مەخسۇس تىل-تەرجىمە سەھىپىسى ئېچىلسا

gurza

	مىسرانىمنىڭ سەھىپىلىرى ھەقىقەتەن مېنى رازى قىلىدۇ.چۈنكى بەكمۇ كەڭ ۋە كۆپ مەزمۇنلۇق سەھىپىلەر ئېچىلغان. ئەمدى مەن ئويلايمەنكى:مۇشۇنداق كۆرۈرمەن ۋە ئەزالىرى كۆپ بولغان بىر مۇنبەر ئارقىلىق تىلىمىزنى قېلىپلاشتۇرۇش ئۈچۈن بىر ئورتاق كۈچ چىقىرىپ باقساق دەيمەن.چۈنكى پەن-تېخنىكا ۋە جەمئىيەت ئۇچقاندىنمۇ تېز تەرەققىي قىلىۋاتقان بۈگۈنىمىزدە،يېڭى شەيئى ۋە يېڭى ھادىسىلەر سېكونتلاپ مەيدانغا كەلمەكتە.ئەگەر بىز مۇشۇلارغا يېڭى سۆزلەرنى ئىجاد قىلىشنى ئۈلگۈرتەلمەيدىغان بولساق،بىرنەچچە زاماندىن كېيىن تىلىمىزنىڭ نىمە بوپ كېتىدىغانلىقىنى تەسەۋۋۇر قىلغىلى بولمايدۇ.....گەپنى قىسقارتىپ دىگەندە:بىز بۇيەردە مەخسۇس كۆزنەك ئاچساق،قېرىنداشلىرىمىز ئۆزى بايقىغان يېڭىلىقلارغا ئىسىم ياكى مەلۇم سۆزنى ئىجاد قىلىشنى تەشەببۇس قىلسا،ئۇنى ھەممەيلەن بىر سىناپ كۆرسەك،بىرەر يېڭى سۆز ياسىلىپ قالسا:يەنە بىرى،قېرىنداشلار ئۆزلىرى ئىجاد قىلغان سۆزلەرنى بۇيەردە تونۇشتۇرسا،بىز مۇۋاپىق كۆرگەندە شۇپېتى قوبۇل قىلساق.....شۇڭا،مىسرانىمنىڭ مۇشۇنداق بىر كۆزنەك تەسىس قىلىپ، تىلىمىز ئۈچۈن بىر تۆھپە قوشۇشىنى ئۈمىد قىلىمەن. مەنبە: ئۆزۈم

tanha098

	مىنىڭچە بۇنداق قىلساق بولمايدۇغۇ دەيمەن ، بۇنداق يىڭى سۆز ئىبارىلەر بىزنىڭ ئانا تىلىمىزنى تىزلا ئۆزگەرتىۋىتىدۇ ، ئۇنىڭ ئۈستىگە بۇ يىڭى ياسالغان سۆزلەر ساپلا باشقا تىلدىن پايدىلىنىپ ياسىلىدۇ ...............(كنىتاكى)(كىندىجى )دىگەندەك يىڭى سۆزلەرنىڭ ئازراق بولغىنى ياخشى ..........

0909百合花

	بۇ تەكلىپ بەك ئېغىر بوپ كەتتىمۇ قانداق!

ankar528

	تۇرمۇش ئىستىمالىدا قايسى نەرسە يوق بولسا شۇ سۆز سىرىتتىن قوبول قىلىنىدۇ . بۇ تەدىرىجى تەرەققىيات نەزىرىيىسى ئىسپاتلىغان قائىدە . بۇنىڭغا ئامال يوق .

ubul0998

	ئاتا بۇۋۇلىرمىز ئىجات قىلغان تىلمىزدا قايسى گەپ كەم؟

ankar528

	ئاتا بوۋىللىرىڭىز ئىجاد قىلمىغان،  تۇرمۇش ئىستىمالىڭىزدا ئىشلىتىۋاتقان ،سىرىتتىن كىرگەن سۆزلەرنىڭ قانچىلىك ئىكەنلىكىگە قاراپ باقسىڭىز ئۇقىسىز !

gurza

	بۇيەردە دېيىلىۋاتقىنى:بىز ئۆزىمىزنىڭ ئانا تىلىمىز ۋە تىل قانۇنىمىز(گرامماتىكىمىز،ئىستىلىستىكىمىز،فونېتىكىمىز،لوگىكىمىز قاتارلىق)دىن پايدىلىنىپ يېڭى شەيئى ۋە يېڭى ھادىسىلەرگە نام قويساق دىگەندىن ئىبارەت(مەسىلەن:«ساقچىخانا»--ئەسلىدىكى «پەيسوخانا»دىن ،«ئۈزچات»--كەيگۈەن  يەنى ئۈزۈپ چاتقۇچى دىگەندىن تۇغۇلغاندەك ).ھەرگىزمۇ باشقىلارنىڭكىنى شۇپېتى كۆچۈرەيلى ياكى مۇتلەق چەتكە قاقايلى دىگەنلىك ئەمەس.بۇ كۆزنەك ئېچىلىپ قالسىلا چوقۇمكى،بىزنىڭ ئالىملىرىمىز،تىلچى مۇتەخەسىسلىرىمىز ۋە ئەقىللىق ،ئىنكاسى نۇرغا ئوخشاش زىرەكجانلىرىمىزنى جەلپ قىلماي قالمايدۇ.بۇ چاغدىكى كۈچنى سىز ۋە مەن قانداقمۇ تەسەۋۋۇر قىلالايمىز دەڭ؟! يەنە كېلىپ،تەدرىجى تەرەققىيات نەزەرىيىسىدە:باشقىلار تەييار قىلىپ بەرگەننى «مېنىڭ»دەۋالىدىغان تېئورېما(قانۇنىيەت تەبىرى)يوق.باشقىلارنىڭ تىلىدا ياسىغىلى بولغاننى بىزنىڭ تىلىمىزدىمۇ ياسىغىلى بولىدۇ(سۆزنى).باشقىلار قىلالىغاننى بىزمۇ چوقۇم قىلالايمىز،بەلكى باشقىلار قىلالمىغاننىمۇ قىلالايمىز.

motiwarlar

	ناھايىتى ئورۇنلۇق تەكلىپ بولۇپتۇ ،مەن قوللايمەن.بۇ ھەم يەنە تەرجىمە يولىدا ئىزدىنىۋاتقان دوسىتلارنىڭ تەرجىمە ئىقتىدارىنىڭ ئۆسىشىگە زور ياردىمى بولىدۇ دەپ قارايمەن.

adil820

	كىنتاكىي دىگەندەك سۆزلەر  سۆز ئۆزلەشتۈرۈشكە كىرىدۇ ، سۆز ياساش باشقا گەپ

gurza

	توغرا.دوستلار دىگەنكىدەك يەنە تەرجىمە مەسىلىلىرى،تىل تەتقىقات مەسىلىلىرى،تىل_تەرجىمە ئۈگىنىش دىگەندەك مەزمۇنلارمۇ بۇ كۆزنەك(ياكى سەھىپە)نىڭ ئېسىل مېھمىنى بوپ قېلىشى تەبىئىي.   يەنە بىرگەپ:مەن بۇ تېمىنى ئەسلى مۇنازىرىگە ئەمەس،مۇنبەر باشقۇرغۇچىلارغا دوستانە تەكلىپ سۈپىتىدە يوللىغانتىم.ئويلىمىغان يەردىن مۇنازىرىگە چۈشۈپ قاپتۇ.بۇنى بىلگەن بولسام ،سەل تولۇقلاپ ئاندىن يوللاركەنمەن.بوپتۇ،قالغىنىنى ئىنكاس شەكلىدە تولۇقلىۋالارمەن.