خىيانەت

پاۋىل

	خىيانەت                                                                                          ( ھىكايە )                                                مۇھەممەت ئىمىن تۇرسۇننىياز       گۇلشەن بىلەن بۈخەلچەم بەش مىنۇتچە جىم ماڭدى. بۇ جىمقتلىقنى بۇخەلچەمنىڭ -گۇمانسىراپ يۈرگەنلىرىم  راسىت ئىكەندە -دە .  دىگەن سۆزلىرى بۇزىۋەتتى .      - نىمانچە گۇمانسىراپ يۈرەتتىڭ؟   ھۇدۇقۇپ سورىدى گۇلشەن.   ۋە  - سىلەرچۇ؟   قانداقسىچە مەندىن گۇمانسىرەيتتىڭ. - دىدى       -  ۋىييەي  قانداق قىلىۋاتقىنىڭنى مەن دەپپىرەيمۇ-يە ھېلىقى ماخمۇت مۇئەللىم بىلەن بولغان مۇناسىۋىتىڭچۇ دوستۇم .     - مىنى دەۋاتامسەن  ئۇ دىگەن ئۇقۇتقۇچى تۇرسا    مەن دىگەن ئۇقۇغۇچى   تۇرسام شۇنداق دىگىلى  يۈزۈڭ قىزارمىدىمۇ ؟  مۇمكىن ئەمەس.     - مۇمكىن ئەمەسمىش -دىدى  بۇخەلچەم  ئاغىزىنى پۈرۈشتۈرۈپ،  ۋە يەنە  بىر بىرىڭلارنى ياخشى كۈرۈشسەڭلا ئەركىنلىققۇ  - دىدى.     - بۇگىپىڭ توغرا بولمىدى ئۇقۇتقۇچى بىلەن ئۇقۇغۇچىنىڭ ئارىسىدا چەك بۇلۇش كىرەكتە .     - ياق مىنى ئۇنداق گەپلەر بىلەن ئالدىيالمايسەن مەن بۇلتۇر كىسەل بۇلۇپ قېلىپ مەكتەپتە بۇلالمىدىم  بۇيىل مەكتەپكە قايتىپ كەلدىم قايتىپ كەلگەندىن باشلاپ بۇ ئىشلارنى سىزىپ ساڭا دىسەم  يىقىن يۇلاتمىدىڭ لېكىن سېلەرنىڭ  يۇشۇرۇنچە كۇرۇشۇپ تۇرغانلىغىڭلارنى يۈرۈگۈم تۇيۇپ تۇرۇۋاتىېدۇ     ئەگەر سەن ماڭا يىقىن دوس ۋە ھەقىقى دوس  بولساڭ ماڭا راس گىپىڭنى قىلغىن دوستۇم  - دەپ گىپىنى ئاياغلاشتۇرۇپ چوڭ-چوڭ قەدەملەر بىلەن گۈلشەندىن ئىلگىرلەپ مېڭىشقا باشلىدى. ئۇلار مەكتەپكە كىلىشى بىلەن مەيداندا سەپكە تىزىلىش  قوڭغۇرىغى چېلىندى ئۇلار ۋاختىدا كىلەلىگەنلىگىگە خۇرسەندە بۇلۇشۇپ يۈگۈرۈپ كىلىشىپ سەپكە تىزىلىپ  يوقلامغا قاتناشتى. مەكتەپ دۈجۈرنى مۇئەللىم بۈگۈن ئۇقۇتقۇچىلارغا جىددى يىغىن بارلىغىنى ئۇقۇغۇچىلارنىڭ ئىختىيارى پالىيەت ئېلىپ بېرىشىنى ئۇختۇرۇپ تارقىلىش كاماندىسى بەردى . گۈلشەن بىلەن بۇخەلچەم ئۆيلىرىدىن ئېلىپ كەلگەن نەرسىللىرىنى ياتاقلىرېىغا ئەكىرىپ قۇيۇشقاندىن كىيىن ياتاقتىن سىرىتقا قاراپ مېڭىشتى . ئۇلار يولدا كىتىپ بارغاندا ماخمۇت مۇئەللىم قاتارلىق بىرقانچە مۇئەللىم بىلەن ئۇچرىشىپ قالدى بۇلارنى كۈرۈش بىلەنلا  گۈلشەن شۇنداق ئىزا تارىتتىكى خۇددى ئاناردەك قىپ-قىزىل قىزاردى-دە بېشىنى يەردىن كۈتۈرەلمەي ئىلدام مېڭىپ كەتتى. بۇخەلچەم بولسا توختاپ مۇئەللىملەر بىلەن كۈرۈشۈپ ئاندىن يىتتىك قەدەملەر بىلەن بېرىپ گۈلشەنددىن سورىدى؛ -  ئەگەر سىنىڭ ماخمۇت مۇئەللىم بىلەن مۇناسىۋىتىڭ بولمىسا نىمە ئۈچۈن قىزىرىپ ئۇلار بىلەن سالاملاشماي كىتىپ قالىسەن؟ نىمىشكە باشقا مۇئەللىملەر بىلەن سوزلەشكەندەك ئازادە سۆزلىشەلمەيسەن؟ سىنىڭ پۈتۈن ھەركەتلىرىڭدىن چىقىپ تۇرسۇمۇ نىمىشكە ھەقىقەتنى يۇشۇرۇسەن؟ -دىدى بۇخەلچەم. گۈلشەن ئاخىرى ئامالسىز قالدىمۇ ئەيتاۋۇر كۈلۈمسىرىگەن ھالدا؛ -  جۈر، ئاياقتىكى ئۆستەڭ بۇيىغا بېرىپ ئولتۇرۇپ ئالدىرىماي سۆزلىشەيلى ئەگەر سەن مىنىڭ بىر يىلدىن بۇيانقى سەرگۈزەشتىمنى ئاڭلاشنى خالىسااڭ مەن ساڭا ھەممىسىنى ئېيتىپ بىرەي دىدى.بۇچاغدا بىردىنلا بۇخەلچەمنىڭ چىرايى تۇتۇلۇپ  ئۆزگۈرۈپ كەتتى .لېكىن بۇھالنى گۇلشەن سەزمىدى. بۇ ئىككەيلەن بىر تۇپ دەرەخىنىڭ تۈۋىگە كىلىپ ئولتۇرۇشتى، ئەتراپقا پۈتۈنلەي گۈگۈم چۈشكەن.ئېتىزدا  ئىشلەۋاتقان كىشىلەرنىڭ بۇ چاغدا ئالدىراش ئۆيلىرىگە قايتىشىدىكى ۋاراڭ چۇرۇڭلىرى، كالىلارنىڭ مۆرەشلىرى،قوي- ئۆچكىلەرنىڭ مەرەشلىرى ئۆستەڭنىڭ قارشى تەرىپىدىن ئاڭلىنىپ تۇراتتى. گۈلشەن ئاستا بېشىنى كۈتۈرۈپ سۈپ-سۈزۈك ئاسمانغا بىر قارىۋالدى-دە بىر يىلدىن بۇيانقى  يۈز بەرگەن مۇھەببەت ھىكايىسىنى بۈخەلچەمگە بىر-بىرلەپ سۆزلەپ بىرىشكە باشلىدى؛     «  -  بىزنىڭ ئىشىمىز مۇنداق باشلانغان . بۇلتۇر يازلىق تەتىلگە قۇيۇپ بىرىش ئالدىدا  مەخمۇت مۇئەللىم ماڭا تۇيۇقسىزلا بىر پارچە خەت بەردى .خەتنى ئۇقۇپ باقسام ئۇ مىنى ياخشى كۈردىغانلىغىنى ئېيتىپتۇ مەن گاڭگىراپلا قالدىم ئويلاپ باقسام ئۇ بولسا مۇئەللىم مەن بولسام ئۇقۇغۇچى ئەگەر ئۇقۇغۇچىلار بىلىپ قالسا بۇ قىزنىڭ ئەخلاقى ياخشى ئەمەسكەن دىمىسۇن دەپ  قۇبۇل قىلالمايدىغانلىغىمنى ئېيىتتىم . ئەمىلىيەتتە مەنمۇ مەخمۇت مۇئەللمنى ياخشى كۈرەتتىم .گەرچە مەكتەپتىكى ئۇقۇتقۇچى ۋە ئۇقۇغۇچىلاردىن قاتتىق ئۇيالغان بولساممۇ مىنىڭ مەخمۇت مۇئەللىمنى ياخشى كۈرۈش ئىستىگىمنى باسالماسلىق سەۋەبىدىن بۇلتۇر دەل مۇشۇ سىنتەبىر كۈنلىرىدە مەخمۇت مۇئەللىمگە كۆڭلىنى قۇبۇل قىلىدىغانلىغىم توغرىسىدا جاۋاپ بەردىم. گەپ مۇشۇ يەرگە كەلگەندە بۇخەلچەم ھېچ بىر ئورنىدا جىم ئولتۇرالماي قالدى. بىز مەكتەپكە يىغىلىش بىلەن مىنى مەكتەپ ئۇقۇغۇچىلار ئۇيۇشمىسىنىڭ  ھەيئىتى قىلىپ قويدى. .. -دەپ سۈزىنى داۋاملاشتۇردى -گۈلشەن،- ئۇقۇغۇچىلار ئارىسىدا يامان تەسىر پەيدا قىلىپ قويماي دەپ، ھەم سىنى سىرساقليالماسمىكى دەپ ساڭا بۇ مەخپىيەتلىكنى ئېيتىشقا جۈرئەت قىلالمىدىم. مەندىن ھەرگىز خاپا بولمىغىن دوستۇم دىدى. بۇ چاغدا بۇخەلچەمنىڭ چىرايىدا نەچچە قېتىم ئۆزگۈرۈش بولغىنىنى گۈلشەن سەزمەي بىخارامان سۆزلەۋاتاتتى.بۇ چاغدا بۇخەلچەم چاندۇرماستىن سۆز قىستۇرۇپ قويدى؛ -  ماڭا ئېيىتقان بولساڭ مەن ساڭا ياردەم بىرەتتىم ئەمەسمۇ؟...مەندىن تارتىندىڭمۇ-يە....ياكى مەن باشقا بىرسىگە ئېيتىپ قۇيارمىدىم.   - ياق ئۇنداق قىلمايتتىڭ . لىكىن ، سەن سىنىپىمىزدىكى پاتىمە بىلەن بەك يىقىن ئىدىڭ شۇنىڭغا ئېيتىپ قۇيارمىكى دەپ ئەنسىرىدىم سەن ئۇنىڭغا دىسەڭ ئۇ باشقا ساۋاقداشلارغا  ئېيتىپ قويسا پۈتۈن مەكتەپ ئىچىگە تارقىلىپ كىتەمدىكىن دەپ ئويلىدىم . بۇ چاغدا بۇخەلچەم زادىلا بەرداشلىق بىرەلمەەي ئورنىدىن دەس تۇردىدە يىراقلارغا بىر قارىۋېلىپ كۆڭلىدە   ........-ئەسلىدە مەخمۇت مۇئەللىم مىنى ياخشى كۈرۈدۇ دەپ خام -خىيال قىلىپ يۈرۇپتىمەن ئەمەسمۇ ؟ نەچچە ۋاقىتتىن بۇيان مەن گۈلشەننىڭ دوستى بولغانلىغىم  ئۈچۈنلا ماڭا ياخشى مۇئامىلە قىلغان ئىكەن-دە !دەپ ئويلاپ ئىچىدە ئازاپلاندى.ۋە ئىچىدە يەنە مەخمۇت مۇئەللىم ياخشى يىگىت ئىدى لېكىن ئۇ مىنى ياخشى كۆرمەيدىكەن ئەمەسسمۇ ؟ - لېكىن شۇنداق ياخشى يىگىتكە ئۆمۇرلۇك خۇتۇن بولسا نىمە دىگەن بەختلىك تۇرمۇش بۇلاتتى -ھە!  دەپ ئېغىر بىر تىندى. ۋە نەچچە ۋاقىتتىن بۇيان گۈلشەنگە ئىشىنىپ كەلگەنلىگىگە پۇشايمان قىلدى.شۇنداقتىمۇ ئۇ پۈتۈن كۈچى بىلەن ھىس تۇيغۇسىنى بىريەر گە يىغىپ دوستى گۈلشەننىڭ مۇھەببەت ھىكايىسىنى ئاخىرغىچە ئاڭلىغاچ مەخمۇت مۇئەللىم توغرىسىدا كۆڭلىدە يىڭى ئىزدىنىش ئېلىپ بېرىۋاتاتتىيۇ ئەمما ئىچى تىت-تىت بۇلۇۋاتاتتى.بۇخەلچەم بارلىق كۈچ قۇۋىتىنى يىغىپ گۈلشەنگە سۇئال قويدى؛     -  ئېيىتقىنا دوستۇم شۇنداق قىلىپ مەخمۇت مۇئەللىم بىلەن قانچە قېتىم كۈرۈشتۈڭلا ؟     -  ئۈچ قېتىم كۈرۈشتۈك -دىدى گۈلشەن.     -  نىمە دىيىشتىڭلار؟     -   بىرىنجى قېتىم قۇربان ھېيىت كۈنى ماخمۇت مۇئەللىمنىڭ ئۈيىدە بولدۇق. ئۇ كۈنى پارال سىنىپتىكى ئامىنە بىلەن ساۋۇتمۇ كەلدى. ساۋۇت دۇتار چېلىپ بەردى ئامىنە ئۇسۇل ئوينىدى  مەن ئىزا تارىتقانلىغىمدىن بېشىمنى كۈتۈرەلمىدىم شۇۋاقىتتا سىلەرنىڭ بىر مەھەللىلىك ئەخمەتمۇ كەلگەن ئىكەن ئۇ بىر ئاز ئولتۇرۇپ قايتىپ كەتتى. ئۇ ئۆز ۋاختىدا سىنى قوغلاشقان ئەخمەت شۇ ئەمەسمۇ. مەخمۇت مۇئەللىم ئۇنى بىر دەم ئولتۇرۇشقا تەكلىپ قىلغان ئىدى لېكىن ئۇ زەيناپ بىلەن كاككۇكنىڭ يېنىدا نىمە بار مەنمۇ سىلەرگە ئوخشاش جۇپ بولغاندا سىلەر بىلەن ئولتۇراي دىدى-دە كىتىپ قالدى.ئەخمەتمۇ شۇ كۈندىن باشلاپ بىزنىڭ ئىشىمىزنى بىلىدۇ. ھازىر ئۇنى كۆرسەم بەك خىجىل بۇلىمەن .    -ئىككىنجى قىىتىم ماخمۇت مۇئەللىم ئۈرۈمچىگە كۇرۇسقا  مىڭىش ئالدىدا بىر شەنبە كۈنى ئاخشىمىغۇ دەيمەن .مۇشۇ ئۆستەڭ بۇيىدا ئولتۇردۇق......بىر ۋاقىتلا بۇلۇپ قاپتۇ تۇيماپتىمىز مەن سۇغۇققا بەك تۇڭۇپ كەتتىم ،ماخمۇت مۇئەللىم چاپىنىنى سىلىپ ئۈستۈمگە يىپىپ قويدى. -بۇ ۋاقىتقىچە نىمە دىيىشتىڭلا؟ - دەپ سورىدى بۇخەلچەم:    -ھىچ نەرسە دىيىشەلمىدۇق دىدى گۈلشەن .    -شۇنچە ئۇزۇن ئولتۇرغان ئادەملەرمۇ جىم ئولتۇرغۇدەكمىش دىدى  -  تەنە قىلىپ بۇخەلچەم.    -ھەر قانچە گەپچى ئادەملەرمۇ ئۇنداق چاغدا ھۇدۇقۇپ قىلىپ دىگىلى گەپ تاپالماي قالىدىكەن،سەن ئىشەنمەيسەن يالغان بولسا خەتنى كۆرگىن ئۈرۈمچىگە كىتىپلا يازغان خەتلىرى دەپ يانجۇقۇدىن كىچىك بىر كونۋېرتنى سۇندى گۈلشەن.بۇخەلچەمنىڭ قوللىرى تىتىرەپ خەتنى ئاران ئالدى-دە كونۋېرىت ئىچىدىن خەتنى ئىلىپ باش قۇردىكى ئايدىڭ كىچە خاتىرسى دىگەن مەزمۇندىن باشلاپ ئۇقۇشقا باشلىدى:     .............. ئۇ خەتنى ئۇقۇپ بىر يەرلەرگە كەلگەندە راسا ئۇلۇغ كىچىك تىنىۋالدى ۋە مۇنۇ قۇرلارنى ئىچىدە قايتا تەكرارلىدى:    -مەن سىنى ھىلىمۇ ياخشى كۆرىمەن كەلگۈسىدىمۇ ياخشى كۆرىمەن .مەن سىنى كۈندە كۈرۈپ تۇرساممۇ يەنىلا كۆرگۈم كىلىپ تۇراتتى...................دىگەن قۇرلارنى غەمكىنلىك بىلەن ئىچىدە تەكرار-تەكرار ئۇقۇيتتى.     ئارىدىن بىر ئاز ۋاقىت ئۆتكەندىن كىيىن بۇخەلچەم غەمكىنلىك بىلەن  سۇئال تەرىقىسىدە سۇغۇققىنە كوتۇلدىغاچ خەتنى مۇجۇقلاپ گۈلشەنگە قايتۇرۇپ بەرگەچ دىدى :      - سىلەر مەخمۇت مۇئەللىم بىلەن يەنە نىمە تۇغۇرسىدا،نىمە ئارزۇلار تۇغۇرسىدا پىكىرلەشتىڭلا ؟ بۇ چاغدا گۈلشەن ھىچ نىمىدىن خەۋېرسىزلا ئۇدۇللا جاۋاپ بەردى:      -  مەخمۇت مۇئەللىم مىنى سىز مەكتەپنى قاچان پۈتتۈرسىڭىز شۇ كۈنى توي قىلىمىز دەپ ۋەدە بەرگەن ئىدى دەپ خىجىللىق بىلەن يان تەرىپىگە قارىۋالدى بۇخەلچەم بولسا كۆڭلىدە ھېچبىر چىدىيالمايۋاتاتتى. شۇنداقتىمۇ يەنە گەپ كوچىلاپ سۇئال سوراشنى داۋاملاشتۇردى:     -  گۈلشەن سىز ھەر قىتىم كۈرۈشكەندە ئىزا تارتىپلا تۇرۇۋالامتىڭىز؟     - مەن مەخمۇت مۇئەللىم بىلەن كۈرۈشكەن چىغىمىزدا دائىم  ئۇ ئىككى قۇلۇمنى چىڭ تۇتۇپ ئاندىن باغرىغا بېسىپ............... مەن ئىزا تارتقىنىمدىن قۇلۇدىن ئاران تەستە قۇتۇلۇپ مەكتەپ ئىچىگە قىچىپ كىرىۋالاتتىم.بىر نەچچە سائەتتىن كىيىن ياتاقنىڭ دىرىزىسىدىن قارىسام مەخمۇت مۇئەللىم تىخىچە بىزنىڭ ياتاقنىڭ ئۇدۇلىدىكى ۋالىبول مەيدانىدا  ياتاقنىڭ دېرىزىسىگە قاراپ تۇراتتى. مەن مەخمۇت مۇئەللىمنىڭ تېخىچە مىنى كۈتۈپ قاراپ تۇرىۋاتقانلىغىنى كۈرۈپ ئىچىم ئاغىرىپ قېشىغا چىقتىم ۋە:      -  ئۈيىڭىزگە قايتىپ كىتىڭ ؟.... بۇيەردە ساقلاپ تۇرىۋەرمەڭ دىسەم ، مەخمۇت مۇئەللىم :      - گۈلشەن ،  مىنى كىچىرگىن  شوخلۇق قىلىپ قويدۇم دەپ مەندىن ئەپۇ سورىدى. مەن ھېچېچقىسى  يوق بۇ تقان ئىش بولدى .-دەپ قۇيۇپلا ياتاققا كىرىپ كەتتىم. ياتاققا كىرگەندىن كىيىن مەخمۇت مۇئەللىمنىڭ قارىسى يۈتكۈچە دېرىزىدىن قاراپ تۇراتتىم. »        بۇچاغدا ئاچچىغى كەلگەن بۈخەلچەم خۇددى ھەيكەلدەك كۆزلىرى بىر توچكىغا تىكىلگىنىچە يىراقلارغاقاراپ قېتىپ قالغان ئىدى .بۇخەلچەمنىڭ يۇشۇرۇن غەزەپلىرىدىن بىخەۋەرگۈلشەن:       - تۇلا ئەندىشە قىلمىغىن دوستۇم ئاپاڭنىڭ كىسىلىمۇ ياخشى بۇلۇپ قالار.جۈر مەكتەپكە كىرىپ كىتەيلى دىدى. شۇنىڭ بىلەن ئۇلار مەكتەپ تەرەپكە قاراپ مېڭىشتى.          مارىت ئېيىنىڭ ئاخىرقى كۈنلىرى. كۈننىڭ ئۆتكۈر نۇرى ئەتراپقا تەكشى چېچىلىپ بىنام يەرلەردىكى توڭ ئەمدىلا ئىرىشكە باشلىغان،  يەردىن كۈتۈرۈلۈۋاتقان نەم پۇراق ھەرتەرەپلەرگە  تارقىلىۋاتاتتى . ئەتراپتكى دەل-دەرەخلەر بىخ ئۇرۇپ پۈتۈن ئەتراپ كىمخاپ تونىغا ئورۇنۇۋېلىپ كىشىلەر قەلبىنى لەرزانغا سالماقتا ئىدى.       مانا مۇشۇنداق كۈنلەرنىڭ بىرىدە مەخمۇت مۇئەللىم دەرىستىن چۈشكەندىن كىيىن مەكتەپتىكى چىملىق چىغىر يولدا غەمكىن كىتىپ باراتتى.ئۇنىڭ كاللىسىدا بۈخەلچەمنىڭ ئالدىنقى كۈنى ئىشخانىسىغا ئىزدەپ بېرىپ ، گۈلشەن سىزنى ئەمەس ساۋاقدىشى ئەخمەتنى ياخشى كۈرۈدىكەن. قارىماققا سىزگە يۈز كىلەلمەي ئۇچۇق بىر نىمە دىمىگەن بىلەن سىزنىڭ يېشىڭىزنى  چوڭ كۈرىدىكەن. سىزنىڭ يېشىڭىزنى يەتتە ياش چوڭكەن دىدى . -دەپ ئەكەلگەن گەپلىرىنى ئويلاپ ئازاپلانماقتا ئىدى. لېكىن كۆڭلىدە  گۈلشەننىڭ ماڭا بولغان مۇھەببىتى كۈچلۈك ئۇ ھەرگىز ئۇنداق دىمەيدۇ، دىگەنلەرنىمۇ ئويلىدى.ئۇ كىتىپ بارغاچ يەنە گۈلشەن بىلەن ئۈچۈنچى قېتىم كۈرۈشكەندە ئۈزىدىن قانچە ياشقا كىرگەنلىگىنى سورىغانلىغىنى ۋە يېشىنى ئەمىلىي دەپ بەرگەندە گۇلشەننىڭ چىرايىنىڭ ئازىراق ئۆزگۈرۈش بولغانلىغىنى ئويلاپ گۈلشەنگە بولغان ئىشەنچىسىسى يەنەئازىراق سۇسلاشتى.        ئۇ يولدا كىتىۋېتىپ كاللىسىدا نۇرغۇن زىددىيەتلىك خىياللارنىڭ تەسىرىدىن قۇتۇلالمىدى؛-  گۈلشەن ئاق كۈڭۈل قىز ئۇ ھەرگىز ئۇنداق قىلمايدۇ.مىنى ئۇنداق ئاسان تاشلىمايدۇ . مىنى پۈتۈن جان دىلى بىلەن كۈتۈدۇ. گۈلشەن بىر ئتتىپاق ئەزاسى ئەخمەت بولسا سىنىپ ئىتتىپاق كادىرى ئۇلار شۇڭا پائالىيەتلەردە يىقىن ھەمكارلىشىپ ئۈتۈشى مۇمكىن،دەپ ئويلىدى. يەنە ئويلىغانسىرى، بۇخەلچەمنىڭ دايىم ئەخمەت گۈلشەننى ياتاقتىن ئۇخلاپ قالغاندا چاقىرىپ ئېلىپ چىقىپ كىتىدۇ. قاچان ياتاققا كىرىپ ياتقىنىنى بىلمەيمەن دىگەن سۆزلىرىنى ئويلاپ ئالدىدىكى ئىشەنچىسىدىن ئازتۇلا يالتايمايمۇ تۇرالمىدى.مەخمۇت مۇئەللىم ئويلىغانسىرى بۈخەلچەمنىڭ: -  گۈلشەن ھەركۈنى ياچىكا ئىشخانىسىدا يۈرۈيدىغانلىغىنى بەزىدە كىچە بىر چاغلاردىمۇ ئەخمەت بىلەن بىللە پاراڭلىشىدىغانلىغىنى دەپ بەرگەنلىگىنى ئويلاپ ئاخىرى بىر قارارغا كەلدى، بۈخەلچەم راس ئېيتىدۇ بىر قىز بالا بىلەن بىر ئۇغۇل بالا كۈنى ئەشۇنداق كۆپ پاراڭلاشسا كۈندە بىرگە يۈرسە نىمە بولماقچىدى (مۈشۈكنىڭ قېشىدا بەز تۇرامدۇ) دىگەنلەرنى ئويلاۋاتاتتى قاياقتىندۇر بىرسىنىڭ چاڭچى جاراڭلىغاندەك كۈلگەن  ئاۋازى مەخمۇت مۇئەللىمنىڭ خىيالىنى بۈلۈۋەتتى.مەخمۇت مۇئەللىم بېشىنى بۇراپ قارىۋىدى گۈلشەن بىلەن ئەخمەت نىمە ئىشتىندۇر بىرئىش توغرىلىق سۆزلىشىپ كۈلۈشۈپ ياتاق تەرەپكە كەتكەنلىگىنى كۆردى.ئاندىن ھايال ئۆتمەيلا گۈلشەننىڭ ياتاق تەرەپتىن كۈلۈپ يۈگۈرۈپ چىققانلىغىنى ئاندىن ئەخمەتنىڭ ئۈستى بېشى ھۆل قۇلىدا بىرچىلەك سۇكۈتۈرۈپ گۈلشەن تەرەپكە يۈگەرۈپ چىققانلىغىنى كۆرۈپ مەخمۇت مۇئەللىمنىڭ كۈزىدىن غەزەپ ئۇچقۇنلىرى يېنىشقا باشلىدى  بۇ ئىش راس چىقتى.         بىركۈنى مەخمۇت مۇئەللىمگە مەكتەپنىڭ دۈجۈرنە نۆۋىتى كەلدى. شۇ كۈنى ئۇقۇغۇچىلار يېتىپ قالغان چاغ مەكتەپ ئۇقۇغۇچىلار ئۇيۇشمىسىنىڭ رەيئىسى بىلەن پۈتۈن مەكتەپنى تەكشۈرۈۋاتقاندا مەكتەپ ئىتتىپاق ياچەيكا ئىشخانىسىنىڭ دېرىزىسىدىن توك يۇرۇغىنىڭ چىقىۋاتقانلىغانى كۈرۈپ يولدىن ياچىكا ئىشخانىسىغا ئۇبدان سەپ سېلىپ ئۆتتى ئەخمەت بىلەن گۈلشەن ئۈستەلدە بىر-بىرىگە ئۇدۇل قارىشىپ ئولتۇرۇشاتتى. بۇۋاقىتتا ئۇلار سىنىپتىكى ياچىكا پالىيەتلىرىنى قانداق قلغاندا ياخشى ئېلىپ بارغىلى بۇلۇدۇ دىگەن مەزمۇندا سۆزلىشىۋاتاتتى بۇنى كۆرگەن مەخمۇت مۇئەللىم ئۇلار شەخسى پاراڭ قىلىشىۋاتىدۇ دەپ ئويلىدى. شۇ ئەسنادا ئۇلار ئۇرۇنلىرىدىن تۇرۇشۇپ قايتىش ئۈچۈن قول ئېلىشىپ خوشلىشىپ ئەخمەت گۈلشەننىڭ قۇلىنى قاتتىق سىققاندا مەخمۇت مۇئەللىم يەنە قاراۋىرىشكە كۆڭلى ئۇنىمىدى-دەكۆڭلىدە خۇلاسە چىقاردى. بولدىلا گۈلشەن تاشلىماستا مەن ئالدى بىلەن پىششىمنى قېقىپ تۇراي دىگەنلەرنى خىيالىغا پۈكتى.          بۇگۈن شەنبە  مەكتەپ بۇيىچە دەرىس توختاپ دەم ئالغان كۈن ئىدى. بۇخەلچەم يۇغان كىر قاتلىرىنى يىغىشتۇرۇپ ياتاق تەرەپكە كىتىپ بارغاچ يىراقتىن كىلىۋاتقان مەخمۇت مۇئەللىمنى كوردى -دە يولدا ساقلاپ تۇردى. مەخمۇت مۇئەللىممۇ كىلىپلام بۈخەلچەمگە سالام قىلدى ۋە:     -  بۈگۈن ئۈيىڭىزگە قايتماي كىر يۇيۇۋاتامسىز نىمە؟ ئانىڭىز خېلى ياخشى بۇلۇپ قالدىمۇ ئۈيىڭىزگە بارمىغاندىن قارىغاندا ئانىڭىزدىن ئەنسىرىمىگىدەك بۇلۇپسىز-ھە بۇخەلچەم  -دىدى.     -  شۇنداق ، ئۆيگە  ئۆتكەن ھەپتە بارغان ئانام خېلى ياخشى بۇلۇپ قاپتۇ.  ھە ،  مۇئەللىم نەگە بېرىپ كەلدىڭىز؟     -  مەكتەپ ئاشخانىسىغا بېرىپ تاماق يەپ كەلدىىم .     -  ئاشخانا تامىغى دىگەن بەرىبىر كوللىكتىپ تاماقتە بولمىسا مەن كەچتە ئۈيىڭىزگە بېرىپ ئاغزىڭىزغا تېتىغۇدەك تاماق قىلىپ بىرەيمۇ-يە مۇئەللىم.- دىدى بۇخەلچەم دەرھاللا.     -  رەھمەت سىزگە! كەچتە دوسلىرىم مىھمانغا چاقىرىپ قويغان.          مەخمۇت مۇئەللىم شۇلارنى دىدى-دە خوشلۇشۇپ كىتىپ قالدى. بۇخەلچەم بولسا كۆڭلىدە: -  ھازىر مەخمۇت مۇئەللىمنىمۇ گۈلشەندىن خېلى يىراقلاشتۇردۇم. ھازىر بىرەر جايدا گۈلشەننى كۆرسىمۇ گەپ قىلمايدىغان بولدى يەنە بىر ئاز ۋاقىتتىن كىيىن ئۇنى مىنىڭ كەينىمدىن سوكىلدايدىغان قىلمىسام بۇخەلچەم بولماي كىتەي...... دىگەنلەرنى خىيالىدىن ئۆتكۈزدى.ۋە ياتىغىغا كىرىپ كەتتى. ھەمدە ياتىغىغا كىرىپلا قۇلىدىكى يۇغان كىيىم-كىچەكلەرنى كارۋىتىغا تاشلاپ قۇيۇپلا سومكىسىدىن گىرىم بۇيۇملىرىنى ئېلىپ ئەينەك ئالدىغا بېرىپ ياسىنىشقا باشلىدى.ياسىنىپ بۇلۇپ مۇشۇ تۇرقۇمدا مەخمۇت مۇئەللىم مىنى كۆرگەن بولسا.......... بايامىنى كەچتىكى مىھماندارچىلىققا چاقىرىۋالغان بولسا ئىشنى بۈگۈنلا باشلىغان بولسام  نىمە دىگەن ياخشى بۇلاتتى -ھە بولمىسا ھازىرلا.... ئۇ شۇلارنى ئويلاۋاتقاچ ياسىنىپ  بۇلۇپ سىرىتقا مېڭىشقا تەمشىلىۋاتقاندا سىرىتتىن ياتاققا گۈلشەن كىرىپ كەلدى. ۋە ؛     -  قەيەرگە بارىسەن دوستۇم ؟ -دىدى .     -  قاياققا باراتتىم ئەشۇ سىنىڭ ئىشىڭ ئۈچۈن پايپىتەك بۇلۇۋاتىمەن شۇ.     -  قانداقسىچە ئاۋارە بۇلاتتىڭ؟     -  قارىسام بىر نەچچە كۈندىن بىرى ئىككىڭلارنىڭ مۇناسىۋىتى ئانچە ياخشى ئەمەستەك تۇرۇدۇ ...شۇڭا....................             گۇلشەن بۇخەلچەمنىڭ كۆڭلىدىكىنى چۈشەنگەندەك بولدى. ئۇ كۆڭلىدە مەن ئۈچۈن مەخمۇت مۇئەللىم بىلەن سۆزلەشكىدەك دەپ ئويلىدى چۈنكى گۈلشەن خېلىدىن بىرى مەخمۇت مۇئەللىم بىلەن كۈرۈشەلمىگەن ئىدى.شۇڭا گۈلشەن بۇخەلچەمنى قۇچاقلاپ تۇرۇپ، - چاپسان ماڭ - دەپ ئۇزۇتۇپ قويدى.ۋە - مەندىن ئۇنىڭغا سالام دەپ قوي دەپ ئەسكەرتتى.        بۇخەلچەم ياتاق سىرتىغا چىقتى-دە ئۇدۇل مەكتەپ ئۇقۇتقۇچىلار بىناسى تەرەپكە ماڭدى. ئۇ بىنا ئىچىگە كىرگەندىن كىيىن پەلەمپەيلەردىن  ئاۋايلاپ دەسسەپ چىقىپ مەخمۇت مۇئەللىمنىڭ ئىشىگىنى ئاستا چەكتى. ئۆي ئىچىدىن كىرىڭ  دىگەن ئاۋاز چىقتى.ئۆيگە كىرگەندە ئۆي ئىچىنى قۇيۇق ئىس -تۈتەك قاپلىغان بۇلۇپ مەخمۇت مۇئەللىم كارۋىتىدا ئوڭدىسىغا يېتىپ تاماكا چىكىپ چوڭقۇر خىياللارغا پاتقان ئىدى.     -  ھە، سىزمىدىڭىز ، تېخى باشقا بىرسىمىكى دەپتىكەنمەن كىلىڭ ئولتۇرۇڭ دىدى -مەخمۇت مۇئەللىم ئورنىدىن تۇرۇۋېتىپ ھەمدە بۇخەلچەمنىڭ بۈگۈن ئادەتتىن تاشقىرى گۈزەللىشىپ كەتكەنلىگىنى سەزدىمۇ ئەيتاۋۇر بۈخەلچەمگە قايتا بىر سەپ سېلىۋالدى ئاندىن ناھايىتى تىز سۈرئەتتە خۇشال خۇشچاقچاق قىياپەتتە سۆزلىگەچ چاي كەلتۈردى ۋە :      - ئۇبدانمۇ كەپسىز بۇخەلچەم كەچتە كىيىدىغان كىيىملەر دەزمال سېلىغسىز ئىكەن شۇڭا بىر قۇر كىيىم دەزماللاپ بىرىڭ بۇلامدۇ؟      - ئەلبەتتە بۇلۇدۇ .ئۇنداق ئەسقاتمايدىغان گۈلشەندەك قىزلارنى تاشلىۋېتىپ سىزنى ئۇبدان خەۋەر ئالىدىغان قىزلارنى تېپىڭ مۇئەللىم.بۇخەلچەم شۇ گەپلەرنى دىگەچ يەر تىگىدىن مەخمۇت مۇئەللىمگە قارىغان ئىدى مەخمۇت مۇئەللىم چوڭقۇر بىر ئۇھ تارتىۋېلىپ:        -  ئەگەر گۈلشەندەك ياخشى قىزلار ئەشۇنداق بۇلۇدىغان بولسا پۈتۈن ئۆمرىمدە دىسەم بولماس لېكىن خېلى يىللارغىچە بۇ توغرىلىق ھېچ نەرسە ئويلىمايمەن.     -  ۋىييەي دىدى بۇخەلچەم نازلىنىپ ھەممە قىزلارنى بىر تاياقتا ھەيدىمەڭ.بۇ گېپىڭىزغۇ راسىت لېكىن مەن گۈلشەننى شۇنداق ياخشى قىز،سىز بىلەن ئۆمۇرلۇك بۇلۇدۇ دەپ يۈرەتتىم. ئويلىغىنىمنىڭ تەتۈرسىگە چىقتى كىشىنىڭ سىرتىغا قاراپ باھا بىرىش خاتا ئىكەن جۇمۇ؟            بۇچاغدا بۇخەلچە مېيىغىدا بىر كۈلۈۋالدى-دە مەخىمۇت مۇئەللىمگەتازا ئۇبدان بىرنازلىنىپ  قارىغان ئىدى مەخمۇت مۇئەللىم بۇخەلچەمنىڭ بۇنداق قارىشىغا بەرىداشلىق بىرەلمەي كۈزىنى باشقا جايغا ئەپقاشتى.       بۇخەلچەم مەخىمۇت مۇئەللىمنىڭ بىرقۇر كىيىمىگە دەزمال سېلىپ بولغاندىن كىيىن :      - ئەمدى مەنمۇ قايتاي مۇئەللىم سىزنى كاشىلا قىلماي،-دىگەن ئىدى. مەخمۇت مۇئەللىم بۇچاغدا دەرھاللا بۇخەلچەمگە:      - نىمىشكە كاشىلا قىلاتتىڭىز؟ بىردەم ئولتۇرۇڭ پاراڭلىشايلى -دىدى.      - سىزنىڭ كەچتە مىھماندارچىلىققا بارىدىغان ئىشىڭىز بار ئەمەسمىدى،مۇئەللىم -دىدى بۇخەلچەم مەخمۇت مۇئەللىمنى سىنىغاندەك تەلەپپۇزدا.      - ئۇغۇ شۇنداق،ئەمما سىز بىلەن بىردەم پاراڭلىشايمىكى دەيمەن . - دىدى مەخمۇت مۇئەللىم ئېغىر خۇرسىنغان ھالدا. بۇچاغدا بۇخەلچەم مەخمۇت مۇئەللىمنىڭ تەكلىپىنى دەرھال قۇبۇل قىلغانلىغىنى بىلدۇرۇپ دەرھال ماقۇل بولدى .ۋە ئىچىدە :   يەنە گۈلشەننى سۇرايدۇ دەپ ئويلىدى لېكىن مەخمۇت مۇئەللىم گۈلشەننى سورىغىسى كەلدى ئەمما ئىچىدە بولدى قىلدى.ئۇلار مەكتەپ ھاياتى، دەرىسلىك،دەرىستىن كىيىنكى پالىيەت ، ھەتتاكى قىز-ئۇغۇللار ئوتۇرۇسىدىكى مۇھەببەتلىك تۇرمۇشلار توغرىسىدا كۆپ پاراڭلار قىلىشقان بولسىمۇ ئەمما مەخمۇت مۇئەللىمنىڭ خيالى گۈلشەن بىلەن بۇخەلچەمنىڭ ئوتۇرىسىدا دولقۇنسىمان كىتىپ باراتتى . بۇچاغدا كەچ كىرىپ قالغان ئىدى بۈخەلچەم مەخمۇت مۇئەللىمنىڭ پات-پات ئارىلاپ سا ئىتىگە قاراپ قويغانلىغىنى كۈرۈپ دەرھال ئورنىدىن تۇردى-دە ئىشىككە قاراپ ماڭغاچ مەخمۇت مۇئەللىمگە قاراپ كۈلۈپ كۆز قىسىپ قۇيدىدە خوش مۇئەللىم مەن قايتاي دەپ ئىشىكنى ئاچتى.ۋە كىتىپ قالدى .         ئەتىسىدىن باشلاپ مەخمۇت مۇئەللىم گۇلشەننى كۆرسە كۆرمەسكە سالدى سەۋەبى بۇخەلچەمنىڭ ئىشلەتكەن ھىلە نەيرەڭلىرىدىن بىخەۋەر مەخمۇت مۇئەللىم گۈلشەن مىنى ئەمەس، باشقا بىرسىنى ياخشى كۈرۈدىكەن دىگەن تۇيغۇ ئارقىلىق ئۈزىنى ئازاپلاۋاتاتتى. بۇنداق چاغدا بۇخەلچەممۇ بوش كەلمىدى كۈندە دىگىدەك مەخمۇت مۇئەللىمنىڭ قېشىدىن پەرۋانىدەەك چۆگىلەپ كىتەلمەي يۈرەتتى ۋاقىت بولسسىلا ماخمۇت مۇئەللىمنىڭ ئۈيىگە بېرىپ تۇرمۇش ئىشلىرىغا ياردەملىشىپ،«ئازاپلىق» كۈنلىرىگە دەرمان بۇلىۋاتاتتى، ياتاققا قايتپ كەلگەندە بولسا، گۇلشەنگە؛ - ئاداش مەن سەن ئۈچۈن پاي - پىتەك بۇلۇۋاتىمەن ئىككىڭلارنىڭ مۇناسىۋىتىنى ياخشىلايمەن دەپ شۇڭا كۈندە مەخمۇت مۇئەللىمنى ئىزدەۋاتىمەن . دەيىتتى. مەخىمۇت مۇئەللىممۇ كۆڭلىدە « بۇخەلچەممۇ بۇلۇدىغاندەك تۇرۇدۇ مەن گۈلشەننى ياخشى كۆرگەن بىلەن ئۇ مىنى ياخشى كۆرمەيدىكەن ، ئەمما بۇخەلچەم  مىنى ياخشى كۈرۈدىغاندەك تۇرۇدۇ» دىگەنلەرنىمۇ ئويلىدى.ئۇ يەنە ئويلاپ « بۇخەلچەم گۈلشەننىڭ يىقىن دوستى تۇرسا  قانداق ئېغىز ئاچارمەن » دىگەنلەرنىمۇ ئويلاشقا ئۈلگۈردى.ھەمدە بۇيىل ئۇلار ئۇقۇش بۈتتۈرۈدۇ  ئۇقۇش پۈتتۈرۈشتىن ئىلگىرى  بىر قارارغا كىلىشىم كىرەك دەپ ئويلاپ كىچىسى كۈزىگىمۇ ئۇيقۇ كەلمەيتتى.ئۇ كۆڭلىدە: « گۈلشەن قەلبىمدە بىرىنچى قېتىم مۇھەببەت ئۇتۇنى ئويغاتقۇچى ئىدى .مەن ئۇ كىچىنى ئاسانلىققىچە ئۇنۇتالمايمەن » دىگەن ئويلارمۇ پات-پات ئىسىنى ئەسلىتىپ قۇياتتى.         مۇشۇ كۈنلەردە گۈلشەنمۇ كۆپ ئويلايدىغان بولدى. «مەخمۇت مۇئەللىمگە نىمە بولغاندۇ سۇغا چۈشكەن تاشتەكلا جىمىپ كەتتى، ئۈزىنى مەندىن قاچۇرىدىغان بۇلىۋالدى مەكتەپتە بىزنىڭ ئىشىمىز توغرىلىق بىرەر ئۈسەك سۆز تارقىلىپ كەتتىمۇيا........» دىگەنلەرنى ئويلىدى.   بىر كۈنى ئاخشىمى ياتاقتا يېتىپ كۈزىگە ھېچ ئۇيقۇ كەلمەيۋاتاتتى. بۇچاغدا  گۇلشەن بۇخەلچەمگە ئاستا پىچىرلىدى؛        - ئاداش ئۇخلىدىڭمۇ؟        - ياق!      بۇخەلچەممۇ مەخمۇت مۇئەللىمنى ئويلاپ كۈزىگە ئۇيقۇ كەلمەيۋاتاتتى.        - ئۇنداق بولسا قېشىڭغا بېرىپ ياتايمۇ ئاداش ساڭا گىپىم بار ئىدى .دىدى گۈلشەن.        -بۇلۇدۇ كەلگىن.     گۈلشەن ئاستاغىنا ئورنىدىن تۇرۇپ گۈلشەننىڭ قېشىغا بىرىپ  يوتقىنىغا كىردى ۋە قۇلىقىغا پىچىرلاپ گەپ باشلىدى:        -ھازىر مەخمۇت مۇئەللىم مىنى كۆرسە كۆرمەسكە سېلىپ ئۈتۈپ كىتىدۇ ھېچ ماڭا گەپمۇ قىلمايدىغان بۇلىۋالدى ئۇنىڭ ماڭا بولغان مۇئامىلىسى بۇرۇنقىدەك ئەمەس، بۇ ماڭا ئېغىر كىلىۋاتىدۇ ،يۈرۈ گۈم بەك ئازاپلىنىۋاتىدۇ دەپ پىچىرلىدى يىغا ئارىلاش .        - يىغلاۋاتامسەن ئاداش . بۇخەلچە شۇلارنى دىگەچ قۇلى بىلەن گۇلشەننىڭ يۈزىنى سىلىۋىدى قۇلىغا نەم يۇقتى.        - يىغلىمىغىن ئاداش مەخمۇت مۇئەللىم سىنى ياراتمايدىغان ئوخشايدۇ مەن بولمىسا سەن ئۈچۈن ئۈنىڭغا كۆپ ياخشى گىپىڭنى قىلدىم . بولمىسا سەن ئۇنى ئۇنتۇپ كەت ! جاھاندا ئەر كىشى دىگەن ساماندەك تۇلا -بۇخەلچەم شۇلارنى دەپ گۈلشەننىڭ قۇلىغىغا پىچىرلىدى .ۋە گۇلشەنىنى قانداق قىلغاندا مەخىمۇت مۇئەللىمدىن يىراقلاشتۇرخلى بۇلىدىغانلىغى توغرىسىدا ھىلە ئويلاۋاتاتتى.بۇ چاغدا گۈلشەن:       - ئاداش سەندىن ئۈتۈنۈپ قالاي ماڭا ياردەم قىلىپ مەخمۇت مۇئەللىم بىلەن مىنى كۈرۈشتۈرگىن ئۇنىڭ بىلەن ئاخىرقى قېتىم بولسىمۇ كۈرۈشىۋالاي بەزى ئىشلارنى ئايدىڭلاشتۇرۇۋالمىسام بولمىغىدەك. -دىدى       - بۇلۇدۇ  - دىدى بۇخەلچەم ئاستا پىچىرلاپ ۋە ئەتە كەچتە مەكتەپ ئالدىدىكى ئۆستەڭ بۇيىدىكى چوڭ سۈگەت تۈۋىدە ساقلاشنى تاپىلىدى.     گۈلشەن ئەتىسى دەرىستىن چۈشكەندىن كىيىن بەلگۈلەنگەن ۋاقىتتا مەكتەپ ئالدىدىكى ئۆستەڭ بۇيىدىكى سۈگەت تۈۋىدە ساقلدى بىر سائەت، ئىككى سائەت ،ئۈچ سائەت ....مەخمۇت مۇئەللىمنىڭ قارىسىمۇ كۈرۈنمەيىتتى.مەخمۇت مۇئەللىم مىنى راستىنلا ئۇنتۇپ كەتكەنمىدۇ ؟ياكى بۇخەلچەم دىمىگەنمىدۇ؟ ئەمىلىيەتتە بۇخەلچەم گۈلشەنگە مەن ساڭا كۈرۈشۈشكە ئۇرۇنلاشتۇراي دەپ قۇيۇپ  ئۈزىگە پۇرسەت چىقىرىپ مەخمۇت مۇئەللىم بىلەن كۈرۈشۈپ قايسى بىر تاماقخانىدا  مۇڭداشماقتا ئىدى.گۈلشەن ئاخىرى ئۆستەڭ بۇيىدا ساقلاپ بۇلالماي مەكتەپ دەرۋازىسى تاقىلىدىغان چاغ بۇلۇپ قالغانلىغىنى سىزىپ مەكتەپ  تەرەپكە قاراپ ماڭدى. مەكتەپ دەرۋازىسى ئالدىغا يىقىن كەلگەندە تۇيۇقسىز بىر كىچىك ماشىنا ئىچىدىن مەخمۇت مۇئەللىم بىلەن بۇخەلچەم نىڭ چۇشۇۋاتقانلىغىنى كۈرۈپ قالدى.  دەسلىۋىدە ئۆزكۈزىگە ئىشەنمەيلا قالدى كىيىن ئۇ مەخمۇت  مۇئەللىمنى باشقا بىر جايدىن  ھازىر تېپىپ ئەكەلگەن بولسا كىرەك ئۇ جايدا بىردەم ساقلىسام بولماسمىدى -دەپ ئۆز  ئۈزىگە كايىدى. لېكىن ئۇلار بىرخىرامان مەكتەپ ئىچىگە كىرىپ كەتتى . ئارلىغىمىز ئانچە يىراق ئەمەس ئۇلار مىنى ئەلبەتتە كۈرۈدۇ. نىمىشكە ماڭا قاراپمۇ قويماي كىرىپ كىتىشىدۇ.دەپ ئۈزىگە پىچىرلىدى - گۈلشەن. شۇنىڭ بىلەن ئۇ ئاستا -ئاستا ماڭغىنىچە ياتىغىنىڭ قېشىغا بېرىپ قالغانلىغىنىمۇ سەزمەيلا قالدى.ياتاق ئىچىگە كىرىپ قارىغان ئىدى بۇخەلچەم تېخىچە ياتاققا كىرمىگەن ئىدى.ئۇ ئۈستەل ئۈستۈگە قۇيۇپ قۇيۇلغان چۈشتە ئېشىپ قالغان تاماقتىن ئازىراق يەپ باققان بولسىمۇ گېلىدىن ئۆتمىدى.شۇنىڭ بىلەن كارۋىتىغا چىقىپ يېتىپ تىگى يوق خىياللارغا پاتقىنىچە ئۇخلاپ قالدى.        ئەتىسى دەم ئېلىش كۈنى بولغاچقىمۇ گۇلشەن خېلى ۋاخلارغىچە خاتىرجەم ئۇخلىدى.كۈننىڭ شەلپەردەك نۇرلىرى كۇزىگە چۈشكەن چاغدىلا ئاندىن چۇچۇپ ئويغاندى . ۋە بۇخەلچەمنىڭ كارۋىتىدا يوقلىغىنى كۈرۈپ ھەيران قالدى . ئاخشام بۇخەلچەم ياتاققا كەلمىگەنمىدۇ ياكى كەلسىمۇ مەن تۇيماي ئۇخلىدىممۇ دىگەنلەرنى خىيالىدىن ئۆكۈزۈۋالدى.ئورنىدىن تۇرۇپ يۈز-كۆزلىرىنى يۇيۇپ تاماق قاچىسىنى ئېلىپ  مەكتەپ ئاشخانىسى تەرەپكە قاراپ ماڭدى .ۋە ئاخشام يۈز بەرگەن ئەھۋاللارنى ئويلاپ چىۋىن يەۋالغاندەك بۇلۇپ كىتىپ باراتتى. ئەتىراپ  تىپ-تىنىچ تۇيۇقسىز چاڭچى جاراڭلىغاندەك بىر كۈلكە ئاۋازى ئاڭلاندى.گۈلشەن تۇيۇقسىز چۇچىدى ۋە ئىسىنى يىغىپ قارىۋىدى ئۇقۇتقۇچىلار بىناسى تەرەپتىكى چىغىر يولدا مەخمۇت مۇئەللىم بىلەن بۇخەلچەم قول تۇتۇشۇپ بەزىدە قوغلىشىپ كىلۋاتاتتى گۇلشەن بۇچاغدا بۇنى كۈرۈپ خۇددى قانداقتۇر بىر غايىبانە كۈچنىڭ تەسىرىدە ماڭالمايلا قالدى . ئاران دىگەندە مىڭىشقا تەڭشىلىۋىدى ئۇلار گۈلشەننى كۈرۈپ جايىدا توختاپلا قېلىشتى. بۇلۇپمۇ بۇخەلچەم ئۈچۈن يەر قاتتىق ئاسمان ئىگىز تۇيۇلدى.چىرايى تاتىرىپ نىمە قىلىشىنى بىلمەي مەخمۇت مۇئەللىمگە مەھكەم يېپىشتى. مەخمۇت مۇئەللىممۇ بېشىنى تۈۋەن سېلىپ گۇلشەنگە قاراشقا پېتىنالالمايىتتى.شۇ چاغدا گۈلشەن ئاران دىگەندە ئۈزىنى تۇتۇۋېلىپ:       -كىچىرىڭلار . مەن سىلەرگە ناھايىتى بىئەپ چاغدا ئۇچراپ قالدىم. كىچىرىڭلار ؟ -  دىگىنىچە ئاستا كىلىپ بۇخەلچىنىڭ قۇلىنى تۇتتى، ۋە :       - مەن سىنى نەچچە ۋاقىتتىن بۇيان جان دوستۇم دەپ يۈرگەن ئىدىم . بۇمۇ مەيلى .بۇندىن كىيىنمۇ شۇنداق.بىزنىڭ  بەش يىللىق دوسلىغىمىز  ئۈچۈن مۇشۇلا ماڭا خاتىرە قالدى مەن بۇنداق دوسلىغىڭنى مەڭگۈ ئۇنتۇمايمەن . -دىدى-دە مەخمۇت مۇئەللىمگە قاراپ؛       - مۇئەللىم سىزنىڭمۇ ئىككى يىلدىن بۇيانقى مىنىڭ يۈرۈگۈمگە سالغان ھەسرەت نادامىتىڭىزگە رەخمەت! ماڭا قىلغاننى دوستۇم بۇخەلچەمگە قىلماسلىغىڭىزنى ، مىنىڭ يۈرۈگۈمگە سالغان دەرىت ئەلەمنى  بۇدوستۇمغا قالدۇرماسلىغىڭىزنى ئۈمۈت قىلىمەن ، مەن سىلەرنى تەبرىكلەيمەن !..........      گۈلشەن ئۇلارنىڭ ھەر ئىككىلىسىگە ئۇبدان بىر قارىۋالدى-دە - مەن سىلەرگە يەنە بىر قېتىم بەخىت تىلەيمەن بەخىتلىك بۇلۇڭلار ............................دىگەننى ئاران ئېيتالىدى ۋە ئاشخانا تەرەپكە يۈگۈرۈپ مېڭىپ كەتتى.      ئىككى يىللىق ئاشىق مەشۇق ئايرىلدى مەخمۇت بىلەن بۇخەلچەم قۇچاقلىشىپ تۇرغىنىچە گۈلشەننىڭ ئارقىسىدىن قاراپ قېلىشتى دەقىقە ۋاقىتتىن كىيىن ھۇشىغا كەلگەن مەخمۇت مۇئەللىم قۇچاقلاپ تۇرغان بۇخەلچەمنى ئىتتىرۋېتىپ : -    ئاھ مۇھەببىتىم،سۆيگۈنۈم گۈلشەن ! دەپ توۋلاپ بىر  نەچچە قەدەم يۈگۈرگەن بولسىمۇ ئەمما مەخمۇت مۇئەللىمنىڭ ئاۋازىنى گۈلشەن ئاڭلىمىدى. مەنبە :ئىجادىيەت

zulayha

	مانا مۇشۇنداق تېتىقسىز، ۋۇجۇدى ئىپلاسلىق بىلەن تولغان قىزلارنىڭ كۆپلۈكىدىن ياخشى قىزلارنىڭ كۆزىدىن ياشلار قۇرۇماي كېتىۋاتىدۇ . ئەرلەر مەڭگۈ بالا دىگەن بۇ ئۇقۇم كاللامغا شۇنچە سىڭدىكىن ، بۇ بالىلارنى تېزراق چوڭ ،پىشقان ئادەملەرگە ئايلىنىىپ ئۆز بەخىىتلىرىنى قولغا ئېلىشىنى ئۈمۈت قىلىدىغان بوپقالدىم . ئىنشا اللە  ھەقىقەت ئالدىدا ئەرلەرنى ھەقىقى ۋىسال بىلەن مۇكاپاتلىغاي .

nazila998

	بۇ ھىكايە مىنىڭ بىر دوستۇمنىڭ ئۆتمۈشىگە ھەجەپ ئوخشايدىكەن دىسە ، ئەرلەر ئىرادىسىز بولسا ، مۇشۇنداق قىزلارغا ئاسان ئالدىنىپ بەخىتسىز بولۇپ قالىدۇ ،

miskin312

	لەنەت ئۇنداق قىزلارغا، راست مۇشۇنداق قىزلارنىڭ دەستىدىن ياخشى قىزلارنىڭ كۆزىدىن ياش قۇرىماي ھەسرەت-نادامەتتە ئۆتىۋاتىدۇ.

munqak

	بەك ياخشى يېزىپسىز....ئاللاھ قۇلىڭىزغا دەرت بەرمىسۇن،.... ئاللاھ ھەر-بىر ئاشىق مەشۇقلارنى مۇرادىغا يەتكۈزگەي!.....

nazle0999

	بەك ياخشى يېزىپسىز.ئاللاھ قۇلىڭىزغا دەرت بەرمىسۇن.

TaRKiN

	قىز بالىنىڭ دوستى يوق دىگەن شۇ-دە. قالماق تىكەن................

gudakalim

	ئھ   ئاللا   مۇشۇنداك  ئپلاس  دوسلانېڭ  كوڭلېگە ئنساپ بەگېن  !كۇرۇك سوز كۇرۇك توخمەتتېن  ساخلېغېن  .   ئامېن !

qvyvn

	ھىكايە ياىشى يېزىلىپتۇ.بىراق مەخمۇت مۇئەللىم شۇنداق ئاسان ئالدىنىپ قالغانمىدۇ؟ چىن يۈرۈكىدىن سۆيگەن بىر قىزنىڭ ئۆز ئاغزىدىن بىرەر ئېغىز سۆز ئاڭلىماي تۇرۇپلا يەنە باشقا بىرسىنى ئاسانلا ياخشى كۆرۈپ قالغانمىدۇ؟گۈلشەنمۇ مەخمۇت مۇئەللىمگە بىرەر پارچە خەت يېزىپ بولسىمۇ ئەھۋالنى ئۇقۇپ باقمىغانمىدۇ؟ مىنىڭچە مانا مۇشۇ سۇئاللارنىڭ جاۋابى بىلەن گۈلشەننىڭ ئاخىردىكى سۆزلىرى ماس كىلەتتى.

pak-nur

	تۇرمۇشتا ھەرقانداق ئىشلار بولۇپ تۇرىدۇ. ھەتتا سىز قوبۇل قىلىشقا ۋە ئويلاشقا جۈرەت قىلالمايدىغان  ئىشلارمۇ يۈز بىرىدۇ. ئامال قانچە؟ ئەڭ ياخشى ئامال سەۋىر قىلىپ ۋاقىت ئوتكۈزۈشتۇر.