ئازابىم(ئەينەك)

AynaK

	ئازابىم بىلىقىزئەمەتپاك ھاياتلىق بېغىمغا كەلدى زىمىستان،  بېشىمدا چۆگىلەر   بۇلۇت قارىداپ. ئەپقاشتى بەختىمنى  ماتەم ئاخشىمى،   ئازاپتىن تولغاندىم   دادامنى ئويلاپ. تۆت تامغا قارىسام يۈرەك ئېچىشىپ ، يۈرىمەن كەچمىشنىڭ قوينىدا  تىترەپ. سېنى مەن ئۇنۇتماق بولدۇم يۈرەكتىن   ،   كېلىمەن غەيرەتكە  بالامنى ئەسلەپ. كۆزۈمگە قارىسا بۇلاقتەك كۆزلەر، ''جان ئانا يىغلىما ''دېسە ئىسەدەپ. مەڭزىمگە سۆيگەندە ئېسىمنى يىغىپ، سۈرتىمەن يېشىمنى  ئۆزۈمنى تۈزەپ. يۈرەكىم ''دادا' دەپ  تولغىنار مىنۇت، داۋا يوق دەردىمگە  كەزسەممۇ جاھان. كۈل بولدۇم  جۇدالىق باغرىدا ئىڭراپ، بولماقتا ھاياتىم     سېنىڭسىز    ۋەيران. يىغقاندا ئەقلىمنى كەتتىڭ مەن سەنسىز.   چېكىمەن نادامەت  سېغىنىش قىيناپ. تۇپراقلا ئايرىدى  مېنى سېنىڭدىن، توۋلىسام  سەن جىمجىت  ياتىسەن قاراپ . تەس ئىكەن  ئايرىلىش ئادەمگە  دېگەن. مۇھەببەت ئويلانسام   ئاتا -ئانامكەن. سۆيگۈسى پەقەتلا ئۇلارنىڭكى راس، ئالدىنىپ يالغانغا ياشاپ كەپتىمەن .. مەنبە ؛قەلىمىم.

0000bahar

	سېغىنىشنىڭ رەڭگى   سېغىنىشنىڭ قانداق بولىدىغانلىقىنى بىلسەممۇ رەڭگىنىڭ قانداق بولىدىغانلىقىنى بىلمەيتتىم. ئانام، تۆت قېرىندىشىم ۋە ئۇرۇق – تۇققانلار بىلەن ئايرىلىش ياشلىرىمىزنى توسمىسى ئىچىۋىتىلگەن كەلكۈن سۈيىدەك قويىۋەتكىنىمىزچە دادامنىڭ تاۋۇتى بىلەن خوشلاشماقتا ئىدۇق. تۇۋۇت كۆتۈرۈلۈپ دەرۋازىمىزدىن لەڭ ئۇرۇپ چىقىپ كىتىۋاتقان ئاشۇ پەيتتە مەن دادامنى يەنە بىر كۆرۈۋالماقچى بولۇپ كىشىلەر توپىدىن بويۇندىدىم، بۇ ۋاقىتتا كۆزۈمگە كۆرۈنگىنى ۋە قارچۇقۇمدا قىتىپ قالغىنى يېشىل رەڭلىك تاۋۇت يوپۇقى بولدى. شۇنىڭدىن باشلاپ سېغىنچلىرىم، چېكىگە كۆز يەتمەيدىغان، توختاۋسىز يەلپۈنۈپ كىشىگە ئارام بىغىشلايدىغان بولۇق ئۆسكەن مايسا ھالىتىدە زاھىر بولىدىغان بولدى. تومۇز ئايلىرىدىكى چەكسىز كەتكەن چۆللۈكتىن ھۇۋۇلداپ كىلىپ تۇرىدىغان ئاتەشكە ئوخشاش سىغىنىشلىرىمنى تاۋۇت يوپۇقى رەڭلىك يىشىل سىغىنىشلىرىم بىلەن نەمدەيدىغان بولدۇم. تېرەكلەر پوتلا چىقارغان، ئۈرۈكلەر چىچەكلەشكە تەييار بولۇپ قوماچلىرى ساپال رەڭگىگە كىرگەن ۋە كېچىدىن بىرى ساپسېرىق توپا يىغىپ پۈتۈن جاھان سىرىقلىق ئىلكىدە قالغان بىر سەھەردە دادامنىڭ تۇپراق بىشىغا چىقتىم. نەچچە قەدەم ئالدىدىكى نەرسىنى ئىلغا قىلغىلى بولمايدىغان توپا قوينىدا تۇپراقنىڭ سىرىق رەڭ ئالغان توپىسىغا چۆكۈپ ئولتۇردۈم. كۆز ياشلىرىم مەڭزىم، يۈزۈم ۋە بوينۇپ بويلاپ ئىچىمگە قۇيۇلماقتا ئىدى. دادامنىڭ نۇرلۇق كۆزى، شىرىن سۆزى، قەددى-قامىتى شۇنداقلا ساغلام ۋاقىتلىرىدىكى ھەر بىر ئىش ھەركىتى كۆز ئالدىمغا قايتا پەيدا بولۇش بىلەن بىللە ئالدىمدىكى سىرىق رەڭلىك توپا ۋە سېرىق رەڭ ئالغان تۇپراق ھەممىنى يالماپ كەتتى. كۆز ياشلىرىم مەڭزىم، يۈزۈم ۋە بوينۇپ بويلاپ ئىچىمگە قۇيۇلۇشقا باشلىدى ۋە مېنى ئېقىتىپ كەتتى. شۇنىڭدىن باشلاپ سېغىنىشنىڭ رەڭگىنى توپا رەڭدە ھىس قىلىدىغان بولدۇم. توپا رەڭلىك سېغىنىش قەلبىمگە لەپ-لەپ يىغىپ تۇراتتى. مانا بۈگۈن يۇرتۇمدا توپا يېغىۋاتقىلى ئۈچ كۈن بولدى، بۈگۈن سەھەردىن باشلاپ ئۇلغۇيۇپ يىغىۋاتقان سىرىق توپا نەچچە قەدەم ئالدىدىكى نەرسىنىمۇ ئىلغا قىلغىلى قويمايتتى. سەھەردە ئۇلغىيىپ يېغىۋاتقان سېرىق رەڭلىك توپا بىلەن قوشۇلۇپلا توپا رەڭلىك سېغىنىشلىرىممۇ لەپ-لەپ يېغىشقا باشلىدى. شىمالدىن جەنۇپقا قاراپ ياسالغان دادام تۇپرىقىنى ئىلغا قىلىشقا ئۇرۇنغان كۆزلىرىمدىن يىغلاڭغۇ بۇلۇتلاردىن تۆكۈلگەن يامغۇرغا ئوخشاش ياش كەلكۈنى يامراپ مەڭزىم، يۇزۇم ۋە بوينۇم بويلاپ سىرغىغان ياشلار ئىچىمگە قاراپ ئېقىشقا باشلىدى ۋە مېنى ئېقىتىپ كەتتى. توپا رەڭلىك سېغىنىشلار لەپ-لەپ يېغىۋاتاتتى.

AynaK

	سېغىنىشلار لەپ-لەپ يېغىۋاتاتتى تىنىمسىز يۈرىكىمگە. كۆرىۋالاي دىدىم ئاخىرقى قېتىم،لېكىن جۇدالىق شاماللىرى   سېنى كۆز ئالدىمدىن ئېلىپ قاچتى .مەن قوغلۇدۇم . تاۋۇتۇڭغا ئېسىلماقچى بولدۇم .جامائەت تۇتىۋالدى .سېنى پەرىشتە سۈپەت ياساندۇرۇپ، سەللەڭنى  تاۋۇتۇڭغا قوندۇرۇپ،نامىزىڭنى چۈشۈرگىلى ئېلىپ ماڭدى. مەن ئاجىزلىغىم سەۋەپ سېنى ئاخىرقى قېتىم  ئۇزۇتۇشقىمۇ بارالمىدىم .ئەلۋىدا جېنىم ئاتا!

YuqunAdam

	باغرىڭدا بىر ئۆمۈر يايرىتىپ قويۇپ، بېغىمغا گۈل چېچەك تېرىپ كىتىپسەن. ھىدلاردىن مەسخۇشلۇق ئەيلىگەن چاغدا، ياشىماي مەن بىلەن ھېرىپ كىتىپسەن. قولۇڭنى بىر تاتلىق سۆيەلمەي تۇرۇپ، بىمەھەل ھەي ئىسىت ئۆلۈپ كىتىپسەن.

safiyaa

	ئىشخانىدا ئولتۇرغىنىمنى بىلسەممۇ ،  كۆزۈمدىكى تارام- تارام ياشلىرىمنى تۇتۋالالمىدىم، گەرچە  مەن  ھازىرقى  ھىسياتىمنى  تىل بىلەن ئپادىلەشكە ئىنتايىن  ئاجىزلىق قىلساممۇ ،  يۇقۇرقى قۇرلاردىن ماڭا ئوخشاش ئازاپ ئىچىدە ،سىغىنىش ئىچىدە ياشاۋاتقان قىرىنداشلىرىمىزنىڭ مىنىڭ قەلبىمدىكى ئازاپلىرىمنى ئەينەن  ئىپادىلەپ بەرگەندەك ھىس قىلدىم .  ئاتام بار كۈنلەرنى ئويلىسام ئۆزۈمنى دۇنيادىكى ئەڭ بەخىتلىك ئادەم دەپ ئېيتالايمەن ،  مىھىرىبان ئاتامدىن ئايرىلغاندىن بېرى ئازاپ پاتقىقىغا  پىتىپ قالغان ئادەمدەك ،  تۈۋرۈكىمدىن ، تېغىمدىن ،  بېغىمدىن ، بارلىق خۇشاللىقىمدىن  ئايرىلىپ  قالغاندەك  ياشاپ كىلىۋاتىمەن ،راست دەيسىز ، ئاتا-ئانا مۇھەببەتىلا ھەقىقىي  مۇھەببەت ھىسابلىندىكەن ، ئۇلارنىڭ ھاياتلىقى بىزنىڭ ئەڭ چوڭ بەختىمىزكەن ، مەنمۇ ئاتامدىن تۇيۇقسىزلا ئايرىلىپ قالغىلى  يېرىم يىل بولدى ، بۇ  يېرىم يىلنى قانداق ئۆتكۈزگىنىمنى بىر ئاللاھ ، بىر ئۆزۈم بىلىمەن ،بۇنىڭدىن كىيىنمۇ مۇشۇنداق ئازاپ ، سىغىنىش ئىچىدە ياشىشىم مۇمكىن، شۇنداقتىمۇ قۇدرەتلىك ئاللاھ  بىزگە سەۋر ئاتا قىلىدىكەن !

ubul0998

	بەك ياخشى چىقىپتۇ

fatima

	تېمىنى ،بىر-بىرىدىن ئىسىل چۈشكەن ئىنكاسلارنى ئۇقۇپ ياشلىرىمنى تۇتۋالالمىدىم. جان دادامنىڭ سىماسى بىردەممۇ كۆز ئالدىمدىن كەتمەيدۇ. جېنىم دادا سەن بىلەن تېلفۇندا كۆرۈشۈپ بىر سائەت ئۆتمەيلا  شۇم خەۋەر كەلدى. شۇم خەۋەرنى ئاڭلاپ ئازاپ دەشتىدىن مىڭ ئۆلۈپ دېگدەك باردىم.ئەمما كۆرگۈنۈم ئۆلۈم ماتىمىڭ بولدى.كۆز ئالدىمدىكى بۇ رىياللىقنى قۇبۇل قىلالمىدىم.گاھ ،ھۇشۇمدىن كەتسەم گاھى تاۋۇتۇڭغا ئېسىلىپ يىغلاپ دادا -دادا مەن كەلدىم.سەن ئامراق كۆز قارچۇغۇڭدەك كۆردېغان قىزىڭ كەلدى.دادا قىزىم دەپ چاقىرغىنە!مىھرى مۇھەببەتكە تولغان مۇڭلۇق ئۈنۈڭنى بىر ئاڭلاي،ئامراق نەۋرەڭ مانا ساڭا قاراپ كۆزنى پىلدىرلىتىپ تۇردۇ.نەۋرەڭنى باغرىڭغا باسقىنە دادا؟دەپ قانچىلىك يىغلىغىنىمنى ئۆزۈممۇ بىلمەيمەن. بۇلۇپمۇ بىر قىز بالا ئۈچۈن دۇنيادا دادا مۇھەببىتى ئەڭ  چوڭقۇر بۇلدىكەن. جان دادا مېھرىم بار ساڭا بىر  پاتمان، باش قۇيۇپ كۆڭسۈڭگە يىغلىغۇم كەلدى. قەۋرەڭگە ئۆزۈمنى  كۈمۈپ كىتەي دەپ، سەنسىزلىك ھاياتتىن خوشلاشقۇم كەلدى.

pinhani

	تۇغۇلدۇق ياشىدۇق، ھامان ئۆلىمىز ، بۇ   ھايات  بېغىدا  بەختىمىز   دادا. ئەگىر-توقاي بولسىمۇ ھايات يولىمىز، خاقان بوپ ئۆتسەكمۇ تەختىمىز ئانا. مەزمۇنلۇق ، شۇنداق ياخشى چىقىپتۇ رەخمەت قېرىندىشىم.

白绿光

	ھەقىقەتەن ياخشى چىقىپتۇ .

AynaK

	ئاللاھ  بىزگە سەۋر ئاتا قىلىدىكەن ! ئايرىلىپ سېنىڭدىن ئاتا  نىمە قىلىشىمنى بىلەلمەي گاڭگىراپ ئازاپ دوقمۇشلىرىدا تەمتىرمەكتىمەن .ئويگە تېلفۇن قىلسام تېلاۇنىمنى ئالارغا سەن يوق .جىرىڭلىغان تېلفۇن ئاۋازى سېنىڭ مەندىن مەڭگۈلۈك ئايرىلغىنىڭنى ماڭا چۈشەندۈرسىمۇ ئۇرۇپ باقىمەن ،گويا سەن كېلىپ ئالىدىغاندەك.

AynaK

	سەنسىزلىك ھاياتتىن خوشلاشقۇم كەلدى. ئاچقىنا باغرىڭنى بېشىمنى قوياي . سىلىسۇن بېشىمنى سېنىڭ قوللۇرۇڭ. مىھرىڭدىن  بەخىتنىڭ سازىنى چالاي. باھارىم ئىكەنلىگىڭنى ئۇنتۇپ قالدىڭمۇ ؟يۈرىكىمگە جۇدالىق زىمىستانىنى باشلاپ قويۇپ كەتتىڭ  .سانىسام ئەمدىلا يىگىرمە يوپۇرماق ئاتىلىق مىڭرىڭدىن نوتا چىقارغان ، سارغايدى  خوش بولدۇڭمۇ ؟ياز پەسلىمگە  كۈزنىڭ ئاتتىپىڭنى تاشلاپ  ئارقاڭغا قارىماي ۋىدالاشتىڭ ،   قانداق ئويدا بولدۇڭ ؟چىدىدىڭمۇ؟  ھاياتلىق سىناقلىرىغا بەرداشلىق بەر دىمەكچىمىدىڭ ؟سەن بولغان بولساڭ  ھىدلىرىڭنى ھىدلىۋالسام ھە؟ ئاتا!

artiken

	ئۈنمىدى ئىزىمدىن ھەتتا شۇمبۇيا، سەن تىككەن ئۇرۇقچە بولۇپتۇ ھاسا. چۈچۈپلا ئەقلىمگە كەلدىم تۇساتتىن، شۇ ھاساڭ تەۋەررۈك قالغاندا ماڭا. ياشلىرىم قەبرەڭگە تۈكۈلەر مانا. تۇپراقتىن ئىزدەيمۇ سىنى جان دادا.

@OTKAX@

	سەبىر قىلىڭ،دادىڭىزنىڭ تېخى يەتمىگەن ئارزۇ -ئارمانلىرىنى ئەمەلگە ئاشۇرۇش ئۈچۈن غەيرەت-شىجائەت بىلەن ياشاڭ. /viewthread.php?tid=64899

Eltekin

	ئاللاھ سەۋر ئاتا قىلسۇن! بىرەر يىلنىڭ ئالدىدا بولسا كېرەك، يازمىلىرىڭىزدا ئاتىڭىزنىڭ سالامەتلىكى توغرىسىدا ئەنسىزلىكىڭىزنى يازغىنىڭىزنى كۆرگەن ئىدىم. بەلكىم مۇشۇ مەزگىللەردە ئاتىڭىزغا ئوبدان كۆڭۈل بۆلگەنسىز، سىزنىڭ ۋاپادار پەرزەنت ئىكەنلىكىڭىز چىقىپ تۇرىدۇ. ئاتىڭىز سىزدىن رازى بولسۇن ! "ئاتا" دەپ يىغلايمىز، گاھىدا "ئانا"، ئىنسان شۇ ئازاپقا كۆنۈپلا كەلگەن. بۇ ئەجەل ئايرىماس ياش ياكى قېرى، ھاياتتا ئەۋزەلدۇر مەنىسىن بىلگەن.