ھۆرىيەت كىنو-تېلېۋىزىيە شىركىتىدىن ئۈن-سى

Aytugh

	ئەسسالامۇ ئەلەيكۇم، ‹‹مىليون گۈل›› فىلىمىنىڭ قىزغىن ئىشتىراكچىلىرى ۋە كەڭ مۇسۇلمان قېرىنداشلار. ئەنئەنىۋىي بايرىمىمىز قۇربان ھېيتىڭلارغا مۇبارەك بولسۇن! ھۆرىيەت شىركىتىدىكى بارلىق قۇرغۇچى ۋە ئىشچى-خىزمەتچى، خادىملار ھەممىڭىزلەرگە ھېيتلىق سالام يوللايدۇ. ھەممەيلەنگە ئايان بولغىنىدەك فىلىمىمىز ھېيت ھارپىسىدا 3-4قىسىم فىلىمنى بازارغا سالدۇق ۋە كۆپلىگەن پىكىر-تىلەكلەرنى تاپشۇرىۋالدۇق، مۇشۇ مۇناسىۋەت بىلەن بىزنى ۋە ئۇيغۇر كىنوچىلىقىنى قوللىغان كەڭ خەلق ئاممىسىغا يەنە بىر قېتىم رەھمەت ئېيتىمىز. نۆۋەتتە ئۇيغۇر كىنوچىلىقىنىڭ چېكىنىشىگە سەۋەپ بولىۋاتقان مەسىلەردىن بىرى بولغان ھايانسىز كۈچۈرۈپ تارقاتقۇچىلار ۋە نۇمۇسسىز كۆپەيتىپ تارقاتقۇچىلار فىلىم ئىشلەش كەسپىدىكىلەرنىڭلا باش قېتىنچىلىقى بولۇپلا قالماستىن بارلىق ئۇيغۇر كىنوچىلىقىنىڭ كەلگۈسىگە كۆڭۈل بۆلىدىغان خەلىق ئاممىسىنىڭ غەزىپىنى ئۆرلەتمەكتە. فىلىمىمىزنىڭ دەسلەپكى ئىككى قىسمى بازارغا سېلىنىپ ئۇزۇنغا قالماي بايقالغان كۈچۈرۈپ تارقاتقۇچى ھايانكەش ئۈن-سىن سودىگىرى سوتقا تارتىلغاندىن كىيىن كەڭ ئاممىنىڭ قوللىشى بىلەن فىلىمىزنى توربەت بوشلۇقلىرىغا يوللىغۇچىنى بايقىغان ۋە مۇناسىۋەتلىك تارماقلارنىڭ يوللىغۇچىنىڭ ئايپى ئادرىسىنى تەمىنلىشىگە ئېرىشكەن بولساقمۇ ،56 تورى ۋە يۇكۇ تورىغا يوللىغۇچىنىڭ يېزا ئىگىلىك ئىنىستوتىنى پۈتتۈرگەن ئۇقۇغۇچى ئىكەنلىكى ئېنىقلانغاندىن كىيىن شىركەت رەھبەرلىرى مەسلىھەتلىشىپ ھازىرچە ئۇنىڭغا قارىتا قاتتىق تەدبىر قوللانماسلىق قارارىغا كىلىپ، ئاگاھلاندۇرۇش بېرىپ بىر تەرەپ قىلدۇق. لېكىن سەۋرىنىڭمۇ چېكى بولىدۇ ئەلۋەتتە! ‹‹ مىليون گۈل›› فىلىمى بىز ھۆرىيەتتىكى يۈزگە يېقىن كەسپى خادىمنىڭ قان-تەر بەدىلىگە، ئۆزلۈكسىز ئىزدىنىش، تىرىشىش نەتىجىسىدە بارلىققا كەلگەن ئەجىر مىۋىمىزدۇر! ھەرقانداق كىشى ئۆز مىۋىسىنىڭ باشقىلار تەرىپىدىن ئوغرىلىنىشىغا قاراپ تۇرالمايدۇ.شۇنداقلا ئۆز ئەجىر مىۋىسىنى قوغداش ئېڭى ھەربىر ئىنساندا بولۇشقا تىگىشلىك مەجبۇرىيەتتۇر. بۇ فىلىم پەقەت ھۆرىيەت شىركىتىدىكىلەرنىڭلا ئەمەس بەلكى ئۇيغۇر كىنوچىلىقىنىڭ تەرەققىياتىنى ئۈمىت قىلىدىغان بارلىق قېرىنداشلىرىمىزنىڭ قوللىشىغا ۋە قوغدىشىغا مۇھتاج! چۈنكى بۇ فىلىم ھەممىمىزنىڭ دەۋر ئەينىكى. فىلىمىزنىڭ 3-4-قىسمىنى بازارغا سالغان ئۇشبۇ مەزگىللەردە كەڭ ھايانكەش كۆپەيتىپ تارقاتقۇچىلارنى يەنە بىر قېتىم ئاگاھلاندۇرىمىزكى: ‹‹ مىليون گۈل›› فىلىمى ، رەسمىيەتلىرى تولۇق، قانۇنى قوغداش كاپالىتىگە ئىگە مەھسۇلاتتۇر. بۇندىن كىيىن يەنە كۆچۈرۈپ تارقاتقۇچىلار بايقالسا بىز يەنە تەدبىر قوللىنىپ قانۇن ئارقىلىق ھوقۇقىمىزنى قوغدىماي تۇرالمايمىز. بۇ جەھەتتە بىز تۇلۇق كاپالەتكە ۋە تەييارلىققا ئىگە. ھەرقايسى ۋىلايەت، شەھەر، ناھىيە بازارلىرىغا مەخسۇس نازارەت خادىمى سەپلىگەندىن سىرت توربەتلەرنى قاتتىق نازارەت قىلىپ تەكشۈرۈپ تۇرىمىز. ھەرقانداق ئورۇندىن توربەت بوشلۇقىغا يوللانغان ھامان بىز ئايپى ئەھۋالىدىن تولۇق خەۋەردار بولۇپ تۇرىمىز. ۋىجدانىڭىز ۋە قانۇننىڭ سوتىغا تارتىلماي دىسىڭىز،  ئىگىلىكىڭىزنىڭ ۋەيران بولىشىنى ۋە ئۈن-سىن كەسپىدىكىلەرنىڭ يۈزىگە قارا سۈركەشنى خالىمىسىڭىز كىشى ئەجرىگە ئۇزاتقان نومۇسسىز قوللىرىڭىزنى تارتىڭ! ھۆرمەت بىلەن ھۆرىيەت كىنو- تېلېۋىزىيە چەكلىك شىركىتى ھۆرىيەت تور بېتى كوللىگىيىسى 2011-يىلى11-ئاينىڭ6-كۈنى

erpan521

	نۇمۇسسزلارنىڭ دەردىدە يۇرەك سۇلا تۇردىغان گەپكەندە...

1670154432

	[quote]ئاپتور جاۋابىنى بويلاپ Aytughھەم 2011-11-12 12:42 AMئەۋەتىلدى  ھۆرىيەت كىنو-تېلېۋىزىيە شىركىتىدىن ئۈن-سىن ھايانكەشلىرىگە : لېكىن سەۋرىنىڭمۇ چېكى بولىدۇ ئەلۋەتتە! ‹‹ مىليون گۈل›› فىلىمى بىز ھۆرىيەتتىكى يۈزگە يېقىن كەسپى خادىمنىڭ قان-تەر بەدىلىگە، ئۆزلۈكسىز ئىزدىنىش، تىرىشىش نەتىجىسىدە بارلىققا كەلگەن ئەجىر مىۋىمىزدۇر! ھەرقانداق كىشى ئۆز مىۋىسىنىڭ باشقىلار تەرىپىدىن ئوغرىلىنىشىغا قاراپ تۇرالمايدۇ.شۇنداقلا ئۆز ئەجىر مىۋىسىنى قوغداش ئېڭى ھەربىر ئىنساندا بولۇشقا تىگىشلىك مەجبۇرىيەتتۇر. .......   مانا ئەمدى ئىستىمالچىلارنىڭ كۆڭلىدىكىدەك ئاگاھلاندۇرۇش بوپتۇ ،بەلكىم ئارىمىزدا ئۇنداق ھايانكەشلەر يوق دەپ كىسىپ ئېيتالمىساممۇ، ھەقىقى ۋىجدان ئىگىلىرى ئۇلارنى ھەرگىزمۇ قوللىمايدۇ دەپ قارايمەن ،باشتىلا مۇشۇنداق سەممىمى ئەسكەرتىش بىرىلگەن بولسا ،بەلكىم نۇرغۇن ئۇقۇشماسلىقلارمۇ بولماستى.   رەخمەت سىلەرمۇ جاپا تارتىڭلار ،ئەجىرىڭلارغا چۇشلۇق ھالاۋىتىنى كۆرگەيسىلەر ،بولسا كىيىنكى قىسىمىنى  كۇرۇرمەنلەر بىلەن بالدۇرراق يۇز كۇرۇشتۇرۇشكە غەيرەت قىلغايسىلەر.

dunya005

	يىزا - بازارلاردىكى ئۇن - سىن سودىگەرلىرىنىڭ ھەممىسى ئوغرى كۆچۆرگىندىن باشقىنى ساتمايدۇ ئۇلار.

ubul0998

	كۈچۈرەلمەيدىغان قىلىپ ئىشلەشكە بولماسمۇ؟

nurjula

	بەك ياخشى ئاگاھلاندۇرۇش بوپتۇ، دىمىسىمۇ ھايانكەشلەر مۇشۇنداق كۆچۈرۈپ تارقىتىۋەتسە، شۇنچە كۆپ مەبلەغ بىلەن ئىشلەنگەن ئېسىل كىنۇنىڭ نىمە قەدىر قىممىتى بولسۇن! قوللايمىز!

yawayi-0998

	ھەقىقەتەن  توغرا دەيسىز...  ئۇيغۇر  كىنوچىلىقىنى تەرەققىي قىلغۇزۇش  ئۈچۈن شۇنداق  ھايانكەشلەرگە قاتتىق  زەربە بىرىش كىرەك ...

ziyaliy

	ئۇيغۇر كىنوچىلىقىمىزنىڭ ئاخساپ قالماسلىقى، سان ۋە سۈپەت جەھەتتە ھالقىش پەيدا قىلىشى ئۈچۈن  ئىشلىرىڭلارغا ئۇتۇق تىلەيمەن..

mantipaz

	ئاۋال توردىكى ھايانكەشلەرگە بىرەر قېتىم بولسىمۇ قانۇنى يول بىلەن زەربە بەرسە ئاندىن كىيىن ئۈن - سىن بازارلىرىدىكى ھايانكەشلەرگە ئاگاھلاندۇرۇش ياكى باشقا ئۇسۇللاردىن پايدىلىنىپ قانۇنى جاۋاپكارلىقنى ئۈستىگە ئالدۇرسا بولىدۇ . بولسىمۇ «تۆگىگە مېنىپ تۆگە ئىزدەپ قالغان» دەك بولۇپ قالىدۇ .

مارشال

	مەن كومپىيۇتۇر كەسىپىدە ئوقۇغان بولسام،باشقا دەينى تۇنۇمايدىغان،كۆرۈشكىلا بولدىغان،كۆچۈرگىلىمۇ بولمايدىغان بىرخىل كىنۇ قۇيۇش ھۆجىتىنى تەتقىق قىلىپ باقىتىم،مەن سىلەرگە شۇنى دەپ قۇياي،بۇنى ھەرگىزمۇ تۇسۇپ بولالمايسىلەر،ئازراق كونترۇل قىلىشىڭلار مۇمكىن،پۈتۈنلەي تاقابىل تۇرالمايسىلەر دەي كۆچۈردىغان ھايەنكەشلىگە.....