مەكتەپلىرىمىزدىكى سېتۇدېنىت قىزلار

吾日古丽

	مەكتەپلىرىمىزدىكى سېتۇدېنىت قىزلار قەلەم كۈچۈم سەل ئاجىز بولغانلىقتىن ھەم تۇنجى يېزىشىم بولغاچقا ئانچە ياخشى يازالمىدىم ، شۇنداقتىمۇ سىزلەرگە سۇندۇم. بىز مەكتەپتە ئوقۇۋاتقان ۋاقىتلاردا كىيىمەن دېگەننى كىيەلمەيتۇق،خەجلەيمەن دېگەننى خەجلىيەلمەيتۇق، بىزدە پۇل يوق ئەمەس ، بار لىكىن بىز ئاتا-ئانىمىزدىن تارتىنىپ ئۆزىمىز خالىغانچە دېيەلمەيتۇق. ھازىر مەكتەپتە ئوقۇۋاتقان قىزلىرىمىزغا قارايدىغان بولساق ئۇلار ئاتالمىش كورىيە پوسۇن دەپ ھەدەپ مودا قوغلاشماقتا .شۇنداق كىينىۋالغان  قىز ئوقۇغۇچىلارغا قارىساملا  باشقىچە بولۇپ قالىمەن،مەن شۇنداق چاغلاردا ھېلىقى(ئىسمىنى ھەم ئاساسىي تسكىستىنى ئۇنتۇپ قاپتىمەن ، ئېسىمدە قالغان يېرى شۇلا ئىكەن) بىر ناخشىا ئېسىمگە كىلىدۇ «چېچىمىزنى بويىدۇق قىزىل ، ئەمما كۆزلەر بولمىدى يېشىل» . بىزنىڭ باشقىلارنىڭ مەدەنىيتىنى قوبۇل قىلشىمىز توغرا ، لىكىن مەدەنىيەت قوبۇل قىلدۇق دەپ ئۇنى قارىغۇلارچە دوراشقا بولمايدۇ. ھازىر  بەزى ئاتا-ئانىلار بالىلىرىنى باشقۇرامدۇ يا باشقۇرسىمۇ  بالىلار تەربىيەنى ئاڭلىمامدىغاندۇ؟ تېخى بەزى ئاتا - ئانىلاربالىلىرىغا ئېگىز پاشنىلىق ئاياق، ھەم يېرىم-ياتا ئوچۇق،بىر پېشى قىسقا ،بىر پېشى ئۇزۇن،يولدىن چىققان قىزلار كىيدىغاندەك كىيىملەرنى ئۆزلىرى تاللاپ ئېلىپ بېرىدىكەن.     بىر كۈنى مەن بازار ئايلىنىۋېتىپ بىر ئاشخاننىڭ ئالدىدىن ئۆتۈپ كېتىۋاتسام قارشى تەرىپىمدىن ئەمدىلا تۇلۇقسىزنىڭ 3- يىللىقىدائوقۇيدىغان ئىككى قىز كېلىۋېتىپتۇ، ئۇ قىزلار ئۇچىسىغا قىسقا ، ياقىسى شۇنداق ئوچۇق ، ئەگەر سەللا دىقەت قىلمىسا مانا مەن دەپلا كۆرۈنۈپ قالاتتى ، يەنە تېخى پاسۇنى غەلىتىلا بەدەنگە يېپىشىپ تۇرىدىغان كىيمنى كىيۋاپتۇ، گىرىم دېگەننى قونچاقلاردەك قىلىۋاپتۇ،دەل شۇ چاغدا يول بويىدا تۇرغان ئاشپەز بالىلارنىڭ غەلىتىلا ئاۋازلارنى چىقىرىپ ئىسقىرتىپ ،لەۋلىرنى يالاشقىنچە، شەھۋەت يېنىپ تۇرغان كۆزلىرىنى ئۇلاردىن ئۈزمەي قاراپ تۇرغانلىقىنى كۆرۈپ شۇنداق بىرخىل خىجىل بوپ كەتتىم .ئىچىمدە شۇ قىزلارغا ۋە شۇ قىزلارنىڭ ئاتا-ئانىسىغا ئېچىنىدىم ھەم نەپرەتلەندىم. مەن بۇ ئىشلارنى بىزنىڭ ئىشخاندىكىلەرگەدەپ بەرگەن ئىدىم،ئۇلارتوۋا دەپ قالدى. بىز ئىشخاندىكىلەر ئولتۇرۇپ بەزىدە شۇنداق مۇلاھىزىلەرگە چۈشۈپ  كېتىمىز، ھازىر مەكتەپلەرگە قارايدىغان بولسا ئوقۇتقۇچى بىلەن ئوقۇغۇچىنى ئايرىغىلى بولمايدىغان دەرىجىگە بېرىپ قاپتۇ، ھېلىمۇ مائارىپتىن بىر تۇتاش مەكتەپ فورمىسى تارقىتىپ ئوقۇتقۇچى بىلەن ئوقۇغۇچىنى پەرقلەندۈرۈشكە ئاسانلىق يارىتىپ بېرىۋاتىدۇ بولمىسا ھەي ......، ھازىرغۇ ئەمدى 16-18ياشنىڭ قارىسىنى ئېلىپ مۇشۇنداق بىز كىيىشتىن نومۇس قىلىدىغان ھەم كىيپمۇ باقمىغان كىيملەرنى كىيۋاتىدۇ ،بىزنىڭ يېشىمىزغا بارغاندا نىمە كىيەر ؟ يا بولمىسا چەت ئەللىكلەردەك ، قېرىنداش خەن مىللىتىدەك يېرىم ياتا كىيىنىپ ، ياكى يالىڭاچ يۈرىشەرمۇ؟، يەنىلا ھەممە مەسئۇلىيەت ئاتا- ئانىلاردا ،ھازىر پىلانلىق تۇغۇت سىياسىتىنى يولغا قويغاندىن باشلاپ كۆپىنچە ئائىلىلەردە يالغۇز پەرزەنىت بوپ قالدى ، شۇڭا  ئۇلارنى ياخشى يېدۈرىمىز، ياخشى كىيندۈرىمىز چەكتىن ئاشۇرۇپ ! بۇ ئىشلار مىللىتىمىزدىكى ئەدەپ-قائىدە ،ئەھكاملارنى ئۇنتۇشقا سەۋەپچى بولىۋاتىدۇ. شۇڭا ھەممىمىز مىللى ئەنئەنىگە ئەھمىيەت بېرەيلى، مىللىتىمىز زەئىپلىشىپ كەتمىسىۇن! توۋا دەيمەن توۋا دەيمەن بۇ بىر ئەۋلات كىملىشىپ كەتتى، ۋىجدانىنى زەي- شور بىسىپ چىملىشىپ كەتتى. قەشقەر ، خوتەن ئاش تۇزىدا ئەتلەنگەن تۈرۈپ، يۈرۈش - تۇرۇش، ئوي پىكىردە رىملىشىپ كەتتى. يىگىتلىرى ئەردەك ئەمەس  روھى زەيىپانە، ئەقلى پۇلپەز، غورۇرى دەز نىملىشىپ كەتتى. قىزچاقلىرى قىزدەك ئەمەس شەرمى - ۋاپا كەم، بېشى چۇۋۇق ، كۆكسى ئوچۇق ، شىملىشىپ كەتتى. تەڭلا ئەتە خۇسۇسىيغا لەۋزى پاراڭ يوق، جىسمى كەيپۇ- ئىشرەت بىلەن يىملىشىپ كەتتى. بىشارەت بۇ گۇمراھلىقتىن يىتۇل غاپپىللىق، پۇرقىتىڭدە شائىر تىت- تىت جىملىشىپ كەتتى.          - روزى سايىت

natik

	مۇشۇنداق تىملىرىڭز ئۈزۈلمىگەي .....مۇشۇ تىمنى ئۇغۇل- قىزلىرى ئالى مەكتەپتە ئۇقۇيدىغان ئاتا-ئانىلار كۆرسە ئەجەپ ئەمەس.

yolkezar

	شۇنداق ھازىر شۇنداقلىشىپ كەتتى ، لىكىن ئامال قانچە، دېققەت قىلىڭلار دىسە تاس قالىدۇ ئادەمنى...... ھەي بولدىلا . تېمىڭىز ياخشى يوللىنىپتۇ ، شۇنداق يولغا مېڭىۋاتقان قېرىنداشلىرىمىز كۆرسە ، ئۆزگەرسە ئەجەپ ئەمەس! ئاللاھ ئەجرىڭىزنى يەردە قويمىسۇن!

Khalifa

	يۇرتىمىزدا بۇلسا،خەنزۇچە،چەتئەلدە بۇلسا،ئىنگىلىزچە...ھېم...           تىل دېگەن بىر بايلىق،بىراق تىلىنى ئۆگەندۇق دەپ،مەدىنىيەتنى سىڭدۈرۈۋىلىش توغرىمۇ؟                ......قىزلىرىمىزنىڭ كىينىش،گەپ سۆز ئىش ھەركەتلىرىگە مائارىپ سەۋەپچىمۇ؟ئائىلە ئامىلىمۇ؟ جەمىيەتمۇ.....ئىشقىلىپ ھازىر چۈشەنمەكمۇ تەس بۇلۇپ كەتتى..

turkyan

	ئاللا كۆڭلىگە ئىنساپ بېرە توۋا ... ئوغۇللا بولسا قىماغا دۇمچۇشكەن .قىزلار بولسا....  قىيامەت كۈنىسى نىمدەپ جاۋاپ بېرەمىزكى تاڭ  ئاللا ئۇكۈنلەرنى بىزدىن يىراققىلار

muyunqur

	ئەڭ ياخشىسى ئۇلارنىڭ كۆڭلىگە ئىنساپ تىلەيلى!    سىزنىڭ كۆرگىنىڭىز تېخى كىچىكلىرى.....

j@h@ng!r

	ئەڭ ياخشىسى ئۇلارنىڭ كۆڭلىگە ئىنساپ تىلەيلى!

kunsanap

	ئامال يوق !! تۈزەپمۇ تۇزىيالمايدۇ  ، ئۇ بىچارە ئاتا  ئانىلار ،، ئەگەر بىرەر  غورورى قاينايدىغان يىگىتكە ئۇچۇراپ قالسا  تۈزۇلۇپ كېتەر دەيمەن ،،،ئۇلارمۇ شۇنداق كىيىشى باشقىلارنىڭ دىققىتىنى تارتىش ئۈچۈن ئەمەسمۇ !!! ئەمما شۇ  غورۇرلۇق بالىلار ئۇنداقلارنى ياراتمايدۇ ،،قانداق قىلارمىز  ھە !! يەنىلا ئامال يوقكەن جۇمۇ ،!!