قانداق قىلغاندا ھەممە ئادەمنى ئۆيگە ئىگە ق

adwokatsubi

	قانداق قىلغاندا ھەممە ئادەمنى ئۆيگە ئىگە قىلغىلى بولىدۇ؟ كاپالەتلىك ئۆي قۇرۇلۇشى ۋە ئۇنى باشقۇرۇش خىزمىتى جەمئىيەتنىڭ ھەرقايسى ساھەسىدىكىلەرنىڭ دىققىتىنى قوزغىماقتا. مەملىكەتلىك خەلق قۇرۇلتىيى دائىمىي كومىتېتى 27-ئۆكتەبىر چۈشتىن بۇرۇن ئاچقان بىرلەشمە گۇرۇپپا يىغىنىدا، ئەزلار ئاساسىي تۇرالغۇ كاپالەت تۈزۈمىنى يەنىمۇ مۇكەممەللەشتۈرۈش، ئىلىمىي مۇۋاپىق تۈزۈش، پىلانلاش، قۇرۇلۇش مەبلىغىنىڭ كېلىش يوللىرىنى كېڭەيتىش، باشقۇرۇش نازارەت قىلىشنى كۈچەيتىش قاتارلىقلار توغرىسىدا ئەھۋال سۈرۈشتۈردى ۋە تەكلىپ بەردى، ئالاقىدار مىنىستىرلىق كومىتېتلارنىڭ مەسئۇللىرى بۇنىڭغا جاۋاب بەردى. 　　ئەزا ۋۇ چىدى مۇنداق دېدى: ھەممىگە ئايانكى كاپالەتلىك ئۆينىڭ ئادىللىق مەسىلىسى ئىنتايىن نازۇك. تۇرالغۇ كاپالەت خىزمىتىنىڭ ئاخىرقى لايىھەسىنى كىم تۈزىدۇ، قانداق تۈزىدۇ، تۇرالغۇ ۋە شەھەر يېزا قۇرۇلۇشى مىنىستىرلىقىنىڭ قانداق خىيالى بار؟ بۇ ھەقتە تۇرالغۇ ۋە شەھەر يېزا قۇرۇلۇشى مىنىستىرى جياڭ ۋېيشىن مۇخبىرلارنىڭ سوئاللىرىغا جاۋاب بەردى. تۇرالغۇ كاپالەت خىزمىتىنىڭ ئاخىرقى لايىھەسىدە 1- ئىش- ئاساسىي كاپالەت تۈزۈمى ئورنىتىش يەنى مەلۇم مەزگىلدىكى تۇرالغۇ كاپالەت دائىرىسى، شەكلى، مېخانىزمى، نىشانى ۋە پىرىنسىپىنى ئايدىڭلاشتۇرۇش كېرەك. 　　ئۇ مۇنداق دېدى: BMW پىكاپنى ھەيدەپ بېرىپ، ئەرزان باھالىق ئۆي سېتىۋالىدىغان ئەھۋاللار كۆرۈلدى، بۇ بىزنىڭ باشقۇرۇش جەريانىدا مەسىلە بارلىقى چۈشەندۈرۈپ بېرىدۇ. 　　ئۇ مۇنداق دېدى: ئىلتىماس قىلغۇچىلارنىڭ كىرىمىنى تەكشۈرۈشتە، تۆۋەن كىرىملىك ئامما بولۇش، ئۈچنى ئاشكارىلاشنى يولغا قويۇش كېرەك. ئۆي شەكلىنى لايىھەلەشتە 60 كىۋادرات مېتىر ئىچىدە كونترول قىلىش كېرەك، سىياسەت جەھەتتە چەك قويۇش، ئەرزان باھالىق ئۆي سېتىۋالسا بەش يىل ئىچىدە بازارغا سالدۇرماسلىق، بەش يىلدىن كېيىن بازارغا سېلىشقا يول قويۇش كېرەك، لېكىن مۇنداق ئىككى ئىنتايىن قاتتىق بەلگىلىمە بولىشى لازىم. 1-، ھۆكۈمەتكىلا سېتىپ بېرىش ياكى ئالدى بىلەن ھۆكۈمەتكە سېتىپ بېرىش؛2-،%80 بىلەن %90 ئارىلىقىدىكى پايدىنى ھۆكۈمەت يىغىۋېلىش. بۇ ئەرزان باھالىق ئۆيلەردىن پايدىلىنىپ پايدا ئېلىش ئەھۋالى كېلىپ چىقىشنى ناھايىتى زور دەرىجىدە چەكلەيدۇ. ئەزا ۋۇ شياۋلىڭ مۇنداق دېدى: تۇرۇدىغان ئۆيى بولۇش مەسىلىسىنى ھەل قىلىشتا ھۆكۈمەت ۋە بازار بىرلەشتۈرۈلگەن چارە قوللىنىش كېرەك، ھۆكۈمەت بىلەن بازارنىڭ چېگراسىنى مۇۋاپىق بېكىتىش ئاچقۇچ. 　　ئۇ يەنە مۇنداق دېدى: باج ۋاسىتىسىدىن يەنىمۇ كۆپ پايدىلىنىپ، تاۋار ئۆي بازىرىدىكى ھەددىدىن ئارتۇق ھايانكەشلىك قىلىش قىلمىشلىرىنى تەڭشەش كېرەك. ئالايلۇق: ئۆينىڭ كۆپەيگەن پايدىسىدىن باج ئېلىش ھەمدە ھەر بىر ئادەمنىڭ مەلۇم ئۆي كۆلىمىنى چىقىرىۋەتكەندىن كېيىن قالغان قىسمىدىن مۈلۈك بېجى ئېلىش شەكلى ئارقىلىق تەڭشەپ، بايلارنىڭ ئۇزۇن مۇددەت ئۆي تۇتۇپ تۇرۇشىغا ئىلھام بېرىش كېرەك ھەمدە ئۆيلەرنى ئىجارە بازىرىغا سېلىپ، ئۆي ئىجارە ئېلىش بازىرىنىڭ ئۆي مەنبىيى مەسىلىسىنى ھەل قىلىش لازىم. 　　جياڭ ۋېيشىن مۇنداق دېدى: دەسلەپكى تەسەۋۋۇرغا ئاساسەن، ئىككى، ئۈچ يىلدىن كېيىن ئۆي كاپالىتىدە پەيدىن-پەي پۇل تولۇقلىمىسى بېرىش ئاساس قىلىنىدۇ. بۇ ئىككى يىلدا جەمئىيەتتىكى ئۆي مەنبىيى بەك ئاز بولغانلىقتىن، ئەمەلىي ئۆي كاپالىتى يولغا قويۇلدى، ھازىر بىر ئۆتكۈنچى مەزگىل. 　　مەنبە: جۇڭگو ئۇيغۇرچە رادىيو تورى

1670154432

	بۇ بىر خوش-خەۋەركەنغۇ؟ ئۇنداق بولغاندا ،تاۋار ئۆي سېتىۋېلىشقا قۇدېرتى يەتمەيدىغانلار ۋاقتىنچە ئەرزان باھالىق ئېجارە ئۆي سېتىۋېلىپ ،كىيىنچە چوڭراق ئۆي ئالغاندا ،يەنە ئۆزلىرگە سېتىپ بەرسە بۇلىدىكەندە؟

sargarda

	بىر  تالاي  قۇرۇق  گەپلەر... ئەرزان  باھالىق  ،  تۆۋەن  كىرىملىك  كىشلەرگە  سېلىنغان  ئولتۇراق  رايۇنلاردىكى  ئۆيلەر  يەنە  شۇ   پۇلى  بارلارنىڭ  قۇلىغا  ئۆتىدۇ  .

ark-ay

	پۇلى بارنىڭ يۇلى بار،  جوڭگۇ بۇ .......

hasrat511

	ھەي...بەرىبىر بىزلەرگە ئاشمايدۇ ئۇنداق ئۆيلەر.

ubul0998

	ئۆي باھاسى شىددەت بىلەن ،تاكى قىرغىچە ئۆي غىمى.

kunsanap

	كەمبىغەللەر  ئۆي ئىجارىگە ئىلىپ ئولتۇرۇپ ،بايلار  تېخىمۇ  باي بولىدىغان،كەمبىغەللەر ئۆي ئىجارىسى تۆلەپلا ئۆتىدىغان زامانكەن بۇ-! شۇڭا توختىماي پۇل تېپىش كېرەك ، شۇندىلا قاخشىمايدىغان بولىمىز  دوسلار!

orkixi

	ھەق، ئەمىلىي  ئىشنى كۆپرەك قىلايلى ...

ayziba

	مەن ئۈچ يىل بولدى چەك تاتىۋاتقىنى چىقمىدى . مىنىڭمۇ يولام بولغان بولسا ئۆيلۈك بولغان بولار ئىدىم .تۆۋەن كاپالەتلىك پۇل دەيدۇ بۇ پۇلمۇ يەنىلا يولى بارلار پۇلى بارلار ئالىدۇ تازلىدۇق دەيدۇ تازلاش يەنىلا ئاشۇ بىچارىلەرگە بىرىپ تاقىلىدۇ .ئىككى ئۆيى ماشىنىسى بار تۆۋەن كاپالەتلەرنى كۆرمەيدۇ بۇ باشلىقلار .