ئىنسانلاردىكى گۇناھ!

kugul

	ــ ئىنسانلاردا ئۈچ تۈرلۈك گۇناھ بولىدۇ، ــ دېدى بىر دانىشمەن. كىشىلەر شۇئان ئۇنىڭ گېپىگە قۇلاق سالدى. ــ بىرىنچى گۇناھ بىراۋنىڭ بەختسىزلىكىدىن خۇشال بولۇش. ئەگەر قوشنىڭىزنىڭ كالىسى ئۆلۈپ قالسا، بۇ ھەرگىزمۇ سىزنىڭ خۇشال بولۇشىڭىزغا سەۋەب بولۇپ قالمىسۇن. ئۇنىڭغا ياردەم قولىڭىزنى سۇنۇڭ دېمەيمەن، دېمەكچى بولغىنىم باشقىلارنىڭ ئازابى ئۈچۈن خۇشال بولماڭ. قوشنىڭىزمۇ ئادەم، ئۇنىڭ پالاكەتكە يولۇقۇشىنى ئۈمىد قىلماڭ. كىشىلەر باشلىرىنى لىڭشىتىپ، ئۇنىڭ سۆزىگە قايىل بولۇشتى. دانىشمەن سۆزىنى داۋام قىلدى: ــ ئىككىنچى گۇناھ ئىشەنچىنى يوقىتىش. سىزنىڭ بىرلا سىيىرىڭىز بار، يەنە كېلىپ سىيىرىڭىز قېرىپ قالغانلىقتىن، جىق سۈت ساغقىلى بولمىغان تەغدىردىمۇ ھەرگىز ئۈمىدسىزلەنمەسلىكىڭىز، ھاياتقا تولۇپ تاشقان ئىشەنچ بىلەن قارىشىڭىز كېرەك. ئۇ سىيىرىڭىز گەرچە ھەم قېرى، ھەم كېسەلچان بولسىمۇ، ھامىنى سىيىر-دە، بەزى كىشىلەرنىڭ ھەتتا بىرەر سىيىرىمۇ يوق. كىشىلەر يەنە باشلىرىنى لىڭشىتىپ، قايىللىقىنى بىلدۈرۈشتى. شۇ ئەسنادا بىرەيلەن ئېغىز ئېچىپ قالدى: ــ ئەگەر مەن باشقىلارنىڭ بىرمۇ سىيىرى يوقلۇقى، مېنىڭ بولسا بىر سىيىرىمنىڭ بولغىنى ئۈچۈن خۇشال بولسام، بۇ باشقىلارنىڭ تۇرمۇشى ماڭا يەتمىگەنلىكى سەۋەبلىك كۆرەڭلىگەنلىك بولۇپ قالامدۇ، قانداق؟ ئەجەبا، بۇ بىراۋنىڭ بەختسىزلىكىدىن خۇشال بولۇشقا كىرمەمدۇ؟ كىشىلەر شۇئان جىمىپ، ئۇ كىشىنىڭ سۆزىنى ئويلاشقا باشلىدى. ــ كىشىلەرنىڭ ئۈچىنچى گۇناھى دەل ئىشنىڭ تېگى-تەكتىنى سۈرۈشتۈرۈشكە ئامراقلىقىدۇر، ــ دېدى دانىشمەن. مەنبە: ئۇيغۇرچە تەرمىلەر ژۇرنىلى 2010-يىللىق 12-سان .

Tughrul

	بىزدە ئەڭ ئېغىر ساقلقنىۋاتقان «گۇناھ» دەل 3 - گۇناھ يەنى باشقىلانىڭ ئىشىنى تېگى _ تەكتىگىچە سۈرۈشتۈرۈش .

haci

	مەنىلىك تىما يوللاپسىز. ھارماڭ. ----------------------------------------------- ھە راست، ئىمزايىڭىز ئىسىلكەن، دىگىنىڭىز كەلسۇن!

zapar

	3-گۇناھ مەندىمۇ بارمۇ نىمە؟! دىققەت قىلسام بولغۇدەك.

سەۋېر

	گۇناھلاردېن يىراق تۇرايلى!!!

munqak

	ئاللاھ رەھمەت قىلسۇن!....ئەھمىيەتلىك تېمىكەن.....

turkyan

	بىزدىكى گۇناھلار ئىللەتلەر بەك كۆپ جۇما ھەي  گۇناھلىرىمىزنى اللاھ مەغپىرەت قىلىۋىتە.. يامان ئىللەتلەرنى بىزدىن يىراق قىلا ئىنشا اللا..

uzumtal

	رەھمەت ! ئاللاھ تىلىكىڭىزگە يەتكۇزسۇن كۆز مۇنچاق . مۇشۇنداق قىممەتلىك ھىكىمەتلەرنى كۆپرەك يوللىماي !  ئاران بىر پىيالە يوللاپسز. چوڭراق قاچا-قۇچا يوقمىدى ؟

xiwas1-

	ئاپتور جاۋابىنى بويلاپ 7قەۋەت  uzumtal كە 2011-11-27 11:03 PMئەۋەتىلدى  : رەھمەت ! ئاللاھ تىلىكىڭىزگە يەتكۇزسۇن كۆز مۇنچاق . مۇشۇنداق قىممەتلىك ھىكىمەتلەرنى كۆپرەك يوللىماي !  ئاران بىر پىيالە يوللاپسز. چوڭراق قاچا-قۇچا يوقمىدى ؟   چوڭ قاچىدا ئەكەلسە ئازراق بوسا بۇتتى دەپ نالەقىلاسىلە ھېلى ......ھا ھا ھا

musilina

	ئەمىيەتلىك تېما يوللاپسىز،اللاھ ھەرقانداق بەندىسىنى گۇناھلىق ئىشلاردىن نېرى قىلسۇن....

kaqmixlar

	ناھايىتى ياخشى تىما يوللاپ سىز

quwax

	ئاجايىپ دانىش مەن ئىكەن

yolkezar

	راست ئۈجۈر بۈجۈرىگىچە بىلىۋالمىساق بولمايدىغان بىر ئادەت باركەن بىزلەردە! توۋا دەيمەندە، تەربىيىۋى ئەھمىيىتى ياخشىكەن!

muyunqur

	ھەممىمىز بۇ تارازىغا ئۆزىمىزنى بىر سېلىپ باقساق بولغىدەك!

hekmat-uyghur

	راست گەپنى  قىلسام  يوقارقى  گۇناھلاردىن  خالى ئىنسان يوق  دېيەرلىكلىكەن جۇمۇ، پېقىردىمۇ ئانچە  مۇنچە ساقلىنىۋاتىدىغۇ  دەيمەن، بىراق  ئەڭ  چوڭ  تىرىشچانلىغىم  بىلەن تۈزىتىشكە تىرىشىمەن.     4-  گۇناھ: ئۆزىدىكى  گۇناھ - ئىللەتلەرنى  بايقىيالماسلىق ۋە  تۈزىتىشكە  تىرىشماسلىق.        ئۇلۇغ  ئاللاھ  ھەممىمىزنى  گۇناھلاردىن  يىراق  قىلغاي!