پىسخىكىدىن مەسلىھەت

ARIX

	كومپىيۇتېر بىلەن قاچان تونۇشتۇم، قاچان كومپىيۇتېردىن ئايرىلماس بولدۇم بىلمەيمەن. 2005- يىلى 11- ئايدىغۇ دەيمەن. تور دۇنياسىغا تۇنجى ھوجۇم قىلدىم. شۇنىڭدىن باشلاپ كومپىيۇتېرغا ئاشىق بولدىم. ئەزەلدىن مىنىڭ كەسپىم كومپىيۇتېر بولغاچقىمۇ كومپىيۇتېر بىلەن ھەپلىشىدىغان ۋاقتىم ئۇزۇن ئىدى. ھەر كۈنى كومپىيۇتېر ئالدىدا 8 سائەتتىن 12 سائەتكىچە خىزمەت قىلاتتىم.  ئىنتىرنىت بىلەن تونۇشقاندىن كىيىن كىچىلىرى ئۇخلىماي تورغا چىقىدىغان ئادەتنى شەكىللەندۈرۋالدىم. لىكىن كىيىنچە ئەتىگەنلىك ناشتا قىلغۇم كەلمەيدىغان بولدى. كىيىنچە تور بولمىسا كومپىيۇتېرغا يىقىن كەلمەس بولدۇم، لىكىن خىزمەت سەۋەبى بىلەن يەنە ئامال يوق كومپىيۇتېر ئالدىغا كەلدىم. ئۇزۇن يىل كومپىيۇتېر بىلەن شۇغۇللانغانلىقىم ئۈچۈنمۇ ھازىر ئەستە تۇتۇش قابىلىيتىم بەكلا ناچار بوپ كەتتى. ھەتتا بىر نەرسە قولۇمدا تۇرسىمۇ يەنە ئىزدەيمەن. ئۇيقۇم بەك ئاز، كۆپ ئۇخلىغۇم كەلمەيدۇ. بىر ئىشقا قىزىقىپ قىلمايمەن. بۇرۇن شۇنداق ياخشى نەرسىلەرنى ۋاقىت چىقىرىپ لاھىيلەپ چىقاتتىم. باشقىلار ھەيران قالغۇدەك نەرسىلەرنى لاھىيلەتتىم. بۇرۇن تۇنجى ئۇيغۇرچە سېستىمىلىق ۋىندوۋىس ئىكىسپىنى ئۇيغۇرچىغا تەرجىمە قىلىشنى ئارزۇ قىلىپ خىلى تىرىشقان ھەم كۆرىنەرلىك نەتىجە قازانغان،  كومپىيۇتېرىمنىڭ يىڭپىنى كۆيۈپ كىتىپ ماتىرىياللىرىم يوق بولغان. لىكىن كىيىنچە بۇنداق ئىشلارغىمۇ قىزىقماس بولدۇم.  ھازىر كومپىيۇتېر ئالدىغا كەلگۈم كىلىدۇ. كەلسەملا ئىشلەتكىم كەلمەيدۇ. كىشىلەر بىلەن ئاز ئارلىشىدىغان. ھەتتا ئالاقە قىلغۇممۇ كەلمەيدىغان، ئۆزۈم يالغۇز ياشىغۇم كىلىدىغان بولۇپ قالدى. ئۆيدىكىلەرگىمۇ پەقەتلا گەپ قىلغۇم كەلمەيدۇ. دەرتلىرىم ئىغىردەك، لىكىن ھېچ قانداق تۇرمۇش بىسىمى يوق تۇرۇپمۇ يەنىلا ئىغىر بىسىم باردەكلا ھېس قىلىمەن. بۇرۇن دوسىتلىرىم بىلەن شۇنداق قىزغىن ئۆتەتتىم، لىكىن ھازىر ئۇنداق قىلغۇم كەلمەيدۇ ۋاقىت بولسىلا تورغا چىقىمەن، لىكىن بۇرۇنقىدەك ئەسەر يازغۇم كەلمەيدۇ ياكى ناخشا ئاڭلىغۇممۇ كەلمەيدۇ. ئىش قىلىپ مەندىكى قىزىقىش ۋە ھەۋەسلەر، ياشلاردا بولۇشقا تىگىشلىك ئۆتلۇق ئىستەكلەر يوقىدى. بىر ئىشنى پەقەت قىلغۇم كەلمەيدۇ. ئارام ئالغۇم كىلىدۇ. بەك ھارغىنلىق ھېس قىلىمەن. بىشىم بەك ئاغرىيدۇ. زادى ماڭا نىمە بولغاندۇ. پەقەت بىلەلمىدىم بولسا ياخشى بولغان تەكلىپ پىكىرلەرنى بىرىشىڭلارنى ئۈمىد قىلىمەن... مەنبە: ئۆزۈم.

sargarda

	مىڭ  ئادەمدىن  مەسلەھەت  سورىسىڭىز  مىڭ  خىل  گەپ  قىلىدۇ... شوخراق  مۇھەببەتتىن  بىرنى  تۇتۇۋېلىڭ  !

miskin312

	توۋا، مەنمۇ شۇنداق بوپ قالدىم دېسە؟ نېمە ئىشتۇ بۇ. ھېچكىمگە گەپ قىلغۇم يوق، ئوشوق گەپ قىلغانلار بىلەن ئۇرۇشقۇملا كېلىدۇ. لېكىن ئۇرۇشمايمەن جۇمۇ.

hvsniya

	قېرىنداش، سىز يولۇققان بۇ مەسىلە نۇرغۇن ئادەملەردە مەۋجۇت دەپ قارايمەن.  بۇ مەسىلە ئۈستىدە تەپەككۇر يۇرگەزگەنلىكىڭىز، سىزنىڭ بۇ مەسىلىنى ھەل قىلىش ئۈچۈن باسقان بىرىنچى قەدىمىڭىز ھىساپلىندۇ. ھەقىقەتەن كومپيوتىر پۈتۈن ئىنسانلارنىڭ تۇرمۇش تەرتىپىنى ئۆزگەرتىۋەتتى. لېكىن  كومپىيوتىردىن ئاغرىنغىلى بولمايدۇ. ئۇ پەقەت بىر رىئاللىقتىكى ھادىسە ياكى شەيئى. مېنىڭچە سىز يەنىمۇ چوڭقۇرلىغان ھالدا ياشاشتىكى مۇددىئايىڭىز ئۈستىدە پىكىر يۈرگۈزۈڭ، نىمە ئۈچۈن يارالغانلىقىڭىزنى، بۇ دۇنيادا زادى نىمىگە ئېرىشمەكچى بولغانلىقىڭىز ھەققىدە ئويلىنىپ بېقىڭ. ئەگەر سىز توغرا جاۋاپ تاپالىسىڭىز، بۇ مەسىلىڭىز چوقۇپ ھەل بولۇپ كىتىدۇ!!!(جاۋابىڭىز بىلەن ئورتاقلىشىشنى خالايمەن) بۇندىن باشقا ئاتا-ئانىڭىز ۋە ئۇرۇق تۇققانلىرىڭىز بىلەن كۆپرەك سۆھبەتلىشىڭ، ئۇلارغا ياردەم قىلىڭ، ئاندىن ئۆزىڭىزگە بولغان ئىشەنچىڭىز ئاشىدۇ ۋە تۇرمۇشىڭىز مەنىلىك بولىدۇ. غەيرەت قىلىڭ!

XERHAN

	مەن تېخى ئوغۇللارلا مۇشۇنداق بوپ قالىدىغان ئوخشايدۇ دىسەم ، ئىككىنجى قەۋەتتىكى خانقىزمۇ ئۇشىبۇ كەيپىياتتا ئىكەندە ؟!... تىما ئىگىسى مەن بىلەن ئوخشاشكەنسىز ، مەنمۇ سىزگە ئوخشاش كەيپىياتتا ... مەندە  ئۇيقۇسىزلىق پەيدا بولۇپ قالدى ، كەچ تەرەپلەردە كېمى 11 بولمىسا 2 لەرگىچە ئۇيقۇم كەلمەيدۇ . ياتسام باش ئايىغى يوق خىياللار كاللامنى قاپلاپ ھامان ئۇخلىيالمايمەن . يەنە ئەتراپىمدىكىلەرگە بەك گەپ قىلغۇم كەلمەيدۇ . يان تەرەپتىكى دۇكان خوشنا قىزلار مىنى بەك پوچى ،ئاتىكاچا ...دەپ يۈرۈپتىمىش ... خۇددى ئۇلار بىلەن كۈنبويى پىكىرلىشىپ ، ئاشتاق - پاشتاق بولۇپ يۈرسەم بولىدىغاندەك !!!! تىما ئىگىسى : 192029569 بۇ توپنى قوشىۋىلىڭ ! ئەزالار توپى !

ab8ob8

	بۇ پىسخىك ھالەت ھەممەيلەندە بار ئوخشايدۇ، مىسرانىمنىڭ ئەزالىرىغا تارقالغاندەكلا...  لېكىن مەن ئۆزۈمنى شۇنداق تېزلا ئوڭشىۋالدىم. نامىزىمنى ۋاقتىدا ئۆتەپ، تەشەببۇسكارلىق بىلەن دوستلىرىم بىلەن سۆھبەتلىشىپ دېگەندەك، ئاندىن ئەڭ مۇھىمى ئۆزۈمنى ئامال بار كومپيۇتېرنىڭ ئالدىغا كېلىش نىسبىتىمنى تۆۋەنلىتىۋاتىمەن. بۇ ۋاقىتلاردا چىرايلىق ياسىنىپ سىرتقا چىقىپ سەيلە قىلىپ كىرسە بولۇپمۇ ھازىرقىدەك سوغۇقلاردا خېلى سەگىپ قالىمەن. بۇ ئۇسۇللارنى سىزمۇ ئىشلىتىپ بېقىڭ. ئەڭ مۇھىمى نامازنى تاشلىماي، ئاللاھتىن تىلەڭ. كۈنلىرىڭىز مەڭگۈ خۇشاللىق ئىچىدە ئۆتىدۇ. مەنمۇ ھەم شۇنداق بولىشىغا تىلەكداشمەن.

nurmamat0997

	مەنمۇ شۇ،،،، بۇرۇنقى شاشلىقلار يوق ھازىر،، ئاغرىقچان بوپ قالدۇق دىگنە ئاداش،،،،، بۇرۇن كېچە كېچىلەپ دەھشەت قىزىقىپ ئولتۇراتتىم،،، ھازىر كومپىيوتىرنىڭ ئالدىغا كىلىشتىن بۇرۇن مەندە بىر قىزىقىش بار شۇ كومپىيوتىر تەرەپكە بىر ماگنىت تارتىدۇ  ،، ئالدىغا كىلىپ بىردەم ئولتۇرساملا ئىچىم پۇشۇشقا باشلايدۇ،،،،قالايمىقان باش ئاخىرى يوق مەشغۇلاتلارنى تولا قىلىمەن ئاندىن ئىتتىك چارچاپ كىتىمەن،،، ئارام ئالاي دەپ ئۆزەمنى تارتماقچى بولىمەن،، لىكىن خۇددى بىر ئىشنى كام قىلغاندەك،، تۇيغۇدا بوپ قالىمەن،، ئاندىن يەنە زورىغا ئولتۇرۇپ يەنە تاقا تۇققا مەشغۇلات قىلىپ ئولتۇرمەن،، ھەي،،،،، مەنغۇ بۇنداق قىلمايمەن شۇ ئۆزى مۇشۇنداق بوپ كىتىدۇ،،،،مەن تۇلۇقسىزغا يەنى2002چىققاندىن ھازىرغىچە نەق10يىل بوپتۇ  كومپىيوتىرنى ئېلىپلا بىر ئايدىن كىيىن تور بېكىتكۈزگەن،، بۇرۇن كىچىكىمدە ئوقۇش قىزغىنلىقىم كومپىيوتىرغا بولغان ھەۋىسىم تۇيەپلىدىن يوققا چىققان،، ئەمدى كومپىيوتىرغا بولغان قىزغىنلىقىممۇ بارا بارا سۇسلاپ كەتتى،، ئۆزەمنى خۇددى بىر ھىسىياتسىز ئادەمگە ئايلىنىپ قالغاندەك ھېس قىلدىغان بوپ قالدىم،،،ھەممە ئىشلار بىر خىللا بىلىندۇ،،، مۇشۇ كەيپىياتنى قانداق قىلساق يەنە بۇرۇنقىدەك ھالتكە كىلەلەيدىغاندۇ،،،ھەي!          ئەڭ مۇھىمى كومپىيوتىر ئالدىدا ئۇزاق مەشغۇلات قىلغان ۋاقىتلىرىمدا (بەزىدە ھەپتىلەپ سىرتلارغىمۇ چىقماي كومپىيوتىر ئويناپ ئولتۇراتتىم ، ھازىرغۇ ھەر ھالدا كۈندۈزى خىزمەت قىلىپ كەچلىگى مەشغۇلات قىلىمەن) ئىت مىجەز ، قۇلاققا گەپ خوشياقمايدىغان، جاھىل، ئۇرۇشقاق بوپ قالىمەن،، ياخشى مەسلەھەتىڭلار بولسا ئايىمىغايسىلەر!

qinmudan

	3- قەۋەتتىكى دوستىمىزنىڭ تەكلىپىنى قوللايمەن ، ئۇ سىزگە ناھايىتى ياخشى مەسلىھەت بېرىپتۇ ، شۇ بويىچە قىلىپ بېقىڭ

ئۆل

	بۇ نېرۋا ئاجىزلىقنىڭ ئىپادىسى ......... بۇنىڭ بىر دىن بىر ئامالى : كەيپىياتىنى تەڭشەش ...ئەگەر ۋاقىت ھەم ئىقسادىڭىز يار بەرسە ساياھەت قىلىڭ ....ئۆزىڭىز ياقتۇردىغان ،سىز چىقشالايدىغان ،كۆڭلىڭىزنى چۈشۈندىغان ،يۇمۇرستىك دوسلىرىڭىز بولسا شۇلار بىلەن بىللە ساياھەت قىلسڭىز ئۈنۈمى تېخمۇ ياىشى بولاتتى ... يەنى ئادەمگە خۇشلۇق يەتكۈزدىغان ،كەيپىياتىنى تەڭشەيدىغان يىمەكلىكلەرىنى ئىستىمال قىلىڭ... ئەگەر سىز ياش بولسڭىز ،توي قىلمغا ن بولسڭىز ،مۇھەبىتڭىز بولمسا سىزگە مەسلھەت مۇھەببەتلشىڭ ......

munqak

	توۋا!.................مەنمۇ شۇ......