تۇغۇلمىغانلارغا .....

tang-xamili

	تۇغۇلمىغانلارغا                                                                                                        ئاپتورى : مۇھەممەتجان راشىدىن ئوت ئۆچمىگەن قازانلارغا ئوخشايدۇ  ئالەم، ئوتتىن ئۇلۇغ كۆرەشلەرگە چىدىساڭ كەلگىن. چىنپۈتمىگىن«پاراغەتكە تۇغۇلدۇڭ»دېسە، سالقىنى يوق دەشت-چۆللەرگە چىدىساڭ كەلگىن. گاھى رىزقىڭ ئاق نان بولسا ،گاھى تېرىقتۇر، كۈلدىن ئالغان كۆمەچلەرگە چىدىساڭ كەلگىن. گاھ كۈنلەردە يوقتۇر ساڭا كۈندۈز راھىتى، ئەسكى تامدا تۈنەشلەرگە چىدىساڭ كەلگىن. كىم ئېيتىدۇ :«دوست تارتقاننىڭ جىمىسى دوست»دەپ، چۆرەڭدىكى كۈندەشلەرگە چىدىساڭ كەلگىن. ھايات دېگەن مەۋج ئۇرۇپ ئاققان بىر دەريا، ئۈزمەك ئۈچۈن  ئۆركەشلەرگە چىدىساڭ كەلگىن. ھەركىم كېلىپ سۆيۈۋەرمەس ئىككى مەڭزىڭگە، گاھ ھەم قارا سۈركەشلەرگە چىدىساڭ كەلگىن. سىيلاش ئەمەس، تاتىلاش ئۈچۈن تىرناقلار تەييار، قۇسۇر تېپىپ جۆندەشلەرگە چىدىساڭ كەلگىن. ئەجەل باردۇ سېنىڭ ئۈچۈن ماختاشلاردىمۇ، «تىل تەگمىسۇن»،سۆزلەشلەرگە چىدىساڭ كەلگىن. بىر تال تۈككە ئايلىنىسەن  بىلمەي بەزىدە، ئۇچۇرغىلى پۈۋلەشلەرگە چىدىغاڭ كەلگىن. چىڭ باغلىنىپ تىرىكچىلىك ئارقانلىرىغا، خالىغانچە سۆرەشلەرگە چىدىساڭ كەلگىن.

yolkezar

	مۇھەممەتجان راشىدىننىڭ شېئېرلىرى بەك ئىسىل جۇمۇ، ئەجرىڭىز يەردە قالمىغاي!

fansuab

	راسىت دەيسىز. بەك ئېسىل شېئىرلارنى يازىدۇ جۇما ~

kunsanap

	بۇنى تۆمۈرخان روزى ناخشا قىلىپ ئوقۇغان ھە !! ئۇ ناخشىنىڭ ئىسمى  چىدىساڭ كەلگىن  ئىدى  !! مەزمۇن بەك ياخشى بۇ شېئىر نىڭ

barquk8

	مەن بەك ياقتۇرۇپ ئۇقۇيمەن بۇ بوۋىمىزنىڭ شېئىرلىرىنى ........

ark-ay

	ئىسىل........تۆمۈرخان كۇچا غا  كەلگەندىلا ئاڭلاپتىكەنمەن بۇ ناخشىنى ،رەخمەت ساقلىۋالاي.......