خەت ( ھىكايە )

nazila998

	مەن بۈگۈن بىر كىتاپ لازىم بولۇپ قىلىپ كونا ماتىرياللىرىمنى رەتلەۋىتىپ قولۇمغا بۇرۇنقى «شىنجاڭ ياشلىرى» ژورنىلى چىقىپ قالدى ھەم ئۆرۈپ-چۆرۈپ قاراپ بۇ ھىكايىغا كۆزۈم چۈشۈپ قالدى ، ئوقۇسام شۇ ۋاقىتلارغا نىسبەتەن خىلى ياخشى يىزىلغان ھىكايە ئىكەن ، شۇڭا مۇنبەرداشلارنىمۇ كۆرۈپ باقسۇن دەپ يوللاپ قويدۇم                                                             خەت                                           ئەسلى ئاپتورى   :   پەخىردىن  مۇسا      ئايقىز بىلەن ئالىم ئىنتايىن ئىناق ياش ئەر-خوتۇنلار ئىدى ،ئالىم ئايقىزنى قەۋەتلا ياخشى كۆاەتتى ، ئايقىزمۇ ئالىمغا شۇنداق ئامراق ئىدى .      بىر كۈنى ئالىم ئىدارىسىدىن ئورۇنلاشتۇرغان بىر پالىيەتكە قاتنىشىشى ئۈچۈن قىزىل گىلاستۇكىنى تاقىماقچى بولۇپ ، ئۆي ئىچىدىن ئىزلەپ تاپالماي ئايالىنىڭ چامادانىنى ئاختۇرۇپ بىقىشقا  مەجبۇر بولدى ، ئويلىمىغاندا چاماداننىڭ ئەڭ ئاستىدىن بىر كونۋىرىت چىقىپ قالدى ،ئالىم گۇمان بىلەن كانۋىرىتنى ئىچىپ ئىچىدىكى خەتنى ئالدى-دە ئوقۇشقا باشلىدى :      « مىنىڭ سەۋرى قامەتلىك دىلبىرىم ، ياخشىمۇ سىز ؟ _ ئالىم خەتنى ئاتلاپ - ئاتلاپ ئوقۇشقا باشلىدى _ .........بىلەمسىز ، سىز ئۈرۈمچىدىن كەكەندىن كىيىن مەن سىزنى چەكسىز سىغىندىم ، سىز بىلەن بىرگە ئۆتكۈزگەن شىرىن كىچىلەرنى ئەسلەپ ياتالمايمەن ، سىزگە تەلپۈنىمەن ،     سۆيۈملۈك دىلبىرىم ئايقىز ، بۇلتۇر مەن سىزنىڭ يۇرتىڭىزغا بىرىپ ئۆيىڭىزگە كىرگەندە سىز مىنى خۇددى ئايالىمدەك، تولۇق ھوقۇقۇلۇق ئايالىمدەك كۈتكەنتىڭىز ، كىيىن مەن يۇرتىڭىزدىكى بەزى دوسلىرىمغا گىپىڭىزنى قىلىپ بەرسەم ، ئۇلار يامان گىپىڭىزنى قىلغانتى ، لېكىن مەن ئۇنىڭغا قىلچە پەرۋا قىلمىدىم ،چۈنكى مەن سىزنى سۆيىمەن ، سىز ھازىر خىزمەت تەخسىماتى بىلەن ئۆز يۇرتىڭىزغا كەتكەن بولسىڭىزمۇ ، لېكىن مەن سىز ئۈچۈن ئۈرۈمچىدىن  خىزمەت ئىزدەۋاتىمەن ، بىز چوقۇم مۇرادىمىزغا يىتىمىز .................. »       ئالىمنىڭ خەتنى تۇتقان قوللىرى تىترەپ كەتتى ،ئۇنىڭ خىيالى بۇنىڭدىن ئىككى يىل ئىلگىرى بىر قىتىم مۇشۇ خەتنى كۆرگەن چاغقا كەتتى .       ئۇ چاغدا ئالىم بىلەن ئايقىز  تىخى ئەمدىلا خىزمەتكە چىقىپ ، يىڭىلا مۇھاببەت قاينىمىغا قەدەم تاشلىغان بىر جۈپلەر ئىدى ،لېكىن ئۇ چاغدا ئايقىز ئالىمنىڭ ئۆزىنى ئالداپ قويۇشىدىن ئەنسىرەيتتى ،شۇنىڭدىن كىيىن بىر كۈنى ئۇ ئالىمغا مەنىلىك قىلىپ مۇنداق دېگەن :       _ ئالىم ، سىز « مۇھەببەت چۈشۈنۈش ۋە ئىشىنىشنىڭ ئاساسى »دىگەن گەپنى ئاڭلىغانمۇ  ؟      _ ئاڭلىغان      _ ئۇنداق بولسا ماڭا قەسەم بىرىڭ ،      _ يۈرىكىم بىلەن قەسەم بىرمەنكى سىزگە مەڭگۈ ئىشىنىمەن _ دېدى ئالىم .      _ ئۇنداق بولسا سىزگە بۇرۇن مەن بىلەن قىسقا ۋاقىت يۈرگەن بىر يىگىتنىڭ مۇھاببەت خېتىنى كۆرسىتىمەن ، _ دېدى ئايقىز ئالىمنىڭ كۆزلىرىگە سىرلىق تىكىلىپ . ئۇ بۇ ئارقىلىق ئالىمنى سىنىماقچى ، ئۇنىڭ ئۆزىنى ياخشى كۆردىغان- كۆرمەيدىغانلىغىنى بىلىپ باقماقچى ئىدى .       ئەنە شۇ چاغدا ئالىم خەتنى كۆرۈپ بولۇپ ، ئايقىزغا چىچىلماقچى بولغان بولسىمۇ ، لېكىن ئۆز قەسىمىنى ئىسىگە ئىلىپ يەنىلا  ئۆزىنى تۇتىۋالغان  ئىدى .      مانا بۈگۈن ئۇنىڭ بىلەن توي قىلغىلى ئىككى يىل بوپ قالغان بۈگۈنكى كۈندە ، بۇ خەت يەنە ئالىمنىڭ قولىغا چىقىپ قالدى . ئۆز ۋاختىدا ئايقىز بۇ خەتنىڭ ئىگىسىنى ئاللا بۇرۇن ئۇنتۇپ كەتكەنلىكىنى قەسەم قىلىپ تۇرۇپ ئېيتقانتى ، ئالىمنىڭ بۇ خەت ئۈچۈن چىچىلغىنىغا بولسا ئىچ-ئىچىدىن خۇشال بولغاندى ، ئەپسۇس ، بۇ خەت يەنىلا ئۇنىڭ چامادانىنىڭ چوڭقۇر يىرىدە ساقلانسا - ھە ؟........      _ سىزگە نېمە بولدى ؟ _ سورىدى سىرتتىن كىرگەن ئايقىز . ئالىم گويا پىلىكى كۆيۈپ تۈگىگەن بومبىدەك بىراقلا پاتىلدى :     _  نېمە بولاتتى ، ماۋۇ خەتنى تا ھازىرغىچە ساقلاپ كىلىۋىتىپسىنا ؟ ئېيتە  ، ئۇنى يەنە نېمە ئۈچۈن ساقلىدىڭ ؟    ئايقىزنىڭ تاتارغان چىرايى ئەسلىگە كىلىپ ، قاقاھلاپ كۈلىۋەتتى_دە ، جوزىنىڭ ئۈستىدىن بىر ناننى ئىلىپ يەرگە تاشلىدى ۋە ئالىمغا مىختەك قادالغىنىچە دانىمۇ - دانە سۆزلەشكە باشلىدى .      _ ئالىم ، مەن سىزنىڭ ئايالىڭىز ، سىز ماڭا ئىشەنسىڭىز بولاتتى ،ئەمدى ئىشەنمىگەندىكىن مۇشۇنداق قەسەم قىلىپ بىرەي ، لېكىن سىزگە شۇنى ئېيتايكى ، ئۆز ۋاختىدا مەن سىزنىڭ ماڭا كۆڭلىڭىز بار-يوقلىقىنى بىر سىناپ كۆرۈش ئۈچۈن مۇشۇ خەتنى قانداقتۇر بىر يىگىتنىڭ نامىدا يىزىپ ، ئۇنى يەنە بىر دوستۇمغا كۆچۈرتكۈزۈپ سىزگە كۆرسەتكەن ، مەن سىزنىڭ شۇ چاغدىكى ئەلپازىڭىزغا قاراپ مىنى ھەقىقى ياخشى كۆردىغانلىغىڭىزغا ئىشەنگەنتىم ،چۈنكى مىنىڭ نەزىرىمدىكى كۈنلەش - ياخشى كۆرۈشنىڭ ئىپادىسى ، بۇ سىرنى بۈگۈن يەشتىم ، ئەسلى بۇ خەتنىڭ ھەممىسى  ئويدۇرما ، مانا ئەمىسە ، ئايقىز شۇنداق دەپلا يەردىكى ناننى گاچ قىلىپ دەسسەپ قەسەم ئىچتى  ۋە :       _ يالغان گەپ قىلغان بولسام نان دەسسىگەن مۇشۇ پۇتۇم ناكا بولغاي _ دېدى ، ئالىم بۇ ئىشلارغا چىدىماي بوش تەلەپپۇز بىلەن سورىدى :      _ ئەمىسە نېمە ئۈچۈن بۇ خەتنى ساقلىدىڭىز ؟      _ بۇ دېگەن بىزنىڭ مۇھاببىتىمىزنىڭ يالدامىسى ، ! _ دىدى ئايقىز .     ئالىم نېمە قىلارىنى ۋە نىمە دىيىشىنى بىلەلمەي بىر پەس سۈكۈتتە تۇرغاندىن كىيىن ، سەل ئۆتۈنۈش ئاھاڭىدا سۆزلىدى :     _ ئەمدى بۇ يالدامىنى ئۆز قولىڭىز بىلەن كۆيدۈرۋىتىڭ ، كىيىن يەنە مۇشۇنداق كۆڭۈلسىزلىك يۈز بىرىپ قالمىسۇن ،      ئايقىز ھېلىقى خەتكە سەرەڭگە يىقىپ يىقىن ئاپاردى ، ئۇنىڭ سەرەڭگە تۇتقان قوللىرى سەل-پەل تىترىدى ، قەغەز ئاخىرى ئوت ئىلىپ كۆيۈپ كەتتى ، ئالىمنىڭ قايغۇلۇق چىرايىدا كۈلۈمسىرەش ئەكىس ئەتتى ، ئايقىزنىڭ كۆزىدىن بولسا نىمىشقىدۇر ئىختىيارسىز ياش تامچىلاشقا باشلىدى .     ئاجايىپ يىرى شۇكى ، مۇشۇ ئىش بولۇپ دەل بىر ئايدىن كىيىن ئايقىزنىڭ بىر پۇتىغا ئىغىر جاراھەت چىقىپ راستىنلا ئاقساقلاپ ماڭىدىغان بولۇپ قالدى .                                     مەنبە  : « شىنجاڭ ياشلىرى » ژورنىلىنىڭ 1992 -يىللىق 12 - سانىدىن

XAMALIM1314

	بوپ قۇيدىكەن

ROMALIM1314

	ئىككىمىز دىن باش قىسى كۈمىدىمۇ نىمە بۇ تېمىنى

taklip.com

	مىنىڭ بەك ئۇيقۇم كىلىپ كەتتى، مەن  ئەتە  كۆرۋالاي.

مارشال

	پەخرىدىن موسا ھازىر بايىنغولىن گېزىتخانىسىنىڭ ئۇيغۇر تەھرىر بۆلۈمىدە باش مۇھەررىر بوپ ئىشلەۋاتىدۇ،بۇ ئاكىمىز ‹‹فانتازىيەلىك رومان››نى بەك ياخشى يازىدۇ،‹‹باشئەگىمدىكى رىۋايەت››دېگەن فانتازىيەلىك رومانىنى شۇنداق ياخشى يېزىپتىكەن،ھازىر ئۇ كىتابنى تاپقىلى بولمايدۇ،پەخرىدىن موسانىڭ ئىجادىيىتى ئۇتۇقلۇق بولغاي.سىز ئەۋەتكەن ئەسىرى بۇرۇن پىرۇزىغا يېڭى قەدەم قويغان چېغىدىكى ئەسىرى ئوخشايدۇ،تىلى ھازىرقى ئەسەرلىرى بىلەن ئاسمان-زېمىن پەرقلىندىكەن.

natik

	نانغا دەسسەپ قەسەم بەرسە ئەنەشۇنداق تۇكۇر بۇلدىغان گەپ ...يۈزى قىلىن ....... سەل ھاياجانلنىپ كەتتممۇ قانداق ...

kahrizat

	ياخشى يېزىلغان ئەسەركەن ، ئاپتۇرغا رەھمەت

oguzhan0998

	ياخشى يېزىلغان ئەسەركەن  !

elijan

	ئەسلى ئۇ ئايال يالغانن ئېيتىپتىكەندە ، بولمىسا قۇلىمۇ تىترىمەستى ،،، ئاياللارنىڭ ھيلىسى ئاشۇنداق تۇلا ...،.

nazila998

	بۇ ئاپتورنىڭ 19 يىل بۇرۇنقى ئەسىرىكەن ، شۇ ۋاقىتقا نىبەتەن ھەقىقەتەن ياخشى چىققان ھىكايە دىيىشكە بولىدۇ ،  ئۇ چاغدا بەلكىم سىز يىقىلىپ - قوپۇپ ئاران ماڭا بولغىيدىڭىز ،