ئاھ ۋەتەن،ئەزىز دىيار(سۆيگۈم)

soygum

	ئاپتورى: سۆيگۈم         مۇشۇنداق بىر ئەزىز تۇپراققا تۇغۇلغان ئىكەنمىز ، ئۇنىڭ سۈيىنى ئىچىپ ،تۇزىنى يەپ كەڭرى قوينىدا چوڭ بولغانكەنمىز ئۇنىڭغا ھەممەيلەن قەرىزدار.  ئانا ۋەتەننى كۈيلەش،  ئۇنى سۆيۇش بىزنىڭ بۇرچىمىزدۇر.شۇڭلاشقا يىراققا كەتسەك يۈرەكلىرىمىز ۋەتەن دەپ ئاغىدۇ ،مۇساپىرچىلىقتا بولساق كۆزلەرگە ئىسسىق ياش ئېلىپ ئۇنى ئەسلەيمىز، يۇرۇت ۋەتەن سۆيگۇسى تەڭرىنىڭ ئىنسانلارغا بەرگەن ئىنسان سۆيگۈسدىن كېينكى يەنە بىر نېمىتى بولسا كېرەك. ۋەتەن- يۇرۇت ئىشقى  ئەنە شۇنداق ۋاز كەچكىلى ،ئۇنتۇپ كەتكىلى بولمايدىغان كۈچلۈك تۇيغۇ.لىكىن بىر نەرسنىڭ قەدىرى  ئايرىلغاندا ئاندىن پەيدا بولماسلىقى كېرەك.ئەكسىچە بىز ھەر ۋاقىت ئۇنىڭغا تەلپۇنۇپ تۇرىشمىز ،ئۇنىڭغا بولغان مۇھەببىتىمىزنى ئىپادىلەپ تۇرشىمىز ئۇنىڭ قوينىدا تۇرۇپ ۋەتەن ئىشقىنى ھەقىقى ھېس قىلىشمىز كېرەك. ھەر بىر ئادەمنىڭ قەلبىدە ۋەتەنگە بولغان ئوتتەك مۇھەببەت بولۇشى مۇمكىن.  لىكىن پەقەت پاسىقلار ۋە خائىنلار ۋەتەنگە ھاقارەت كەلتۇرگەندە ئۇ ئۇلارنى لەنەتلىك قارغايدۇ.ئۇلارنى ئىنسانلار دەپنە قىلسىمۇ لىكىن ئانا تۇپراق قوينىغا ئالمايدۇ. ۋەتەن ئاسىي روھنى قوبۇل قىلمايدۇ. ۋەتەن __ھەر كىمنىڭ تۇغۇلۇپ ئۆسكەن ئەزىز ماكانى. ئادەملەرنىڭ تۇغۇلۇشدىن تارتىپ تاكى ھاياتىنى ئاياقلاشتۇرغىچە ھەمراھ بولالايدىغان ھاياتلىق سەيناسىدۇر. مەيلى بىز ياشىغان يەر گۈزەل باغۇ بوستان بولسۇن ياكى قانچلىك تاقىر،قانچلىك قاقاس چۆل-جەزىرە بولسۇن بىز ئاپىرىدە بولغان  ۋەتەن مەڭگۈ بىزنىڭ ماكانىمىزدۇر.ۋەتەن مېھنەتكەش خەلقىمىزنىڭ ئەجرى بىلەن گۈللەپ ياشنايدۇ. ۋەتەنمۇ بۇنىڭغا رەھمىتنى بىلدۈرۇپ ئۆز خەلىقگە مول ھوسۇل شاتلىقى ۋە،چەكسىز كەتكەن يېشىل دالىلارنى ئاتا قىلىدۇ . ۋەتەن جاپاكەش خەلقىمنىڭ ئەجرى بىلەن گۈللەپ ياشناپ  ھامان جاھانغا تونۇلىدۇ . ھەقىقى ئادەم ئۆزىنى ۋەتەنسىز قىياس قىلالمايدۇ.ئۇنىڭدىن ۋاز كېچىش ئەسلا مۇمكىن ئەمەس چۈنكى ئۇ بىزنىڭ تېنىمز،تىنقىمىزغا قەدەر سىڭىپ كەتكەن ھەر بىر تىنىق ئالغاندا  ھېس قىلغنىمىز دەل ئەزىز ۋەتەن تۇپرىقنىڭ ھېدى، ۋەتەن ھاۋاسنىڭ ئىللىق سېزىمى ئەمەسمۇ؟! مەھمۇد قەشقىرى "ھەشەمەتلىك ئوردا سارايلارنى ،خەلپىلىكنىڭ ئالاھىدە كۈتۈۋىلىشرىنى رەت قىلىپ   ئۆز يۇرتى قەشقەر ئوپال يېزىسىدىن ئىبارەت ۋەتەنىگە قايتىپ كېلىپ  شۇ جايدا ۋاپات بولغان،ئابدۇقادىر داموللىمۇ ھەم شۇنداق. ئۇ ۋەتەنداشلىرى ئۈچۈن چەتئەللەردە رىيازەت چېكىپ بىلىم ئىگەللەپ ئەزىز ۋەتىنىگە قايتىپ كەلگەندە ئۇنى كۈتىۋالغىنى نادانلىق ئىچىدىكى ئەرزىيەت بولغان.شۇنداق بولسىمۇ ئۇ بۇلارغا سەۋىر قىلغان. خەلقنى ئويغۇتۇش  ئۈچۈن    نادان مۇناپىقلارنىڭ سۇيقەستىىگە ئۇچراپ تۇرسىمۇ  ئەزىز ۋەتەندىن قەتىئى ۋاز كەچمىگەن.ئەينى چاغدا دۆلىتى مۇنقەرىز قىلىنغان چەتئەللىك ئالىم فرانسۇسمۇ ئالىملارغا خاس غورۇرى بىلەن ۋەتەن ھەققىدە  :گەرچە ئىلىم –پەننىڭ دۆلەت چىگىرىسى بولمىسمۇ لىكىن ئالىملارنىڭ ئۆز ۋەتىنى بولىدۇ .دېگەن ۋە  فاشىىست گىرمانىيە ھۆكۈمىتى تەرەپتىن ئەۋەتلىگەن ئىلىم پەن مۇكاپاتنى ئېلىشنى رەت قىلغان. ۋەتەن دەپ قانچلىغان قىز-يېگتلەر،قانچلىغان قەھرىمانلار ئىسسىق جانلىرىنى تەقدىم ئەتمىگەن ھە؟ل مۇتەللىپ،ئابدۇخالىق ئۇيغۇر قاتارلىق سانسىز ۋەتەنپەرۋەر شائىرلىرىمىز ياشلىقىنى، ھاياتىنى  ئەل -ۋەتەن ئۈچۈن  پىدا قىلغان  .ئۇلار بىزگە ۋەتەنپەرۋەرلىكنىڭ ئۈلگسنى تىكلەپ بەردى. ۋەتەن گويا بىزنىڭ ئانىمىز.ئۇ بىزنى قوينىدا بېقىپ چوڭ قىلغاچ ئۇنىڭغا بولغان مېھرىمىز خۇددى ئانا مېھىرىگە ھەر ۋاقىت مۇھتاج بولغان سەبيدەك ئۈزۇلمەيدۇ.ۋەتەن بىزنىڭ ئاتىمىز ئۇ بىزگە تەڭرى تاغلىرىدىكى، ھەيۋەتىلىك تىك قىيالاردىكى قارىغايلاردەك جاسارەت،ئۆلۈمدىن قورۇقماس شىجائەت،قېينچلىقلارغا باش ئەگمەيدىغان غەيرەت ئاتا قىلالايدۇ. ۋەتەن ئۈچۈن جانپىدالىق بىلەن بەيگىگە چۈشكەن قىز ئوغۇللىرىمىز شەرەپ قۇچۇپ غەلبە قازانغاندا ئەڭ ئاۋۋال يادىغا ئالىدىغىنى ئۆزجۈپتى، ئاتا-ئانسىمۇ ئەمەس بەلكى سۆيۈملۇك ۋەتەندۇر .ئەۋلاتلار غەلبە ئۈچۈن ئاتلانغان پەيتتە .ۋەتەن دەپ مۇشتىنى چىڭ تۇگكەن ۋەتەن دەپ ئۇپۇقلارغا كۆز تىككەن.   قۇياش ئۇپۇقتىن ئاستا ئاستا كۆتۈرلۇپ زىمىنغا نۇر  ۋە ئىللىقلىق ئاتا قىلغاندا،زىمىندىكى بارچە جانلىقلار ھاياتلىق پائالىيتىنى باشلايدۇ. ۋەتەن بىزگە نۇر ۋە يورۇقلۇق بېرىدۇ،ئۇ ھارارىتى بىلەن قەلبلەرنى ئويغۇتۇپ ئۆزىمىزنىڭ كىملكىنى تونۇتسا،كۆزلىرىمىزگە نۇر ۋە يورۇقلۇق بېرىپ بىزگە ياشاشتىكى مەقسەتنى،ھاياتقا  بولغان مۇھەببەتنى ، ئەڭ ئاليى نىشاننى كۆرستىپ بېرەلەيدۇ. كونىلار بىزگە :|"ئانا يۇرتۇڭ ئامان بولسا رەڭگى روھىڭ سامان بولماس"دېگەندەك ھېكمەتلەرنى قالدۇرغان.ۋەتەننىڭ تەقدىرى بىزنىڭ تەقدىرىمىز بىلەن تومۇرداش،ئۇنىڭ يىلتىىزى دەل بىزنىڭ قەلبىمىزدە.ۋەتەننى سۆيۇش ئىمان جۈملىسىدىن   بىز پەقەت مۇشۇنداق قەلبىگە تەۋە مۇھەببەتنى، ئېتىقادنى ھەقىقى ۋەتەن سۆيگۇسى دەيمىز.كەيىپ ساپاغا بېرلگەن ئادەملەر ،ھەشەمەتلىك قەسىرلەردە قەدەھ سوقۇشتۇرۋىتىپ  ياكى  ئۆزى تۇغۇلغان ۋەتەندىن نۇمۇس قىلىدىغان،تېنۋالدىغان  ۋىجدانسىزلار، ئۆز خەلقنى ئالداپ قاقتى سوقتى قىلدىغان پۇرسەتپەرسلەر ئۆزنىڭ ئازغىنا مەنپەئەتى ئۈچۈن ئەل ۋەتەننىڭ يۈزىگە داغ چۇشۇرگەندە باشقلارغا يامان تەسىر بېردىغان ئىشلارنى قىلغاندا ئۇلار راستىنلا ۋەتەندىن يىراقلاشقان بولىدۇ. ئۇلار ۋەتەن دەپ مىڭلاپ غەزەل توقىسمۇ، ئۇنىڭ سۇنغان قەلبى ھەقىقى ۋەتەنپەرۋەرلىك كۈينى مەڭگۈ ياڭرىتالمايدۇ.ۋەتەن بىزنىڭ قەلبىمىزدە  بىر  ئۈزۈلمەس مىلودىيەدەك مەڭگۈ ياڭراپ تۇرغاي، ئاھ ۋەتەن ئەزىز دىيار . مەنبە: ئۆزەم    2011.11.19 يېزلىپ يوللاندى

ئارقۇ

	ۋەتەندىن قىممەت  ھىچنىمە يوق.ۋەتىنىڭ بولمىسا سەندىن بىچارە ئادەم بولماس.ھەممە بەخىتسىزلىكلەر ۋەتەنسىزلىكتىن باشلىنىدۇ.

heslirim

	توغرا دىدىڭىز ئەگەر مۇمكىن بولسا ئىدى ۋەتىنىمنىڭ بىر ئوچۇم تۇپىسنى ئۈلۈشتى ئىلگىرى كۈزۈمگە سۈرتىۋالسام دىگەن ئىكەن بىر مۇساپىر.

مارشال

	ئەجدادىم تارىخى تاشقا پۈتۈلگەن، بۇ زېمىن مۇقەددەس گۈزەل بىر جەننەت. يۈرىگىم گۆش ئەمەس،تۇرار تېپچەكلەپ، مەن ئۇيغۇر يىلتىزى قۇرۇماس ئەبەت. -توخار

heslirim

	توخارنىڭ باش سۆرىتى ھاۋارايىدىنمۇ تېز ئۆزگىرىپ تۇرامدۇ ھە

مارشال

	ئاپتور جاۋابىنى بويلاپ 4قەۋەت  heslirim كە 2011-11-21 10:35 PMئەۋەتىلدى  : توخارنىڭ باش سۆرىتى ھاۋارايىدىنمۇ تېز ئۆزگىرىپ تۇرامدۇ ھە    نەچچە ۋاقتىن بېرى يۈننەندە ئىدىم،ھاۋارايى تولا ئۆزگىرىپ كەتتى،شۇڭا،ئۆزگەرتكەن،ھازىر چىڭداۋدا،دېڭىز ساياھىتىنى باشلىۋەتتىم،كورلىغا كەلگەندىن كېيىن ئويلىشىپ بىر ئىش قىلارمەن

ربانى

	قاچانمۇ ۋەتەن مېھرىگە قانارمىز؟

esyankar75

	قاقماي تۇرغىن قېرىندېشىم ئۈستىڭنى، توزىمىسۇن يۇرتتىن كەلگەن توزانلار ...... بولدى  مۇشۇ ئىككى مىسرا يۇرت  سۆيگۈسىنىڭ قانچىلىك بولىدىغانلىقىغا يېتىدۇ..........

kaqmixlar

dawrdax

	ۋەتەن دېمەك ، ھايات دېمەكتۇر . ۋەتەننىڭ بىزگە ئارتىۋەتكەن قەرزى ھېساۋى بەكمۇ كۆپتۇر .