مۇھەررەم ئېيىدىكى پەزىلەتلىك ئەمەللەر

xjislam

	ئەسسالامۇ ئەلەيكۇم ۋەرەھمەتۇللاھى ۋەبەركاتۇھ. ناھايتى شەپقەتلىك ۋە مىھىربان ئاللاھنىڭ ئىسمى بىلەن باشلايمەن. مۇھەررەم ئېيى بولسا ھىجرىيە كالىندارىدىكى 1.ئاينى كۆرسىتىدۇ. مانا بۇگۇن 2011.يىلى 11.ئاينىڭ 28.كۇنى مۇھەررەم ئېيىنىڭ 3.كۇنىدۇر. مۇشۇ بۇيىچە ھىسابلىغاندا تاسۇئا ۋە ئاشۇرا كۇنلىرى 12.ئاينىڭ 4.ۋە 5.كۇنلىرى يەكشەنبە،دۈشەنبىگە توغرا كىلىدىكەن. بۇ كۇننى ئۇنتۇپ قالمىغايسىز. رەسۇلۇللە سەللەللاھۇ ئەلەيھى ۋەسەللەم بۇ ئايدىكى روزا توغۇرلۇق مۇنداق دىگەن«ئاشۇرا كۇندىكى روزا ئۆتكەن بىر يىلدىكى گۇناھلارنى » رواه مسلم . بۇ كۇننى بىھۇدە ئۆتكىزىۋەتمىگەيسىز. ئاللاھنىڭ سىزنى بۇ ئايغا ئۇلاشتۇرغانلىقىنىڭ ئۇزىمۇ ئاللاھنىڭ سىزگە ئاتا قىلغان ئەڭ چوڭ نىئىمىتى. مۇھەررەم ئېيى بولسا ئاللاھ بۇ ئايدا ئۇرۇش-جىدەلنى ھارام قىلغان ئايلارنىڭ بىرىدۇر. بۇ ئايدا قىلىنغان ئىبادەتلەرگە بىرىلىدىغان ئەجىرلەر ھەسسىلەپ-ھەسسىلەپ بىرلىدۇ. رەسۇلۇللە سەللەللاھۇ ئەلەيھى ۋەسەللەمدىن  پەرز نامازدىن قالسا قايسى ناماز ئەڭ ئەپزەل؟ پەرز روزىدىن قالسا قايسى روزا ئەڭ ئەپزەل؟ دەپ سۇرالدى. رەسۇلۇللە سەللەللاھۇ ئەلەيھى ۋەسەللەم«پەرز نامازدىن قالسا ئەڭ ئەپزەل ناماز كىچىنىڭ ئوتتۇرىدا ئوقۇغان نامازدۇر. پەرز روزىدىن قالسا ئەڭ ئەپزەل روزا مۇھەررەم ئېيىدىكى روزىدۇر»(مۇسلىم رىۋايەت قىلغان) رەسۇلۇللە سەللەللاھۇ ئەلەيھى ۋەسەللەم مەدىنىگە كەلگەندە يەھۇدىيلار ئاشۇرا (مۇھەررەمنىڭ 10.كۇنى) كۇنى رۇزا تۇتاتتىكەن. ئۇلاردىن نىمىشقا بۇ كۇندە رۇزا تۇتىدىغانلىقى سۇرالغاندا ئۇلار«مۇسا ئەلەيھىسسالام ۋە بەنى ئىسرائىل خەلقى شۇ كۇنى پىرئەۋننىڭ زۇلمىدىن قۇتۇلغان» دىگەندە رەسۇلۇللە سەللەللاھۇ ئەلەيھى ۋەسەللەم«مۇساغا بىز ئۇلاردىن يېقىنراق.سىلەر بۇ كۇندە رۇزا تۇتۇڭلار ئەگەر مەن كىلەر يىلىغا ئۇلىشالىسام تاسۇئا(مۇھەررەمنىڭ 9.كۇنى) كۇنىمۇ رۇزا تۇتىمەن» دىگەن. (بۇخارى رىۋايەت قىلغان ) رەسۇلۇللە سەللەللاھۇ ئەلەيھى ۋەسەللەم كىيىنكى يىلى مۇھەررەمگە ئۇلىشالماي ئاللاھنىڭ دەرگاھىغا كەتكەن. شۇڭا مۇھەررەمنىڭ 9.ۋە10.كۇنلىرى رۇزا تۇتۇش رەسۇلۇللە سەللەللاھۇ ئەلەيھى ۋەسەللەمنىڭ سۈننىتى. مۇھەررەمدە پەقەت رەسۇلۇللە سەللەللاھۇ ئەلەيھى ۋەسەللەملا رۇزا تۇتماستىن ئۇنىڭدىن ئىلگىرى كەلگەن پەيغەمبەرلەرمۇ رۇزا تۇتقانىكەن. ھەقىقەتەن ئاشۇرا كۇنىنىڭ پەزىلىتى بەك چوڭدۇر. مۇھەررەم ئېيى بۇرۇندىن تارتىپ ئۇرۇش ھارام قىلىنغان ئايدۇر. ئاشۇرا كۇنى رۇزا تۇتۇش بولسا بۇرۇنقى پەيغەمبەرلەرمۇ يەنى نوھ ئەلەيھىسسالام ۋە مۇسا ئەلەيھىسسالاملار رۇزا تۇتۇپ كەلگەن. رامزان روزىسى پەرز بۇلۇشتىن ئىلگىرى رەسۇلۇللە سەللەللاھۇ ئەلەيھى ۋەسەللەم ئۇزى ۋە ساھابىلىرى مۇھەررەمنىڭ 10.كۇنى تۇلۇق رۇزا تۇتۇپ كەلگەن. ئائىشە (ئاللاھ ئۇنىڭدىن رازى بولسۇن) رىۋايەت قىلىپ مۇنداق دەيدۇ«جاھىلىيەت ۋاقتىدا قۇرەيشلەر ئاشۇرا كۇنى رۇزا تۇتاتتى. رەسۇلۇللە سەللەللاھۇ ئەلەيھى ۋەسەللەمۇ رۇزا تۇتاتتى. مەدىنىگە ھىجرەت قىلىپ كەلگەندە ئۇزى ھەم تۇتتى. باشقىلارنى ھەم بۇ كۇنى رۇزا تۇتشقا بۇيرىدى. رامزان روزىسى پەرز بولۇپ ئايەت چۈشكەندىن كىيىن رەسۇلۇللە سەللەللاھۇ ئەلەيھى ۋەسەللەم :خالىغان كىشى بۇ كۇندە رۇزا تۇتسۇن خالىغان كىشى رۇزا تۇتمىسۇن دىدى» بۇخارى رىۋايەت قىلغان. رامزان رۇزىسى پەرز بۇلۇشتىن ئىلگىرى ئاشۇرا كۇنى رۇزا تۇتۇشقا ساھابىلەر بۇيرۇلغانىدى. رامزان رۇزىسى پەرز بولغاندىن كىيىن بۇيرۇق ئەمەلدىن قالدۇرلۇپ خالىغان كىشىنىڭ بۇ رۇزىنى تۇتىشىغا خالىغان كىشىنىڭ تۇتماسلىقىغا يول بىرىلگەن. ئابدۇللاھ ئىبنى ئەمىردىن رىۋايەت قىلىنىدۇ. رەسۇلۇللە سەللەللاھۇ ئەلەيھى ۋەسەللەم مۇنداق دىگەن«ئاشۇرا كۇنى بولسا ئاللاھنىڭ كۇنلىرىدىن بىر كۇندۇر. خالىغان كىشى بۇ كۇندە رۇزا تۇتسۇن خالىغان كىشى تۇتمىسۇن» (مۇسلىم رىۋايەت قىلغان) بۇ مۇھەررەم ئېيىدا بۇلۇپمۇ ئاشۇرا دەپ ئاتىلىدىغان 10.كۇنىسى تاسۇئا دەپ ئاتىلىدىغان 9.كۇنىسى رۇزا تۇتۇش رەسۇلۇللە سەللەللاھۇ ئەلەيھى ۋەسەللەمنىڭ سۈننەتلىرىدىندۇر. رەسۇلۇللە ئۆزى تاسۇئا(9.كۇنىسى)رۇزا تۇتۇپ باقىمىغان. ئەمما ئۆمرى يار بەرسە كىلەر يىلى تۇتىدىغانلىقىنى سۆزلىگەن. ئەمما كىلەركى يىلى مۇھەررەمگە ئۇلىشالمايلا ئاللاھنىڭ دەرگاھىغا رىھلە قىلغان. قېرىنداشلار. ئاشۇرا كۇنى رۇزا تۇتۇشنى ئۇنتۇپ قالماڭلار. ئاللاھنىڭ پەزلى بىلەن شۇ بىر كۇنلۇك رۇزاڭلار بىلەن ئۆتكەن بىر يىلدىكى بىلىپ-نىلمەي قىلىپ سالغان كىچىك گۇناھلىرىڭلارنىڭ مەغپىرەت قىلنىشىنى خالامسىلەر؟! ئۇنداختا يەنىلا شۇ مۇھەررەمنىڭ 10.كۇنى ئاشۇرا رۇزىسى تۇتۇشنى ئۇنتۇپ قالماڭلار. رۇزا بولسا بەندىنىڭ ئاللاھقا يېقىنلىشىشتىكى،تەقۋالىقنى كۈچەيتىشتىكى،ئۆزىمىزدىكى شەيتانلار بىلەن كۇرەش قىلىشتىكى، ئەڭ ئۇنۇملۇك قۇرال. ئەبى ئۇمامەتەلباھىلى (ئاللاھ ئۇنىڭدىن رازى بولسۇن) دىن رىۋايەت قىلىدۇكى رەسۇلۇللە سەللەللاھۇ ئەلەيھى ۋەسەللەم مۇنداق دىگەن«كىمكى ئاللاھنىڭ يۇلىدا بىر كۇن رۇزا تۇتسا ئاللاھ ئۇنىڭ بىلەن دۇزاخنىڭ ئارلىقىدا بىر خەندەكنى قىلىدۇ. ئۇ خەندەكنىڭ چوڭلۇقى ئاسمان ۋە زىمىننىڭ ئارلىقىدەك چوڭلۇقتىدۇر» تىرمىزى رىۋايەت قىلغان. ئەلبانى رەھىمەھۇللاھ سەھىھ دىگەن. ۋە يەنە دەيدۇ؛ بىر كىشى :-يا رەسۇلۇللە سەللەللاھۇ ئەلەيھى ۋەسەللەم مەن ئەمەل قىلىدىغان بىر ئىشقا باشلاپ قويسىلا. رەسۇلۇللە سەللەللاھۇ ئەلەيھى ۋەسەللەم«رۇزا تۇتقىن. رۇزىغا تەڭ كىلىدىغان ئەمەل يوق. » دىدى. `ئۇ كىشى يەنە: -يا رەسۇلۇللە سەللەللاھۇ ئەلەيھى ۋەسەللەم مەن ئەمەل قىلىدىغان بىر ئىشقا باشلاپ قويسىلا. رەسۇلۇللە سەللەللاھۇ ئەلەيھى ۋەسەللەم«رۇزا تۇتقىن. رۇزىغا تەڭ كىلىدىغان ئەمەل يوق. » دىدى نەسەئىي رىۋايەت قىلغان. ئالبانى `سەھىھ دەپ باھالىغان. ئۇندىن باشقا رۇزىنىڭ نۇرغۇنلىغان پەزىلەتلىرى بار. مىنىڭچە دىيارىمىز مۇسۇلمانلىرى بۇنى بىلىدۇ.شۇڭا رۇزىنىڭ پەزىلىتى توغۇرلۇق يەنە جىق نەرسىلەرنى يېزىش ھاجەتسىز.ئاللاھ ھەممىمىزنى بۇ ئۇلۇغ كۇندە رەسۇلۇللە سەللەللاھۇ ئەلەيھى ۋەسەللەمنىڭ سۈننىتى بۇيىچە مۇھەررەم ئېىنىڭ 9.ۋە 10 .كۇنى رۇزا تۇتۇشقا مۇۋەپپەق قىلسۇن. بۇ تىما توغرىسىدا چۈشەنمىگەن يەرلەر بولسا ئىنكاس قالدۇرساڭلار كۈچۈمنىڭ يىتىشىچە چۈشەندۇرۇپ قۇيىمەن.                                                  تەييارلىغۇچى: xjislam ئەسلى يوللانغان مەنبە:http://www.uzuk.net/?p=686

yoluqi

	بىلىۋېلىشقا تىگىشلىك ياخشى بىلىم. ئىنكاس ئارقىلق ساقلىۋالدىم.

ayrilmas

	ئاللاھ رەھمەت قىلسۇن قېرىندىشىم! ئاشۇرا كۇنىنى ئېسىمگە سالغىنىڭىزغا كۆپ تەشەككۇر! ئاللاھ سىزدىن رازى بولسۇن. بۇلتۇر ئاشۇرا كۇنى روزا تۇتالمىغان ئىدىم، خىزمەت ئالدىراشچىلىقىدا ئېسىمدى كۆتۇرۇلۇپ قاپتىكەن.بۇ يىل ئاللاھ خالىسا تۇتىمەن. يەنەمۇشۇنداق ئەھمىيەتلىك كۇنلەر كەلگەندە ،ئېسىمىزگە سېلىپ قويىشىڭىزنى ئۆتۇنىمەن....

qiqakkiz

	ۋەئەلەيكۇم ئەسسالام قېرىندىشىم . ئاللاھ رەھمەت قىلسۇن .مۇھەررەم ئېيى توشقىچە ئۈزۈلدۈرمەي روزا تۇتساقمۇ بولامدۇ؟

nurmamat0997

	رەھمەت! مەنمۇ ساقلىۋالاي

miskin312

	ئاللا ئەجرىڭىزنى بەرسۇن قىرىندىشىم، مۇشۇنداق ئۇلۇغ كۈنلەرنى يادىمىزغا سالغىنىڭىزغا رەھمەت، خۇدا خالىسا تىرىشىمىز. مۇشۇنداق كۈنلەرنى چىڭ تۇتايلى، ئىزدەپمۇ تاپالمايمىز. ئاللا ھەممىمىزنىڭ كۆڭلىگە ئىنساپ بەرسۇن، ئىمانىمىزنى مۇستەھكەم قىلسۇن.

ataman0

	ئەسسالامۇ ئەلەيكۇم ئاللاھ رەھمەت قىلسۇن قىرىندىشىم ، مەن 11-ئاينىڭ 27-كۈنىنى ھىجىريىنىڭ 1-كۈنى دەپ بىلەتتىم (ئاڭلىغان) لىكىن بۈگۈن مۇھەررەم ئىينىڭ 3-كۈنى ئىكەن ، ياكى مەن خاتا ئاڭلىۋالدىممۇ ، مۇمكىن بولسا مۇشۇ ھەقتە چۈشەنچە بەرگەن بولسىڭىز ، بولمىسا روزىنى بىر كۈن كىيىن تۇتۇپ قالماي يەنە!!

xebnem

	ئاللاھ رەھمەت قىلىسۇن ....

dolantograk004

	ئاللاھ ئەجرىڭىزنى بەرسۇن

qihrinaz

	مۇشۇنداق ئەھمىيەتلىك كۇنلەرنى داۋاملىق ئىسىمىزگە سېلىپ تۇرارسىز. اللاھ ئەجرىڭىزنى بەرسۇن

مۇرات

	ئەسسالامۇ ئەلەيكۇم قېرىندىشىم. ئاللاھ ئەجرىڭىزنى بەرسۇن. شۇ قۇتلۇق كۈنلەردە ئاللاھ رازىلىقى ئۈچۈن ئىبادەت قىلىشقا نېسىپ قىلسۇن.

kunqiqak

	رەھمەت مەنمۇ ساقلىۋالاي

nazira520

	ئاللا رەھمەت قىلسۇن

DOPPIQI

	ئەسسالامۇ ئەلەيكۇم قېرىندىشىم. ئاللاھ ئەجرىڭىزنى بەرسۇن.

ربانى

	ئەسسالامۇ ئەلەيكۇم قېرىنداشلار  .بۇ يىللىق ھىجرىيە كالىندارى 11- ئاينىڭ 26-كۈنىدىن باشلاندى.شۇڭا  12- ئاينىڭ 4- ۋە 5 -كۈنلىرى روزا تۇتساق بولىدۇ