ئاياللار....... ئايالغۇچىلاردۇر!

nawriza

	ئاياللار....... ئايالغۇچىلاردۇر! دىلبەر ناسىر ( نەۋرىزە)    ئىجتىمايى تۇرمۇشنىڭ رەڭدارلىغى ۋە تەرەقىيات دەۋرى ، ئاياللارغا نۇرغۇنلىغان تاللاش پۇرسەتلىرىنى ، قولايلىق شاراىتلارنى ، بەخىتلىك كۈنلەرنى ، گۈزەل مۇھىتلارنى ئاتا قىلىش بىلەن بىرگە يەنە سانسىزلىغان ئىجتىمايى بېسىملارنى ئېلىپ كەلدى . مۇشۇ كۈنلەردە ئاياللار ئۈچۈن يوقىرىسى سىياسى سەھنىدىن تارتىپ تۋۋېنى قازان بېشىغىچە بولغان ئىشلارنىڭ ھەممىسى ئاياللارنىڭ زېىنىنى قويمىسا بولمايدىغان موھىم ئىشلارغا ئايلىنىپ ، ئائىلىگە، جەمىيەتكە ، ئومۇمەن ھەممىگە گۈزەللىك يارىتىش يولىدا تەرلەپ پىشىپ، چارچاپ ھالىدىن كەتكەننى ئاز دەپ شاللاش شاللىنىش دەۋرىگە توگرا كېلىۋاتىدۇ ، ئەگەرسىز زېھنىڭىزنى قويۇپ ناھايىتى چىچەن تۇرمىسىڭىز ئويلىمىغان <<،ئايرىلىپ قېلىشلار>>سىزگە قاراپ تۇرىدۇ . كۈندىلىك تۇرمۇش ئادەتلىرىمىزنى ، نەزىرىيە جەھەتتىن ئېيتقاندا ، پۈتۈنلەي ئەقىلگە مۇۋھپىق دىگىلى بولمايدۇ .بىر قىسىم ئىشلىرىمىز غەرىپ مەدىنىيىتىنىڭ تەسىرى بىلەن ئاستا – ئاستا ئۆزىمىزنىڭ ئادىتكە ئايلىنىپ قېلىۋاتىدۇ، يەنە بەزى ئىشلىرىمىز ئېرىنچەكلىگىمىز تۈپەيلىدىن قائىيدە بويىچە بولمايۋاتىدۇ ،<<مۇۋاپىق بولمىغان>> مۇشۇنداق تۇرمۇش ئادەتلىرىمىز ئاياللارنى قاتتىق چارچىتىپ ھەتتا ئائىلىسىدە تەكەللوپ سوزلەرنىمۇ ئىشلىتىشنىمۇ بىلمەيدىغان قېلىپ قويىۋاتىدۇ، بەزىدە ئاياللارغا خاس نازاكىتىىمىزغىمۇ تەسىر يېتىۋاتىدۇ، شۇنىڭ بىلەن بىر قىسىم ئىرادىسى ئاجىز ئەرلىرىمىز ئۈچۈن بۇ بىر بانا سەۋەپ بولۇپ ، بىكار تەلەت نايناق خوتۇنلارنىڭ ۋاقىتلىق شېرىن- شىكەر سوزلىرىگە مەستخۇت بولۇپ ، شۇئىشچان چىۋەر ، دەۋېر تەراقىياتىغا ھەسسە قوشىۋاتقان ئائىلىدە ئاساسلىق يۈكنى ئۈستىگە ئېلىپ ، پەرزەنت ئوتىدا كۈيۈپ ، ياشلىغىى ، پاك سويگۆسىنى ، بارلىغىنى ئۆزىگە تەغدىم قىلىۋاتقان  ۋاپادار ئاياللىىنىڭ ئوزىگە قىلىغان ئەقىدىلىرىنى چەتكە قايرىپ قويۇپ .ئۆزى بىلگەن ئەگىرى يوللاردا مېڭىۋاتىدۇ .شۇنچە ئالدىراشچىلىق ئىچىدە جاپا چېكىۋاتقان ، ئەندىشە ئىچىدە ياشاۋاتقان ئەمگەكچان ئاياللىرىمىزنىڭ ، شېرىن -شىكەر سوزلەرگە نەدە زېھنى دەيسىز ؟ مېنىڭچە بۇنى ئەرلەر توغرا چۈشىنىشى كېرەك دەپ ئويلايمەن ، چۈنكى تەشكىلى ئورۇنلاردا ئاياللارغا ، ئەرلەگە ئوخشاش تەلەپ قويۇلغىنى بىلەن ، رىيال تۇرمۇشتا ؛ ئاياللارغا ئارلەرگە نىسپەتەن يوقىرى تەلەپ قويۇلىدۇ، مۇنداقچە ئېيتقاندا ئاياللار خىزمەت ئورنىدابىرمىنەۋەر خىزمەتچى بولسا ، ئائىلىسىدە<<پۇل تەلەپ قىلمايدىغان ، ھېش كىممۇ كېتىپ قالمىسۇن دەپ خوشامەت قىلمايدىغان ئالى ئۆي  خىزمەتچىسى>> لىك ۋەزىپىسىنى ئۆتەۋاتىدۇ ، ئايىغى چىقمايدىغان ئائىلەئىشلىرىنى ھەر قانداق ماتىماتىكىلىق فورمىلاغا سەپمۇ ھېساپلىغىلى بولمايدۇ، شۇنچە ئىشلارنى قىلىپ چارچىسىمۇ،ھەرگىز ۋاي سالمايدۇ ناھايىتى ئاڭلىقلىق بىلەن قىلىشقا تېگىشلىك ۋەزىپەم دەپ قارايدۇ . مانا بۇ ئاياللاردىكى قۇربان بېرىش روھى ، بۇمۇ بىزگە ئجتىمايي پىكىرلەر تەرىپىدىن ئۆز ۋاقتىدا تەخسىم قىلىنغان ئەجداتلىرىمىزدىن بىزگە قالغان .مۇقەددەس ۋەزىپىمىز بولسا كېرەك ، ئەڭ قىززىغى ئەرلىرىمىز ئۆي ئىشلىرىمىزغاقارىشىپ قالسا ، تەبىھىلا خىجالەتچىلىك ھېس قىلىپ  تەمتىرەپ كېتىمىز خۇددى بۇ ئۆي ئۆزىمىزنىڭ شەخسى ئۆيىدەكلا !دىمدك ئىجتىمايى تۇرمۇشڭمىزدا ئاياللارنىڭ ۋەزىپىسگە سەل قارىغىلى بولمايدۇ، كەلدى كەتتىنىىڭ ئالدىغا چىرايلىق دەستىرىخان سېلىپ ئۇزۇتۇش ئوينى سەسرامجان تۇتۇش ،ئائىلە ئەزالارىغا چىرايلىق پاكىزە كيىم كەيدۈرۈش باردى -كەتتىدىكى قاىيدە يوسۇن ، بۇلارنىڭ ھەممىسى ئاساسەن ئاياللارنىڭ ۋەزىپىسى، بۇ ۋەزىپىنىڭ ھوددىسىدىن تولۇق چىقمىسىڭىز، ئۇنداقتا سىز ئەيىپلەشكە ئۇچىرايسىز ،ئەمما ئەرلەرگە بولسا ئۇ تەلەپ يوق! دىمەك مۇشۇ كۈنلەردە ئاياللارغا قويىلىدىغان تەلەپنىڭ پەۋقۇلادە يوقىرلىغى، خىرىسنىڭ كۈچلىكلىگى ئاياللار مۇددەتتىن بۇرۇن كىلىماكتىرىيە دەۋرىگە كىرىپ قېلىۋاتىدۇ .بۇلارنى ئويلىسىڭىز ئاياللار خۇددى گويا بىر ئېغىر يۈك بېسىلغان غايەت زور ھارۋىنى سورەپ ئاي چىرايلىرى قورۇلغان قىياپەتتە ماھارەت كورسىتىۋاتقاندەك ، بەزى ئەرلەر بولسا ، ئاياللارنىڭ قىسمىتىنى تاماشا قىلىۋاتقان تاماشىبىنلارغىلا ئوخىشاپ قالغاندەك كورىنىدۇ. يەنەمۇ تەكىتلەشكە تېگىشلىگى， تۇرمۇشنىڭ رەڭدارلىغى تۈپەيلىدىن بىر قىسىم ھادىسىلەر ئەسلىدىكى ھالىتىنى ساقلاپ قالالماي رەڭلىك بولوپ كېتىۋاتىدۇ بۇنىڭغا ماس ھالدا يېڭى ئاتالغۇلارمۇ بارلىققا كېلىۋاتىدۇ .مەسىلەن<< رەڭلىك ئوتتۇرۇش>>، <<قۇشقاشلار>>،<<دان بېرىش>> ، قاتارلىق بەدىھى سۈپەتلەر  بىلەن سۈپەتلەنگەن يېڭى ئاتالغۇلار شۇنچە چىرايلىق بولغىنى بىلەن ، ئارقا كورىنىشى ئىنتايىن يامان بولۇپ بىر قىسىم ئاياللىرىمىزنى راسلا گاڭگىرتىپ قويىۋاتىدۇ ، ئەسلىدىكى نورمال ئېلىپ بېرىلىۋاتقان ئىجتىمايى پائالىيەتلەرمۇ ئادەمگە گۇمانلقتەك تۇيغۇ بېرىپ ، دۇرۇس ئادەملەرنىڭ نورمال ھەركەتلىرىمۇ ، توسقۇنلۇققا ئۇچىراپ ، نورمال يوللارمۇ تارىېىيىپ كېتىۋاتىدۇ . مەن كۈندە كەشتە : شىجاڭ خەلىق رادىيۇ ئىستانىسىنىڭ <<تۇن تىۋىشلىرى>>دىگەن پىسخىك مەسلىھەت بېرىش مەىسۇس پىراگگىرامىسىنى ئاڭلاۋاتىمەن ، بۇنىڭدا نۇرغۇن ئاياللارنىڭ ۋاپاسىز ئەرلىرى ئۈستىدىن يىغلاپ تۇرۇپ  شىكايەت قىلىپ ئۆز ئائىلىسىنى قوغداپ قېلىش مەخسىتىدە پىسخىك مەسلىھەتچىلىرىگە ئىلتىجا  قىلىپ يىغلاشلىرىغا قاراپ بۇ ئاياللرغا بەكمۇ ئىچىم ئاغرىدى . مىللەتنىڭ ئانىسى يىغلىمىسا بولاتتى !!!!! شۇنچە دەت تارتىپ تۇروپمۇ ئائىلىسىنى قوغداش ئىستىگى مېنى ھەقىقەتەن تەسىرلەندۈردى ، بۇ ئەسلىدە ئاياللارنىڭ  ئەۋلاتمۇ ئەۋلات ۋارىسلىق قىلىپ كېلىۋاتقان  خاس خاراكتىرى. جەمىييەتتىكى بىر قىسىم ئەخلاقسىز خائىشلار گەرچە ئومۇملۇق بولمىسىمۇ ، ئىش قىلىپ ئەمىليەتتە  بولىۋاتقان ئەھۋاللاركەن. بۇنداق ئەھۋاللارنىڭ يۇز بېرىشدە  يوقىرى توۋنلىك قاتلاممۇ بولمايدىكەن . بىر ماتىرىيالدىن كورىشىمچە ئاياللار ھورمەت قىلىنمىغان مىللەت نابۇت بولىدۇ دەپ يېزىلغان ، بۇ مۇنازىرە تەلەپ قىلمايدىغان پاكىت ، چۇنكى ئاياللار مىللەتنىڭ ئانىسى .ئانىلار كۈلسە بالىلار كۈلۈدۇ ، ئانىلار چۈشكۈنلەشسە پەرزەنتلەر چۈشكىنلىشىدۇ ، نەتىجىدە مىللەت چۈشكۇنلىشىدۇ دىگەن گەپ .ئانىلارنى ئاياش ، ئاياللارنى بالىلارنى قوغداش ، مېنىڭچە بولغاندا مىللەتنىڭ ئاتىسى بولغان ئەرلەرنىڭ  باش تارتىپ بولمايدىغان مەجبۇرىيىتى ۋە مەسولىيىتى، بۇ مەجبورىيەت تولۇق ئادا قىلىنغاندىلا، ئاياللارنى ھەممە جەھەتتىن قوغدىيالايمىز . ھەر خىل تەشۋىق ۋاستىلىرىدىن ئىجتىمايى پاالىيايەت سورۇنلىرىدىن ئاڭلىغان ھىكايىلەرگە ئاسلانغاندا ئەرلەردىكى ئائىلىگە موسولىيەتسىزلىك قىلىش ئەھۋالى سال ئەۋىج ئېلىپ قالغاندەك، كوپ ھاللاردا تۇيۇقسىز پۇل تاپقان ئارلەرنىڭ ئايالىغا بولغان ۋاپاسىزلىغى گەۋدىلىگىرەك كورۇنىۋاتىدۇ.،مەن بىر تېلىۋىزىيە فېلىمىنى كورىۋېتىپ ،<< ئەرلەر پۇل تاپقاندىن كېيىن بۇزۇلىدۇ ، ئاياللار بۇزۇلۇپ پۇل تاپىدۇ>>دىگەن بىر سۆزنى ئاڭلاپ قالدىم ، مېنىڭچە بۇ سوز رىياللىقتىن ئېلىنغان بولىشى كېرەك . ئەگەر سىز مىليونلاپ پۇل تاپقىنىڭىز بىلەن ئىللىق ئائىلىڭىز بولمىسا ، شۇ پۇلىڭىز ئۈچۈن كىم تەنتەنە قىلىدۇ ؟ قەلبىڭىزدىكى مۇھاببەت ئوتىنى كوزىڭىزدە كىم چاقنىتىدۇ ؟ ئەلۋەتتە ئايال، ئەلۋەتتە ئوماق پەرزەنتلىرىڭىزنىڭ ئانىسى بولغان ۋاپادار ئايالىڭىز ، ئاشنىڭ تەمى تۇز بىلەن ، تۇرمۇشنىڭ تەمى ئايال بىلەن  بولىدۇ. ئايالىڭىز سىزنىڭ ئەڭ يېقىن ئادىمىڭىز بولۇپ ، تالادىكى بىر دەملىك ھېسياتقا بېرىلىپ خوشال بولۇشنىڭ ئومرى بەك قىسقا ھەتتا سىزنى تۇگىمەس نادامەتلەرگە سېلىپ قويۇشىمۇ مۇمكىن ، يەنەلا بېشىڭىزگە ئىش كەلگەندە ئەسقاتىدىغىنى سىزنى ياخشى كورىدىغان مىھرىبان ئايالىڭىز.....مۇشەرگە كەلگەندە بىر ناخشا تېكىسى يادىمغا كېلىپ قالدى . ..      پىچاق كەسسە قۇلۇڭنى ،      ھېچ كىم ئۇنداق تاڭالمەس. تىكەن كىرسە پۇتۇڭغا يايرىم. ھېچ كىم ئۇنداق ئالالماس. مانا بۇ چىن سوز. ھەر قانداق مۈشكىلاتنى ۋاپادار ئايالىڭىزسىس يېڭەلمەيسىز ، مانا مۇشۇنداق مۈشكۈلاتقا يولۇققاندا ئەسقاتىدىغان ئايالىڭىزنى  ياخشى كورمەيدىغانغا ھەقلىقمۇسىز؟، ئۇنى ئايىماسلققا قان داقمۇ كوڭلىمىز ئۇنىسۇن!؟ مۇشۇ كۈنلەردە بىز <<.بىرمۇ ياخشى ئەر قالمىدى>>. دىگەندەك ئادەمنى ئۈمۈتسىزلەندۈرىدىغان سوزلەرنى خېلى كوپ ئاڭلاپ تۇرىدىغان بولوپ قالدۇق .مېنىڭچە بۇ خۇددى دوختۇرخانىغا بارسا ، ھەممە ئادەم  ئاغرىقتەكلە بىر ئش . ئەمىلىيەتتە يەنىلا مەسولىيەتچان ۋاپادار ئەرلىرىمىز كوپ سالماقنى ئىگەللەيدۇ .ئۇلار بىر دەملىك كوڭۈل خوشلىغىنى دەپ، ئايالىغا ، پەرزەنتلىرىگە يۈز كېلەلمەيدىغان ئىشلارنى ھەرگىز قىلمايدۇ .ئەخلاقسىز كىشىلەر ناھايىتى تار داىرىدە بولغان بىلەن يەنىلا بىر تامچە قارا رەڭ باشقا رەڭلەرنى بۇلغاپ قويىۋاتىدۇ....شۇنداق مەسولىيستسىز ئەرلەرگە شۇنداق مۇراجەت قىلغۇم كېلىۋاتىدۇ. شۇنى بىلىڭكى: ئاياللار ئالدى بىلەن يولدۇشىدىن كۈتىدىغىنى ساپ سويگۈ.... ماددى بويۇم لار ئۇلار ئۈچۈن ھەرگىزمۇ موھىم ئەمەس.توگرا سىز ئايالىڭىز بىلەن ھېچقانداق قانداشلىق مۇناسىۋېتىڭىز يوق ، جىڭغا توختىمايدىغان سەۋەپلەرنى كورسىىتىپ ئەلۋەتتە ئايالىڭىزدىن ئاجرىشپ كېتاالايسىز.....ئەمما پەرزەنتلىرىڭىزدىنچۇ.........مۇمكىن ئەمەس . چۈنكى پەرزەنتىڭىزنىڭ تومۇرىدا ئېقىۋاتقان دەل سىزنىڭ قېنىڭىز.  بۇ بالا سىزنىڭ داۋامىڭىز . ئائىلىدىكى كوڭۈلسىز ئىشلار سەۋەپلىك روھى ھالىتىدە نورمالسىز پىسخىك ھالەتلەر تۈپەيلىدىن ئويلىمىغان كوڭۈلسىزلىكلەر  يۈز بەرسە ، سىز چەتتە  قاراپ تۇرالامسىز؟ دېمەك نەزىرىيە جە ھەتتىن ئېيتقاندا ئوز ۋاقتىدا ئوزىڭىز خالاپ ئوزىڭىز ياخشى كورۈپ ھەق نىكالاپ ئالغان ئايالىڭىزنى ئايىغىنىڭىز پەرزەنتتىڭىزنى ئايىغىنىڭىز بولمامدۇ، ئەلۋەتتە .بۇ ئاخىرقى  ھېساپتا ئوزىڭىزنى  ئېتىراپ قىلغىنىڭىز ، ئوزىڭىزگەكوڭۈلبولگىنىڭىز بولمامدۇ؟......ئاياللارنىڭ بېسىمى مۇشۇنداق ئېغىرلاپ كېتىۋاتقان مۇشۇ دەۋىردە ، چىن كوڭلىڭىز بىلەن ئەرلىك مەسولىيىتىڭىزنى ، ئاتىلىق مەجبۇرىيىتىڭىزنى ئادا قىلىڭ!  ئاياللار دۇنياسى خونۇكلىشىپ قالمىسۇن!!!!!  . ئەمدى چۈشانگەنسىز قايسىلا جەھەتتىن ئويلىسىڭىز بىز ئاياللار ئايالغۇچىلارمىز....!!! مەنبە:  ئۈرۈمچى كەچلىك گېزىتى

Aytugh

	تېتىملىق ، ئەھمىيەتلىك يازمىڭىزغا ۋە قىممەتلىك قەدىمىڭىزگە مۇبارەك بولسۇن نەۋرىزە! ئوي-پىكىرلىرىڭىزدىن تولىمۇ سۈيۈندۈم.

apirida

	ياخشى تېمېكەن ،مەرھابا ئەزىز .

XERHAN

	ئاياللار ھەقىقەتەن ئايالغۇچى ! بىراقزە بەزى ئاياللارنى بەكلا ئايىۋەتسە ئەر ئايالنىڭ ئورنى ئالمىشىپ كىتىدۇ . بولۇپمۇ ھازىرقى تۇرمۇش رىتىمىدا تۇرمۇش قانچە ياخشىلانغانسىرى ئاياللار شۈنچە ھورۇن ، شۈنچە رەڭۋازلىشىپ كىتىپ بارىدۇ . مەسىلەن :   بۇرۇنلاردا يىراق كۆللەردىن ئەپكەشتە سۇ توشۇپ ، تالادىن تەمەچ تىرىپ ئىس تۈتەككە تويۇنغان رەتسىز ئاشخانا ئىچىدە تاماق ئىتىش ، ھازىرقىدەك گاز ئوچىقىدا ، بىر تەرەپتىن ئىسسىق سۇ  ، بىر تەرەپتىن سوغۇق سۇ چۈشىدىغان ، پاك پاكىزە چىنە قىشلىق ئاشخانىدا تاماق ئىتىشقا ئۆزگەردى . كىيىم كىچەكلەرنى قول بىلەن يۇيۇش ، قۇرۇق يۇيۇش دۇكىنىدا يۇدۇرۇش ۋە كىرئالغۇدا يۇيۇشقا ئۆزگەردى . ... ئىشقىلىپ بۇنداق تۇرمۇش مىساللىرى بەك كۆپ ، بۇنداق دىسە نىمە كارىدۇ دەپ قالدىغانلارمۇ بار  . شۇنداق تۇرۇقلۇق بەزى ئاياللار تۇرمۇشقا شۈكرى قىلمايدىكەن ، ئەتراپىمىزدا بۇنىڭغا مىسال بولىدىغان نۇرغۇن ئەمەلىيەتلەر بار . ئەلۋەتتە ئاياللارنى ئاياش ۋە ئاياللارغا مەسئۇل بولۇش ئەرلەرنىڭ بۇرچى ۋە مەجبۇريىتى ، مىنىڭچە بولغاندا ئاياللارنى ئايىغان ياخشى ئىش بىراق ئايىدىم دەپ ھەممە ئىشىغا يول قويىۋىرىش ئەخمىقانىلىق !!!

hekmat-uyghur

	ئاياللارنى ئاياش ھەقىقەتەن غۇرۇر ۋىجداننىڭ،ئەركەكلىكنىڭ جۈملىسىدىندۇر، بىراق بۈگۈنكى زاماننىڭ بىرقىسىم ئاياللىرى بۇنىڭغا ماس كەلمەيۋاتىدۇ.سەن تاپقاننى مەنمۇ تاپتىمغۇ دەپ ئېرىنىڭ گېپىگە كىرمەيدىغان ئەھۋاللار بەك  كۆپ، ھېلىقى كۇلۇيچى، ئاقچى  ئاياللارنىڭ نوچىلىقىچۇ؟

1670154432

	[quote]ئاپتور جاۋابىنى بويلاپ 4قەۋەت  hekmat-uyghur كە 2011-11-05 09:54 AMئەۋەتىلدى  :     ئاياللارنى ئاياش ھەقىقەتەن غۇرۇر ۋىجداننىڭ،ئەركەكلىكنىڭ جۈملىسىدىندۇر، بىراق بۈگۈنكى زاماننىڭ بىرقىسىم ئاياللىرى بۇنىڭغا ماس كەلمەيۋاتىدۇ.سەن تاپقاننى مەنمۇ تاپتىمغۇ دەپ ئېرىنىڭ گېپىگە كىرمەيدىغان ئەھۋاللار بەك  كۆپ، ھېلىقى كۇلۇيچى، ئاقچى  ئاياللارنىڭ نوچىلىقىچۇ؟     ئاپتۇرمۇ ھەممە ئەرلەر شۇنداق قىلىشى كىرەك دىمەپتىغۇ؟ سىز دەۋاتقان ئاياللار ئۇنداق قىلىشقا ئەسلا ئەرزىمەيدۇ. ھۆرمەتنىمۇ ئەرزىگىدەك ئادەمگە قىلىش كىرەك بولمىسا ئۇ ھۆرمەت بولماي ،خوشامەتكە ئايلىنىپ قالىدۇ.    بۇمۇ پۇتۇن ئاياللارغا ۋەكىلىك قىلالمايدۇ ،يەنىلا ئائىلە ئۇچۇن  پۇتۇن ۋۇجۇدى بىلەن ئۇن-تىنسىز تۆھپە قۇشىۋاتقان ،لېكىن قەدىرلىنىشكە ،سۆيۇلۇشكە مۇيەسسەر بۇلالمايۋاتقان ئاياللىرىمىز نۇرغۇن .

laylinilka

	ئۆزگە باققا كۆز سالما، ئۆز بېغىڭدا ئۆز يارىڭ. نېمە تەشۋىش ئالەمدە، تۇرسا ياندا ئۆز يارىڭ. ئاشناڭ ساڭا ئاشنى بەرمەس، قازىنىدا ۋاپانىڭ. ئاغرىپ قالساڭ پەرۋانە، ئەتراپىڭدا ئۆز يارىڭ. چىنىسىدىن ئىلغايدۇ، قىيمىسىنى چىنەڭگە. ئاخىرىنى ئۇنتۇپ قالدىممۇ نېمە؟

tumaris427

	ھەييييي،نىمىلا دىگەن بىلەن ئاياللارنى ھەقىقىي چۈشىنىدىغىنى يەنىلا ئاياللاردە.

lazzat

	ئەسسالامۇ ئەلەيكوم،ئالدى بىلەن قېرىنداشلارغا ئايەملىك سالىمىمنى يوللايمەن،ئايىمىڭلارغا مۇبارەك بولسۇن! بۈگۈنكىدەك قۇتلۇق كۈنلەردە ئىسىل تىمىدىن بىرنى كۆرگۈنۈمدىن تۇلۇمۇ سۈيۈندۈم.بۇ ماڭا قىلىنغان ئايەملىك سوۋغا بولدى،رەىمەت ئەزىزەم. ئاياللار --ئايالغۇچى،بۇ نىمىدىگەن مەنتىقىلىق سۆز؟توغرا بىز ئاياللار  ھەقىقەتەنمۇ ئايالغۇچى، ئانىسىنىڭ قوسىقىدىن ئىڭڭەلەپ چۈشكەن بىر سەبى پەرەشتىنىڭ ئاتا-ئانىسى تەرىپىدىن ئەتىۋارلىنىپ چوڭ  قىلىنىپ ياشلىق باھارىغا يەتكەندە ئۆزىنىڭ پاك سۆيگۈسى بىلەن مۇقەددەس بۇرچ بولغان نىكاھ ئارقىلىق بىر ئەرگە ياتلىق قىلىنىدۇ.ئەنە شۇ كۈندىن باشلاپ قىزنىڭ  تۇرمۇشىدائېتىقاد، مەسئۇلىيەت،بۇرۇچ،تۇيغۇسى بىلەن بىر ئائىلىنىڭ زىممىسىنى ئۈستىگە ئالىدۇ.قوساق كۆتۈرىدۇ،ئەۋلاد  قالدۇرىدۇ،ئۆزىنىڭ مىھرى مۇھەببىتىنى  ئائىلىگە ، بېغىشلايدۇ.ھەقىقى بىر ئايال بولۇش ئۈچۈن تىرىشىدۇ. شۇ تاپتا ئەخمەد ئىمىن ئاكىمىزنىڭ ‹ئايال ›ناملىق نەسىرىدىكى تۆۋەندىكى قۇرلار  ئىسىمگە كىلىۋاتىۇ. ................... .......ئەي ئايال ،سىنىڭ ھەر بىر قەدىمىڭدىن مىھرى گۈزەللىك تۈكۈلۈپ تۇرۇدۇ،چۈنكى سەن گۈزەل،گۈزەلگە پەقەت گۈزەل ھەركەتلا يارىشىدۇ.سىنىڭ كۈلكە تەببەسۈمىڭ بولغاچقىلا مۈشكۈللۈكلەر ئاسانلىققا ئايلىنىدۇ،بۇرۇقتۇنمۇلۇق ئازادىلىككە ئايلىنىدۇ،قاراڭغۇلۇق يورۇقلۇققا ئايلىنىدۇ.... .......ئەي ئايال زاتى،سەن قۇربان بېرىش روھىغا باي.قىز پەرزەنت بۇلۇش سۈپۈتىدە ئاتاڭنىڭ كۈڭلىنى دەپ قۇربان بېرىسەن،ھەمشىرە سۈپىتىدە ئاكا-ئىنىلىرىڭنىڭ ئابرويىنى دەپ قۇربان بېرىسەن.ئايال بۇلۇش سۈپۈتىدە ئېرىڭنىڭ كۈڭۈل ئارامى ئۈچۈن قۇربان بېرىسەن.ئانا بۇلۇش سۈپۈتىدە بالاڭنىڭ مەنپەئەتىنى دەپ قۇربان بېرىسەن....... .................... مانا بۇ بىز ئاياللارغا قۇيۇلغان ئەڭ يۇقۇرى باھا.لىكىن،ھازىرقى جەمىيىتىمىزدە ئاز ساندىكى  مۇشۇنداق ئاق كۈڭۈل پەرىشتە سۈپەت ئاياللىرىمىز  ئىنساپسىز يولدىشىنىڭ ھاقارىتىگە ئۇچۇراپ دىل ئازابى تارتىۋاتىدۇ. ئەي ئەر قېرىنداشلار ئاياللارنى يىغلاتماڭلار،سىلەرنىڭ تىپىۋالغان ئەشۇ ‹قۇچقاش›لىرىڭلار،‹ئاشناڭلار› ھەرگىز سىلەرگە ئەسقاتمايدۇ ئەكسىچە  سىلەرنى ۋەيران قىلىدۇ.

@KARWAN@

	توغرا ئاياللار ھەقىقەتەن ئايالغۇچى ،لىكىن ئەرلەرمۇ ئەزىز  ھەممە ئادەمنىڭ كۆز قارشى ،ئوي پىكرى  مىجەز خۇلقى ئوخشاش بولمايدۇ  ،ھەممە ئەدەمنىڭ ياخشى يامان تەرەپلىرى بولدۇ ،تەپسىلى كۈزەتسە ھەرقانچە ئەسكى دېگەن ئادەمنىڭنمۇ بىز ياخشى دېگەن ئادەملەردىن ئارتۇق ، ياخشى تەرەپلىرى بۇلۇشى مۇمكىن .بىزگە يامان كۈرۈنگەن بىر ئادەم باشقىلارغا ياخشى كۈرۈنىشى مۇمكىن .شوڭا ئەرلەر ئەزىز بولغاچقا ئاياللار ئايىلدۇ ، لىكىن بەزى ئاياللىرىنى ئايمايدىغان ئەرلەرمۇ بار ، ئاياللىرى بىر ئۆينى ، باللىرىنى دەپ جاپا چەكسە بۇنى بىلمەي سىرتلاردا يۈرۈپ ھاراق ئىچىپ ئاياللىرىنى ئۇردىغان ئەرلىرمىزمۇ يوق ئەمەس . يەنە ئاياللاردىمۇ ئەرلىرى يوۋاش ئۆيدە قېلىپ ئاياللىرى تالادا يۇرۇيدىغانلارمۇ بار ياۋاش بولغان گۇناھتەك يەنە تېخى ئەرلەر تىنىم تاپماي بىر ئائىلىنى بېقىش ئۈچۈن ئىشلسە ئايالىرى ئۇرۇشۇپ باشقىلارغا ئۆزىنى سېلشتۇرۇپ باشقىلاردىن قېلىشقىچىلىگىمىز بارمۇ دەپ ئەرلىرى بىلەن ئۇرۇشدىغان ئاياللارمۇ بار.  شوڭا ئاياللار ئەرلىرىنى ئەزىز كۆرسە ئەرلەر ئاياللارنى ئايسا ئاياللار ئەرلەرگە ئىشەنسە ئەرلەر ئاياللارنى چۈشەنسە مانا بۇ بىر بەخىتلىك ئائىلە بولدۇ. كەچۈرۈڭلار بۇ مىنىڭ كۆز قارشىم  ، مەنچە شۇنداق دەپ ئويلايمەن ،خاتا يەرلەر بولسا توغرا چۈشۈنۈپ خاتا بولسا تۈزۈتۈپ قويغايسىلە.