خوتەن ۋە خوتەن قاشتېشىسى ھەققىدە

xiwas1-

	خوتەن ۋە خوتەن قاشتېشىسى ھەققىدە بىلىۋېلىڭ ! ئېھتىمال، خوتەن قاشتېشىسى ھەققىدە بەزى گەپلەرنى ئاڭلىغان بولۇشىڭىز مۇمكىن ، خوتەن ھەققىدە ۋە خوتەن قاشتېشىسى ھەققىدە ۋە مۇشۇ تىجارەت يولى ھەققىدىكى ئۆزگىرىش ۋە يىڭىلىقلارغا قىزىقسىڭىز تۆۋەنگە نەزەرسېلىڭ !! دۇنيابويىچە 4- دەرىجىلىك گۆھەرھىساپلىنىدىغان ساپ خوتەن قاشتېشىسى، تەخمىنەن  كىلو گىراملىق باھاسىنى مۆلچەرلىسەك،ھەرگىرامى ئوتتۇز مىڭ بىلەن ئاتمىش مىڭ يۈئەن خەلق پۇلى ئەتراپىدا . خوتەننىڭ خەرىتىدىكى ئورنى : خوتەن دەرياسى باش ئېقىنىدىكى قوغدىلىدىغان  مېلىكاۋات قەدىمى شەھەر خارابىسى ، بۇشەھەر خارابىسى گىرۋىكىنى خوتەن دەرياسى يالاپ ئاققاچقا ھەم خارابە ئەتراپىدا دېھقان ئاھالىسى بولغاچقا، بۇشەھەر خارابىسى كۆپ بۇزغۇنچىلىققا ئۇچرىغان، ئۇنىڭ ئۈستىگە خارابىنىڭ 12مىتىردىن 15مىتىر يەرئاستىدا قاشتېشى چىقىدىغان بارا ( بارادىگىنىمىز  قاشتېشى چىقىدىغان بۇزغۇنچىلىققا ئۇچرىمىغان ، ساق ئېقىننى دىمەكچى! )بولغاچقا قاشتېشى قازغۇچىلار ئامالنىڭ بارىچە كولاپ تېخىمۇ ۋەيرانچىلىق بولغان! ھازىر بولسا قوراللىق قوغدىلىۋاتىدۇ . تەكلىماكان قۇملىقىغا تۇتاش بولغان خوتەن لوپ ناھىيىسىگە قاراشلىق سۇغاق قۇم كەنتى ،قۇملۇقنىڭ تەخمىنەن  15مىتىردىن 10مىتىر ئاستىدا بۇرۇن سۇئاققان ئېقىن بولۇپ قاشتېشى چىقىدىغان بارا   بار ، قاشتېشى قازغۇچىلار شۇقۇملارنى   توپاقىزىش ماشىنىلىرىدا  يۆتكىگەندىن كىيىن تاكى يەرئاستىدىن سۇ چىققۇچە ئېچىلغان بارىنى كولايدۇ .گەرچە بۇقۇملۇقلار شەكىللەنگىلى ئۇزۇن يىللار بولغان بولسىمۇ قاشتېشى قازغۇچىلار10نەچچە مىتىر  قۇمىنى يۆتكەپ ئاچقان بەزى بارىلار ساق چىقمايدۇ ،ئېيتىشلارغا قارىغاندا بۇرۇن چەتئەللىكلەر خوتەن دەرياسىنىڭ مۇشۇ بۆلەكلىرىگىچە  قاشتېشى قازغان مىش ، بۇ ساق چىقمىغان ئېقىن  بارىلار  شۇچەتئەللىكلەرنىڭ نەچچە ئەسىر ئىلگىرى  قېزىپ بولغان  يېرى دەپ قارالماقتا ... قاشتېشى قازغۇچىلار توپاقىزىش ماشىنىلىرى بىلەن قېزىۋاتقان خوتەن دەرياسى : كەلكۈن خوتەن دەرياسىنىڭ تاش ياتقان يەنى قاشتېشى چىقىدىغان بۆلىكىنىڭ  ئۇمۇمى ئۇزۇنلىقى تەخمىنەن 100كىلومىتىر ئەتراپىدا بولۇپ ئاخىرلىرىدا قاشتېشىلا ئەمەس، ھەتتا  ياۋاتاش يەنى بىكارتاشمۇ يوق،  ئەڭ ئاخىرى تارىم دەرياسىغا قوشۇلۇپ ئاقىدۇ ،بۇرۇنلاردا  قاشتېشى  قازغۇچىلار گۈرجەك ،جوتۇ ئارقىلىق قاشتېشى قازغان  بولسا، ھازىر ئاساسى جەھەتتىن توپا قىزىش ماشىنىلىرىدا ئادەم بارغۇدەك ماشىنا پاتقۇدەكلا يەرلىرىنىڭ ھەممىسى كولىنىپ قېزىلىپ بولۇندى ،لىكىن ھېلى ھەممۇ قولدا گۈرجەك ۋە جوتوداجاپالىق كولاپ قاشتېشى قازغۇچىلارمۇ يەنىلا كۆپ ، خوتەن دەرياسىنىڭ ساق قالغان جايلىرى بولسا پەقەت خوتەن دەرياسىنىڭ باش بۆلىكى يەنى خەتەرلىق بەزى جايلىرى ئادەم ياكى ماشىنىلار بارغىلى بولمايدىغان بەزى جايلىرى ساق قالغان .لىكىن ئۇيەرلەرمۇ نىمىلا ئاماللارنى قىلىپ كولانماقتا . قاشتېشى قازغۇچىلارنىڭ ھازىرقى ئەھۋالىغاكەلسەك ، سۇ ئىشائاتى قۇرۇلىشى ئورۇنلىرى  ۋە دەريا باشقۇرۇش ئۇرۇنلىرى دۆلەت زىمىن بايلىقى ئىدراىسى تەرىپىدىن  خوتەن دەرياسىنىڭ ھەددىدىن زىيادە بۇزغۇنچىلىققا ئۇچرىشىدىن ساقلىنىش ئۈچۈن  ، پۈتۈنلەي توپاقىزىش ماشىنىلىرى بىلەن قاشتېشى قىزىش چەكلەنمەكتە . خوتەن خەلقى ئاللاھنىڭ ئاتاقىلغان بۇ بايلىقى ھەقىقەتەن كۆپ ساندىكى خوتەن خەلقىگە بەخت ، باي باياشات تۇرمۇش ئاتاقىلدى ، خوتەن دەرياسىدىن چىقىدىغان ئەڭ قىممەت بايلىق قاشتېشى بولسا ، ئۇندىن باشقا  شۇدەريادىن چىقىدىغان قۇم ، چوڭ قورام تاش ئۇششاق شېغىللىرىدىن تارتىپ ھەممىسى ئىقتىسادىي قىممەت يارىتىپ نۇرغۇنلىغان خوتەن پۇقرالىرىنىڭ تىرىكچىلىك مەنبەسى بولۇپ كەلمەكتە .جۈملىدىن ئۆزۈممۇ مۇشۇ قاشتېشىنىڭ نېنىنى يەۋەتقان بىر بەندە بولغاچقا، مۇشۇ خوتەن قاشتېشىسى توغرىسىدىكى ئۆزىم بىلىدىغان   بەزى مەلۇماتلارنى كەڭ تورداشلارنىڭ ھوزورىغا سۇنۇش ئۈچۈن بۇلارنى يوللاپ ئولتۇرۇپتىمەن! قاشتېشىنىڭ ھازىرقى سېتىلىش ئەھۋالىغاكەلسەك ،ئۇيغۇر قاشتېشى سودىگەرىلىرىنڭ قولىدىن  پايدا ياكى زىيان بىلەن قولدىن قولغا ئۆتۈپ ئەڭ ئاخىرىدا ئىچكىر ئۆلكىلەردىن كەلگەن خەنزۇ يولداشلارغا سېتىلىدۇ  ، بۇيولداشلار بۇنىڭدىن ئۆزى نىمىنى خالىسى شۇنى ياسايمىش . مەسىلەن :مانا مۇشۇلاردەك : [img] [/img] ھازىر بولسا نۇرغۇن قاشتېشى سودىگەرلىرى قاشتېشىلارنى ئىچكىر ئۆلكىلەرگىچە ئەكىرىپ سېتىپ تىجارەت قىلماقتا . يەنەبىر يېڭى ئەھۋال شۇكى ،قاشتېشى قېزىش چەكلەنگەندىن كىيىن نۇرغۇنلىغان توپاقىزىش ماشىنىلىرى شۇماشىنىلارنىڭ ئىگىلىرى بىكار بولۇپ قالدى!لېكىن، ئۇلار يەنە ھازىرقى خوتەن تەرەققىياتىغا  ماس بولغان يېڭىچە تىجارەت يولىنى تاپتى. ئۇ بولسىمۇ ئىچكىرى ئۆلكىلەردىن ماشىنا ئەكىلىپ سېتىش ،خوتەن شەھەر ماشىنا بازىرىنىڭ كۆلىمى ئىككى گىكتاردىن ئاشسىمۇ ،بازارغا سېتىلىش ئۈچۈن كىرىدىغان ماشىنىلار بازارغا پاتماي قالغان! ھەتتا ئۈرۈمچى قاتارلىق باشقا شەھەرلەردىنمۇ خېرىدارلار كېلىپ ماشىنا سېتىۋېلىش قىزغىنلىقى ئاشماقتا ئىكەن . مىنىڭ بىلىدىغانلىرىم مۇشۇنچىلىك ئىكەن .كەڭ تورداشلارنىڭ خاتاكەتكەن جايلىرىنى ئەسكەرتىپ تۇلۇقلىشىنى ۋە بۇ ھەقتە تېخىمۇ تەپسىلى بىلىدىغان تورداشلارنىڭ ئۇچۇرلار بىلەن تەمىنلىشىنى ئۈمىد قىلىمەن . مەنبە :بەيدۇ ۋە  ئۆزۈم

kapsiz

	خەتلىرىڭىز رامكىنىڭ سىرتىغا چىقىپ كېتىش سەۋەبلىك، تېما مەزمۇنىنى تولۇقى بىلەن ئوقۇشقا مۇمكىن بولماي قالدى. بولسا بىر تەھرىرلەپ كۆرسىڭىز.

peyaz

	تىمىڭىزنى ھوزۇرلىنىپ ئوقۇغۇم بار ئىدى ، لىكىن پۇچۇق چىقىپ قاپتۇ خەتلىرىڭىز !!

281151976

	ناھايتى ياخشى تىما ئىكە .

aski0903

	ئەگەر قاشتېشىنى نىفىتنى بايقىغاندەك بايقايدىغان ئۈسكۈنە بولسا قانداق بوپكىتە شىۋاس؟

majnun3231

	ئۇنداق بايقاش ئەسلا مۇمكىن ئەمەس

fatima

	قاشتېشى بولسا خوتەننىڭ زور بايلىقى،قاشتېشى بىلەن نۇرغۇن ئادەملەر بېيىپ كەتتى.

ulugh

	باھاسى قاشتېشىدىنمۇ يۇقىرى بوپكىتەرمىكى؟؟؟؟؟؟؟؟

xiwas1-

	ئاپتور جاۋابىنى بويلاپ 4قەۋەت  ئەسلىمە كە 2011-11-27 02:10 PMئەۋەتىلدى  : مىنىڭ كومپىيۇتىرىمدا نورمال كۆرۆندى، ياخشى يازما،   مەندە بىر ئاق قاشتىشى بار، سىتىۋالامسەن شىۋاس. قېنى ئاۋال كۆرۈپ باقاي خوتەننىڭ تېشىمۇ ياكى ...........؟