يۇندى ياغنى ياخشى كۆرىمەن

mahbusman

	قايسى چاغلاردىن باشلانغىنى ئېسىمدە يوك،شەھەرلەردىكى ئەۋرەز يوللىرى نەزەر دائىرىسى كەڭ قىسمەن كىشىلەرنىڭ ئامراق جايىغا ئايلىنىپ قالدى،ئۇلار بۇ جايدىن كۈندە دىگۈدەك قىزغۇچ مەلھەم ماددىنى سۈزىۋېلىپ ئۇنى فىلتىرلەش،قىزىتىش،چۆكتۈرۈش،ئايرىش ئارقىلىق سۈزۈك يىمەكلىك ياغقا ئايلاندۇردى ۋە ئەرزان باھادا سېتىپ ،يەنە كىشىلەرنىڭ تاماق ئۈستىلىگە قايتۇرۇپ كەلدى.بۇنداق ياغ ‹‹يۇندى ياغ›› دېيىلدى.خەۋەرلەرگە قارىغاندا يۇندى ياغنىڭ نۇرغۇن كىشى بىلەن ئالاقىسى باركەن،ئەرزان ياغ ئىزدەيدىغانلار،كىچىك ئاشپۇزۇللارغا كىرىدىغانلار ئۇنىڭدىن ئايرىلالمايدىكەن.مەملىكىتىمىزدە يىلىغا 3 مىليون توننا يۇندى ياغ يېيىلىدىكەن. يۇندى ياغ  قوشاققا قېتىپ مەدھىيىلەيدىغان يېڭى شەيئى.بىراق نۇرغۇن كىشىلەرنىڭ كاللىسى ناھايىتى قاتمال،ئۇلار تۇرمۇشتىكى نۇرغۇن ناچارلىقلارنى قۇبۇل قىلالايدىيۇ  يۇندى ياغ ئىشلەپچىقارغانلارنى ئەخلاقسىز دەپ تىللاپ،يۇندى ياغنىڭ سالامەتلىككە زىيانلىق ئىكەنلىكى توغرىسىدا ۋەزخانلىق قىلىدۇ،قۇرۇق گەپتە بۇ...!نەق گەپنى قىلغاندا يۇندى ياغ كىشىلەرگە نۇرغۇن جەھەتتىن پايدا ياتكۈزدى.ئۇنى ئەڭ ئامرىقىم دىسەم ھەرگىزمۇ ئارتۇق كەتمەيدۇ. يۇندى ياغنىڭ ئەڭ زور پايدىسىنى سۆزلىسەك ،ئۇ دۆلىتىمىزنىڭ يىمەكلىك ياغ بىخەتەرلىك كوئىففىتىسېنتىنى يۇقىرى كۆتۈردى.ناۋادا يىلىغا 3 مىليون توننا يۇندى ياغ تۇلۇقلىمىسى بولمىسا ،دۆلىتىمىزنىڭ يىمەكلىك ياغ تەمىناتى بۇنچە يېتەرلىك  بولمايدۇ.ناۋادا غەرب دۇنياسى ئوتقۇيرۇقلۇق قىلىپ ،دۆلىتىمىزنىڭ يىمەكلىك ياغ ئىمپورت يولىنى ئۈزۈپ قويسا ،يېمەكلىك ياغ بىخەتەرلىكى چوڭ مەسىلىگە ئايلىنىدۇ.3 مىليون توننىدىن ئىبارەت كۈچلۈك ئارقا تىرىكىمىز بولغاچقىلا يېمەكلىك ياغ بىخەتەرلىك مۇاەپىئە سېپىمىز يىمىرىلمەس بولغان،مۇنداق بولغانىكەن ئۇنى قانچە مەدھىيىلىسەكمۇ ئەرزىيدۇ.ئەگەر قايسى مۇخبىر مىسلىسىز مۇشەققەتتە تەكشۈرۈپ ،يۇندى ياغنىڭ ئىجادچىسىنى بايقىسا بۇ خەۋەرگە پولىز ئاخبارات مۇكاپاتى بەرسىمۇ ئەقىلگە مۇۋاپىق،ئىجادچىسىغا گېزىت،رادىئو- تېلىۋىزىيە،ئېنتىرنېت تورىدا بەس-بەستە مەدھىيە ئوقۇساقمۇ ئازلىق قىلىدۇ. يۇندى ياغنىڭ يەنە بىر پايدىسىنى ئېيتساق ئۇ ئەنئەنىۋىي گۈزەل ئەخلاقىمىزنى نامايەن قىلدى.ئەزەلدىن تېجەشلىك بولغان دۆلىتىمىز پۇقرالىرى ئۈچۈن ئېيتقاندا ،شۇنچە كۆپ يۇندى ياغنىڭ شەھەر ئەۋرەز يولىدا ئېقىپ كېتىشىگە قاراپ تۇرۇش تولىمۇ نەپرەتلىك ئىش ئەمەسمۇ؟تېخى مۇشۇ سەۋەپلىك يۈرەك كېسىلى قوزغىلىپ قالىدىغانلارمۇ چىقىدۇ.قەلەم ئىگىلىرىنىڭ مەخسۇس قەلەم تەۋرىتىپ يۇندى ياغ ئۈچۈن ھازا ئېچىشى،يۇندى ياغنى ئىسراپ قىلىش قىلمىشىغا لەنەت ئوقۇشىنىمۇ چۈشىنىشكە بولىدۇ. يۇندى ياغنىڭ يەنە بىر پايدىسىنى ئېيتساق،ئۇ ئىستىمالچىلار ئۈچۈن چىقىمنى ئازايتىدۇ.بىز يەنىلا تەرەققىيات باسقۇچىدا،كەمبەغەللىكتىن قۇتۇلالمىغانلار يەنىلا نۇرغۇن.ئۇلارنىڭ ھەرۋاق غىزادا ئاغزى ياغ كۆرسە ياخشى ئەمەسمۇ؟ئەرزان باھالىق يۇندى ياغنىڭ رولىنى جارى قىلساق ،قورساق مەسىلىسى تېخى  ھەل قىلىنمىغان ئامما ئۈچۈن موھتاجلىقتا جانغا ئەسقاتىدىغان ياخشى ئىش بولىدۇ! ئەلۋەتتە بۇ  نامراتلىقتىن قۇتۇلغانلار ئۈچۈنمۇ ياخشى ئىش،ئۇلار ھەر ۋاق تامىقىدا تېجەپ قالغان پۇلىنى باشقا ئىشلارغا دەسمى  سالالىسا كۆڭۈلدىكىدەك ئىش بولىدۇ دە! يۇندى ياغنىڭ يەنە بىر پايدىسى بار،يەنى ئۇنىڭدىكى ئۇزۇقلۇق ماددىلار تەڭپۇڭلاشتۇرۇلغان،ئادەتتىكى يىمەكلىك ياغقا ئوخشىمايدۇ.سىزدە قانداق ماددا كەم بولسا ،يۇندى ياغ ئارقىلىق تۇلۇقلىيالايسىز،مۇنداقچە ئېيتقاندا يۇندى ياغ ‹‹ھەممىگە قادىر ئۇزۇقلۇق!›› يۇندى ياغ تەركىبىدە باشقا يىمەكلىك ياغلارغا قارىغاندا كۆپرەك كېسەللىك باكتىرىيىسى بولۇش مەسىلىسىگە كەلسەك ،بۇنىڭدىنمۇ ئۇنچە ئەنسىرەپ كېتىش ھاجەتسىز.مەلۇم نۇقتىدىن ئېيتقاندا بۇمۇ بىر ھېساپتا ياخشى ئىش،چۈنكى بۇنداق ياغنى كۆپرەك ئىستىمال قىلىپ بەرسە ،ئىممۇنىتىت سېستىمىسىنى چېنىقتۇرغىلى،شۇ ئارقىلىق تېخىمۇ كۆپ ئانتىتىلا پەيدا قىلغىلى بولىدۇ،كىسەل كەلسە كىسەللىك باكتىرىيىلىرىنى بۆشۈكىدىلا يوقىتالايمىز،شۇڭا سەت ئاڭلىنىپ قېلىشتىن قورقۇپ گېزىت يۈزىدە،رادىئو گېزىتلەردە چەكلەپ قوياساقمۇ ،ئەمەلىي ھەركەت قوللىنىپ چەكلەپ يۈرۈشنىڭ ھاجىتى يوق.ئۇنىڭدىن مۇشۇ كەسىپنى باشقۇرىدىغان يىمەكلىك سەھىيە باشقۇرۇش ئورۇنلىرىغا كىرىدىغان كىرىممۇ ئاز ئەمەس.دۆلەتكىمۇ،شەخسكىمۇ پايدىسى  تېگىدىغان،باي بولۇشقا يىتەكلەپ نامراتلىقتىن قۇتۇلدۇرىدىغان ئەۋزەل كەسىپنى نىمىشقا تۈپ يىلتىزىدىن قۇمۇرۇۋەتكىدەكمىز؟شۇڭا مەن يۇندى ياغقا بەك ئامراق...............! مەنبە:شىنجاڭ قانۇنچىلىق گېزىتى،2011- يىل 11- ئاينىڭ 18 - كۈنىدىكى سانىدىن ئېلىندى.

esyankar75

	يۈندى يېغىنىڭ كېلىش مەنبەسى ئەۋزەر يوللىرىدىكى......

TaRKiN

	سىزنىڭ دىيىشىڭىزچە بۇياغقۇ بولىدىكەن،لىكىن..............ھەي......... ئادەمنىڭ سەل .................

88128

pakzad

	ماقالىنى چۈشىنىپراق  زادى نېمە دېمەكچى بولغانلىقىنى  بىلىپراق ئوقۇڭلار بۇرادەرلەر ،ماقالىدە ئېففىمىزىم ئىشلىتىشتىكى مەقسەتنى چۈشىنىڭلار.

erhabi

	ئىش قىلىپ بىز ئۆزىمىز ترتقۇزۇپ يەيمىز

ximal

	5-قەۋەتتىكى دوستىمىزنىڭ دېگىنى توغرا !ياغنىمو خاتىرجەم ئىستىمال قىلالمايۋاتساق ھەې..........

miskin312

	ۋاھ قالتىسكەنغۇ بۇ ياغ ، يا مەن چۈشەنمىدىممۇ؟

owqi555

	ئامراق بولساق ھەرگىز بولمايدۇ!!!!!!!! سىرىتلاردا تاماق يىگەندە بىلىپ-بىلمەي يەپ قالغان بولىشىمىز مومكىن،ھۆكۈمەت چوقۇم تەدبىر قوللىنىشى كىرەك! ‹‹مەملىكىتىمىزدە يىلىغا 3 مىليون توننا يۇندى ياغ يېيىلىدىكەن. ››نىمىدىگەن چوڭ سان ھە؟ياكى نوپۇسنىڭ جىقلىقىدىن بازارنى مۇشۇنداق ياغدا تەمىنلىمىسە خام ئەشيا يىتىشمەمدىغاندۇ؟ھەي.....

shoruq

	ئاپتور جاۋابىنى بويلاپ 5قەۋەت  Diwana كە 2011-11-22 11:53 AMئەۋەتىلدى  : شۇ ئەسكى تۈسكى ياغلارنىڭ ھەممىسىنى بىر يەرگە ئەپكېلىپ بىراقلا ئايرىيدىغان گەپ ، ئۇ ئەسكى تۈسكىلەرنىڭ ئارىسىدا چوشقا يېغىمۇ بار ، ئۆسۈملۈك يېغىمۇ بار بۇنىڭدىن ئايرىۋېلىنغان ياغ ھالال بولامۇ؟ پەقەت چوشقا يېغىلا بولسا خۇشال بولسىڭىز بولىدۇ. بۇ يەردە ‹‹ھالال›› ئۇقۇمنى تىلغا ئېلىش بەكمۇ ئەخمەقلىق بولسا كېرەك.

UMEDVAR

	يۇندە ياغ توغۇرلۇق رەسىملىك بىر تىما بولىدىغان،تور ئادېرسىنى بىلىدىغانلار بولسا يوللاپ بىرىڭلار دوستلار!

ئىپارە

	شۇڭلاشقا ئۇيغۇرلار ئوزلىرى تارتىپ ساتسا ھەممىسى شۇ يەردىن ئالسا ياخشى ئەمەسمۇ؟ بۇ ئۇيغۇرلارنىڭ قولىدىن كىلىدىغۇ.