مۇسۇلمان مانا مۇنداق بولۇشى كېرەك

menggutash

	ھەقىقىي مۆئمىن ئىسلامى ئەخلاقنى مۇكەممەل ئۆزلەشتۈرۈشكە تىرىشچانلىق كۆرسىتىشى كېرەك. ئۇ ئۆزىنىڭ بىرەر كىچىك ئىشتا كەتكۈزىۋەتكەن چېغىدا بۇنىڭ ئۆزىگە نىسبەتەن قانچىلىك گۇناھ بولىدىغانلىقىنى بىلىشتىن ئاۋۋال بۇنىڭ ئىسلام دىنىنىڭ ئوبرازى، ئىسلام ئۈممىتىنىڭ ئىناۋىتىگە قانچىلىك تەسىر كۆرسىتىدىغانلىقىنى بەكرەك ئويلىشىشى كېرەك. ھەقىقىي مۆئمىن ھەرزامان چوڭ مويسىپىتلارنى كۆرسە، رەسۇلۇللاھنىڭ مۇنۇ ھەدىسىنى ئەسلىشى كېرەك: ئەمىر ئىبنى شۇئەيب رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن:« كىچىكىلرىمىزگە رەھىم قىلمىغان ۋە چوڭلىرىمىزنىڭ ھۈرمىتىنى قىلمىغان كىشىلەر بىزدىن ئەمەس» (ئەبۇ داۋۇت ۋە تىرمىزىدىن) ھەقىقىي مۆئمىن ئۆزىنىڭ زۇلۇم قىلىش ئۈستىدە كېتىۋاتقانلىقىنى ھېس قىلغان ھامان رەسۇلۇللاھنىڭ مۇنۇ ھەدىسىنى ئەسلىشى كېرەك: ئەبۇ ھۈرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: «قىيامەت كۈنى ھەق ئۆز ئىگىلىرىگە قايتۇرۇلىدۇ. ھەتتاكى مۈڭگۈزسىز قويغىمۇ مۈڭگۈزلۈك قويدىن قىساس ئېلىپ بېرىلىدۇ.» (مۇسلىمدىن) ھەقىقىي مۆئمىن مۇسۇلمان بۇرادىرى بىلەن ئۇ بۇرادىرى مۇھتاج ھالەتتە ئۇچراشقاندا رەسۇلۇللاھنىڭ مۇنۇ ھەدىسىنى ئەسلىشى كېرەك: ئابدۇللا ئىبنى ئۆمەر رەزىيەلللاھۇ ئەنھۇمادىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: «مۇسۇلمان مۇسۇلماننىڭ قېرىندىشىدۇر، ئۇ ئۇنىڭغا زۇلۇم قىلمايدۇ ۋە ئۇنى دۈشمىنىگە تاپشۇرۇپ بەرمەيدۇ. كىمكى ئۆز قېرىندىشىنىڭ ھاجىتىدە بولىدىكەن، اﷲ ئۇنىڭ ھاجىتىدە بولىدۇ، كىمكى مۇسۇلماندىن بىر مۇشەققەتلىكنى كۆتىرىدىكەن، اﷲ ئۇنىڭدىن قىيامەت كۈنىنىڭ مۇشەققىتىدىن بىر مۇشەققەتنى كۆتۈرۈۋېتىدۇ ۋە كىمكى مۇسۇلماننىڭ ئەيىبىنى ياپىدىكەن، ﷲ مۇ قىيامەت كۈنى ئۇنىڭ ئەيىبىنى ياپىدۇ.»(بىرلىككە كەلگەن ھەدىس) ھەقىقىي مۆئمىن يىتىم- يىسىرلارنى ئۇچراتقاندا پەيغەمبىرىمىزنىڭ مۇنۇ ھەدىسىنى ئەسلىشى كېرەك: سەھىل ئىبنى سەئىد رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن:«يىتىملارغا ئىگە بولغۇچىلار مەن بىلەن جەننەتتە مانا مۇشۇنداق بىللە بولىدۇ، دەپ كۆرسەتكۈچ بارمىقى بىلەن ئوتتۇرا بارمىقىنى ئېچىپ تۇرۇپ كۆرسەتكەن.» (بۇخارىدىن) ھەقىقىي مۆئمىن ئايالىغا نەپرەتلەنمەكچى بولغاندا رەسۇلۇللاھنىڭ مۇنۇ ھەدىسىنى ئەسلىشى كېرەك: ئەبۇ ھۈرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: «مۆئىمىنلەرنىڭ ئىچىدىكى ئەخلاقى ياخشى بولغانلىرى ئىمانى ئەڭ كامىل بولغان كىشىلەردۇر، سىلەرنىڭ ئاياللىرىغا ياخشى مۇئامىلە قىلغانلىرىڭلار ئەڭ ياخشى كىشىلىرىڭلاردۇر.» (تىرمىزىدىن) ھەقىقىي مۆئمىن ئايال مۇسۇلمان ئېرىگە بويسۇنماسلىقنى پىلانلاۋاتقاندا: ئۇممۇ سەلىمە رەزىيەللاھۇ ئەنھادىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: «قانداق بىر ئايالدىن ئۇنىڭ ئېرى رازى بولغان ھالەتتە ئۆلۈپ كەتسە ئۇ ئايال جەننەتكە كىرىدۇ.» (تىرمىزىدىن) ھەقىقىي مۆئمىن ئاتا- ئانىسى، يىتىم، مىسكىنلەر، قوشنىلار، ئۇرۇغ- تۇغقانلار، سەپەرداشلار، تىجارەت، ھۈنەر- كەسىپتىكى كەسىپداشلار ۋە قول ئاستىدىكى خىزمەتچىلەر بىلەن بولغان ئالاقىنى توغرا ھەل قىلالمايۋاتقاندا: اﷲ تائالا مۇنداق دەيدۇ:« اﷲ غا ئىبادەت قىلىڭلار، ئۇنىڭغا ھىچ نەرسىنى شېرىك كەلتۈرمەڭلار، ئاتا- ئاناڭلارغا، خىش- ئەقرىبالىرىڭلارغا، يىتىملەرگە، مىسكىنلەرگە، يېقىن- يىراق قوشنىغا، ياندىكى ھەمراھقا (سەپەرداشقا، ساۋاقداشقا)، مۇساپىرغا، قول ئاستىڭلاردىكى قۇل- چۆرىلەرگە ياخشىلىق قىلىڭلار». (سۈرە نىسا، 36- ئايەتنىڭ بىر قىسمى) نى ئەسلەيدۇ. ئابدۇللا ئىبنى ئۆمەر ۋە ئائىشە رەزىيەللاھۇ ئەنھۇمادىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « جىبرىئىل ماڭا قوشنىلارغا ياخشىلىق قىلىش توغرىسىدا ھەتتاكى مەن ئۇنى قوشنىلارغىمۇ مىراسخور قىلىپ قويارمىكىن، دېگەن گۇمانغا كېلىپ قالغۇدەك دەرىجىدە نەسىھەت قىلاتتى.» (بىرلىككە كەلگەن ھەدىس) ئەبۇ ھۈرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: « كىمكى اﷲ غا ۋە قىيامەت كۈنىگە ئىشەنسە قوشنىسىغا ئەزىيەت يەتكۈزمىسۇن ۋە كىمكى اﷲ غا ۋە قىيامەت كۈنىگە ئىشەنسە مېھمىنىنى ھۈرمەتلىسۇن ۋە كىمكى اﷲ غا ۋە قىيامەتكە ئىشەنسە ياخشى سۆزلەرنى قىلسۇن ياكى جىم تۇرسۇن.» ( بىرلىككە كەلگەن ھەدىس) ھەقىقىي  مۆئمىنگە مۇسۇلمان بۇرادىرىنى يوقلاش شەيتان تەرىپىدىن ئېغىر تۇيۇلغاندا: ئەلى رەزىيەللاھۇ ئەنھۇدىن رىۋايەت قىلىنىدۇكى، مەن پەيغەمبەر ئەلەيھىسسالامنىڭ مۇنداق دېگەنلىكىنى ئاڭلىغان: « قانداق بىر مۇسۇلمان ئۆزىنىڭ يەنە بىر مۇسۇلمان بۇرادىرىنى ئەتىگەندە يوقلىسا 70 مىڭ پەرىشتە كەچكىچە ئۇنىڭ ئۈچۈن مەغفىرەت تىلەيدۇ. كەچتە يوقلىسا، تاڭ ئاتقۇچە مەغفىرەت تىلەيدۇ. ئۇنىڭ ئۈچۈن جەننەتتە تەييارلانغان مىۋىلەر بولىدۇ.» ( تىرمىزىدىن) ھەقىقىي مۆئمىن بۇرادىرىنىڭ غەيۋىتى ئۈچۈن تىلىنى مىدىرلاتماقچى بولغاندا : اﷲ تائالا مۇنداق دەيدۇ: « بىر- بىرىڭلارنىڭ غەيۋىتىنى قىلماڭلار، سىلەرنىڭ بىرىڭلار ئۆلگەن قېرىندىشىڭلارنىڭ گۆشىنى يېيىشنى ياقتۇرامسىلەر؟ ئۇنى ياقتۇرمايسىلەر، اﷲ تىن قورقۇڭلار، اﷲ تەۋبىنى بەكمۇ قوبۇل قىلغۇچىدۇر،  ناھايىتى مېھرىباندۇر.» (سۈرە ھۇجۇرات 12- ئايەت) نى ئەسلەيدۇ. اﷲ تائالا مۇنداق دەيدۇ: « ئۇ قانداق بىر سۆزنى قىلمىسۇن ئۇنىڭ ئالدىدا ھامان پەرىشتە ھازىر بولۇپ كۆزىتىپ تۇرىدۇ.» (سۈرە قاف، 18- ئايەت) ئەبۇ ھۈرەيرە رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام: « اﷲ قا ۋە ئاخىرەت كۈنىگە ئىشەنگە كىشى ياخشى سۆز قىلسۇن ياكى  جىم تۇرسۇن.» دېدى. (بىرلىككە كەلگەن ھەدىس) ھەقىقىي مۆئمىن بۇرادىرىنىڭ غەيۋىتى قىلىنىۋاتقانلىقىنى كۆرسە: ئەبۇ دەردا رەزىيەللاھۇ ئەنھۇدىن رىۋايەت قىلىنىدۇكى، پەيغەمبەر ئەلەيھىسسالام مۇنداق دېگەن: «كىمكى ئۆز بۇرادىرىنىڭ ئابرويىنى قوغداپ قالسا، اﷲ قىيامەت كۈنى ئۇ كىشىنى دەۋزەقتىن قوغداپ قالىدۇ. » ( تىرمىزىدىن) نى ئەسلەيدۇ. مۆئمىن اﷲ نى ئەسلەشنىڭ ئەنە شۇ جانلىق سۈرەتتە بولىدىغانلىقىنى بىلىدۇ. پۈتۈن ھاياتىنى تەسۋى سېرىش بىلەن ئۆتكۈزۈشنىڭ ھەقىقىي زىكرى ئېيتقانلىق ئەمەسلىكىنى، بەلكى تۇرمۇشىنىڭ ھەر بىر پارچىسىدا اﷲ ۋە ئۇنىڭ پەيغەمبىرىنىڭ كۆرسەتمىسىگە ئاساسەن ياشاشنىڭ ھەقىقىي زىكرى ئىكەنلىكىنى چوڭقۇر چۈشىنىدۇ. بۈگۈنكى كۈندە ۋەدىسىدە تۇرماسلىقنىڭ ئەيىب سانالمايدىغان بولۇپ قېلىشى مۇسۇلمانلارنىڭ ئومۇميۈزلۈك كەينىگە چېكىنىپ كەتكەنلىكىنىڭ بىر ئىپادىسى بولسا كېرەك. بەزىلەر تەۋھىد مەسىلىلىرىدە چىڭ تۇرغان بىلەن ئاتا- ئانىسىنى ھۈرمەت قىلمايدۇ. ئۇرۇغ- تۇغقانچىلىقنى ئۇلىمايدۇ. بەزىلەر ئاتا- ئانا، ئۇرۇغ- تۇغقانلىرىغا ياخشىلىق قىلغان بىلەن ئىسلامىي قېرىنداشلىققا ئەھمىيەت بەرمەيدۇ. بەزىلەر بالىلىرىنى ئوقۇتۇشقا ئالاھىدە كۈچ چىقىرىدۇ، لېكىن ئۆزى ئىلىم ئېلىشقا تىرىشمايدۇ. بەزىلەر ئۆزىنى ئىسلاھ قىلىشقا كۈچەيدۇ، لېكىن بالىلىرىنىڭ ، ئاياللىرىنىڭ، ئۇرۇغ- تۇغقانلىرىنىڭ قانداق بولۇشى بىلەن كارى يوق. بەزىلەر مۇئامىلىدە ناھايىتى يۇمشاق لېكىن ئايالىغا زۇلۇم قىلىدۇ... مانا مۇشۇنداق ئىسلامنىڭ مەلۇم تەرىپىنى چىڭ تۇتۇپ، يەنە بىر تەرىپىنى بوش قويىۋېتىش ئومۇميۈزلۈك بىر ھادىسىگە ئايلىنىپ قالدى. ھالبۇكى اﷲ بۇنىڭغا قاتتىق رەددىيە بەرگەن ئىدى: « ئى مۆئمىنلەر ! ئىسلام دىنىغا پۈتۈنلەي كىرىڭلار ( يەنى ئىسلام دىنىنىڭ پۈتۈن ئەھكاملىرىغا بويسۇنۇڭلار، بەزى ئەھكاملىرىغا ئەمەل قىلىپ، بەزى ئەھكاملىرىنى تەرك ئەتمەڭلار.) شەيتاننىڭ يوللىرىغا ( ۋە ئىغۋاسىغا) ئەگەشمەڭلار، شەيتان سىلەرگە ھەقىقەتەن ئاشكارە دۈشمەندۇر.» ( سۈرە بەقەرە 209- ئايەت) مۇسۇلمانلاردا ئىسلامىي ئەخلاقلار مۇكەممەل ئۆزلىشىشى كېرەك. ئالىي ئەخلاقلارنى ئۆز ئىچىگە ئالغان قۇرئان كەرىمنى ئۆز ھاياتىغا تولۇق تەدبىقلىيالايدىغان تىرىك قۇرئانلارنىڭ مەيدانغا كېلىشى تولىمۇ زۆرۈر. مۇشۇنداق كىشىلەر مەيدانغا كەلگەندىلا اﷲ بۇ ئۈممەتتىن رازى بولىدۇ. مەنبە: « ئىسلام دىنىنىڭ ئاساسى ئىمان»

rinatcn

	ھەققى ياخشى تېما مانا مۇشۇنداق بولىدۇ

uzumtal

	رەھمەت سىزگە  .يوللانغان ئايەت دىگەننىڭ مەناسىنى مۇشۇنداق چۇشىنىشلىك كەت دائىرلىك قىلىپ ئوتتۇرغا قويسا ئادەمگە مۇشۇنداق ياقىدىغان گگپ

uzumtal

	رەھمەت سىزگە  .يوللانغان ئايەت دىگەننىڭ مەناسىنى مۇشۇنداق چۇشىنىشلىك كەت دائىرلىك قىلىپ ئوتتۇرغا قويسا ئادەمگە مۇشۇنداق ياقىدىغان گەپ

jangqi

	ئەسسالامۇ-ئەلەيكۇم...ئاللاھ....سىزدىن رازى بولسۇن

lazzat

	مۇشۇنداق ئىسىل تىمىنى كۆرىدىغانلار يوقكەن...توۋا

娜紫拉

	ئاللاھ.........رەھمەت قىلسۇن  ئەجىرڭېزگە رەھمەت چەكسىز تەشەككۇر  ................قېيامەتتە ياخشىلا ر  قاتارىدىن  ئورۇن ئالغايسېز................ئاللاھ..ھەممەبەندىسىگە ئىمان   ئاتا قىلسۇن   ئامىن...............

xahida223

	اللە رەھمەت قىلسۇن . نىمىدىگەن ياخشى يېزىلغان ! اللە ئەجرىڭىزنى بەرسۇن . اللە ئىلمىڭىزنى تېخىمۇ زىيادە قىلسۇن . اللە سىزنى ئىككى دۇنيا ئەزىزلەر قاتارىدىن قىلغاي .  زالىملارنىڭ زۇلمىدىن ساقلىغاي . ئامىن.

娜紫拉

	ئىسلام دىنىنىڭ ئاساسى ئىمان        ئىماننىڭ  جۈملىسى  ھايا    ئۆزىمىزنى  تۈزەيلى   ھايا دىگەننىڭ نىمە ئىكەنلىكىنى بىلەيلى   بىزنى  ئانىمىز    دىباغا   جۇباغا  يەنە ھىلقى  بىر يەلەگە تۇغمىغاندىكىن        مىللىتىمىزنىڭ  نىمە ئىكەنلىكىنى   بىلىپ  ياشايلى.........قىرىنداشلا ........رەھمەت  تىما ئىگسىگە.....

oyhan

	ئاللا ئەجرىڭىزنى كاتتا قىلسۇن ..ئامىن!

1670154432

	ئىمان مۇسۇلماننىڭ جۇمىلىسىدىندۇر ، دىمەك ھەقىقى مۇسۇلمانلىقنى كامالەتكە يەتكۇزگەندىلا ئىمانىمىز  مۇستەھكەملىنىدۇ . اللاھ !ساۋاپنى ياخشى ئىش-ئەمەللەرنى قىلغۇچىغىلا ئەمەس،شۇلارنى يەتكۇزگىچىلەرگىمۇ ئوخشاشلا ساۋابىنى بىرىمەن دىگەن .   مۇشۇنداق ئىسىل تېمىلار بىلەن بىزگە بىلمىگەننى ئۇگۇتۇپ ،بىلگەننى پىشىقلاشقا  سەۋەپ قىلغان بەندىلىرىمىزمۇ تىگىشلىك ساۋابىنى كۆرگەي. تېما ئىگىسىگە كۆپلەپ بەخىت -سائادەت يار بولغاي.

mesken0998

	ئاللاھ رەخمەت قىلسۇن بۇرادەر،ئەھمىيەتلىك تىما يوللاپسىز،بولۇپمۇ ئاخىرىدىكى مەزمۇنلار ناھايىتى ئورۇنلۇق،ھازىرقى دەۋرىمىزدىكى مۇسۇلمانلارنىڭ ئىسلام پىرىنسىپلىرىنىڭ بەزىسىگە ئەمەل قىلىپ،بەزىسىنى تاشلاپ قويىدىغان ئەھۋاللار ھەقىقەتەن ئىغىر،ئۆز مەنپەئەتىمىزگە پايدىلىق بولسا ئىسلام پىرىنسىپى بويىچە قىلىدىغان،ئۆز مەنپەئەتىمىزگە زىيانلىق بولسا ئىسلام پىرىنسىپلىرىنى چورۇپ تاشلايدىغان ئىشلار خىلى كۆپ سالماقنى ئىگەللەپ قىلىۋاتىدۇ،ھەممە مۇسۇلمان قىرىنداشلارنىڭ ئىسلام دىنىغا ئومۇمىيۈزلۈك كىرىپ ئىسلام پىرىنسىپلىرى بويىچە مىڭىشىنى ئۇلۇغ ئاللاھتىن تىلەيلى!

yusuf311

	تەلەپ ئىنتايىن يۇقىرى،لىكىن زە......................... بەك تەسكەن................. [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311] [s:311]

yusuf311

	شۇنداق ھەقىقىي مۆمىن بولۇپ ياشاۋاتقانلار مىنى ئارىسىغا بىر ئېلىۋالسىكىن! ئى ئاللاھىم بىزنى ئۆزەڭ سۆيگەنلەر بىلەن بىرگە قىلغىن!