتەپتە ئورۇنلاشتۇرغان ھەممە پائالىيەتلەرگە ئاكتىپىلىق بىلەن قاتىنىشاتتىم . مەكتەپ قۇرۇلغانىقىنىڭ 60 يىلىقىنى تەبىرىكلەش مۇراسىمىدا ، روزا ھېيىتتا دىگەندەك پائالىيەتلەردە سىنىپتىكىلەرنىڭ زورلىشى بىلەن ئەكپەربىلەن  ئۇسۇل ئويناپ خېلىلا خېلى كۆزگە كۆرىنىپ قالغان ئىدىم .شۇنداق قىلىپ مەكتەپتە پائالىيەت بولسا بىزنى ئۇسۇل ئويناپ بېرىشكە تەكلىپ قىلىدىغان بولدى ،بىراق بۇنداق بولغانسىرى پەزىلىيە مەندىن ئۆزىنى قاچۇردىغان بولۇپ قېلىۋاتاتتى ،بۇنىڭغا مىنىڭ كۆڭلۈم يېرىم بولۇپ نەچچە قېتىم ئۇنىڭ بېلەن پاراڭلاشماقچى بولدۇم بىراق ھەر قېتىم باھانە تېپىپ ئۆزىنى ئېلىپ قېچىۋاتاتتى . ئۇنىڭ نىمىشقا مەندىن ئۆزىنى قاچۇرغىنى بىلىمەن،بىراق مەكتەپتە پائالىيەت بولسىلا ئەكپەر ئىككىمىزنى ئۇسۇل ئويناپ بېرىڭلار دەپ تۇرىۋالسا مەندىمۇ ئامال يوقتە ،ئۇسۇللارنى بىللە مەشىق قىلىدىغان بولغاندىكىن دەرىستىن سىرىتقى ۋاقىتلاردا ئاساسەن بىللە ئىدۇق،پەزىليەدىن كۆڭلۈم يېرىم تۇرسام  نىجاتنىڭ كونا كېسىلى يەنە قوزغىلۋاتاتتى ،ئوغۇل بالا دىگەنمۇ ئاجايىپ ئىچى تار بولدىكەن دېسە ،بىللە ئۇسۇل ئويناپ قويغانغا نىمە بولىدۇ دەيمەن ،يە باشقا مۇناسىۋىتىمىز بولمىسا يا ئىككىمىزنىڭ . ـــ يۇلتۇز ،ئەمدى سەن قىلمىغان بۇ ئىش قالدى دېگىنە ،ئۇ بەللىرىڭنى ،قوللىرىڭنى تۇتۇپ ،سېنى كۆتىرىپ پىرقىرىتىپ يۈرسە، ئوغۇل دوستۇڭ بولغان مەن نىمىگە ھىساپ ؟؟؟ ــ نىجات تولا تەتۈرلۈك قىلمىساڭ قانداق ،نىمانداق گەپ چۇشەنمەيسەن ،بىزنىڭ مىللىچە ئۇسۇلىمىزنى بىلمەيدىغاندەك گەپ قىلمىساڭ قانداق ، ساڭا نەچچە قېتىم دەيمەن بىز پەقەت دوست دەپ، نىمىشقا داۋاملىق ماڭا ئىشەنمەيدىغاندەك گەپ قىلىسەن ؟ ـــ بۇ ساڭا ئىشەنمىگىنىم ئەمەس،ئويلىساملا كاللامدىن ئۆتمەيدۇ ، سېلەرنىڭ مەكتەپتە ئاشۇ ئەكپەردىن باشقا ئوغۇل بالا يوقما ؟مەكتەپتىكىلەرمۇ تازا قىزىقكەن ،نىمىشقا داۋاملىق ئىككىڭلارنىلا بىللە ئورۇنلاشتۇرۇپ قويىدۇ؟ ئۇ بارغانسىرى كىچىك بالىلارغا ئوخشاپ قېلىۋاتاتتى ،كىچىك-كىچىك ئشلارغا ئېسىلىۋېلىپ تولا ئاچىقلايدىغان بولۇپ قېلىۋاتاتتى ،ئۇنىڭ مېنى ياخشى كۆرگەنلىكىدىن شۇنداق قىلىدىغانلىقىنى بىلىپ تۇرساممۇ بىراق بەزى ماڭا ئشەنمەيدىغاندەك گەپلىرىنى ئاڭلاپ ئاچچىقىم كېلىپ قاتتىق تىگىپ قويىۋاتاتتىم . مۇشۇنداق ئۇرۇش-تالاشلار بىر ھەپتىلەرگىچە داۋاملىشىپ ئاخىرى  ھەر ئككىيلىمىز ياخشى ئولتۇرۇپ پاراڭلىشىش نىيتىگە كېلىپ تېلفۇندا ئەمدى بىر-بىرمىزدىن تنىچ-ئامانلىق سوراپ تۇرىشىمىزغا پەزىليە ياتاققا كېرىپلا تەنە ئارلاش يۇقىرى ئاۋازدا ــ يۇلتۇز ،مەشۇقىڭ ئەكپەر سېنى پەستە ساقلاپ قالدى .تېزراق چۈشكىن .ــ دېمەسمۇ نىجات شۇ ھامان ئاچىقىدا تېلفوننى قويىۋەتتى ، مەنمۇ تېلفوننى تۇتقىنىمچە جايىمدا تۇرۇپلا قالغان ئىدىم . ــ كەچۈر ،مەن سېنىڭ تېلفون پاراڭلىشىۋاتقىنىمنى بىلمەيلا چاقچاق قىلىپتىمەن. ھىچقىس يوق دىگىنىمچە سىرىتقا چىقىپ كەتتىم ،ئەمىلىيەتتە كۆڭلۈمدە ھىچقىس يوق ئەمەس بەلكى بەكلا ھىچقىس بار ئىدى .ئاچچىقىم كەلگەن ئىدى ،مانا شۇ كۈنىدىن باشلاپ نىجات ئىككىمىز ئوتىرىسىدىككى پارتىلاي-پارتىلاي دەپ پارتىلىيالمىغان ئۇرۇش رەسمىي پارتىلىغان ئىدى.   نەچچە كۈن ئۇنىڭ بىلەن ئالاقىلىشالماي روھى چىقىپ كەتكەن ئادەمدەك ھىچ نەرسە خوشياقمايدىغان بولۇپ قالغان ئىدىم .ئىككى كۈندىن كېيىن پەزىلىيە بېلەكچە خوشامەت قىلىپ قېشىمغا كەلدى ،بىز بىردەم پاراڭلاشقاندىن كېيىن ئۇ تولىمۇ بىچارە قىياپەتتە: ــ ئاداش قىلغانلىرىمنى كەچۈرگىن ،ھازىر ئويلىسام خىجىل بولىمەن،بەزى ۋاقىتلاردا بەكمۇ كىچىكلىك قىلىپ ئەكپەرنى سەندىن كۈنلەپ ساڭا ئازار بېرىپ قويدۇم ،مېنىڭمۇ شۇ كۆڭلۈم يېرىم ،ئەكپەر بېلەن پاراڭلاشمىغىلى بىر ئايلارچە بولۇپ قالدى ،سەن ئۇنىڭ بىلەن ياخشى ئۆتىسەن ماڭا بىر ياردەم قىساڭ . ئۆزىنىڭ ياخشى كۆرگەن ئادىمى بىلەن ئۇرۇشۇپ قېلىشنىڭ نەقەدەر ئازاپلىق ئىكەنلىكىنى تازا چۈشەنگەن ۋاقىتلىرىم بولغاچقىمۇ ياكى ئۇنىڭ تۇرقىغا قاراپ ئىچىم ئاغىرىدىمۇ  ۋە ياكى پەزىليە بىلەن بۇنداق يېقىن ئولتۇرۇپ پاراڭلاشمىغىلى ئۇزۇن بولغاچقا دوستلىقىمىزنى ئەسلىگە كەلتۈرىۋالاي دەپ ئويلىدىممۇ ئىشقىلىپ ئۇنىڭ تەلپىگە تىزلا ماقۇل بولدۇم ۋە دەرھاللا ئەكپەرگە تېلفون قىلىپ سائەت 5دە مەكتەپ يېنىدىكى قەھۋەخانىدا كۆرىشمەكچى بولۇپ كېلىشتۇق . كەچتە كۆرىشىپ قەھۋەخانغا شۇنداق كېرىپ ئولتۇرۇپ تۇرىشىمىزغا نىجاتتىن تېلفون كەلدى .تېلفوننى كۆتىرىپ سەل نېرىغا بېرىپ سۆزلەشتىم . ــ ئەسسالام ئەلەيكۇم،ياخشى تۇرۋاتامسەن؟ ــ يامان ئەمەس ،ئۆزەڭچۇ؟ ــ قەدىرئەھۋال .نىمە قىلىۋاتسەن؟ تۇرۇپ قالدىم ،مەن ئەزەلدىن ئۇنىڭغا يالغان سۆزلىمەيتىم ،بىراق بۇ قېتىم راست گەپ قىلاي دېسەم  ئۇ ئاران تېلفون قىلغاندا يەنە ئۇنى خاپا قىلىپ قويىشتىن قورقتىم ،شۇنىڭ بىلەن تىزلا ياتاقتا دەپ جاۋاپ بەردىم . ـــ يالغان سۆزلەشنىڭ نىمە ھاجىتى يۇلتۇز؟مەن ھازىر ياتىقىڭغا تېلفۇن قلىسام سېنى سىرىتقا چىقىپ كەتكەن دېدىغۇ،راست گەپ قىلغىنە سەن ھازىر نەدە؟ دەل شۇ ۋاققىتتا ئەكپەر توۋلىدى ،يۇلتۇز نىمە ئىچىسىز؟ مانا ئىش تېخىمۇ ئوخشىغان ئىدى ،ئۇ چوڭقۇر بىر تىنىۋەتكەندىن كېيىن ،تەنە ئارلاش،ــ ياخشى ئوينا،ـ دىگىنچە تېلفوننى قويىۋەتتى . ياندۇرۇپ قايتا-قايتا تېلفون ئۇرغان بولساممۇ ئۇ ئالمىدى ،ئامال يوق ئېغىرلىشىپ كەتكەن قەدەملىرىمنى سۆرىگىنىمچە كىرىپ جايىمدا ئولتۇردۇم .ئەكپەرنىڭ ئالدىدا چاندۇرۇپ قويماسلىق شۇنچە تىرىشاتتىم .بىراق كاللام قالايمىقانلىشىپ ئۇنىڭغا زادى نىمە دىگەنلىرىمنى بىلمەيمەن،بىر ۋاققىتتا كەچ بولۇپ كەتكەنلىكىنى باھانە قىلىپ قايتىپ كىردىم . ياتاققا كىرسەم پەزىليە كۆزلىرىمگە تىكىلدى ،ئۇنىڭغا قاراپ ئاندىن ئەكپەر بىلەن پەزىلىيە توغۇرلۇق سۆزلەشكىلى چىققانلىقىم ئىسىمگە كەلدى . ،ــ مەن ئازراق پاراڭلاشتىم .كېيىن يەنە پاراڭلىشىپ كۆرەي دەگىنىمچە كارۋىتىمغا چىقىپ كەتتىم .ئۇمۇ باشقا گەپ قىلمىدى. شۇنچە بۇرۇن يېتۋالغان بولساممۇ كۆزلىرىمگە ئۇيقۇ كېلىدىغاندەك ئەمەس ئىدى .ئۇيان-بۇيان ئۆرىلىپ ئۇخلىيالماي ياتسام ،تېلفونۇمغا ئۇچۇر كەلدى ،قارىسام نىجات «بىز بۇنداق ئۆتۇپ كەتمەيلى ،ياخشىراق پاراڭلىشايلى» دەرھال تېلفون قايتۇردۇم .ئۇ ئۆزى ياخشى پاراڭلىشايلى دىگەن بولسىمۇ بىراق بارغانسىرى قاتتىق گەپلەرنى قىلىۋاتاتتى ،باشتا بوپتۇ مەندىمۇ سەۋەنلىك بار ،بۇنىڭمۇ ئاچچىقى كەلگەندۇ دەپ چىداپ تۇرغان بولساممۇ .كېيىن دېگەن گەپلىرى زىتىمغا تىگىپ چىداپ تۇرالمىدىم . ــ مەيلى دېگىنىڭ راست بولسۇن ياكى يالغان بولسۇن ،بۇنىڭدىن كېيىن تەگەشمەيلى ،بەلكىم سەنمۇ ئۇ يەرگە بېرىپ مەن يېنىڭدا بولمىغاچقا ئەقىلسىزلىك قىلىپ بولمايدىغان ئىشلارنى قىلىپ سالغانسەن ،بىراق بۇنىڭدىن كېيىن ئۇنىڭ-بۇنىڭ  بىلەن قوللارنى تۇتىشىدىغان ،كەچتتە بىللە ئولتۇردىغان ئىشلارنى قىلما ! ــ مەن زادى نىمە قىلىپتىمەن؟ياخشى ئۆتۈپ كېتەيلى،ياخشى پاراڭلىشايلى دەپ  دىگەنلىرىڭ مۇشۇمۇ ؟ مىنى قانداق قىز كۆرۈپ قالدىڭ ؟راست سېنى يېقىندىن بۇيان تونىيىلماي قېلىۋاتىمەن جۇمۇ ... ــ ياخشى ،ساڭا ئەمدى ياقمايۋاتمەن دىگەنە... ئۇنى قايىل قىلىشقا كۆزۈم يەتمىدى قىسقىسى ئۇنىڭدىن قاتتق كۆڭلىم رەنجىگەن ئىدىم ،كۆڭلىسىزلا تېلفوننى قويدۇم ،بەك ئاچچىقىم كەلگەن ئىدى ،نىمە گەپ بۇ ئەمدى. مەن شۇنچە قىلغان ،مۇھاببىتىم دەپ شۇنچە قەدىرلىگەن ئادىمىمنىڭ قەلبىدە ئۆزىمنىڭ ئورنىمنى بۇنچىلىك ئكەنلىكىمنى ئويلاپمۇ باقماپتىكەنمەن.ئاچچىقىمدا ئۇ قايتۇرۇپ ئۇرغان تېلفونى بېسىۋەتتىم ،تېلفونۇم ئۇدا ئىتىك تۇردى ،تېلفون دىگەندىن تولىمۇ زېرىكەن ئىدىم .ئۇنىڭ بىلەن سوقىشىپ قېلىپ  بىر ھەپتەلەردىن كېيىن   بىز سىنىپتىكى باللارنىڭ زورلىشى بىر سىنىپتىكە ھەممىمىز  بىلەن سىرىتقا ئوينىغىلى چىقتتۇق .تولىمۇ ئەپسۇس شۇ كۈنى ئەكپەر قاتناش ۋەقەسىگە ئۇچىردى ، ئۇنىڭ يارىسى بەك ئېىغىر بولمسىمۇ  بىراق ھەممىمىز بەك قورقۇپ كەتكەچكە ئۇنىڭدىن ئەنسىرەپ بىر كىچە دوختۇرخانىدا كىرپىك قاقماي ئۇنىڭغا ھەممراھ بولدۇق . ئەتىسى ياتاققا كېلىپ تۇرسام پەزىلىيە نىجاتنىڭ تۆنۈگۈن كەچتە مىنى ئىزدەپ بەك كۆپ تېلفون قىلغانلىقىنى ئېيتتى ،كۆڭلۈم بىر شۇملۇقنى سەزگەندەك بولۇپ دەرھال تېلفون قىلدىم .ئۇنىڭ ئاۋازى تولىمۇ قوپال ئىدى، ــ تۆنۈگۈن كىچىچە نەگە باردىڭ؟ راست گەپ قىلىش ئۈچۈن شۇنداق ئەكپەر دىيىشىمگە ئۇگېپىمنى ئۈزۈپلا ئاغزىنى بۇزۇپلا تىللاشقا باشلىدى ــ ئىسسىت ساڭا قىلغان ئەقىدەم ،سېنى ئوڭشىلىپ قالار دەپ شۇنچە قىلىپ كەتكەنلىرىم .ماڭا قىلغىنىڭ مۇشۇ بولدىمۇ ئەمدى ، بۇنىڭدىن كېيىن شۇ ئەكپىرىڭ بېلەن مەڭگۇ بەخىتلىك بولۇپ كەتككىن ئۇنىڭغا چۈشەندۈرمەكچى بولۇپ شۇنچە تىرىشقان بولساممۇ ،ئۇ مىنى پەقەت گەپ قىلدۇرمىدى. ــ ماڭا بىر ئوغۇل بىلەن بىللە، كېچىچىە ياتاققىمۇ كىرمىگەن قىزنىڭ لازىمى يوق ،كىچىچىە نىمە ئىشلارنى قىلىشتىڭ خۇدا ئۆزىگە ئامانەت .ناپاك تېنىڭ بېلەن دىلىڭنڭ ماڭا لازىمى يوق. مېنى بۇنىڭدىن كېيين ئىزدىگۈچى بولما ... تېلفون قولۇمدىن چۈشۈپ كەتتى ،ئاخىرىنى ئاڭلاشقا بەرداشلىق بېرەلمگەن ئىدىم .قۇلاق تۈۋىمدە ئۇنىڭ شۇ قوپال ئاۋازى توختىماي تەكرارلىنىتتى . ئاۋازىمنى قويىۋىتىپ ۋارقىراپ  يىغلىغۇم كەلدى بىراق شۇنچە قىلساممۇ ئۈنلىرىم بۇغۇلۇپ تۇرغان جايىمدا ئولتۇرۇپلا قالغان ئىدىم .يۈرىكىم پىچاق بىلەن تىلغاندەك چىدىغۇسىز ئېچىشماقتا ئىدى . شۇ ئولتۇرغىنىمچە بىر ۋاقىتلاردا تېلفۇنۇمنىڭ قاتتىق تىترىشىدىن چۆچۈپ ئېسىمنى يىغدىم .تېلفۇنۇمنىڭ ئېكرانىدا كۆرىنىۋاتقان ئاپامنىڭ سۆرىتىگە قاراپ خۇددى كۆز ياشلىرىمنى كۆرۈپ قالدىغاندەك تېز-تېز سۈرۈتتۈم ۋە جانسىز قوللىرىم بىلەن تېلفۇننى قولىقىمغا تۇتتۇم .ئاپامنىڭ مېھرىبان ئاۋازى قولاق تۇۋىمدە ياڭرىدى . ـــ جېنم قىزىم ياخشى تۇرۋاتامسىز ؟ باشقا بىر ئىشلار بولمىغاندۇ ؟ تۆنۈگۈن ئەكپەرجاننىڭ ئىشىنى ئاڭلاپ ئەنسىرەپ  ھەر قانچە قىلىپمۇ سىز  بىلەن ئالاقىلاقىلىشالمىدۇق تېخىمۇ ئەنسىرىتىپ كېچىچە يامان چۈش كۆرۈپ چىقىپتىمەن ،ئەتگەندىن بۇيان نەچچە قېتىم تېلفون قىلىپ  ئالالمىدۇق ، جېنىم بالام ئاغىرىپ بىرەر نەرسە بولمىغانسىز؟... ئاپامنىڭ ئەنسىرەش ئىلكىدە توختىماي سورىغان  سوئاللىرنى ئاڭلاپ، دەرتلىرىمنى تۆكەي دەپ ئۈمچەيگەن  ئاغزىمنى تەستتە يۇمدۇم ئۈنسىز ياش تۆككىنىمچە بىر نىملەرنى دەپ تەستلىكتە ئاپامنى خاتىرجەم قىلىپ تېلفوننى قويدۇم . كۆڭلۈم شۇقەدەر پاراكاندە ،كۆز ياشلىرىم كونتىروللىقىنى يوقاتقان     ھالدا يۈزلىرىمدىن سېرىلىپ چۇشۇپ دىمىقىمنى تېخىمۇ ئېچىشتۇراتتى .كاللامدا ھۆكۈم سۈرۋاتقىنى پەقەت بىرلا خىيال ئۇ نىمىشقا ماڭا        ئىشەنمەيدۇ؟؟؟ پۇتۇن كۈچۈممنى يىغىپ مەن ئۈچۈن تولىمۇ سۈيۈملۈك بولغان نۇمۇرنى قايتا – قايتا  باستىم:‹سىز ئۇرغان ئابونىت ئىتىك ،سەل تۇرۇپ قايتا ئۇرۇڭ....› جىددىيلدشكەن نېرۋم تىترەۋاتقان  قوللىرىممنى توختىماي ئۇنىڭغا     تېلفون قىلىشقىلا ئۈددەيتى .يەنە شۇ قوپال ،قۇلاققا مۇش ئۇرغاندەك  ئاۋاز: سىز ئۇرغان ئابونىت ئىتىك ،سەل تۇرۇپ قايتا ئۇرۇڭ... بىر ۋاققىتتا شۇ قوپال ئاۋازدىنمۇ بەكرەك قوپال    ئاۋازنى ئاڭلاپ    چۆچۈپ كەتتىم . ــ قارغاندا ساڭا  گەپ ئۆتمەپتۇ دە . يۈزۈڭنى قىلسام مىنى لاتا      كۆرۈپ قالدىڭما ؟ يەنە ئىزدىگىلى نومۇس قىلساڭ بولمامدا ... ــ نىجات گېپىمنى ئاڭلا ،مەن سېنى چىن كۆڭلىمدىن  ياخشى كۆرىمن ،ئىشلار سەن ئويلىغاندەك... گېپىمنى دەپ بولغۇچە ئۇ يەنە ئاغزىنى بۇزۇشقا باشلىدى ــ ھەي شەرمەندە، سەن تېخى يەنە  مۇشۇنداق گەپلىرىڭ بىلەن مىنى ئالدىماقچى بولۋاتامسەن،دەپ قوياي سەن نىجاسەتنى، رەسۋانى كۆرەر كۆزۈم يوق .تېرىك يۈرەي دېسەڭ كۆزىمگە ئككىنچى كۆرىنگىچى كۆرۈنگىچى بولما... كۆزلىرىم قاراڭغۇلاشتتى ،گېلىمدىن ئوت كەبىي بىر نەرسە ئۆتكەندەك بولۇپ يۈركۈمنىڭ قاتتىق سانجىلغىىنى بېلىمەن كۆزىمنى ئاچسام دوختۇرخانىدا كېسەل كارۋىتىدا ياتاقداشلىرىم بولسا قورققىنىدىن چىرايىدا قان دىدارى يوق بېشىمدا قارىشىپ تۇرۇپتۇ .ئۇلارنى كۆرۈپ يەنە ئۆزۈممنى تۇتۋالالمىدىم .يەنە شۇ ئاچچىق ياشلار بىر-بىرگە يول بەرمەي بەسلەشكەندەك ئېتىلىپ چىقماقتتا ئىدى . دوختۇرنىڭ چوڭ چاتاق يوق ،ياخشى ئارام ئالسىلا ياخشى بولۇپ كېتىدۇ دىگەن گېپى بىلەن ياتاققا قايتىپ كېلىندىم . ياتاققا كېردىم يۇ يەنەبوغۇزۇمغا بىر نەرسە كەپلىشىپ  ئۈنلىرىم چىقماي قالدى . ــ جېنىم ئاداش بۇ  راست ئەمەس ،نىجات ماڭا ئىشىنىدۇ،بۇ مىنىڭ چۈشۈم شۇنداققمۇ ؟بۇ بىر قورقۇنۇچلۇق چۈش شۇنداققمۇ ؟؟؟ھەئە دېگىنەجېنىم ئاداش ھەئە دېگىنە ،ــ پەزىليەگە ئېسىلىپ ئۆكسۈپ-ئۆكسۈپ يىغلايتتىم .تېز مىنى چۈشۈمدىن ئويغىتىۋىتىڭلار ياتاققتا ئوڭ –تەتۇر يۈگىرەپ ئۇنۇڭغا –بۇنۇڭغا ئېسىلاتتىم . ئشەنگۈم كەلمەي ئۆز-ئۆزۈمنى قاتتىق مورىلاپ باققاتتىم ... ياتاقداشلىرىم دەسلىپىدە ماڭا تەسەللىي بەرگەن بولسا كېيىن مىنىڭ بىنورمال ھالىتىمدىن قورقۇپ چۇرقىرىشاتتى . چاچلىرىمنى يۇلغۇنۇمچە ئولتۇرۇپ قالدىم ،بۇچۈشۈم ئەمەسلىكىنى ،قورقۇنۇچلۇق چۈش ئەمەس بەلكى رەھىمسىز رىئاللىق ئىككەنلىكىنى ، ئۆزۈمنى قاچۇرۇپ بولالمايدىغانلىقىمنى بىلگەن ئېدىم.ياتاقداشلىرىمنىڭ مېنى ئالداپ  ئچكۈزگەن ئۇخلىتىش دورىسى تەسىردە زورلاپ كۆزىمنى يۇمۇپ ئۇيقۇغا كېتىپتىمەن . ئەينەك ئالدىدا يۈزلىرىدە قان دىدارى يوق كۆزلىرى قىزىرىپ ئىششىپ كەتككەن تاتراڭغۇ چىراينى كۆرۈپ چۆچۈپ كەتتىم .كۆزلىرىم بۇ مەنما دىگەندەك چەكچىيىپ تۇراتتى ،باشلىرىم چىدغۇسىز دەرىجىدە ئاغىرىۋاتاتتى .تويۇقسىز دىڭڭىدە چۆچۈپ ئالدىراشلىق ئىچىدە تېلفونۇمنى قولۇمغا ئالدىم ،خۇددى ئۇ، مەن خاتا چۈشۈنۈپ قاپتىمەن مېنى كەچۇر دەپ تېلفون قىلىپ قالدىغاندەك  بىر كۇن كەچكۈچە دەرىسكىمۇ چىقماي كۆزلىرىم تېشىلىپ كەتكۇدەك دەرىجىدە تېلفونۇمنىڭ ئېكرانغا قاراپ ئولتۇردۇم ،تۇرۇپ تېلفونۇم توختاپ قالدىمۇ يا دىگەندەك پۇلىسىنى سۈرۈشتۇرۇپ قوياتتىم ،مانا ھىچ خەۋەرسىز بىر نەچچە كۈن ئۆتۈپ كەتتى .ئاخىرى مەن چىدىمىدىم نىمىلا بولسۇن ئۇنى يەنە يۈزۈمنى قېلىن قىلىپ ئىزدەپ باقماقچى بولۇپ تېلفون قىلدىم  ، ــ ياخشىمۇ ، سىز كىم ؟ بىر قىزنىڭ ئاۋازى ئاڭلاندى ،تېلفونۇم قولۇمدىن چۈشۈپ كەتتى .   مانا مۇشۇ كۈنىدىن باشلاپ كۆزلەرىم  نۇرىنى يوقايقان ،سىمايىمدىن كۈلكە ئۆچكەن ھالەتتە داۋام ئېتتەتتىم . تۇرۇپ –تۇرۇپ ئۇلۇغ ئاللاغا نالە قىلاتتىم . تۇرمىشىمدا بولۋاتقان ئشلارغا قاراپ ئېسىمنى يوقىتىىپ نىمە قىلىشىمنى بېلەلمەي  تېڭىرقاپ تۇرۇپ قېلۋاتاتىم.          بىر كۈنلەردە ھەممە ھەۋەس قېلدىغان ،قولىدىن خېلى-خېلى ئشلار كېلدىغان،كۆزلىرىمدىن كۇلكە ئۆچمەيدىغان  قىز ئدىمغۇ ،ئەمدىچۇ؟؟؟بۇرۇنقى شوخلىقتىن قىلچە ئەسەر يوق، كۆزلىرىمدىن ھەسىرەت،ئازاپ-ئوقىبەتلەر تۈكۈلۈپلا تۇرغىنى تۇرغان.ئۆزۇممۇ- ئۆزۈمدىن بىزار بولۇپ بۇنىڭدىن قۇتۇلۇش ئۈچۈن شۇنچىلىك قارىشىلىق كۆرسىتەتتىم ،تىپىرلايتىم،يۈرەكلىرىم ئاجىز نالە قىلاتتى ، بىراق شۇ ئازاپلىق،يۈرەكلەرنى لەختە-لەختە قىلغۇدەك سۆزلەر بىرەر مىنۇتمۇ ماڭا ئارامچىلىق بەرمەي قۇلاق تۆۋىمدە جاراڭلاپ مىنى تېخىمۇ قىينىماقتا ئىدى .ئۇنى،شۇ ماڭا قىلچىلىك ئىشەنمەيدىغان ۋاپاسىزنى شۇنچە ئويلىماسلىقا تىرشاتىم يۇ بىراق ھەر قانچە قىلساممۇ ئۇنىڭ سىياقى كۆز ئالدىمدىن  كەتمەيتى.ئۇنىڭ ئاغزىدىن بۇنداق گەپلەر چىقىشنى كىم ئويلىغان،ھەتتا چۇشلىرىمدىمۇ ئۇ شۇنچىلىك سۆيۇملۈك ئىدىغۇ،ھەي رەھىمسىز رىئاللىىق.... تېرىك تۇرۇپ دوزاق ئازاپىنى تارتىپ ، ئۆزۈممۈ بىلمىگەن ھالدا ئۇۋالچىلىقلارغا ئۇچراپ ،چىدىغۇسىز تىل ئاھانەتلەرنى ئاڭلىغىنىمنى ،بولۇپمۇ شۇ 》سۈيۈملۈكۈمنىڭ《 ماڭا ئىشەنمەي،مېنى ۋاپاسىز دەپ تۇرۇپ نەچچە كۈن ئۆتەر-ئۆتمەي باشقا قىزلار قوينىغا ئۆزىنى ئاتققىننى ئويلىساملا كېچىلەردە كىرپىك قاقماي ئۇھ تارتىپ ئۈنسىزھالدا ياستۇقلىرىمنى نەمدەپمۇ قوياتتىم ... ئەمدى ئاران پۈتۈن ئۈمۈدسىزلىكىمنى.قايغۇ-ھەسرىتىمنى غەيرەتكە ،كۈچكە ئايلاندۇرۇپ دەرىسكە قاراپ تۇرشۇمغا، خۇددى ‹يېتىمنىڭ بېشى ئاشقا تەككۈچە بۇرنى قاناپتۇ ›دىگەندەك ،سىڭلىمنىڭ ئاغزىدىن مەن ئەڭ ئامراق ،مېنى ئاغزىدىن چۈشۈرمەيدىغان مومامنىڭ تۈگەپ كەتكەنلىكىنى بىلدىم .مىنى قوبۇل قىلالماي قالمىغاي دەپ ئۆيدىكىلەر ماڭا دېمەپتۇ . ئەمدى ماڭا راستلا ئېغىر كەلگەن ئېدى ،ھەممە نەرسىلەرگە ئۆچ بولۇپ كەتكەن ئىدىم .خۇددى بۇرۇقتىمىلىق كېسىلگە گىرىپتار بولۇپ قالغاندەك بىر جايىمدا بىر نوختىغا قاراپ ئولتۇرسام شۇ ئولتۇرغانچە بىرسى چاقىرىپ قوپۇرمىغىچە قاراپلا ئولتۇراتتىم .ياتاقداشلىرىممۇ ئىچ ئاغىرىتىپ ماڭا نۆۋەتلىشىپ ھەمراھ  بولدىغان بولدى ،شۇ كۈنلەردە ياتاقدىشىم ئادىلە ماڭا تۇرۇپ –تۇرۇپ خىجىللىق ،ئوڭايسىزلىق ئىچىدە قارايدىغان بولۇپ قالغان ئىدى . بىر شەنبە كۈنى كارۋىتىمدا ھىچ ئىپادىسىز ياتسام ،ئادىلە ئاستا چاقىردى ــ يۇلتۇز ،بۇگۇن چۇش  بىللە تاماق يىسەك بولامدۇ ،ساڭا دەيدىغان گەپ بار ئىدى ،ھەيران قالدىم ،بىر يىلدىن  ئارتۇق بىر ياتاقتا يېتىپ  ئۇنىڭ مىنى تۇنجى قېتىم بىللە تاماق يىيىشكە تەكلىپ قىلۋاتتاتتى .بەلكىم ماڭا ئىچى ئاغىرىپ قالغاندۇ ،كۆپ ئويلانمايلا ماقۇل بولدۇم . مەكتەپكە يىراق بولمىغان خۇيزۇلارنىڭ ئاشخانىسىغا كىردۇق .ھىچ گەپ –سۆزسىز تاماق يېدىق تاماق يەپ بولغاندىن كيىن ئايلىنىپ كېلەيلى دەپ ئۇ مىنى مەكتەپ ئىچىدىكى گۈللۈككە باشلاپ كەلدى ،سەل غەلىتىلىك سەزگەن بولساممۇ گەپ سۆزسىز ئۇنىڭغا ئەگىشىپ ئورۇندۇقتا ئولتۇردۇم . ئۇ سەل ئولتۇرۋالغاندىن كېيىن مىچىلداپ يىغلاشقا باشلىدى ، ــ مېنى كەچۇر يۇلتۇز ،ئەسلىدە سەندىن يوشۇرمىسام بولاتتى ،مېنى كەچۇر .مەندەك ۋاپاسىز دوستۇڭنى كەچۇر ... مەن نىمە بولغىننى بىلەلمەي تۇرۇپلا قالدىم ـــ جېنىم ئاداش ،ــ ئۇ يىغلاپ سۆزلەشكە باشلىدى ـــ پەزىليەنى مىنىڭ ياخشى دوستۇم دەپ يۈرۈپ كەتمە ،ھەممە ئىشنى بۇزغان شۇ ،مەن بىر قېتىملىق تاسادبىي پۇرسەتتە ئۇنىڭ نىجات بېلەن پاراڭلاشقىنى ئاڭلاپ قالغان  ساڭا باشتىلا دەي دىگەن بىراق، پەزىليە ئەگەر بۇنى ئاشكارلىۋەتسەڭ  يۇرۇتقا بارغاندا يۈز كۆتۈرۈپ يۈرىمەن دەپ ئويلىما دەپ تەھدىت سالغاچقا مەنمۇ شۇ قورقۇپ ساڭا ئېيتالمىغان .مىنى كەچۈر .مىنىڭمۇ بۇ ئىشنى دەپ قانچىلىك ئازاپلانغىنىمنى بىلمەيسەن .ساڭا ھەر بىر قېتىم قارىساملا نومۇستىن يۈزلىرىم چىمىلداپ كېتىدۇ ... ئاخىرىنى ئاڭلاشقا تاقىتىم قالمىدى ،كۆز ئالدىمدىن ئۇنىڭ مەندىن بىر نەرسىلەرنى يوشۇرۇپ كېتىشى ،توختىماي بىزنىڭ مۇناسىۋىتىمىزنى سوراپ كېتىشى بىر –بىرلەپ ئۆتىشكە باشلىدى ،  تاسادبىيلىقتىن ئۇنىڭ تېىفونىدا نىجاتنىڭ نومۇرىنى كۆرۈپ قالغان ۋاقىتمدابولسا ،ئۇجىدىيلىكتىن دەرھال ئۆزىنى ئوڭشاپلا ــ جېنىم ،مەن سېنىڭ شۇنچە يېقىن دوستۇڭ تۇرۇپ مۇھابىتىڭنىڭ تېلفون نۇمۇرنى بىلمىسەم قانداق بولىدۇ ،كېيىنچە تەتىللەردە سېنى تاپالمىسام لازىم بولۇپ قالار ... ئۇنىڭ تۈلكىلەرچە كۈلگەن ھالىتىنى.ئۆزۈمنىڭ دۆتلىكىنى ،دوستۇم دەپ قىلمىغان قىلىقىم قالمىغانلىقىمنى  ئويلاپ تۇرۇپ كەتتىم ،بەك ئاچچىقىم كەلدىمۇ ۋە ياكى كۆنۈپ قالدىممۇ شۇنچىلىك ئازاپلانغان بولسامممۇ  كۆزلىرىمدىن بىر تامچە ياشمۇ چىقمىدى .ئورنۇمدىن تۇرۇپ ئېغىرلىشىپ كەتكەن قەدەملىرىمنى سۆرىگىنىمچە ياتاق تەرەپكە يول ئالدىم ... تۆت كۆز بىلەن ‹‹ئوماق دوستۇم ››پەزىليەنى ساقلاپ ئولتۇردۇم .ئۇ ياتاققا قايتىپ كېرىپ مەندىكى ئۆزگىرىشنى كۆردى ۋە دەرھال كۆزىنى يېنىمدا داشمىيىپ ئولتۇرغان ئادىلەگە يۆتكىدى . پەزىليە نىمە قىلىشىنى بىلمەي ئۇزۇن  تۇرۇپ كەتكەندىن كېيىن مىنى كەچۇر دەپ يىغلىغۇنىچە ماڭا ئېسىلدى ،ئاچچىقىمدا ئۇنىڭ قوللىرىنى قاتتىق سىلكىدىم .ئۇيىغلاپ قوللىرى بىلەن يۇزلىرىنى تۇتقىنىچە ياتاقتىن يۈگۈرۈپ چىقىپ كەتتى . كاللام گادىرماچ خىياللار بىلەن تولۇپ كەتكەن ئىدى .ئۇنىڭ ئارقىسىدىن نەپرەت بىلەن بىر ھازا قاراپ تۇرۋەتكەندىن كېيىن ئادىلەنىڭ يالۋۇرۇشلىرغا ئۇنىماي .ئۇنىڭ ئەگىشىپ چىققان قەدىمىنى سوغۇق سىلكپلا  ئاستىغىنە چاپىنىمنى كېيىپ مەنمۇ سىرىتقا ماڭدىم .كېتۋاتمەن كېتۋاتمەن كاللام قۇپقۇرۇق، جانسىز كۆزلىرىم نىشانسىز، تۈگمىلىرى ئېتىكسىز ئۇزۇن چاپىنىمنىڭ پېشى سوغۇق چىققان شامالدا ھەر تەرەپكە لەپپەڭشىىيتى . يولدا كېتۋاتقان كىشىلەر بەزىلىرى  تاتارغان چىرايىمغا قارغىنىچە ئۆزلىرىنى قاچۇرۇشسا بەزىلىرى ياقىلىرىنى تۇتۇشۇپ ئارقامدىن قاراپ قېلىشىۋاتاتتى ،يەنە بەزىلىرى بولسا مەندەكلەرنى كۆپ كۆرگەندەك چىرايىمغا قاراپ قويۇپ ھىچ ئىپادىسىز كېتىپ قالاتتى ... بىر ۋاقىتتا قولۇمنىڭ قاتتىق سىرقىراپ ئاغىرىشىدىن  ئېسىمنى يىغدىم .سىرىتنى گۇگۇم بېسىپتۇ ،سوغۇق ھاۋادا قوللىرىم قىزىرىپ قېتىشىپ تۈكلىرى قالمىغان خورازنىڭ تاجىسىغىلا ئوخشاپ قالغان ئىدى . ھورداپ ئىستىشمۇ خوشياقماي قوللىرىمنى ئېرىنچەكىك بىلەن يانچۇقۇمغا سېلىپ مەكتەپكە قاراپ ماڭدىم . ياتاققا كېرىپ چىرايلىق قاتلانغان بىر كونۋىرتنىڭ جوزامنىڭ ئۈستىگە قويۇپ قويلغانلىقى دىققىتىمنى تارتتى .كۆڭلۈم بىر نىمىلەرنى سەزگەندەك بولدى يۇ ئۇھ تارتقىنىمچە كونۋىرتى ئاچتىم .قېلىن قاتلانغان خەت مۇنداق  باشلانغان ئىدى : يۇلتۇز (دوستۇم ،جېنىم دىگەندەك  ھىچقانداق ھۆرمەت سۆزى ئىشلىتىلمىگەن ئىدى ) مىنى كەچۇر .بىلىمەن مەن توغرا قىلمىدىم .ماڭا شۇنچە قىلغانلىرىڭغا جاۋاپ قايتۇرۇش تۇرسۇن ساڭا زىيانكەشلىك قىلدىم .ساڭا يۈز كېلەلمەيمەن . نەچچە قېتىم ساڭا بۇ ئىشلارنى دىمەكچى بولدۇم ،بىراق شۇ ئىشلارنى قىلىشقا جۈرئەت قىلغان مۇنۇ ئىپلاس يۈرۈگۈم ئەمدى ساڭا تۈز تۇرانە دىيىشكە جۈرئەت قىلالمايۋاتاتتى . ئويلىشىش ئارقىلىق ساڭا ھەممىنى خەت ئارقىلىق  دېيىش قارارىغا كەلدىم ،ئوقۇپ بولۇپ مىنى قانداق ئويلىساڭ مىنى كەچۇرسەڭ (مەن سېنى مىنى كەچۇردۇ دەپ ئويلاپمۇ باقمىدىم ) ياكى كەچۇرمىسەڭمۇ ئىختىيارىڭ .مەن بۇگۇن ھەممىنى مۇشۇ خەت ئارقىلىق ساڭا ئېيتىپ ۋىجدان ئازاپىى تارتقان نومۇسىز دىلىمغا ئازراق بولسىمۇ ئارامچىلىق بېرەي دىدىم . مەكتەپكە يېڭى كەلگەن ۋاقىتلار ئىدى .سېنىڭ ئوچۇق مىجەزىڭنى ئۇزۇن ئۆتمەيلا ياقتۇرۇپ قالدىم .كەلگۈسى ئۈچۈن تىرىشلىرىىڭ ،ئۆزىڭگە خاس ئالاھىدىلىكىڭ ،ھەممىنى ھەيران قالدۇرغان تالانتىڭ مەندە چوڭقۇر تەسىر كۆرسەتتى .بولۇپمۇ باشقىلارغا خۇددى ئۇرۇق-تۇغقىنىڭدەك كۆيىنىشلىرىڭ مەندەك بىر ئاتا-ئانا مېھرىگە قانمىغان قەلىبگە شۇنداق ياققان ئىدى .كېيىنچە بىللە يۈرۈپ ئايرىلماس دوستلاردىن بۇلۇپ قالدۇق ،شۇ مەزگىلدە بىلىپ –بىلمەي سەن نىمە دېىسەڭ ماقۇل دەپ تۇردىغان دوستۇڭ ئەكپەرنى ياخشى كۆرۈپ قالدىم .ئالدىنقى ئوڭۇشسىزلىقتىن كېيىن مەن بىرسىنى بۇنچىلىك ياخشى كۆرۈپ قالىمەن دەپ ئويلاپمۇ باقمىغان ئىدىم ،ئاخىرى ساڭا ئېيتىم .سەنمۇ خوشال بولغىنىڭچە ماڭا ياردەم قىلىدىغانلىقىڭنى ئېيتىىڭ .كۈنلەر شۇ تەرىقدە ئۆتىۋاتاتتى ،ھەر قېتىم سەن نىجات بىلەن بەخىت ئىچىدە سۆزلەشكەن ۋاقتىڭدا قاچانمۇ مەنمۇ ئەكپەر بىلەن مۇشۇنداق سۆزلىشەرمەن دەپ ئۇزۇن –ئۇزۇن ئولتۇرۇپ كېتەتتىم .بىر كۈنى ئەكپەرگە بۇ گەپلەرنىڭ ئۈچىنى چىقىرىپ باقتىم شۇنىڭدىن باشلاپ ئۇ مەندىن ئۆزىنى بارا-بارا يىراقلاشتۇردى ،نەدە كۆرسە مەندىن ئۆزىنى ئەپقاچىدىغان بولۇپ قالدى .كۆڭلۈم شۇنچىلىك يېرىم ئازاپلىنىپ يۇرگەن كۈنلىرىمننڭ بىرىدە سىنىڭ تۇغۇلغان كۈنۈڭ كەلدى .شۇ كۈنى ئىشىكنى ئاچقان قولۇم ھاۋادا ئېسىلىلا قالدى ،بىر خەنزۇ ساۋاقدىشىڭ بۇنى ئەكپەر بەردى دەپ تورىت تۇتۇپ تۇراتتى . كاللامدىن بىر چىلەك سوغۇق سۇ قويۇلغاندەك تۇرۇپلا قالدىم . نىمە قىلغىنى ئۇنىڭ ،مەن شۇنچە ئىزدىسەم ئالدىراش ،ۋاققتى يوق ،مىنىڭ تۇغۇلغان كۈنۈمدە بىر ئېغىز تۇغۇلغان كۈنىڭىزگە مۇبارەك بولسۇن دەپمۇ قويمىغان مانا سىنىڭ تۇغۇنلغان كۈنۈڭدە لاڭمەنلىشىپ تېخى سائەت 0بولغاندا تورىت سوۋغا قىلىپ كېتىشلىرىىنى ئويلاپ كەيپىم ئۇچۇپ ياتاقتىكىلەرنىڭ  گەپلىرىڭگىمۇ قۇلاق سالماي كارۋىتىمغا چىقىپ كەتتىم ،بىراق ئازراق ئويلىنىپ قالدىم ،بەلكىم مەن خاتا چۈشىنىپ قالغاندىمەن ،ئىككىڭلار يۇرىتداش ،دوست بولغاندىن كېيىن ئۇنىڭ ئۈستىگە ئاتا-ئاناڭلارمۇ ياخشى ئۆتكەچكە  ئەكپەرمۇ باشقا نىيتى يوقلا مۇنداقلا سوۋغا قىلغاندۇ... سىلەرنىڭ يالۋۇرۇشلىرىڭلارنى ئاڭلاپ پەسكە چۈشۈپ كۆڭىلسىزلا ئولتۇرۇپ تۇغۇنغان كۈنۈڭنى ئۆتكۈزدۇق .كېچىچە ئۇيان ئۆرۈلۈپ بۇيان ئۆرۈلۈپ پەقەتلا ئۇخلىيالمىدىم .ئەتىسى سەھەردە ئورنۇمدىم تۇرۇپ رۇخسەت سوراپ ئەكپەر بىلەن كۆرىشىپ ئۇنىڭ كۆڭلىنىڭ نىمە ئىكەنلىكىنى بىلمەكچى بولدۇم .ئۇنىڭغا تېلفون قىلدىم ،مەن ئۇنىڭ بىلەن كۆرىشكۈم بارلىقىنى ئېيتقىنىمدا ئۇ بولۇمسىز باھانىلەرنى ئېيتقان بولسا بۇنىڭ سېىنىڭ تۇغۇلغان كۈنۈڭ بىلەن مۇناسىۋەتلىك دىگەن گېپىمنى ئاڭلاپ ۋاقىت چىقىرىدىغانلىقىنى ئېيتىتى ،گۇمانىم تېخىمۇ كۈچىيىشىكە باشلىدى،سائەتكە ئەللىك قېتىم قاراپ دىگۈدەك ئاران تەستە ئۇنىڭ بېلەن كۈرىشىدىغان ۋاقىتنى توشقۇزدۇم . ئۇنىڭ بىلەن كۆرىشىپ بىلدىمكى ئۇنىڭ ياخشى كۆرىدىغىنى مەن ئەمەس بەلكى مىنىڭ يېقىن دوستۇم يۇلتۇز ،يەنە سەن ئىدىڭ جېنىم ئادىشىم .ئۇنىڭ سەن توغۇرلۇق ئېيتغان گەپلىرىنى ئاڭلاپ چۆرگىلىتىپ قويىۋەتكەن ئادەمدەك، كاللام گاراڭ ئۆزىمنى يوقاتقان ھالەتتە ياتاققا قايتىپ كىرىپ كارۋىتىمغا ئۆزىمنى ئاتتىم .ئاھ ئاللا ...مەن بۇنداق بولىشىنى نەدىن ئويلىغان دەيسەن كۆز ياشلىرىم توختايدىغاندەك ئەمەس ئىدى ،بىراق مەن نىمە قىلالايتىم .ئەكپەرگە ئېسىلۋالالايتىممۇ ياكى سېنىڭ ئالدىڭغا بېرىپ كۆزلىرىمنىڭ يۇندىسىنى ئېقىتىپ تۇرۇپ ئەكپەرنىڭ ياخشى كۆرىدىغىنى سەن ئىكىنسىەن دەمدىم .... سېنىڭ نىمە بولدۇڭ دەپ سوراپ قېلىشىڭدىن ئەنسىرەپ يۈز-كۆزلىرىمنى يۇيۋىتىپ كارۋىتىمغا قايتىدىن چىقتىم .سەن بىر قۇچاق ئەتىرگۈلنى كۆتۈرۈپ كىردىڭ مەندىن ئەھۋال سوراشنىمۇ ئۇنتۇپ ھاياجانلىنىپ سۆزلەشلىرىڭ ،نىجاتنى ئاغزى –ئاغزىڭغا تەگمەي ماختاشلىرىڭ، ئۇنىڭ بېلەن ئەركىلەپ نايناقشىپ تېلفون سۆزلىرىشلىرىڭ   راسىت ئوۋغامنى قايناتتى ،قىسقىسى چىدىمىدىم . سېنىڭ نىمىشقا ھەممە نەرسىلىرىڭ ياخشى ،ئۆيىڭگە بارساڭ ساڭا بىر-بىرىدىن كۆيىنىدىغان كۈيۈمچان ئاتا-ئاناڭ .يۇلتۇز دسە ھەممىدىن كېچىدىغان ئوغۇل دوستۇڭ .مەكتەپكە كەلسەڭ ۋاپادار دوستلىرىڭ ،يەنە كېلىپ ئالدىڭدا نىمە دىسەڭ ماقۇل دەپ شۇ ھامان بىجا كەلتۈردىغان ئەكپەر .سېنى ماختاپ ئاغزىدىن چۈشۈرمەيدىغان ئوقۇتقۇچىلىرىڭ  .... نىمىشقا سېنىڭ ھەممە نەرسىلىرىڭ شۇنچىلىك ياخشى .ئوڭۇشلۇق نىمىشقا مىنىڭ ھىچنەرسەم يوق .ئاتا-ئانام بولسا كىچىكىمدە ئاجىرىشىپ كەتكەن .ئۆيدە ئاڭلايدىغىنىم بولسا ئۆگەي ئاپامنىڭ توختىماي ۋاتىلداشلىرى ،دۈشكەللەشلىرى ،تۇنجى مۇھابىتىمنىڭ كۆزىمچىلا باشقا بىرسى بىلەن يۇرىۋىلىشى ،مانا ئامدى ئاران بىرسىنى ئۆلگىدەك ياخشى كۆرگەندە ئۇنىڭ ياخشى كۆرىدىغىنى مەن ئەمەس بەلكى مىنىڭ يېقىن دوستۇم يەنە سەن بولۇشۇڭ .نىمىشقا مەنلا مۇشۇنداق ئوڭۇشسىزلىققا ئۇچىرايمەن ،باشقىلار ،جۈمۈلىدىن سەن شۇنچىلىك بەخىتلىك. مەن نىمىشقا شۇنچىلىك تەلەيسىز.ھەممىمىز ئاللاھنڭ ئوخشاش بەندىلىرىغۇ  نىمىشقا بۇنداق تەڭسىزلىك بولىدۇ نىمىشقا زادى نىمىشقا... ئويلىغانسىرى تېخىمۇ ئاچچىقىم كەلدى ،ئاخىرى ئۆزۈممۇ بىلمىگەن ھالدا ساڭىمۇ ئازاپ دىگەننىڭ ،ئۆزى سۆيگەن ئادىمىدىن ئايرىلىپ قېلىشنىڭ تەمىنى تېتىتىپ قويغۇم كەلدى . قىزلارنىڭ كۆرەلمەسلىك قەلبىنىڭ بۇنچىلىك قەبىھ بولىدىغانلىقىنى ئويلاپمۇ باقماپتىكەنمەن.ئويلىنىش ئارقىلىق ئاخىرى نىجات ئىككىڭلارنىڭ ئوتتىرىسىغا ئۇرۇش تېرىشنى قارار قىلدىم ،ئۇنىڭ بىلەن ئالاڭىلىشىم كېرەك ئىدى بىراق ھەر قانچە قىلىپمۇ ئۇنىڭ تېىلفۇن نۇمىرنى تاپالمىدىم .ئامالسىز نۇمۇس قىلماي كۆزلىرىمنى ئوينىتۇپ تۇرۇپ ئۆيگە تېلفون قىلغان بولۇپ تېلفونۇڭنى سوراپ  نىجاتنىڭ تېلفون نۇمۇرىنى يېزىۋالدىم .ياتاققا كېرىپ بىر نەرسىدىن قاتتىق مەغرۇرلانغان قىياپەتتە رەھمەت دېدىم .سەن ھەيران قالدىڭ بولغاي ۋوي نىمىگە رەھمەت دەپ كەتتىڭ ئۆزىڭگە ئوخشىمايلا قالدىڭ جۇمۇ دېدىڭ ،مەن پېچىتىمنى بۇزماي تۇرۇپ ـــ قانداق ئاداش باشقىچە ياشاي دەيمەنغۇ دېدىم ئاۋازىم شۇنچىلىك زەھەرخەندە ئىدى ،قارىسام سەن بۇنى بىلمەيلا چاقچاق ئارلاش كۈلۈپلا ئۆزۈڭنىڭ ئىشىغا بەنىت بولدۇڭ . ئەتىسىلا نىجاتقا ئۇچۇر يوللىدىم .ئۆزىمنىڭ كىم ئىكەنلىكىمنى ئاشكارلىمىدىم .ئۇنىڭدىن ئاڭلىغىنىم بىر مۇنچە ئىزاھ-ئاھانات بولدى شۇنچە گەپ قىلساممۇ ئۇ ھىچ ئىشىندىغاندەك ئەمەس ئىدى ،قانداق قىلىشىمنى بىلمەي تۇرۋاتقان بىر كۈنى ياتاققا ماڭسام ئەكپەر يۇلتۇزنى چارقىرىپ قويسىڭىز دىمەسمۇ ئاچچىقتا ياتاققا كىرسەم سەن مۇھاببىىڭ بىلەن پاراڭلىشىۋىتىپسەن ،مەنمۇ تازا ئاۋازىمنى قويىۋىتىپ ــ يۇلتۇز ،مەشۇقىڭ ئەكپەر سېنى پەستە ساقلاپ قالدى،تىزراق چۈشكىن دەپ توۋلىدىم .سەن داڭ قېتىپ تۇرۇپ قالدىڭ .بىچارە قىياپىتىڭگە قاراپ ئىچىمدە كۈلگەن بولسام تېشىمدا سەندىن ئۆتەر بىچارە بولۇپ كەچۈرۈم سوۋرىدىم .تەلىيىم ئوڭدىن كېلىۋاتاتتى ئەكپەرنىڭ ئىشىنى دەپ سىلەر بۇ قېتىم بەكلا قىزىرىشىپ قالدىڭلار ، مانا پۇرسەت دېىگەن ئۆزى كەلگەن ئىدى.يالغاندىن ساڭا مىچىلداپ يىغلاپ يالۋۇرۇپ ئەكپەر بىلەن مىنىڭ ئىششىمنى كۆرىشىپ بېقىشىڭنى تاپىلىدىم .يېقىندىن بۇيان ئۆز سۆيگىنى بىلەن قىزىرىشىپ قېلىشنىڭ تەمىنى ياخشى تېتىغاشقا سېنىڭ ماقۇل بولىشىڭنى بىلەتتىم . قىسقىسى سېنىڭ ئاقكۆڭىلىكىڭدىن پايدىلانغان ئىدىم . تۇرقۇمغا قاراپ كۆپ ئويلانمايلاماقۇل بولدۇڭ .سەن ياتاق بىناسىدىن يىراقلاشقاندىن كېيىن نىجاتقا تېىفون قىلدىم .ئۆزىمنىڭ كىم ئىكەنلىكىمنى ئېيتىپ نىجات ئىككىڭلارنىڭ بىرگە بولىشىڭلارنى چىن دىلىمدىن ئۈمۈد قىلدىغانلىقىمنى ،سېنىڭ مىنىڭ ئەڭ ياخشى دوستۇم ئىكەنلىكىڭنى سېنىڭ بۇنداق يولغا مېڭىپ قېلىشىڭنى خالىمايدىغانلىقىمنى دەپ يالغان –ياۋىداق بىر مۇنچە گەپلەرنى دېدىم .يەنە ئىشەنمىسىڭىز ھازىر تېفون قىلىپ بېقىڭ ،ئۇلار ھازىر بىللە دىگەننممۇ قوشۇپ قويدۇم ،مىنىڭ كىم ئىكەنلىكنمنى بىلگەچكىمۇ ياكا باشقا سەۋەپ بارمۇ بۇ قېتىم ئۇ ماڭا ھىچقانداق گەپ قىلماي تېلفوننى قويىۋەتتى . شۇنچىلىك شاتلاندىم .سېنىڭ يىغلاپ چۇشەندۇرگەن ھالىتىڭنى كۆز ئالدىمغا ئېلىپ كېلىپ راھەتلىنىپ كەتتىم .ياتاقتا ناخشىنىڭ ئاۋازىنى قويىۋىتىپ بولىشىغىچە ئويناۋاتمەن .سېنى بەك چۈشۈنۈپ كەتكەچكىمۇ نىمە ئشلار بولىدىغىنى ماڭا بەش قولدەك ئايان ئىدى. باشلىرىڭنى ساڭگىلاتقىنىڭچە كۆزلىرىڭ ياش قايتىپ كىردىڭ .شەكىل ئۈچۈن سەندىن قانداق بولدى دىگەندەك كۆزلىرىڭگە تىكىلدىم ،لېكن ئەكپەرنىڭ نىمە دېيىشىمۇ بەرىبىر ئىدى.چۈنكى مەن سەندىن بۇرۇن ئۇنىڭ كۆڭلىنى بىلىپ بولغان ،مىجەزىم يوق دەپ كارۋىتىڭغا ئېسىلىپ يۇرۇپ ئاران تەستە چىقىۋالدىڭ .شۇ ۋاققىتىكى ھالىتىڭنى كۆرۈپ راھەتلىنىپ غەلبە تۇيغۇسىغا چۆمدۈم . شۇ كۈنىدىن باشلاپ سىلەرنىڭ مۇناسىۋىتىڭلار بەكلا ناچارلاشتى .ئۈچ-تۆت كۈنلەرگىچە ئالاقىلاشمىدىڭلار ،سىرتىمدا ساڭا شۇنچىلىك كۆيىنگىدەك قىلغىنىم بىلەن ئىچ-ئىچىمگە خوشاللىقىمنى سىغدۇرالمايۋاتاتتىم . ئۇزاق ئۆتمەي سىنىپڭدىكلىلەر بىللە ئوينىغىلى چىقىتىڭلار .ئىككىڭلارنىڭ بىللە ئوينىغىلى چىقىپ كەتكىنىڭلارنى ئويلاپ ئاچىقىمنى سىغدۇرلماي ئولتۇرسام ،نىجات ياتاققا تېلفون قىلدى،ئاچچىىمدا سېنى ئەكپەر بىلەن ئوينىغىللى چىقىپ كەتكەن دېدىم .ئەلۋەتتە سېنىپىدىكىلەرمۇ بىللە دىگەننى دىيمەيمەندە .ئۇ شۇ ئاچچىقىدا خوشمۇ دىيمەي تېلفوننى قويدى . ئۆزىمنىڭ ئويىنىدىن خۇرسەن بولۇپ كەيپىم خېلى ياخشىلىنىپ قالغان ئىدى . خېلى كەچ بولدى قايتىپ كەلمەيۋاتاتىڭلار .كاللامدا ئىككىڭلارنى ھەر خىل تەسەۋۋۇر قىلاتتىم .تۇرۇپ –تۇرۇپ كۇندەشلىك ئوتىدا پۇچۇلنۇپ چاچلىرىڭنى يۇلغۇم كېلەتتى . تېلفونۇمنى ئېلىپ ساڭا تېلفون قىلدىم .تېلفونىڭ ئېتىك ،ئەكپەرگە قىلدىم ئۇنىڭمۇ ئىتىك .كاللام پىررىدە قايدى ،دەرھال نىجاتقا تېىفون قىلدىم .بولغان ئەھۋالنى كۆپتۈرۈپ سۆزلەپ تېلفوننى قويۇپ تۇرشىمغا ،ئەكپەرنىڭ قاتناش ۋەقەسىگە ئۇچىرغىنى ئاڭلاپ ئارقامغا ئۇچۇپ كەتكىلى قىل قالدىم .دەرھال پەلتورىمنى قولتۇقلاپ سىرىتقا ماڭدىم  بۇسۇغىدىن ئەمدى ئاتلاپ  ئاڭلىغىنىم شۇ بولدىكى ئۇ ھوشىسىز ھالەتتە توختىماي يۇلتۇز دەپ سېنىڭ ئىسمىڭنى چارقىرىپتۇ ،مەنسىتمىگەندەك بىر قانچە چىراي كۆزئالدىمدا پەيدا بولدى .ئۇلارنىڭ چىرايىغىمۇ قارماي ياتاقنىڭ ئىشىكىنى كۈچەپ ياپقىنىمچە قايتىپ كىردىم .ئۇ ۋاققىتكى ھېسياتىمنى تىل بىلەن تەسۋىرلەپ بېرەلمەيمەن .پۇت قوللىرىمدا ھىچ جان قالمىغان ئىدى ئامالسىز بالدۇرلا كارۋىتىمغا چىقىۋالدىم ،كۆزلىرىمگە ئۇيقۇ كېلىدىغاندەك ئەمەس ئىدى ،ئازاپتىن ئۇھ تارتىپ ئۇيان –بۇيانغا ئۆرىلەتتىم ،ساڭا شۇنچىلىك ئۆچلىكىم كېلەتتى ،كىچە سائەت 2لەر ئەتراپىدا ياتاقنىڭ تېلفونى ئەنسىز جىرىڭشىدى ،يەنە شۇ سادىق مۇھابىتىڭ نىجات ئىىدى ،سېنىڭ تېخىچە قايتىپ كىرمىگەنلىكىڭنى ئاڭلاپ ئۈنى چۈشۈپ كەتكەن مۇھابىتىڭگە تازا بىر يالغان ئېيتىپ  ئۆزىمنڭ ئاچىقىمنى چىقارماقچى بولۇپ ئۆزىمنى قاتتىق تۇتۋېلىپ سۆزلىدىم ـــ ئەسلىدە سىزگە بۇ گەپلەرنى دەي دىمىگەن،يۇلتۇز تېخىچى قايتىپ كىرمىگننى ھەيران قالغۇدەك ئىش ئەمەس .بىز ئاللقاچان كۆنۈپ كەتتۈق ،بۇ تۇنجى قېتىملىقىمۇ ئەمەس ... قارىشى تەرەپتىن ھىچقانداق سادا يوق ،ئامالسىز تېلفوننى قويدۇم ، ئارقامغا ئۆرىلىپ چۆچۈپ كەتتىم . ئادىلە كارۋىتىدا چەكچەيگىنىچە  قاراپ تۇراتتى .قانداق قىلاي ،ئۇنۇڭغا بۇنى ساڭا دەپ قويماسلىقنى دەپ يالۋۇرۇش پايدىسىز ئىدى ،شۇڭا ئۇنۇڭ قورقىنچاقلىقىدىن پايدىلىنىپ ئۇنىڭغا تەھدىت سالدىم . بىراق مەن سېنىڭ بۇنداق تۈگۈشۈپ كېتىشىڭنى ئويلاپمۇ باقماپتكەنمەن .بارغانسىرى تۈگۈشۈپ كېتىۋاتقان ھالىتىڭنى ، ئادىلەنىڭ كۆزلىرىدىكى غەزەپ ئۇچقۇنلىرىنى كۆرگەندە ئۆزىمنى قويىدىغان يەر تاپالماي قالاتتىم .ئەمدى سەل ئەسلىگە قايتىڭىنىڭنى كۆرۈپ ئۇھ دېيىشىمگە ئۇلۇغ ئاللا مىنى جازالىغۇسى كەلگەندەك موماڭنىڭ ئۆلۈم خەۋىرى كەلدى.سەن شۇنىڭدىن باشلاپ تىرىك مۇردىغا ئايلاندىڭ ،ۋىجدان ئازاپى دىگەننىڭ قانداق بولىدىغانلىقىنى ئەنە شۇ ۋاققىتتا ھېس قىلدىم . توۋا دەيمەن شۇ ۋاقىتلاردا نىمە بولغان بولغۇيتۇم .نىمە پوق يىگەن بولغۇيتۇم دەيمەن .خۇددى سەن مىنىڭ دۈشمىنىمدەك قىلىپ كەتكەنلىرىمنى،سەندىن ئۆچ ئالىمەن دەپ قىلمىغان قىلىقلىرىمنى ،تېخى سېنىڭ ئازاپلانغان ھالىتىڭدىن غەلبە ھېسلىرىغا چۈمۈپ كەتكەنلىرىمنى، سېنى قەستەن بەخىتسىز قىلىپ قويغىنىمنى ئويلىسام ئۆز-ئۆزۈمدىن نەپرەتلىنىپ يەر تىگگىگە كېرىپ كەتكۈدەك بولۇپ كېتىمەن . سىلەرنى ئايرۋەتكەن شۇ كۈنىدىن باشلاپ بىر كىچە تۈزۈك ،ئارامخۇدا ئۇخلاپ باققىنىمنى بىلمەيمەن .بولۇپمۇ موماڭنىڭ ئۆلىمىدىن كېيىن مەن قەتتىيلا چىدىمىدىم .نىجاتنى ئىزدەپ ھەممىنى چۇشۇندۈرمەكچى بولۇپ شۇنچە ئىزدىدىم ، بىلدىمكى ئۇلۇغ ئاللا ماڭا بۇ قېتىم كۆتۈرگۈسىز چاقچاق قىلغان ئىدى ، ئۇ سەن بىلەن ئايرىلىپ كېتىپ نەچچە كۈنىدىن كېيىن بىر دوستىنىڭ ئىشىغا ئارلىشىپ  بىرسىگە پىچاق تىقىپ قويۇپ تۈرمىگە كىرىپ كېتىپتۇ ....   كۆزلىرىم غۇۋارلىشىپ خەتنىڭ ئەڭ ئاخىردىكى ‹نىجاتنىڭ قايسى تۈرمىدە ئىكەنلىكىنى بىلدىم ، مەن ئۆزۈم تېرىغان ئىشنى ئۆزۈم يىغىشتۇرمىسام بولمايدۇ ،نىمىلا بولمىسۇن  مەن چوقۇم نىجات بىلەن كۆرىشىمەن ،ئۇنىڭغا ھەممە ئىشلارنى تولۇق چۈشەندۈرىمەن ، مەن ئاقسۇغا ماڭدىم ،ۋاپاسىز دوستىڭنىڭ خەۋىرىنى كۈتكىن ›دىگەن خەتلەر .ئجىر –مىجىر ئاستا-ئاستا ھەممىسى سۇۋاشلا كۆرىنىشكەباشلىدى ، تەڭپۇڭلىقىمنى يوقىتىپ كارۋاتنىڭ گىرۋىكىگە قاتتىق يىقىلدىم ،كۆزلىرىمدىكى ياش ئېغىز بۇرنۇمدىن چىققان قان بىلەن يۈزـ كۆزلىرىمنى تونۇغىسز قىلىۋەتكەن ئىدى ،قىزلارنىڭ چۇرقۇراشقان ئاۋازى بارا-بارا مەندىن يىراقلىشىپ ئاخىرى تىنىچلاندى  ،نەقەدەر تىنىچ مۇھىت ھە بۇ ،شۇنچىلىك ئارامخۇدا ھىچ نەرسىدىن غەم –ئەندىشىسىز ياتماقتىمەن ،بۇنچىلىك راھەتتە يېتىپ باقمىغىلى ئۇزۇن بوپتىكەن ،كاللام خۇددى خاتىرىسىنى  يوقۇتۇپ قويغان ئادەمدەك قۇپقۇرۇق،كۆز ئالدىم قاپقاراڭغۇ ،پۈتۈن جىسمىمدا قىلچىلىك سېزىم يوق ،خېلى بىر ۋاقىتلاردىن كېيىن ھوشۇمغا كېلىپ بىلدىم مەن كېسەل كارۋىتىدا ياتاتتىم .شۇ ياتقىنىمچە بىر ھەپتىلەر ئەتراپىدا ئۇرۇن تۇتۇپ يېتىپ قالدىم كۈنلىرىم شۇنچىلىك مەنىسز ،ھەر كۈنى ئويغۇنۇپ كۆزلىرىمننى  بىلىنەر –بىلىنمەس  ئېچىپ تورۇسقا قاراپ ياتسام قولۇمدىن چىققان قان ئوكۇل بوتولكىسىغا ماڭغاندا  سېستىرانىڭ قوپال سىلكىشىدىن  ئېسىمنى يىغىمەن ،مانا بۇگۈنمۇ  ھىچ ئىپادىسىز تورۇسقا قاراپ ياتسام تېىخى باياملا توك قاچىلغان يانفونۇم چېرقىراشقا باشلىدى ،شۇنچىلىك ئېرىنچەكلىك بىلەن قىممىرلاپ قويۇپ كۆزلىرىمنى يۇمۇپ يېتىۋالدىم .بىراق قايتا –قايتا ئورۇلغان تېلفوندىن دەرھال ئاپام ئىسىمگە كېلىپ تىزلا قولۇمنى ئۇزارتتىم .ئېكراندا پەزىلىيەننىڭ نومۇرى بىر ئۈچۈپ بىر ياناتتى ،ئېكرانغا شۇنچىلىك ئۇزاق قاراپ تۇرۇپ كېتىپ توختىماي ئۇرىشىدىن بىزار بولغىنىمچە قولۇقىمغا تۇتتۇم . ـــ يۇلتۇز ،مېنى كەچۇر ،مەندەك ۋاپاسىز دوستىڭنى كەچۈر ،ھەممىسى مىنىڭ خاتالىقىم  ... ئۇ يىغلىغىنىچە گەپ قىلالمايۋاتاتتى ،مەن ئۇنىڭغا گەپ قىلماقچى بولاتتىميۇ كالپۇكلىرىم بىر-بىرىگە چاپلىشىىپ قالغاندەك بىر-بىرىدىن ئاجىرماي  زۇۋان سۇرمەيۋاتاتتىم .ئۇ بىرمۇنچە گەپلەرنە قىلىپ يەنە ئىككى كۈندىن كېيىن قايتىدىغانلىقىنى ئېيتىپ تېلفوننى قويدى . شۇ كۈنى كەچتە ياتاققا يېنىپ كەلدىم ،يەنە بىر ھەپتىلىك رۇخسەت سوراپ ياتاقتا دەم ئالدىم .كۈندە يەنە شۇ تېگى يوق خىياللارغا بەنىت بولسام ،تۇرۇپ –تۇرۇپ ئۇنىڭ بىلەن بىللە بولغان كۇنلىرىمنى ئەسلەپ مىيىقىمدا ئاچچىق  كۈلۈپ قوياتتىم . ئىشىكنىڭ تويۇقسىز ئېچىلىشىدىن چۆچۈپ بېشىمنى كۆتۈردۈم .پەزىلە كۆزلىرىنى قىزارتقۇنىچە قاراپ تۇراتتى ،ئۇدەرھال قولىدىكى نەرسە كېرەكلىرىنى قويۇپ  يېنىمغا كېلىپ ئولتۇردى ،بىردەملىك ئوڭايسىزلىقتىن كېيىن  ،ئۇ ھەممە ئىشلارنى بىر-بىرلەپ سۆزلەپ بەردى ،يىغلاپ تۇرۇپ نىجاتنى ئىزدەپ تاپقانلىقىنى ،تېخى ئۇنىڭ بىلەن كۆرىشكەنلىكىنى ئېيتقاندا ئاغزىمنى ئېچىپ تۇرۇپلا قالدىم . ـــ يۇلتۇز ،مەن نىجات بېلەن كۆرۈشتۈم ، نىجاتقا ھەممىنى دېدىم ،ئۇ مىنىڭ گەپلىرىمنى ئاڭلاپ نەشتەرلىك كۆزلىرىنى ماڭا تىكىىنىچەقېتىپلا قالدى ،ئۇنىڭ كۆزىدىن ئاققان شۇ ئىككى تامچە ياشنى كۆرۈپ ئۇلۇغ ئاللادىن ئۆزۈمنىڭ  ئۆلۈمۈمنى تىلەپ كەتتىم  ، ئۇ شۇ ھالەتتە  بىر ھازا تۇرىۋەتكەندىن كېيىن يوقال دەپ قاتتىڭ توۋلاپ چاچلىرىنى  يۇلغۇنىچە ئولتۇرۇپ قالدى ،يىغلاۋاتىمەن ،چۈشەندۇرۋاتىمەن ،ئۆزۈمنى كاچاتلاۋاتىمەن... بىر ۋاقىتلاردا ئۇ  بوشقىنە :يۇلتۇز مېنى ئېزدىمىسۇن،مەن ھازىر ئۇنى ياخشى كۆرمەيمەن دېدى ،بىراق ئۇنىڭ كۆزلىرىدىن مەن ھەممىنى كۆرۈپ تۇرىۋاتاتىىم، ئاخىرىدا  ئۇ ھازىر ساڭا مۇناسىپ كەلمەيدىغانلىقىنى ئېيتىپ يىغلاپ كەتتى... مەن ،ھەممىگە مەن سەۋەپچى،مەن ئىپلاس، پەزىليە ئۆز-ئۆزىنى توختىماي ئۇرۇشقاباشلىدى ،ئېسىنى يوقاتقان پەزىليەنى باغرىمغا باسستىم .ئۇ توختىماي كەچۈرۈم سورايتتى ،بەدەنلىرى ئۆكسۈشتىن توختىماي تىترەيتى ،ئازماس ئاللاھ دەپتىكەن ،ئۇنى كەچۈرەي ،ھەممىمىز خام سۈت ئەمگەن بەندىلەر ،ئۇمۇ ۋىجدان ئازاپىنى ئاز تارتماپتۇ ،مەنمۇ ئۇنىڭغا پۇرسەت بەرمىسەم ئۇ تۈگىشىپ كەتكۈدەك .شۇلارنى ئويلاپ ئۇنىڭ قولىقىغا ئاستا پىچىرلىدىم ـــ جېنىم ،يىغلىما  ،ھەممە ئىشلار ئۆتۈپ كەتتى ،بىز باشتىن باشلايلى ،بۇرۇنقى كۆڭىلسىزلىكنى ئۇنتۇپ كېتەيلى ، بىز مەڭگۈ ياخشى دوست . ئۆزۈمنى شۇنچىلىك يېنىك ھېس قىلدىم . ۋۇجۇدۇم بىردىنلا تەسۋىرلىگۈسىز كۈچكە تولغان ئىدى .كاللامدا  تەتىلدە نىجاتنى يوقلاپ بارىمەن ،ئۇنۇڭغا ھەممىنى چۈشەندۈرىمەن ،قانداقلا قىلىپ بولسىمۇ ئۇنى چوقۇم  قايىق قىلىمەن دىگەن بىر ئۇقۇم ئۆزلۈكسىز توختىماي چوڭلاۋاتاتتى توغرا،نىجاتنى يوقلاپ بارغاندا چوقۇم  ئۆزۈمنىڭ ئەڭ قەيسەر، ئەڭ گۈزەل ھالىتىمنى كۆرسىتىشىم كېرەك،تارتىشىپ، تۇتۇلۇپ ،سەتلشىپ كەتكەن چىرايىمدا بىردىنلا قوياش پارلاپ چىققان ئىدى .ھاياجانلانغانلىقىمدىن  ئۆز-ئۆزۈمگە پىچىرلايتىم :مەن ياشىشىم كېرەك، مەن چوقۇم راۋۇرۇس ياشىشىم  كېرەك ،.ئۆزۈمنى ،ئاتا –ئانامنى ،بىچارە مۇھەببىتىم نىجاتنى دەپ بولسىمۇ  ياخشى ياشىشىم كېرەك . ئۇلۇغ ئاللانىڭ   شاپاھىتىگە،ئاتا-ئانامنىڭ باققان ئەجىرىگە،ئەنە شۇ سۆيۈملۈك مۇھەببىتىمنىڭ ساپ ئەقىدىسگەبولسىمۇ چوقۇم ياخشى ياشىشىم كېرەك ... نىجاتقا قەلبىمدە سۆزلەۋاتاتتىم :نىجات كىم دەيدۇ ھازىر  سېنى  ماڭا مۇناسىپ ئەمەس دەپ، سېنى سۆيىمەن،سەنمۇ مېنى سۆيىسەن ماڭا مۇشۇ كۇپايە، باشقا ئىشلارنى كۆپ ئويلىما، بىز بىللە ،ھەممىگە بىللە تاقابىل تۇرىمز،بىللە تىرىشىمىز،ئۇنتۇپ قالما مەن پەقەت ۋە پەقەت بىر سېنىڭلا ئاسمىنىڭدىكى بىردىنبىر  يۇلتۇز ،مەن مەيلى قانداق بەدەل تۆلەي، باشقىلار نىمە دىسۇن مەن ئۇچۈن بەرىبىر ،مەن سېنى سۆيىمەن ، مەن سىنى  كۈتىمەن ، نىجات سىنى كۈتىمەن، سىنى كۈتىمەن ، سىنى كۈتىمەن... مەنبە(ئۆزۈم)

simab

	ئۇف  ئۇقۇپ بولغۇچە كۇزۇم چىڭقىلىپ كەتتى     ياخشى يىزىپسىز  ھارنىغايسىز

kaqmixlar

	ئاخىرى ئوقۇپ بولدۇم ھەقىقەتەن ياخشى يىزىپ سىز

musilina

	ھېسيات چىن، تىل چۈشىنىشلىك،مەزمۇنى تەسىرلىك چىقىپتۇ،ھېسياتنى ياخشى ئىپادىلەپسىز،قەلەم تۇلپارىڭىز ھارمىسۇن،شۇنداق بېرىلىپ ئوقۇپتىمەن ...

nazila998

	بەكمۇ تەسىرلىك چىقىپتۇ ، بۇندىن كىيىنكى ئىجادىتىڭىزگە ئۇتۇق تىلەيمەن

lostba

	ياخشى يىزىپسىز  ھارنىغايسىز

guzal0997

	بەك ياخشى چىقىپتۇ   بەك تەسىرلىك ئىكەن   مەن بەك ياقتۇردۇم ئۇلۇغ ئاللا بەختىڭىزنى بەرسۇن

manuxxuk

	راستىلا چارچىغانسىز ھەققىچان ھە ئاللا قولىڭىز غا دەر بەرمىسۇن قىرىندىشىم

laden110

	بەكلا ياخشى يىزىپسىز . شۇنداق بىرىلىپ ئوقۇدۇم . قولىڭىزغا دەت بەرمىسۇن ئاللا!

yaprah330

	سىلەر ياقتۇرغان بولساڭلارلا مەن تولىمۇ خوشال بولدۇم ،مىنى مۇشۇنداق قولىغىنىڭلارغا رەھمەت ،ئۇلۇغ ئاللا ھەمىمىزنىڭ ئىشلىرىنى ئۇتۇقلۇق قىلغاي !!!