ساختا بىلەن بۇ جاھان تولۇپ كەتتى ئالامەت

qaplin

	ساختا بىلەن بۇ جاھان تولۇپ كەتتى ئالامەت ، قالماي بەزەن ئىنساندا قىلچە ئىنساپ دىيانەت ، سودا ئەخلاق مىزاننى يالماپ كەتكەچ خىيانەت، خىيانەتتىن كىشىگە يەتتى نى-نى مالامەت ، بۇ زادى نىمە ئىشتۇ زادى نىمە كارامەت!!!. چۈجە ئالسام بازاردىن ئۆيگە يەتمەي جېنى چىقتى ، سامسا ئىلىپ بىر تاۋاق بىر چىشلىسەم يېلى چىقتى ، چاققا سالغان پىچاق ئالسام مايماق -سايماق بىسى چىقتى، گاڭپەن يىسەم ئاشخانىدا غاراس-غۇرۇس تېشى چىقتى ، تاش سانىسام قۇم سانايدۇ ئاشپەزنىڭ جايى خىلۋەت . كاۋاپ يىدىم بەش زىختىن گۆشى ئۇنىڭ قىرى ئىنەك ، خاشو پۇرايدۇ كاۋابتىن بىرنى، مىڭ چايناپ يىسەك، مال بازىرىدا ئات تاپالماي مىنگىنىم قوتۇر ئىشەك ، قوتۇر ئىشەككە يەتكۈزەلمەي نەچچە تاغار يەم -خەشەك ، ئىسىت جاھان نىم بولدى يەتتى شۇنداق مالامەت . تۆمۈرچىگە ئىشىك دىدىم ياساپ بىرىڭ ئاۋايلاپ ، دات باسقان تۆمۈرنى قىپتۇ سەكسەن يەرنى پاياتلاپ، خاتۇنۇم چاچنى يۇلدى تولا سوزلەپ ‹‹ۋاي-دات ››لاپ، چوقۇر تولا ئىشىكىمدە يۈردۈم ئۆزۈمنى كاچاتلاپ ، ئەي ھۈنەرۋەن ھالال بىلەن ھۈنىرىڭنى داۋام ئەت . بىشىم ئاغرىپ باردىم تىۋىپقا كۆرۈنگىلى بىر ۋاق ، تولا سۆزلەپ تىۋىپمۇ باش ئىغىر ئاغرىيدۇ ئۇزاق ، دىدى تىۋىپ: كۆزىڭىز ئالغاي پۇتىڭىز مايماق، دىدىم :كۆز ،پۇت ساق ئەمما بىشىم بەك چاتاق ، ئېرەن يوق تىۋىپتا ماڭا ئالىيدۇ  بەك سەت . ساراڭ خاتۇنۇم بىر كۈنلىكى ئاياق دەپ ياقامغا ئېسىلدى، بازار كۈنى خاشو قەغەز پار-پۇر ئاياققا ئېتىلدى ، سەكسەن كويغا ئاياق ئالدىم نەچچە كۈندە تىشىلدى ، سەكسەن كويغا خۇتۇننىڭمۇ ئاياق خۇمارى بىسىلدى ، ئاياق خۇمارى ئەمەس تاياق خۇمارى بىسىلار بىر رەت . ئەي دوستلار ئىنساپ بىلەن بۇ دۇنيادا ياشاپ ئۆتەيلى ، ئەل رازى خۇدا رازى   بۇلار ئىكەن  بۇنى بىزلەر بىلەيلى ، ئەل كۈلسۈن بىزمۇ ھەم مىھنەت بىلەن  خوشال كۈلەيلى ، تاڭنا كىلەر قىيامەتتە سوئاللاردىن  سوراقلاردىن قورقايلى ، بىزگە باقىي ئەمەس دۇنيا ھەتتا دۇنياغا خىيانەت .

zapar

	مۇشتلىشىپ قاپتۇ ئىككى بالا نەق كوچىدا، ئاجرتىپ قويسام ئاپلىرى بەك تىللاپ كەتتى. ئەستاغپۇرۇللا مائىشنى دەپ، ساقالنى يۇلدۇم، ياخشى كۆڭلۈمگە ئىشەك تەپتى، ئاھانەت يەتتى.

yawaat0998

	پاھ، چاپلىن بەي، كارامەت يېزىپسىز جۇمۇ؟ مۇشۇنداق ساتىرالەرنى ئوقۇمىغىلى ئۇزۇن بوپتىكەن. قوللىرىڭىزغا دەرت كەلمىسۇن.

borankuxi123

	ھەق گەپلەركەن

rizwangul0995

	چاپلىن جان ،شېئرىڭىز بۇپ قالدىكەن ھە.:qiray132