بىر كوي بىلەن قورساق تويغۇزۇڭ !

XERHAN

	نان توغرىسىدا كىچىككىنە ئويلىغىنىم : تۇرمۇشتىكى بەزى ئاددى ساددا ياشاش ئۇسۇلى ئارقىلىق نۇرغۇن ئۈنۈم ۋە خۇشاللىققا ئىرىشكىلى بولىدۇ ، بۇ يەردە دىيىلگىنى بىر كوي بىلەن ئەتتىگەنلىك تاماقلىنىش مەسىلىسىنى ھەل قىلغانغا خوشاللىنىش ئەمەس بەلكى شۇ بىر كويغا كەلگەن ناننى نۇرغۇن كىشىلەرنىڭ چۈشلۈك - كەچلىك تاماق ئورنىدا يەۋاتقانلىقى ۋە يەنە نۇرغۇنلىغان ئادەمنىڭ كۈنلىكى بىر تال ناننىڭ يېرىمىغىمۇ ئىرىشەلمەي ياشاۋاتقانلىقىنى كۆز ئالدىمىزغا كەلتۈرۈپ تۇرۇپ شۈكرى - قانائەت بىلەن يىيىشتىن ئىبارەت . ئالدىنقى كۈنى بىر قىسىم ئاچارچىلىق بولىۋاتقان دۆلەت - رايۇنلاردىكى ئادەملەرنىڭ ئېچىنىشلىق تۇرمۇشىنى كۆرگەندىن كىيىن ئاش - ناننى تېخىمۇ قەدىرلەشكە تىگىشلىك ئىكەنلىكنى ھىس قىلدىم ، قەدىرلىك دوسلىرىم ، ئاش ئېشىپ قالسا ساقلاپ قويۇپ كىيىن يىگۈدەك بولسا يەۋىتىڭ ، نان ئېشىپ قالسا قېتىپ قاپتۇ دەپ تاشلاپ سالماڭ ! ناندا تۇزدا بار ، شۇ تۇزنىڭ قىساسى ھامان كەلمەي قالمايدۇ . ئادەتتە يولدا كىتىپ بارغان بولسام ماڭار يەردە بىرەر توغرام ناننىڭ پۇچىقى كۆزۈمگە چېلىقسا ئۇنى دەرەخ ئاچمىقىغا ۋە ياكى كىشى ئايىغى بىۋاستە تەگمەيدىغان جايلارغا ئېلىپ قويىمەن ، چۈنكى شۇ بىر پارچە ناننىڭ قانچىلىك مىھنەت - جاپادا ۋۇجۇتقا چىقىدىغىنى مانا كۆز ئالدىمدا تۇرۇپتۇ ، بىر يىل تاقەت بىلەن جاپالىق ئىشلىگەن دىھقانلار  ھامان شۇ بىر توغرام نان ئۈچۈن كۆرەش قىلىدۇ . . . چىقتى قۇياش ئۇپۇقتىن ، ئۆرلەپ ئاستا يورىدى ؟ دەل شۇ چاغدا خىيالىم ، `ناشتىسىزمۇ `؟ سورىدى . ماڭدىم ئاستا كوچىغا ، ناۋايخانا ئالدىغا . كىچىككىنە بۇ ئورۇن ، جايلاشقانتى دالدىغا . تەڭلەپ بىر كوي پۇل بىلەن ، ئالدىم ئىككى گىردىنى . يولدا ماڭغاچ تۈگەتتىم ، ناندىن شۇئان بىرىنى . قايتىپ كىلىپ ئورنۇمغا ، قىززىق چاينى دەملىدىم . ئەستەرلەشكە قورساقنى ، نان - چاي بىلەن پەملىدىم . پاھ ئەجەپمۇ راھەتكەن ، ئەتتىگەندە چاي -نانمۇ . سوراپ باقاي سىزلەرمۇ ، شۇنداق ناشتا قىلغانمۇ ؟ قورساق تويدى بىر كويغا ، شۈكرى دىدىم خۇداغا ، تەييارلايمەن ئەتىكى ، ناشتىلىققا بۇ داغا ... ئىخلاس بىلەن يېقىلغان ، ناندۇر بىزنىڭ يېمىمىز . چاي بىلانلا چىقىدۇ ، ئۇھ تارىتقاندا دېمىمىز . ناشتا دىگەن مۇھىمدۇر ، ئەتتىگەندە قىلىڭلار . ئىسىل قۇۋۋەت نان دىگەن ، بۇنىمۇ ھەم بىلىڭلار ! سۆيۈپ يەيلى نانلارنى ، چۈنكى ھالال مەھسۇلات . ھوزۇرلانساق تەمىدىن ، چىققاندەك بولۇر قانات . قورساق تويسا بولىمىز ، شىرىن خىيال سۈرگىدەك . ئافرىقىدا كىشىلەر ، نان تاپالماي يۈرگىدەك . ئەھلى - ئىمان دوسلىرىم ، ناننى جان دەپ بىلەيلى . ئەتىكى شۇ ناشتىغا ، بولسا بىللە كىلەيلى ! مەنبە : ئەتتىگەنكى ئويلىرىم .

yolkezar

	ئۆتكەن كۈنۈڭنى ئۇنۇتما شىرە چۇرۇقۇڭنى قۇرۇتما! ئاتا بوۋىلىرىمىز كۆرگەن كۈننىڭ بىرىنى كۆرگەن بولساق ئىدۇق....... چوقۇم .....

j@h@ng!r

	بەك ياخشى يىزىپسىز جۇمۇ.......

babureya

	' نان ' دىگەننىڭ خاسىيىتى ھەقىقەتەن ئوبدان ،ھەم يىيىشلىك دەڭلا . مەن بۇنى كۆرۈپ يۇرتىمىزنىڭ نانلرىنى خويمۇ سىغىنىپ كەتتىم .

getler

	تېجەشلىك بولۇش ئەسلىلا بىزنىڭ مىللىتىمىزنىڭ بىر خىل ئەن- ئەنىسى ئىدى ، لېكىن ھازىر .............؟

kaqmixlar

	ناھايىتى ياخشى يىزىپسىز   لىكىن غۇلجىداگىردىنىڭ دانىسى 1يۇۋەن

adil2052103

	مۇشۇ  ئىسراپچىلىقنىڭ  قىساسىنى بىركۈنى تارتىمز  ھە

hokumran

	بەزىلەر ئۈچۈن 1000 يۈئەن ھىچقانچە ھىساپلانمىغان بىلەن بەزىلەر ئۈچۈن 1 يۈئەنمۇ شۇنچىلىك قەدىرلىك .

AynaK

	بەك ياخشى يېزىپسىز. ئەمما بىزنىڭ بۇ يەردە، بىر سومغا بىرنانمۇ كەمەيدۇ. ئىككى سوملۇق ناممۇ كەمدىن كەم . ئۆچ سوملۇق ناننىڭ تۈرى جىق  . قىساسى بىزگە ئالىبۇرۇن كەپ بولدى.ئەمدى يەنە بىپەرۋا كۆچىسىدا يۈرسەڭ ئسراپ قىلىپ  ئاز كۈندە بۇرۇنقى بىر سوملۇق نان بەش سومغا چىقىدىغاندەك .جاننى باقماق تەستەك تۇيۇلىۋاتىدۇ

ئومىقىم

	نان...................نان...............نان...........نان..........نان مۇھىم. ناننى بىلمەيدىغان مىللەتمۇ بار.

zohran1

	تەربىيىۋى ئەھمىيىتى كۈچلۈك بولغان ئۆزگىچە بىر تىما ئىكەن.شۇڭا قەتئى ئىسراپچىلىق قىلماسلىق كىرەك.چۈنكى مۇقەددەس كىتابىمىزدىمۇ ‹يەڭلار،ئىچىڭلار ئىسراپ قىلماڭلار›دىگەن .

tagnur

	شىرخان سىلەر تەرەپتە بىر سومغا ئىككى گىردە كىلەمدۇ ؟ بىزنىڭ بۇ ياقتا بىر سومغا بىر تال كىچىك گىردە ئاران كىلىدۇ .

cayyara

	بىزنىڭ يۇرتتىمۇ بىر سومغا ئككى گىردە نان بەرمەيدۇ ، بىر سوملۇق ناننىڭ نېپىزلىقىدىن قۇياش نۇرى كۆرۈنىدۇ  ،،،، بۇلۇپمۇ ھېيت-ئايەملەردە قايسىلا ئۆيگە كىرسىڭىز داستۇرخاننىڭ يۈزى كۆرۈنمىگۈدەك تىزىلغان ئېسىل تائاملار ، مىۋە-چىۋىلەر ، قانچىلىك تائاملارنىڭ ئىسراپ بۇلۇپ تۆكۈلۈپ كەتىكىنى ھە ،،،،،كۈنلىكى نەچچە ئۆيدە ھېيتلاپ، قوسىغىم توق دەپ يىمىسە ،ئۆي ئىگىسى ‹ تامىقىم ئوخشىماپتىمۇ › دىگەن ،كۆڭلىگە كەلمىسۇن دەپ ھەر-بىر ئۆيدە ئاز-ئازدىن يىسىمۇ بۇ قورساقنىڭ توقلىقىنىڭ دەردى ،،،،،بەزى دۆلەتلەردىكى ئاچارچىلىقتىن ئۆلۈپ كېتىۋاتقان قېرىنداشلىرىمىزنى شۇنچىلىك سېغىندىم ، ھەر قېتىم شۇ مولچىلىق ئالدىمدا تۇرغىنىدا شۇنداق دەپمۇ كەتتىم ،ئاشۇ ئاچ قېلىۋاتقان قېرىنداشلىرىمىز  بولسا شۇ داستۇرخاندىكى تائاملاردىن بىللە غىزالانساق دەپ

lostba

	ئويغۇر نانلىرى ھازىر پۈتۈن دۇنياغا تارالدى

Ruin

	ياخشى تىما . ئاللاھنىڭ بىزگە بەرگەن نىئمەتلىرگە شۈكرى قىلايلى ! ئىسراپچىلىق قىلمايلى....! نان بىزنىڭ ئەجدادلىرمىزدىن قالغان ئىسىل مىراس .، قايسى مىللەت ،قايسى دۆلەتنىڭ بىزنىڭكىدەك نېنىمىز بار ؟ بۇ ئاللاھنىڭ بىزگە بەرگەن نىئمىتى ، ئاللاھنىڭ نىئمىتىگە تۇزكۇرلوق قىلمايلى !