‹‹ئايپاتەم›› ھەرگىزمۇ سەلبىي نام ئەمەس

shoruq

	‹‹ئايپاتەم››لەر توغرۇلۇق مۇنبەردە بەس- مۇنازىرە ئۇزۇلمەيۋاتىدۇ. دىققەت بىلەن قارىساق، كۆپلىگەن مۇنبەرداشلىرىمىز رېئاللىقتىكى ئادەم بىلەن ئەدەبىي ئوبرازنى توغرا پەرقلەندۇرمەي نۇرغۇنلىغان تورداشلارنى خاتا يېتەكلەۋاتىدۇ.         ئەمەلىيەتتەئەدەبىي ئوبراز بىلەن رېئاللىقتىكى ئادەم ئوخشىمايدۇ. بىر مىللەت ئەدەبىياتىدا يارىتىلغان ئوبرازدا شۇ مىللەتنىڭ تۈرلۈك ئۆرپ- ئادەت، كۆز قاراش- ئىدىيەلىرى سىڭىپ كەتكەن بولىدۇ.  ئۇ ئېتوتلاردائۇيغۇرلارنىڭ تۇرمۇشى تەسۋىرلەنگەن ئىكەن. ئۇ ئېتوتتىكى ئوبرازلارغا ھەرگىزمۇ ۋاڭ پالانچى، ئەيلىس، ئىزورا... دېگەندەك ئىسىملارنى ئىشلەتكىلى ياكى ئورۇندۇق خانىم، ماشىنا خېنىم ...دېگەندەك ئىسىملارنى تېخىمۇ ئىشلەتكىلى بولمايدۇ. شۇڭا بۇنى توغرا چۈشىنىش كېرەك. ئەدەبىياتىمىزدا نۇرغۇن‹‹ غۇنچەم، ئاينۇر، مۇھەببەت، مايسىخان ، سۈپۈرگە خېنىم... دېگەندەك ئىجابىي، سەلبىي ئوبرازلار بار. ئۇلارنىڭ مەۋجۇد بولۇشى ھازىرغا قەدەر ھىچقانداق ئەكس تەسىر كۆرسەتمىدى ھەم بۇنىڭدىن كېيىنمۇ تەسىر كۆرسەتمەيدۇ.  ‹‹ئايپاتەم›› نامىنى قوللىنىش ھەرگىزمۇ خاتا بولمىغان. بۇ ئېتوت مەيدانغا كەلگەن ئىكەن. ئۇنىڭ پېرسۇناژلىرىغا ھامان بىر ئىسىم كېرەك. بۇ ئىسىم ‹‹ئايپاتەم›› بولمىسا ‹‹ئالانۇرخان ›› ياكى ‹‹سەنەمجان›› بولۇشى مۇقەررەر ئىدى. شۇڭا بۇنىڭغا توغرا چۈشەنچىدە بولساق.      يەنە بىر مەسىلە،  28- 30 ياشلارغىچە توي قىلالماسلىق ئەخلاق ھادىسىسى بولماستىن بەلكى بىر جەمئىيەت مەسىلىسى. ئۇلارنىڭ توي قىلالماسلىقى ئەخلاقسىزلىقى تۈپەيلىدىن بولماستىن بەلكى خىزمەت، ئوقۇش، سالامەتلىك، مۇۋاپپىق ئەلچى(لايىق) كەلمەسلىك، ئىقتىساد قاتارلىق كۆپلىگەن تەرەپلەرگە مۇناسىۋەتلىك. ئەخلاقسىزلىقى تۇپەيلىدىن ياش چوڭ بولۇپ كېتىپ توي قىلالماسلىق ئەھۋاللىرى بەكمۇ ئاز بولسا كېرەك. دەپ ئويلايمەن، ئەتراپىمغا قاراپ. ‹‹ئايپاتەم›› تېمىسىدىكى مۇنازىرىلەر ھەقىقەتەن ياخشى بولدى. نۇرغۇنلىغان تورداشلار بۇ تېمىغا جىددى مۇئامىلە قىلىپ جەمئىيەتتىكى توي قىلالماي يېشى چوڭ بولۇپ كېتىۋاتقان قىز- ئوغوللىرىمىزنىڭ تەقدىرى توغرىسدا قايغۇرۇپ، ئۇلارغا يول كۆرسىتىپ، مۇلاھىزىلەردە بولدى. ئەپسۇسكى بىر قىسىم تورداشلار‹‹ چاشقانغا قىيىن، مۇشۇككە ئويۇن›› دېگەندەك ئۆز تۇرمۇش يولىنى تەرتىپكە سالالماي ئاران تۇرغان قىز- يىگىتلىرىمىزنىڭ كۆڭلىگە ئازار بېرىپ ئۇلارنى بۇزۇقتىن- بۇزۇققا چىقىرىپ، كۆڭۈللەرنى غەش قىلدى. گاھى تويى بولۇش ئالدىدا تۇرغان قىزلىرىمىز مۇشۇنداق ئەخمىقانە قاراش تۈپەيلىدىن تويلىشىۋاتقان يېگىتلەر تەرىپىدىن تاشلىۋىتىلىش  خەۋپىگىمۇ دۇچ كەلدى. شۇڭا بۇنداق نازۇك تېمىلاردا مۇنازىرە قىلغاندا ئىلمىي بولساق. ئۆزىمىزنىڭ مەسخىرە تۇسىنى ئالغان ئىسپاتسىز، يالغان- ياۋداق ئىنكاسلىرىمىزنى باشقىلارغا تاڭمىساق.    خۇلاسە قىلغاندا ‹‹ئايپاتەم›› ھەرگىزمۇ سەلبىي ئاتالغۇ ئەمەس. ‹‹ئېشىدى ›› قىزلار بىلەن تەڭ تۇرىدىغان ئۇقۇممۇ ئەمەس. بۇ نام جەمىيەتتىكى ئەخلاقسىز قىزلارنىڭ ئورتاق نامىمۇ ئەمەس. بەلكى ئۇيغۇر ئەدەبىياتىدا مەيدانغا كەلگەن،  بۇ خۇددى زۇنۇن قادىر ياراتقان ‹‹غۇنچەم›› ئوبرازىغا ئوخشاش نەچچە ئون يىللاپ خەلق قەلبىدىن چىقمايدىغان ناھايىتى مۇۋەپپىقىيەتلىك يارىتىلغان ئەدەبىي ئوبراز خالاس. ‹‹ئايپاتەم›› ئوبرازىنىڭ جەمئىيەتتە بۇنچە غۇلغۇلا پەيدا قىلىشىمۇ بۇ ئوبرازنىڭ مۇۋەپپىقىيەت قازانغانلىقىنى كۆرسىتىپ تۇرۇپتۇ. قەلىمىم

aysiman

	5 يىلنىڭ ئالدىدا تورغا چىقسام مۇشۇ گەپلەر بارئىدى ھازىرمۇ تۈگىمىدى بۇ گەپلەر . ئەمدى ئىشىندى قىز دەپ ئىسىم قويدى . ماۋۇ گەپ ماڭا خەخدىن ئىشىپ قالغان دىگەندەك ئاڭلىدىكەن . ئەمدى بىز ئۇيغۇر قىزلىرى خەخدىن ئىشىپ قالدىمۇ .

Danggal

	‹‹ئېشىدى ›› قىزلار بىلەن تەڭ تۇرىدىغان ئۇقۇممۇ ئەمەس.    بۇ يەردىكى ‹ئېشىدى› ئىبارىڭىز ‹ئېشىندى›مۇ؟ ئەگەر شۇنداق بولسا بۇ ھەقتە ئېنىقراق ئىزاھەت بەرسىڭىز ؛بىزنىڭ قانداق قىزلىرىمىز ئەشۇ كاتوگىرىيەگە كىردۇ؟    يازمىڭىز  ياخشى چېقىپتۇ ،لىكىن ئەدىبى ئوبزور يازغاندا مىسال كەلتۈرۈشنى ئۇنتۇپ قالماڭ.ئىجادىيىتىڭىزگە ئۇتۇق تىلەيمەن.

rinatcn

	شۇنداق مەسلىگە قانداق قاراشنى چۇشەنگەندە ،ھەممە تۇگۇن يىشىلىدۇ

fysikant

	مەن مۇشۇنداق تىمىلاردىن يىراقراق تۇراي جۇمۇ.

ataohli

	بۇنداق  تالىشىپ نەگە بارا سىلەر  ئايشارىغىمۇ ياكى مارىسقىمۇ  بۇرۇن قىرى قىز دەيىتتى ئەمدى ئايپاتەم ئۇندىن كىيىن  ئىشىندى قىز   كەلگۇسىدە  ئارتۇق قىز ئىرى يوق قىز  ،   ، ئەرگە تەگمىگەن قىز ،ئەر ئالمىغان قىز، ئەر ياراتمىغان قىز  ............................   قىز قىزلا دىگەن ئاتالغۇلا چىقامدىىكىن   .   بۇنىڭ ئەڭ ياخشى چارىسى بالدۇرراق توي قىلىش ئەر چىقمىسا ئىرى بارغىمۇ  تىگىش  .   شۇندىلا بۇ قالپاق نىڭ بازىرى كاساتلىشىپ  يۇقامىكى  دەيمەن .  يەنە باشقا پىلان بولسا ئوتتۇرغا قۇيايلى .

qidag

	بۇ تول خوتۇنلانىڭ مۇنازىرە سورىنى بۇلاي دەپتۇ مۇشۇنداق ئادەمنىڭ ئىھتىياجى يوق نەرسىلەرنى مۇنازىرلەشكەن ئادەمنڭ ئوزى جىڭ ئەخمەق

borankuxi123

	بەزى يېڭىدىن كەشىپ قىلغان سۆزلەرنى مەجبورلاپ تاڭمىساڭلاركەن دەيمەن

borankuxi123

	خاتا يىزىپ قويۇپتىمەن؛ بەزى يېڭىدىن كەشىپ قىلغان سۆزلىرىڭلەرنى مەجبورلاپ تاڭمىساڭلاركەن دەيمەن