كەبىگە پەرىشتە چۈشتى دېگەن فىلمنى ئالىملار يالغانلىدى!
مەدھىيە ئاللاھقىدۇر.
يېقىندا ئىنتېرنېت Facebook, youku ئىجتىمائىي تورى ۋە فىلم تورلىرىدا كەبە شەرىفكە پەرشتە چۈشكەنلىكى، ئۇنىڭدىن بۇرۇن مەسجىدۇل ئەقساغا ۋە باشقا ماكانلارغا پەرشتە چۈشكەنلىكىنى كۆرسىتىدىغان ۋىدىئولار تارقىتىلدى. مەسىلەن، پەلەستىن ۋە ئېراق خەلقىنىڭ ئىسرائىل ۋە ئامېرىكا تاجاۋۇزچىلىرىغا قارشى كۈرىشىنى قوللاش يۈزسىدىن قىلىنغان نامايىشتا بەزىلەر جەبرائىل پەرىشتەنىڭ ئاسماندىن چۈشكىنىنى، مۇھەممەد ئەلەيھىسسەلام(ئاللاھ ئۇنىڭغا ئالقىش ۋە ئامانلىق بەرسۇن)نى ۋە ئۇنىڭغا ھەمراھ بولغان نۇرغۇن پەرشتىلەرنىڭ نامايىشقا مەدەت بەرگەن ھالدا كۆرگەنلىكىنى دېيىشكەن. بولۇپمۇ يېقىندا تارقاتقۇچىسى: ھەرەمدە ناماز ئۆتەۋاتقانلارنىڭ ئۈستىگە پەرشتە چۈشكەن، كەبىگە بىر نۇرسىمان جىسىمنىڭ قونغانلىقى ئاندىن نۇرسىمان جىسىملارنىڭ كۆككە ئۆرلىگەنلىكىنى كۆرسەتكەن ھەمدە بۇ نۇرسىمان جىسىملارنى پەرىشتە دەپ دەۋا قىلغان بۇ قىسقىغىنە ۋىدىئو ئىنتېرنېت يۈزىدە تارقىتىلغاندىن كېيىن ئەرەب ۋە ئىسلام دۇنياسىدا چوڭ غەۋغا قوزغىدى. بۇنىڭ ئارقىسىدىن بىر بۆلۈك دىن ئالىملىرى پەرشتىلەرنىڭ ئىنسان كۆزىگە ئۆز شەكلىدە كۆرۈنۈش ئىھتىماللىقىنى قۇرئان ئايەتلىرى ۋە ھەدىس شەرىفلەر بىلەن ئىنكار قىلدى. ئاخبارات ۋاسىتىلىرنىڭ دوكىلاتىغا كۆرە ئىسلام ئۆلىمالىرىدىن بىرى بولغان ئەزھەر شەرىفتىكى ئالىم بۇ ئىشنى ئەمەلىيەتتىن يىراق سانىغان ھەمدە پەرشتىلەرنى كۆرۈشنىڭ مۇمكىن ئەمەسلىكىنى ئوتتۇرىغا قويغان.
ھەممىگە مەلۇمكى پەرشتىلەر نۇردىن يارىتىلغان، پەيغەمبەردىن بۆلەك ھېچكىمنىڭ ئۇلارنى ھەقىيقى سۈرىتىدە كۆرگەنلىكىنى دەۋا قىلىشقا قەتئىي بولمايدۇ. ئەمما پەرشتىلەر ئادەملەردىن بىرىنىڭ قىياپىتىدە كۆرۈنۈشى مۇمكىن، خۇددى جەبرائىل پەرشتە سابىلەرگە ئادەم سۈرىتىدە كىلىپ ئۇلارغا دىنى تەلىم بەرگىنىدەك، بۇخىل كۆرۈنۈش ئادەتتىكى ئادەملەردىن ھەركىمگە كۆرۈنۈشى مۇمكىن. چۈنكى بۇھەقتە پەيغەمبىرىمىزنىڭ ھەدىسلىرىدە كۆپلىگەن ئەسەرلەر بار، ھەمدە بۇرۇنقى ئۈممەتلەردىمۇ پەرشتىلەرنىڭ ئادەم سۈرىتىدە كۆۈرۈنگەنلىكى ھەققىدە نۇرغۇن بايانلار بار، مەسىلەن: ئىبراھىم ئەلەيھىسسەلامنىڭ مىھمانلىرى، لۇت ئەلەيھىسسەلامغا كەلگەنلەر؛ تاز، ئەما ۋە بەرەس ئۈچ كىشىنى سىناش ئۈچۈن ئەۋەتىلگەن ئادەم سىياقىدىكى پەرىشتىگە ئوخشاش.
ئومۇمەن پەرشتىلەر جىسمى زور نۇرانى خەلق، يەنى نۇردىن يارىتىلغان، نۇر خۇسۇسىيەتلىك يارىتىملار بولغاچقا، ئىنسانلار ئۇلارنى ئىنسانى كۆزى بىلەن كۆرۈش ئاللاھ تەرەپتىن مۇمكىن قىلىنمىغان. پەيغەمبىرىمىزمۇ جەبرائىل پەرشتىنى پەقەت ئىككىلا قېتىم ئاللاھنىڭ ئىزنى بىلەن ئۆز سۈرىتىدە كۆرگەن. ئۆزىنىڭ مۇكەممەل ئەقلى ۋە دىنى بىلەنمۇ ئۇنى ئۆز شەكلىدە كۆرۈشكە تاقەت قىلالمىغان. دەسلەپكە ۋاقتلاردا ئۇنى كۆرگەندە نەچچە قېتىم شۇنداق قورقۇپ كەتكەن ۋە ھەتتا ئۆيگە قايتىپ تىترەكتىن يېپىنچىغا يۆگىنىۋالغان. ھەر قېتىم ۋەھىي ئەكەلگەندىمۇ شۇنداق تەر بىسىپ كەتكەنلىكى ھەدىيس كىتابلىرىدا قەيت قىلىنىدۇ. پەيغەمبىرىمىز بۇ ھالدىكەن، بۇ كۆردۈم دېگۈچىلەر ئۇلارنى كۆرۈشكە قانداق تاقەت قىلالىغان؟
شەيخ ئۆمەر ئەشقەر مۇنداق دېدى:
پەرشتىلەر ئاللاھ ياراتقان نازۇك نۇرانىي بىر خەلقتۇر، شۇنىڭ ئۈچۈن ئىنسانلار ئۇلارنى كۆزى بىلەن كۆرەلمەيدۇ. خۇسۇسەن ئاللاھ كۆزلىرىمىزگە بۇنى كۆرۈشكە كۈچ-قۇۋۋەت بەرمىگەن. بۇ ئۈممەت ئىچىدە پەيغەمبىرىمىزدىن( ئاللاھ ئۇنىڭغا ئالقىش ۋە ئامانلىق بەرسۇن) باشقا ھېچكىم پەرشتىلەرنى ھەقىيقى سۈرىتىدە كۆرۈپ باققان ئەمەس. ئۇمۇ جەبرائىلنى ئاللاھ ياراتقان ئۆز شەكلىدە ئىككى قېتىملا كۆرگەن. ئايەتلەر ئىنسانلارنىڭ پەرشتىلەرنى پەقەت ئىنسان قىياپىتىگە كىرگەندىلا كۆرەلىگەنلىكىنى ئىسپاتلايدۇ. <<عالم الملائكة الابرار ، 11 >>
ئۇنىڭ ئۈستىگە بۇ ۋېدىئونى تېختىكا جەھەتتىن ئىلمى ئانالىز قىلغانلار دېدىكى: بۇ ۋېدىئونى تارقاتقۇچى ۋېدېئوغا تەييار رەسىملەرنى كىرۈشتۈرش ئۇسۇلىغا تايانغان، ھەمدە ئايلاندۇرۇش(Transition) ۋە فىلتىرلەش(Filter) تېخنىكىسى، ۋە ئۇ ئىككىسىنىڭ ئۈنۈمىنى ئاشۇرۇش، مۇكەممەل بىر كۆرۈنۈش ھاسىل قىلىش ئۈچۈن كۆرمە ئېففېكتى(Visual effects) قوللانغان. شۇنداقتىمۇ بەزى ئەيىبلەرنى يوشۇرالمىغان: مەسىلەن، كىشىنىڭ بۇ ۋېدىئودىكى ھالەتتە ئۇ جىسمنى كۆرەلىشى مۇمكىن ئەمەس، چۈنكى قارىغۇچىغا نىسبەتەن چۈشۈش ۋە ئۆرلەش بۇلۇڭلىرى بۇ مۇساپىنى قاپلىيالمايدۇ. مەسىلەن، سىز بىر ئايرۇپىلاننى كۆرمەكچى بولسىڭىز، ھەئە دەل مۇشۇ رەسىمدىكىدەك كۆرمەكچى بولسىڭىز، قانداق قىلاتتىڭىز؟ ئىلمىي ۋە ئەمەلىي جەھەتتىن ئېيتقاندا ئۇ جىسىمنى بۇ ھالەتتە كۆرۈش مۇمكىن ئەمەس.
ۋېدىئودىكى ئادەم يۈزىنى تۇيۇقسىز بۇرىغاندا، جىسىم تېخى كۆزىگە كۆرۈنمىگەن بولىدۇ، بەلكى مۇئەييەن ۋقىتتىن كېيىن كۆرۈنىدۇ. ئۇنداقتا ئۇ جىسىمنىڭ كۆرۈنىدىغىنى قانداق بىلگەن؟
خۇلاسە كالام: بۇ فىلىمدىكى كۆرۈنۈش ساختىدۇر، پەرشتە كۆرۈندى، مۇھەممەد ئەلەيھىسسەلام كۆرۈندى دەپ دەۋا قىلىش قۇرئان ۋە ھەدىس ھۆكمىگە كۆرە خاتادۇر.
شۇنىڭ ئۈچۈن، ئىنتېرنېت تورىدا ئاساسسىز خەۋەرلەرنى تارقىتىشتىن ھەزەر ئەيلەڭلار. چۈنكى پەيغەمبەر(ئاللاھ ئۇنىڭغا ئالقىش ۋە ئامانلىق بەرسۇن) مۇنداق دېگەن: ئىنسانغا، ئىشتكەنلىكى خەۋەرنى تارقىتىشى ئۇنىڭ يالغانچى بولۇشىغا يېتەرلىكتۇر دېگەن.
ئاللاھ بىزنى توغرا ئېتىقادتا، توغرا يولدا تەۋرەنمەي يۈرۈشكە نېسىپ قىلسۇن!
http://4islam.blogbus.com/
يوللىغان ۋاقتى 2011-11-22 07:39:00 PM
