سەھرالىرىم ، شەھەرلەر ( مۇھەممەتجان راشى

tang-xamili

	سەھرالىرىم ئۇلۇغلايمەن سەھرالار، سېنى، ئۇنۇتمايمەن ئايدا بۇلساممۇ. يانچۇقۇمدا ئۈزۈڭ بەرگەن نان، ئايدى ھالقىپ قايدا بۇلساممۇ. جايىم شەھەر بۇلغىنى بىلەن، رىزقىم سەندىن پۈتكىنى راستۇر. شان-شۆھرىتىم بۇ دۇنيادىكى، شۇڭا ئاۋال ئۈزۈڭگە خاستۇر. كۆزۈمدە ياش سېنى ئۇيلىسام، كەلگەنلەردىن سۇرايمەن سېنى. ئەللەر ئەتتىر پۇرايدۇ ،ئەمما، مەن ھېلىمۇ بۇغداي پۇرايمەن. ئاينىش ماڭا ئۈلۈم ئەمەسمۇ، تاغقا چىقسام ئېدىرنى ئۇنتۇپ. نېمە تاپاي،بالىلىقىمدا- سەن چاي بەرگەن ھېجىرنى ئۇنتۇپ. دېھقان،دېسە دىلىم سۆيۈنۈپ، ھۇزۇر بىلەن كەلدىم بۇ ياشقا. تالاي شېئرت يازدىم،ۋە لىكىن بىر ئۆزۈڭنىڭ تەسۋىرى باشقا. نېمشقىدۇر،يىغلاپ يازمەن، ساڭا يازغان شېئرلىرىمنى. ئۆزگىلەردىن يۇشۇرغان بىلەن، يۇشۇرمايمەن سەندىن سىرىمنى. ئاتام بىلەن ئانام رەھمەتلىك، سەندە ياتتى، سېنى قۇچاقلاپ. شۇندىمىكىن بەلكىم سەۋەبى، خۇشال بىرىپ، قايتىمەن يىغلاپ. ئەسكى چاپان ئەستىن چىققايمۇ، سەندە ئۆتكەن باللىقىم ھەم. مەنغۇ مەيلى،نېچۈن سىنىڭدە، ھېلىغچە تۈگىمەيدۇ غەم؟ ئۆز سۈيۈڭنى ئۆزۈڭگە سېتىپ، بىرى ئەجەپ نەق پۇل ،دەيدىكەن؟ نەق پۇلۇڭ يۇق قۇرۇپ كەتسەڭمۇ، ئۇلار ھەجەپ غەم يېمەيدىكەن؟! ئەسكى چاپان بار ئىكەن تېخى، سەھرالىرىم ،ئادەملىرىڭدە. كونا داغلار تۇرسا ئۇياتقۇ، ئەللىك يىللىق يۇيغان كىرىڭدە؟! ساڭا ئاخشام بېرىپ كەلگەنلەر، ھەيران قاپتۇ شۇلارنى كۆرۈپ، يېڭلاشقا ئامال بارمىكىن، سەندە كۇنا ئۆيلەرنى ئۆرۈپ؟ يېڭى كۈيلەر سەندە تەل ئەمەس، تېخى <كۇنامۇقام>بار ئىكەن. بەزىلەردە يېڭى ئەقىل يۇق، كونا قىقاس-چۇقان بار ئىكەن. چۆكۈپ قالدىم غەملىرىڭگە مەن، غەمدىن باشقا نە قىلالايمەن؟ سەھرالىرىم،بارچىدىن ئۇز!دەپ، يەنە سېنى ئەتىۋارلايمەن. نۇرۇز كەلدى يەنە ئايلىنىپ ، بىلدىڭمىكىن،خەۋەرسىز قالدىم. ئەتكەنمىدۇ نورۇز ئېشى، دەپ، ئاۋال سېنى يادىمغا ئالدىم. سەھرالىرىم ئۆز بالاڭ تۇرسام، سېنى ھەر كۈن ئۇيلىمامدىمەن؟ سەن قۇتۇلساڭ كەمبەغەللىكتىن، مەنمۇ غەمسىز ئۇينمامدىمەن؟! شەھەرلەر سەھرالارنى تۇنۇمسىلەر،شەھەرلەر، يۇقلا،دېسە ئۇنامسىلەر، شەھەرلەر؟ كېلىپ-كېتىپ يۈرگەنلەردىن، دېھقاننىڭ- ئەھۋالىنى سۇرامسىلەر، شەھەرلەر؟ ئىزدەمسلەر قۇلۇم-قۇشنا دېگەننى، ئاش-تاماقمۇ سۇنامسىلەر،شەھەرلەر؟ يىراقلشىپ بىزدىن ياكى بىر يۇلى- قۇلۇڭلارنى يۇيامسىلەر شەھەرلەر؟ كەلگەنلەرنىڭ ئەھۋال ئېيتىپ ،ھېلىمۇ يانچۇقۇنى كۇلامسىلەر،شەھەرلەر؟ ئادىمىيلىك بارمۇ-يۇقمۇ سىلەردە، قۇرۇق بارساق ئۇرامسىلەر شەھەرلەر؟ رېستۇرانلار كانى ئىكەن ئۇيۇننىڭ، كۈندە شۇنداق ئۇينامسىلەر،شەھەرلەر؟ تائام دېگەن ئېشىپ قاپتۇ شۇ پېتى، تۆكمسەڭلار تۇيمامسىلەر.شەھەرلەر؟ بەگزادەگە ئايلىنىپتۇ باشلىقلار، ئۇيناۋېرىپ قۇرامسىلەر ،شەھەرلەر؟ بىر چىرايلىق كېتۋاتقان ھارۋىنى، يامان يۇلغا بۇرامسىلەر،شەھەرلەر؟ سېتۋالغان ئۇغۇت ساختا،دۇرا جا، بىزنى ئەمدى بۇلامسىلەر شەھەرلەر؟ كەلكۈن بىلەن خۇدا ئۇرغان دېھقاننى، سىلەر يەنە ئۇرامسىلەر ،شەھەرلەر؟ جا ماللارنىڭ ئۇۋسىمۇ،سىلەرمۇ، مالنى مەڭگۈ بۇيامسىلەر شەھەرلەر؟ يالاڭلارنى يۆلەۋاتسا پۈتۈن ئەل، سىلەر قاراپ تۇرامسىلەر،شەھەرلەر؟ كېرەكلىكنى بىزدىن ئېلىپ تا مەڭگۈ، بىزگە ھاپاش بۇلامسىلەر،شەھەرلەر؟ شۇنچە چېرىپ كەتتىڭلارمۇ ،ۋەياكى، بىزگە شۇنداق پۇرامسىلەر شەھەرلەر؟ ئاپتۇرى : مۇھەممەتجان راشىدىن

atayar

	بۇ شىېئىرنى ھازىرلام قەلىب سەيناسى مۇنبىرىدە كۆرگەن ئىدىم. ئىككىڭلار بىر ئادەممۇ ياكى؟ http://www.salamurumqi.com/sayna/read.php?tid=164

@hiyali@

	ئېسىل   شىئېركەن  ..

كارۋان

	ئۆز ئەينى كۆچۈرۈپ كىلىنىپتۇ بىرتال پەش ياكى چىكىتمۇ نېرى-بىرى ئەمەسكەن. بىر ئادەممىكىن دەيمەنغۇ. مۇھەممەتجان ئاكىمىزنىڭ شېئرلىرى ئادەمگە باشقىچە زوق ئاتا قىلىدۇ دىسە.

ayyamguri

	مۇھەممەتجان ئاكىمىزنىڭ شېئرلىرى ئادەمگە باشقىچە زوق ئاتا قىلىدۇ .ئەجرىڭىزگە رەخمەت !

bugaltir

	مۇھەممەدجان راشىدىننىڭ  شىئېرلىرى  ھەقىقەتەن  ياخشى  چىقىدۇ   . مەن مۇھەممەدجان راشىدىننىڭ   ‹‹  ئۆز يارىڭ  ›،  ناملىق  شىئېرىنى   بەك  ياخشى  كۈرىمەن  . ئۆز يارىڭ مۇھەممەدجان راشىدىن ئۆزگە باغقا كۆز سالما،  ئۆز بېغىڭدا گۈلزارىڭ، نېمە تەشۋىش ئالەمدىن،  تۇرسا ياندا ئۆز يارىڭ. ئاشناڭ ساڭا ئاش بەرمەس قازىنىدا ۋاپانىڭ، ئاغرىپ قالساڭ ئاشلايدۇ ئاپئاق ناندا ئۆز يارىڭ. يار ئۈستىگە تۇتقان يار بەڭگە ئوخشار بىر چىلىم، لەززەت يوقتۇر تەكتىدە تاۋۇز كەبى بىر تېلىم. مۇڭداشقانسەن مۇڭداشساڭ تۈگىگىچە بىر فېلىم، مىڭ سۆيگۈ بار ئۇ يەڭلىغ،  ئاچقان پالدا ئۆز يارىڭ. پىچاق كەسسە قولۇڭنى ھېچكىم ئۇنداق تاڭالماس، تىكەن كىرسە پۇتۇڭغا،  ھېچكىم ئۇنداق ئالالماس. يۆلەپ يۈرەر ئۆمۈرلۈك بولۇپ قالساڭ ماڭالماس، نىجاتلىق بار سەن ئۈچۈن ياققان شامدا ئۆز يارىڭ. يۈگۈرۈپ چىقار ئالدىڭغا قايتىپ كەلسەڭ سەپەردىن، ئېسىلىدۇ بوينۇڭغا يارىڭ،  ئامان چىقساڭ خەتەردىن. يامان كۈن يوق ئالەمدە يارسىز يالغۇز ئۆتەردىن، تۈنەپ چىقار سەن بىلەن ئەسكى تامدا ئۆز يارىڭ. جۇدالىققا دۇچ كەلسە،  ئاۋۋال سېنى ئەسلەيدۇ، سەن بولمىساڭ،  سۇ تۇتۇپ،  ئۆزى خامان چەشلەيدۇ. بىلىندۈرمەي يوقۇڭنى،  ئۆزى ئوتۇن كەسلەيدۇ، راھەت دېگەن ئەسلىدە ئەتكەن خامدا ئۆز يارىڭ. چىنىسىدىن ئىلغايدۇ قىيمىسىنى چىنەڭگە، ئاش ئۇسقاندا،  بىچارە بىللە چىقىپ بىنەمگە. باي بولغاندا ياتقۇزار ئاۋۋال سېنى گىلەمگە، تولغىنىسەن راھەتتە،  ئويغاتقاندا ئۆز يارىڭ. كۆكلىتىدۇ تەر تۆكۈپ،  تۇرمۇش ئاتلىق باراڭنى، سەن تالانى ئويلىساڭ،  ئۆيدىن باشلار پاراڭنى. دۈشمىنىڭگە كۆرسەتمەس يىرتىقىڭنى،  ياراڭنى، سۆيگۈڭ كېلەر سەن ئۈچۈن ئۇھ تارتقاندا ئۆز يارىڭ. جاھان قىلغان جاھاننى شۇلاردىكى ساداقەت، چېچىلغاندۇر شۇلاردىن يەر - زېمىنغا سائادەت. باھار قەلب،  ياز چىراي،  ئۆز يار دېگەن گۈل قامەت، كەلمەكتىدۇر ئات چېپىپ،  شەرەپشاندا ئۆز يارىڭ.

elzat5

	ئاجايېپ ئسېلكەن جومو...... رەخمەت......

oglan25

	بەك ئىسىل شېئىركەن! مۇھەممەتجان راشىدىنكامنىڭ شىئىرلىرى ناھايىتى ئۆتكۆر ،ناھايىتى ئاممىباپ خەلىققە يىقىن!

تاڭنۇر

	ئاپتور جاۋابىنى بويلاپ 5قەۋەت  bugaltir كە 2011-11-25 07:27 PMئەۋەتىلدى  : مۇھەممەدجان راشىدىننىڭ  شىئېرلىرى  ھەقىقەتەن  ياخشى  چىقىدۇ   . مەن مۇھەممەدجان راشىدىننىڭ   ‹‹  ئۆز يارىڭ  ›،  ناملىق  شىئېرىنى   بەك  ياخشى  كۈرىمەن  . ئۆز يارىڭ ....... مۇھەممەدجان راشىدىننىڭ  شىئېرلىرى  ھەقىقەتەن  ياخشى  چىقىدۇ   . مەن مۇھەممەدجان راشىدىننىڭ   ‹‹  ئۆز يارىڭ  ›،  ناملىق  شىئېرىنى   بەك  ياخشى  كۈرىمەن  . مىسرانىم مۇنبىرىگە مۇھەممەتجان راشىدىن ئاكىمىز  دىمەتلىكلەرمۇ ‹ تەڭتۇشلارمۇ، تەڭ ياشتىكىلەرمۇ › كىرىدىغان ئوخشايدۇ ھە ؟ بۇ ئاكىمىزنىڭ شئېرىللىرىنىڭ تىلى بەك يەڭگىل ، چۈشۈنۈشلۈك ، زىيادە چۈشۈنىكسىز سۆزلەر يوق ، شۇڭا ئەدىبىياتتىن ئازراق ساۋادى بار ئادەم بىر ئوقۇپلا تېمىنىڭ چوڭقۇر مەنىسىنىمۇ چۈشىنىۋالالايدۇ . مېنىڭ شئېر يېزىشقا قىزىقىشىمغا مۇشۇ ئاكىمىزنىڭ شئېرىللىرى سەۋەپ بولغان ، مۇھەممەتجان ئاكىمىزدەك ياخشى ، تېتىملىق ، چۈشۈنۈشلۈك شئېرلارنى يېزىشقا چۇقۇم تىرىشىمەن . ئاخىرىدا بۇ ئاكىمىزنىڭ ئىشلىرىنىڭ ئوڭۈشلۇق ، ئىجادىيەت مىۋىللىرىنىڭ مول بولۇشىنى ئۈمۈت قىلىمەن !

yazkuni

	مەنمۇ بۇ شائىرىمىزنىڭ شىئىرلىرىغا بەك ئامراق،