ئۇيغۇر قىزىمەن ‹ قىزلار تىلىدىن ›

tagnur

	ئۇيغۇر قىزىمەن ‹ قىزلار تىلىدىن › رەڭگارەڭ ھاياتنىڭ قايناملىرىدا ، ئەجىر ھەم جاپانىڭ ۋولقانلىرىدا ، تۇرمۇشنىڭ بېسىمى ، ئويمانلىرىدا ، تاۋلانغان ...... پاكلىقنىڭ ئەلچىسى ئۇيغۇر قىزىمەن . ئەدەپ ۋە ھايانىڭ ئارقانلىرىدا ، پاك سۆيگۈ ۋاپانىڭ ،بالقانلىرىدا ، ھەقىقەت،ئىشەنچنىڭ شاۋقۇنلىرىدا ، تاۋلانغان ..... كۈلپەتنىڭ جەڭچىسى ئۇيغۇر قىزىمەن . بۇلبۇلدەك باغ ئارا سايراپ يۈرۈشكە ، نۇرانە قۇياشتەك ، تاتلىق كۈلۈشكە ، ھوسۇللۇق گىياھتەك ،رەڭدار ئۈنۈشكە ، ئاتلانغان ...... مىھىرنىڭ تامچىسى ، ئۇيغۇر قىزىمەن . مىللەتكە بىر ئۆمۈر چىراق بۇلۇشقا ، ئىللەتتىن بىر ئۆمۈر يىراق بۇلۇشقا ، ئەل ئارا بىر ئۆمۈر ئىناق بۇلۇشقا ، ئاتلانغان ..... ئىللەتنىڭ قامچىسى ،ئۇيغۇر قىزىمەن . ئىناقلىق ، ئۆملۈكنىڭ ، تۇمانلىرىدا ، رەزىللىك ،پەسلىكنىڭ ،گۇمانلىرىدا ، مەردانە ، مەرتىلىكنىڭ بۇلاقلىرىدا  ، تاۋلانغان ....... گۈزەللىك باغچىسى ، ئۇيغۇر قىزىمەن . مەنبە---- تاڭنۇر ‹ خەيرۇللا قۇربان › بۆرتالا

dolathenim

	يېڭى بىر شېئرىي شەكىلدە يېزىپسىز. ھەقىقىي بىر  جاسارەتلىك ئۇيغۇر قىزىنى سۈپەتلەپ بېرىپسىز.

nim-japa

	نىمىشقا ‹ قىزلار تىلىدىن › دەپ ئالغاندۇ دېسەم ،  ئەسلى ئەپەندىمكەنسىزغۇ ؟

sazguri

	مەن ھازىرغىچە تاڭنۇركامنى قىزبالا دەپ يۇرەتتىم دىسە

kogul_ogrisi

	ئوبدان يېزىلىتۇ. ئۇيغۇر قىزلىرىمىز ئوبدانراق ئوقىسا بولغۇدەك. ئوقىغان كىشى ئۈچ مىسرانى ئوقۇپ بولۇپ تۇيۇقسىزلا توختاپ قالىدىكەن بۇ شېئىرنى. ئۆزگىچە ئىكەن.

MILYONIR

	ھەقىقەتەن ياخشى يېزىپسىز

yvgan

	ھەي!..سۆيۈنۈش ھەم پەخىرلىنىش ئىلكىدە كاللامغا ھەر خىيالنى كەلتۈرۈپ ئۈلگۈرتىپتىمەن، كاللىدا نىمە بولسا شۇدە!..شېئىرىڭىزغا ئاپىرىن! بىر نەچچە كۈندىن بۇيانقى ئەڭ گۈزەل شېئىرنىلا ئەمەس، ئارزۇيۇمدىكى مەھبۇبەمنى كۆرگەندەكلا بولدۇم.. تىلى بەكمۇ گۈزەل، يارقىن، ئىستىتىك قىممىتى زور. زورلىقىدىن تۇيغۇلىرىمنىمۇ ئالداپ كەتتى.   اللە رەھمەت قىلسۇن ئەزىز قېرىندىشىم.

yultuz

	مەزكۇر شىئىرنى  ئوقۇپ  ھەقىقەتەن  بەك  ھاياجانلاندىم ، رەھمەت سىزگە تاڭنۇر ئەپەندىم . مۇنبەرگە ئەزا  بولۇپ  كىرگەندىن بۇيان تۇنجى قېتىم ئۇيغۇر قىزىنى ماختاپ يازغان تېمىغا دۇچار بولغاندەك ھىس قىلدىم . كۆپتىن كۆپ رەھمەت . ئۇيغۇر قىزىنىڭ ماختۇغۇچىلىقى يوق ئوخشايدۇ دېگەن خىيال پەيدا قىلمىسۇن ئۇيغۇر يېزىقىدا مۇنبەر كۆرىدىغان قېرىنداش مىللەتتىكلەر . كۆزىمىزنى يوغان ئېچىۋىتىپ كۆرىدىغان تېمىكەن .

ah~tilek

	قولىڭىزغا دەرت بەرمىسۇن قېرندىشىم .

bahtim216

	ئاللاھ رەخمەت قىلسۇن قېرىندىشىم ، پاك ، ھايالىق ئۇيغۇر قىزلىرىغا ۋاكالىتەن سىزگە رەھمەت ئېيتىمەن!

kaqmixlar

	ھەقىقەتەن ياخشىيىزىپسىز

AKBAR886

	بەك ياخشى يېزلىپتۇ تېخىمۇ تېرشىڭ

دەتمەن

	مىللەتكە بىر ئۆمۈر چىراق بۇلۇشقا ، ئىللەتتىن بىر ئۆمۈر يىراق بۇلۇشقا ، ئەل ئارا بىر ئۆمۈر ئىناق بۇلۇشقا ، ئاتلانغان .....    ئىللەتنىڭ قامچىسى ،ئۇيغۇر قىزىمەن .    مۇشۇ مىسرالىرىڭىز ماڭا بەكلا ياقتى تاڭنۇر جان    . مۇشۇ مىسرالاردىكىدەكلا  ئىددىيە ھەممىدە بولدىغان بولسا باشقا ئىشلارغا گەپ كەتمەيتى  .

Qindost

	بۇ شىئىرىڭىزنى مەنمۇ بەكلا ياقتۇردۇم، شۇ سەۋەب رۇخسىتىڭىزسىز چ چ بوشلىقىمغا يۆتكىۋالدىم، ئەيىپكە بۇيرىماسلىقىڭىزنى سورايمەن! تىنىڭىزگە سالامەتلىك، ئىشلىرىڭىزغا ئۇتۇق تىلەيمەن!

alogli1

	تاڭنۇر ئاكا اللا قولىڭىزغا دەت بەرمىسۇن!!! مەن مۇشۇنداق شىئىرلارغا بەك ھەۋەس قىلىمەن.