تـۇغـۇلـغان كۈنىڭـگە مۇبـارەك دوستـۇم!

شاتئاي

	دوستۇم ، بۈگۈن تۇغۇلغان كۈنۈڭ! توغرا ،ساڭا بىر ياش قوشۇلغان، ئەقىلمۇ بىر ياش قىتىلغان كۈنۈڭ. سەن ھېس قىلۋاتامسەن. ئاشۇ 23 يىل ئىلگىركى شۇ ئاناڭنىڭ ئاچچىق ئاچچىق تولغاق يېگەن شۇ كۈننى ئەسلىيەلەمدىغانسەن.ئەسلەش ئۇ بەك موھىم ئەمەس. شۇنى ھېس قىلساڭلا بولىدۇ، ئاناڭ سېنى ئاشۇ كۈن تولىمۇ تەستە، تولىمۇ تەستە ئاپىرىدە قىلغان. يىگت ئۇ تۇغۇلدى،زىمىنمۇ  كۈلدى ، ئاتا،ئانمىمۇ قىلدى كۆز يىشى. ئاتىنىڭ ئۈمۈى ئانىنىڭ ئارزۇسى، بولسۇن ئوغلى ئەجداد ۋارىسى. ئانا ئانا ، ئۇ تولىمۇ ئۇلۇغ بىر ئىنسان. ئانا دېگەن بۇ سۆز تولىمۇ يېقىملىق ھەم تولىمۇ سېھرى كۈچكە ئىگە سۆزدۇر. بۇ سۆز مەيلى شاھ، مەيلى گاداي، مەيلى ئوغۇل، مەيلى قىزنىڭ ئېغىزىدىن چېقسۇن، شۇنچە يېقىمىلق ، شۇنچە ئۇرغۇلۇق، شۇنچە مەردانە ئېيتىلدۇ. چۇنكى ئانا قايسى بىر قەلىبدە يۈكسەكلككە ئىگە ئەمەس، قايسى قەلىبنىڭ قەلىب شاھى ئەمەس. ئانا ، ئەڭ جاپاكەش، ئەڭ مېھرىبان ، ئەڭ قابىل بىر ئۇستاز. ئۇ بىزنىڭ، كەلگۈسىنىڭ ياراتقۇچىسى. ئانا ، سېنىڭ كۈلكىسى ياڭرىسا جاھان كۈلدى،ئانا  يىغىسى جاھاننى تىترەتتى. ئانا ھەقىقىدە! ئانىسىنى يىغلاتقان كىشى مەرتىۋىسى قانچىلىك يۇقىرى ۋە قانچىلىك داڭلىق شەخس بولسۇن،ئۇ قەبىھ شەرمەندىدۇر._ئامچيوس ئانىنىڭ يۈرىكىدە مەڭگۈ بىر ئىللىق تەبەسسۇم ساقلىنىپ تۇرىدۇ. بۇتەڭرى ئانىلارغا ئاتا قىلغان مەڭگۈلۈك مېھىر-مۇھەببەتتۇر._چوڭ ديۇما ئانىنىڭ بالىنى سۆيۈش ھېسىسىياتى كۈچلۈك بۇلىدۇ. ئانا پەرزەنتىنى باغرىغا باسقاندا پۈتۈن غەم ئەندىشىسىنى ئۇنتۇيدۇ._ماۋدۇن بىر ئايال ھۆرمەتلىك بولاي دېسە ،ئالدى بىلەن ھەقىقىي ئانا بولسسۇن._خوگو ساغلام ، بەختىيار ئىنسانلارنىڭ بولۇشى ئۈچۈن ساغلام،بەختىيارئانىلار بۇلۇشى كېرەك._گو مورو دۇنيادا ئۆز ئاناڭدەك سەمىمىي دوستۇڭ يوق._گوركې ئانا بالىنىڭ بىرىنچى تەربىيەچىسى ۋە مۇئەللىمى._سۇخوملىنىسكىي ئاتا مەردانە ئاھاڭدا ،" ئاتا" دەۋاتقانسىز ! شۇنداق ، ئاتا بىزنىڭ تۈۋرىكىمىز. ئانا بىز ئۈچۈن نۇرغۇن ،نۇرغۇن ياخشىلىقلارنى ئىلىپ كىلىدۇ. ئاتا-ئانا دۇۇنيادىكى ئاڭ ئۇلۇغ ئىنسان،ئۇلارنى قانچە تەرىپلىسەكمۇ ئازلىق قىلمايدۇ.ئۇلار بىزنى بېقىپ قاتارغا قوشقۇچەمىڭ بىر جاپا -مۇشەقەتلەرنى ئىسىق -سوغۇقلارنى بېشدىن ئۆتكۇزىدىكەن.بىز ئۇلارنىڭ ئەجىرگە قانچا قىلساقمۇ ئەرزىيدۇ. ئاتا، بىزگە ھاياتلىقنى ئاتا قىلىدۇ. ھاياتىمىزنىڭ ئاپتۇرىلىق قەلىمىنى بىزگە سۇنىدۇ. بىز بولساق ، ئاتىلارنىڭ مەدەتكارلىقى ئاستىدا داغدام قەدەم ئالىمىز. ئاتىلار پارلاق قۇياش نۇرنىڭ كىشىلىك تۇرمۇش يولىنى مەڭگۈ يورۇتۇپ تۇرۇشىنى ،توغرا تاللاش ئۈچۈن يول كۆرسىتىپ بېرىشكە مەڭگۈ تەيياردۇر. بۈگۈن سىنىڭ تۇغۇلغان كۈنۈڭ،   تەۋەللۇتتىن كۆز ئاچقان كۈنۈڭ. ئىسىڭدە تۇت ئاشۇ بىر كۈننى،   ئۆمۈر بىغىڭغا ئىز باسقان كۇنۈڭ. تۇغۇلغان كۈنۈڭ، مەن يىراق بىر جايداتىلەك تىلەۋاتىمەن چىن قەلىبدىن بەخىت تىلەپ مېھىر بىلەن سېنى كۈيلەپ شېئىر يېزىۋاتىمەن. ئەزىز بىر كىشى دەپ بىلىۋاتىمەن سىمايىڭنى سىزىۋاتىمەن كۆڭۈل بىغىمغا قونۋاتىسەن، مەن كۆرىۋاتىمەن ئاستا-ئاستا ھېس قىلۋاتىمەن. *                 *            *    قۇتلۇق كۈنۈڭ سەن خۇشاللىق بولۋاتقاندا مەن سەن ئۈچۈن خۇشال بولىۋاتىمەن. سەن مېنىڭ خۇشاللىقىمنى چۈشىنەلمەيسەن. ئېھتىمال سەن كۆرمىگەن ،بەك يېراقتىمەن. *    *    * مەنبە:شاتئاي يازمىسى دوستۇم، ئاتا-ئانىڭىزنىڭ مەڭزىگە تاتلىققىنە سۆيۈپ قويۇڭ. ئاتا-ئانىڭىز سىزنى مۇشۇنداق ياراملىق ئەقىل ئىگىسى قىلىپ تەربىيەلىدى. دوستۇم ، ئانىڭىزغا رەھمىتىڭىزنى بىلدۈرۈڭ. چۈنكى ئانىڭىز سىزنى كۆپ ئەجىر بىلەن يىگىت قىلدى. دوستۇم، ئاتىڭىزغا تەشەككۇرلەرنى بىلدۈرۈڭ، ئۇ سىزنى مەردۇ -مەردانە ئوغلان قىلىپ تەربىيەلىدى.

燃烧べ哋杺

	تۇغۇلغان كۈنىدە ئەسلى بالا ئانىسىنى قۇتلۇقلىشى لازىم.....

★Esl~YaXa★

	ئۆزىمىزنىلا ئويلىماي ``` ئاتا-ئانىمىزنىمۇ ئويلاپ قۇيايلى ``` بىزنى قانچە جاپا بىلەن بېقىپ چوڭ قىلغان ھە ``` تېما ئىگىسىگە رەھمەت ````

kumbag

	بەك ياخشى يىزىپسىز ،بىز ئاتا-ئانىمزنى  قانچە كۈيلىسەكمۇ ئازلىق قىلىدۇ .

zapar

	ئىزا-پىزا تەييارلانسۇن....ئېتىلسۇن... مۇبارەك بولسۇن، ياخشى ئادەم بوپ ئاتا-ئانىڭىزنىڭ كۈتكەن ئۈمىدىنى ئاقلاڭ ھە!

شاتئاي

	بۇ تېما پەقەت مۇنبەردىكى بىر دوستۇمغا ئاتالغان يازمام. مۇنبەردە تۇغۇلغان كۈننى تەبرىكلەپ تېما ئەۋەتسە ، تولىسى ئۆچۈرلىدىكەن. مەنمۇ ئۆچۈرۈلمەسلىكى ئۈچۈن باشقىچە يازدىم . مەن تەبرىكلىگەن دوستۇمنىڭ ياقتۇرىشىنى ئۈمۈد قىلىمەن

gulbaxikar

	شاتئاي ئەجەپ ئىسىل سوۋغا تەييارلاپسىز جۇمۇ، ناخشىسىنىڭ مەنىسىمۇ بەك چوڭقۇركەن، قايسى بەخىتلىك دۇستىڭىز بۇ ، ئىسمىنى دادىل ئاتىۋەتمەي تازا  تەبرىكلەيلى تۇغۇلغان كۈنىنى شاتئاينىڭ ئەجرىگە ، ئالدىن دەپ قۇياي ، ئۇنداق ئۇيغۇرنىڭ قائىدىسىدە تۇغۇلغان كۈن مۇراسىمى يوق دەپ سۇغاق سۇ سەپمەيلى ھە دوسلار، يوق بولسىمۇ ياخشى ئىش بولغاندىكىن (بىر ئادەمنى خۇشال قىلىشمۇ ياخشى ئىش مەنچە)  ئۇنداق ئىنكاسنى ۋاقتىنچە قۇيۇپ تۇرايلى!    مۇبارەك مۇبارەك مۇبارەك، تۇغۇلغان كۈن مۇبارەك! كىم بولغايدى، ئۇماق سىڭلىم شاتئاينىڭ نەزىرىگە  بۇنچە ئىلىنغان ؟ ھەجەپ بىلگىم كەپ كەتتى دىسە

kapsiz

	ئۆلۈمگە بىر قەدەم يېقىنلاشقانلىقىڭىزنى تەبرىكلەيمەن.

adalet

	دوستىڭىز كىمدۇ؟ بۈگۈن مىنىڭمۇ تۇغۇلغان كۈنۈمتى...مەن بۇلۇپ قالماي يەنە... لېكىن سىزدەك بىر دوستۇم يوقتەك قىلىتى... دوستىڭىزنىڭ ئىسمىنى ئاشكارلىمامسىز...بىزمۇ تەبىرىكلەپ قويلى....

anjura

	ئانا! نىمىدىگەن گۈزەل ياڭرايدۇ-ھە!!! بىرياش ۋاقتىڭىزدا ئانىڭىز سىزنى ئىمىتىپ پەرۋىش قىلدى، يۇيۇپ تارىدى... سىز بولسىڭىز كېچىلىرى يىغلاپ ئۇنىڭغا ئۇيقۇ بەرمىدىڭىز.   ئىككى ياش ۋاقتىڭىزدائۇ سىزگە مېڭىشنى ئۈگەتتى... رەھمەت ئورنىغا سىز چاقىرسا قېچىپ كېتىدىغان بولدىڭىز. ئۈچ ياش ۋاقتىڭىزدا ئۇ سىزگە شىرىن تائاملارنى پۇشۇرۇپ بەردى...رەھمەت ئورنىغا سىز قاچىنى يەرگە ئاتتىڭىز. تۆتكە كىرگىنىڭىزدە بولسا قولىڭىزغا قەلەم تۇتقازدى، خەت يېزىشنى رەسىم سىزىشنى ئۈگەتتى...ئۇنىڭ ھىسابىغا تاملارنى قالايمىقان رەسىملەر بىلەن جىجاپ ۋەيران قىلدىڭىز. بەش ياشقا كىرگىنىڭىزدە ئۇ سىزنى چىرايلىق كىيىندۈرۈپ ياساپ قويدى...رەھمەت ئورنىغا كوچىدا لاي ئويناپ پاتقاققا مىلەپ كەلدىڭىز. ئالتە ياشقا كىرگىنىڭزدە ئۇ سىزنى مەكتەپكە تىزىملاتتى...ئۇنىڭغا سىز مەكتەپكە بارمايمەن دەپ غەۋغا قىلدىڭىز. ئونغا كىرگىنىڭىزدە ئۇ سىزنى سېغىنىپ مەكتەپتىن قايتىشىڭىزنى كۈتۈپ ئولتۇراتتى...سىز ئۇنىڭغا مىننەتدار بولۇشنىڭ ئورنىغا تەتۈر قاراپ كىرىپ كەتتىڭىز. ئون سەككىزگە كىرىپ مەكتەپنى پۈتتۈرگەن كۈنىڭىز ئۇ سۆيۈنگىنىدىن يىغلاپ كەتتى... سىز بولسا ئۇنىڭدىن ماشىنا ئېلىپ بېرىشنى تەلەپ قىلدىڭىز.    يىگىرمىگە كىرگىنىڭىزدە ئۇ سىزنىڭ ئۆيدە، ئۆز يېنىدا كۆپرەك تۇرىشىڭىزنى تەلەپ قىلغان ئىدى... سىز بولسىڭىز پۈتۈن ۋاقتىڭىزنى دوسلىرىڭىز بىلەن ئۆتكۈزىۋەتتىڭىز يىگىرمە بەشكە كىرگىنىڭىزدە ئۇ تاپقان-تەرگىنىنى سەرىپ قىلىپ سىزنىڭ تويىڭىزنى كاتتا قىلىپ ئۆتكۈزۈپ بەردى...سىز مىننەتدارلىق ئورنىغا خوتۇنىڭىز بىلەن ئىلاجى بار ئۇنىڭدىن يىراقراق ياشاشقا ھەرىكەت قىلدىڭىز. ئوتتۇز ياشقا كىرگىنىڭىزدە ئۇ بالىلىرىڭىزنىڭ تەربىيسى ئۈچۈن غەم قىلىشقا باشلىدى... ئۇنىڭغا شەخسى ئىشىمغا ئارىلاشما دەپ بويۇن تولغىدىڭىز.    ئوتتۇز بەشكە كىرگىنىڭىزدە ئۇ سىزنى ئېسىل تائاملارنى تەييارلاپ چۈشلۈك تاماققا چاقىرغان ئىدى... مىننەتدار بولۇش ئورنىغا ۋاقتىڭىز يوقلۇقىنى بانا قىلدىڭىز. قىرىق ياشقا كىرگىنىڭىزدە ئۇ ئاجىزلىقىنى، سىزگە مۇھتاجلىقىنى ئېيىتتى... سىز بولسىڭىز ئاتا-ئانىلارنىڭ ئىشلىرى بالىلارغا تەشۋىش بولاركەن دىدىڭىز. بىر كۈن ئۇ ئانىڭىز بۇ ئالەمنى تاشلاپ كېتىدۇ...ئەمما ئۇنىڭ سىزگە بولغان مۇھەببەتلىك قەلبى سىزنى تاشلاپ كەتمەيدۇ. ئۇ كېتىدۇ... سىزگە بولسا جەننەت ئىشىكلىرىنىڭ بىرى مەڭگۈ ئېتىلگەن بولىدۇ. ئەگەر ئانىڭىز ھايات بولسا ئۇنى يالغۇز قالدۇرماڭ!!! ئۇنىڭ يېنىغا بېرىپ پۇت-قوللىرىنى تۇتۇپ، ھال-مۇڭدا بولۇڭ!!!چۈنكى سىزنىڭ ئانىڭىز پەقەت بىرلا!!! ئەگەر ئانىڭىز يېنىڭىزدا ئەمەس،  سىز مۇساپىرچىلىقتا بولسىڭىز تىلفۇننى قولىڭىزغا ئېلىڭدە ئانا مەن سىزنى ياخشى كۆرىمەن، سىزنىڭ خىزمىتىڭىزدە بولالمىدىم دەپ ئۇنىڭغا بولغان مىننەتدارلىقىڭىزنى بىلدۈرۈڭ! چۈنكى ئاتا-ئانىلار سىزدىن پەقەت ۋە پەقەت بىر ئېغىز ياخشى گېپىڭىزنىلا كۈتىدۇ. ئۇ بولسىمۇ: ئاتا-ئانا! مەن سىلەرنى ياخشى كۆرىمەن!!! ئەگەر ئانىڭىز ئامانىتىنى ئاللاھقا تاپشۇرۇپ مەڭگۈلۈك كەلمەسكە كەتكەن بولسا كۆڭلىڭىزنى يېرىم قىلىپ يىغلاپ ئولتۇرۇش ئورنىغا ئورنىڭىزدىن دەسسىدە تۇرۇڭ-دە تاھارەت ئېلىپ ئانىڭىز ئۈچۈن ناماز ئوقۇڭ،دۇئا قىلىڭ!!! چۈنكى ئاللاھ پەرزەتنىڭ ئاتا-ئانا ئۈچۈن قىلغان دۇئاسىنىمۇ ئىجابەت قىلغۇسى!!! ئاتا-ئانىڭىز ھايات ۋاقتىدا ئۇلارغا ياخشى خىزمەت قىلىڭ!!! كىتىپ قالغاندىن كىيىن ئۆكۈنۈش ئىچىدە پۇشايماندا يۈرمەڭ!!! ئۆزبەكچىدىن ئۆزلەشتۈرگۈچى:ئەنجۈرە