گۈلباھار

ARKZAT

	گۈلباھار تونۇشمىساق بوپتىكەن گۆدەكلىكتە گۈلباھار، ئۇچراشمىساق بوپتىكەن چىمەنلىكتە گۈلباھار. چېتىلمىسا بوپتىكەن دىل رىشتىمىز گۈلباھار،   سىرداشمىساق بوپتىكەن ئايدىڭدا بىز گۈلباھار.   تەلمۈرۈپ چىن سۆيگۈدە باقمىساقچۇ گۈلباھار، يۈرەكلەرگە ئوت- لاۋا ياقمىساقمۇ گۈلباھار. ۋاپاسى يوق ۋەدىنى قىلمىساقچۇ گۈلباھار، ھىجراندا ساق يۈرەكنى تىلمىساقچۇ گۈلباھار. دىلغا گۈزەل ئارزۇلار پۈكمىسەكچۇ گۈلباھار، سۆيگۈمىزدىن شاد ۋىسال كۈتمىسەكچۇ گۈلباھار. قۇلاق سالماي نالەمگە تاشلاپ كەتتىڭ گۈلباھار، زار قاقشىتىپ كۆزۈمنى ياشلاپ كەتتىڭ گۈلباھار. مەكتۇپ يازسام جاۋابسىز قالدۇردۇڭ سەن گۈلباھار، شۇم رەقىبلەر ئالدىدا چاندۇردۇڭ سەن گۈلباھار. «بۇزۇلماس» شۇ ۋەدەڭدىن يېنىۋالدىڭ گۈلباھار، مەندىن چېنىپ ئۆزگە يار تېپىۋالدىڭ گۈلباھار . سۆيگۈ گۈلۈم بىمەھەل سۇلۇپ كەتتى گۈلباھار، پاك ۋۇجۇدۇم زەرداپقا تولۇپ كەتتى گۈلباھار. ئۇنتالمايمەن، ئۇنۇتۇپ كەتسەڭمۇ سەن گۈلباھار، شادلىنىمەن مۇرادقا يەتسەڭلا سەن گۈلباھار!!! (   مەنبەسى: ئەركزات نەزمىلىرىدىن  )

zulayha

	شۇنچە ياخشى ھەم راۋان تىل بىلەن يېزىلىپتۇ . لېكىن ئاچچىق شۇنچە كەپتۇ ھە . ئىسمى بىلەنلا يېزىۋېتىپسىز. ۋەدىڭىزدە تۇرسىڭىز ، بولمامدۇ ئەي گۈلباھار؛ ئەركزاتنى يىغلىتىپ ،خاپا قىپسىز گۈلباھار .

mantipaz

	بۇ گۈلباھار دىگەن ھىلىقى مەلۇم ناھىيىلىك ئەدلىيە ئىدارىسىدا ئىشلەيدىغان ئايال شۇمۇ ، يېقىندا بىر كىتابى چىقتى دەۋاتاتتى ....

1670154432

	[quote]ئاپتور جاۋابىنى بويلاپ 1قەۋەت  zulayha كە 2011-11-13 12:09 PMئەۋەتىلدى  : شۇنچە ياخشى ھەم راۋان تىل بىلەن يېزىلىپتۇ . لېكىن ئاچچىق شۇنچە كەپتۇ ھە . ئىسمى بىلەنلا يېزىۋېتىپسىز. ۋەدىڭىزدە تۇرسىڭىز ، بولمامدۇ ئەي گۈلباھار؛ ئەركزاتنى يىغلىتىپ ،خاپا قىپسىز گۈلباھار . شۇنى دىمەمسىز ،بىز ۋاپاسىز ئوغۇللارنى ۋۇي كامىل دەپ تىللايمىز دەپ تۇرساق ،ئەمدى بۇ گۇلباھار چىقتى .   ئەمدى ئوغۇللارمۇ ۋاپاسىز قىزلارنى ۋۇي گۇلباھار دەپ تىللاپ يۇرمىسە دەڭە.

xax2282

	ئاھ! خۇدا  ..   !  مېنىڭ كۆڭلۈمدىكىنى تېپىۋاپسىز . بۇ شىئېرىڭىزنى كۆرۈپ دەردىمنى تۆكۈۋالغاندەك بولدۇم . رەھمەت سىزگە . قولىڭىزغا دەرت كەلمىسۇن .   گۇلباھار ئىسىملىك قىزلارنىڭ ھەممىسى ۋاپاسىزمۇ نىمە ؟            ھەقىقەتەن كۆڭلۈم بوشاپ قالدى

wisalay

	ئىسمىمنى كۆرۈپ يۈگرەــــــــــــــــــپ كىرىپتىمەن دىسە،سىزنى قانداقمۇ ئالدىيالىغاندۇ ئۇ گۈلباھار. شاش2282دىگەن تورداش،ھەممىسى ئۇنداق ئەمەستى،بۇ سىلەرگە قاندىقى ئۇچراپ قالغاندۇ دەيمەن.

nurmalika

	گۈلباھار ھەدەمنى شۇنداق سېغىندىم، دىدارلاشمىغىلى بەك ئۇزۇن بولدى، ئۇنىڭ تاتلىق ئاۋازى بىلەن ئوقىغان نەسىرلىرى ھېلىمۇ قۇلاق تۈۋۈمدىلا......

ARKZAT

	wisalay يوللىغان ۋاقتى  2011-11-14 04:53 AM ئىسمىمنى كۆرۈپ يۈگرەــــــــــــــــــپ كىرىپتىمەن د ...    بەلكىم، جاھاندىكى قاغىلارنىڭ ھەممىسى قارا بولمىغىنىدەك، گۈلباھار ئىسىملىك قىزلارنىڭ ھەممىسىنىڭ مەن قوشاققا قاتقان ئاتالمىش گۈلباھاردەك ئۇنداق بىۋاپالاردىن بولۇپ كەتمەسلىكى مۇمكىن!    گۈلباھار ئىسىملىك خانىم-قىزلاردىن ئەپۇ سورايمەن!