مۇشائىرەگە مەيلىڭىلار بارمۇ ؟

musilina

	ئەسسالامۇ ئەلەيكۇم،مىسرانىم  مۇنبىرىدىكى ئەزىز  تورداشلار، ھەممىڭلار سالامەت تۇردۇڭلارمۇ؟  مۇنبەردىشىڭلار مۇسىلىنەدىن  ئېگىلىپ تۇرۇپ ئوتلۇق سالام،ھەممىڭلارنىڭ تېنى سالامەت بولسۇن، ئىشلىرىڭلار ئۇتۇقلۇق بولسۇن، چېھرىڭلاردىن كۈلكىلەر ئۆچمىسۇن،باسقان قەدىمىڭلاردىن گۈللەر ئۈنسۇن.كېلىش ئالدىدا تۇرغان قۇربان ھېيتىڭلارغا مۇبارەك بولسۇن !       ئەمدى مەقسەتكە كەلسەك ،ما يېقىننىڭياقى مۇنبەرگە كۆپ  كىرىپ بولالمىدىم،شۇڭا تېمىمۇ يوللىيالمىدىم،  بۈگۈن مۇنبەرداشلار ئۆزئارا  شائىرانە ھېسياتلىرىنى ئۇرغۇتۇپ، كۆڭۈل  ئۈنچىلىرىمىزنى چېچىشىپ ، مۇنبەر كەيپىياتىنى تېخىمۇ جانلاندۇرغان ئاساستا ھېيتلىق مۇشائىرە قىلىشايلى  دېگەن مەقسەتتە بۇ مۇشائىرە سورۇنىنى ھازىرلىدىم،قېنى ،مۇشائىرەگە  مەرھەمەت قىلايلى... تۆكۈلدى كۆز ياشلار ،تىترىدى تىللار، ئۆتكەن كۈنلەرنى ئۈنسىز يادىلاپ. تالمىدى پۇتلار بېسىپ ئۇزاق يول، ئەستىلىك ئىزلارنى نەچچە رەت ئاتلاپ. ئەسلىمە ئىچىگە كۆمۈلدى ئۆتمۈش، كەتتى يېنىمدىن يىراق ،بەك يىراق. رايىڭغا بېقىپ تەلمۈرمەس ئىكەن، تەقدىر ئەسلى بولاركەن شۇنداق، ئىنسان ئالەمگە تۆت كۈنلۈك مېھمان، كەلدۇق دۇنياغا ،كېتىمىز يانا . سوئال –سوراقلاردىن ياشايمىز قورقماي، ۋىجدان بىلەن ھاياتقا بەرسەكلا   مەنا.     مۇشائىرە قائىدىسى: شېئىردىكى كۇبلىتلارنىڭ ئاخىرقى مىسراسى باش مىسرا قىىلنىپ باشلىنىدۇ،ئەگەر باشقا شەكىل،باشقا مەزمۇندىكى شېئىرلارنى يېزىپ بېقىشنى خالايدىغانلار بولسا ئۇنىڭغىمۇ مەرھەمەت،چۈنكى  مۇنبەر ھەركىم ئۆزىنىڭ كۆڭۈل  ئۈنچىلىرىنى چاچىدىغان سورۇن..... قېنى ئەمسە ، مەرھەمەت...مېنى نائۈمىتتە قويمىغايسىلەر..... مەنبە : كۆڭۈل ئۈنچىلىرىم

تاڭنۇر

	ئەستىلىك ئىزلارنى نەچچە رەت ئاتلاپ. قەدىمىم باسماقتا ، سەھرا يولىنى ، ئۆزگە يۇرۇت قوينىدا يۈرسەممۇ شاھتەك ، ئەسلەيمەن بىر ئۆمۈر ، سەھرا ھىدىنى . تەقدىر شۇنداق بۇلاركەن ئەسلى كۈلكىگە ھەمرا قىپ ئاچچىق يىغىنى ، يىتىمگە نۇر بەرمەي سېخى قۇياشمۇ ، قەھىرتان قىشلارمۇ ، سانجىپ قەھرىنى . ۋىجدان بىلەن ھاياتقا بەرسەكلا  مەنا. قەلبىمىز يۇرۇيدۇ ، بولساقمۇ ئەما ، ساختىلىق قوينىدا ، ھايات مەنىسىز ، ۋىجداننى ئۆلچىمەس تۆر بىلەن پەگا . خېلى كۈنلەر بوپتكەن بىر نەرسە يازمىغىلى ياخشى چىقماي قالدى ، شۇنداق بولسىمۇ قۇبۇل قىلىڭ ،ئۇنتۇغاق مۇما

musilina

	قېنى ئاخىرى...؟

تاڭنۇر

	ئاپتور جاۋابىنى بويلاپ 2قەۋەت  musilina كە 2011-11-05 12:10 AMئەۋەتىلدى 1قەۋەتتىكى(tagnur) نىڭ يازمىسىغا ئىنكاس قالدۇرۇش : قېنى ئاخىرى...؟ مۇما قېرىغانسىرى كۆزدىن كەتمىگەنسىز ، تۇرمامدۇ ئەينا

ئارقۇ

	ئەستىلىك ئىزلارنى نەچچە رەت ئاتلاپ. كۈز يامغۇرى تۆكۈلگەن گۇگۇم ماناندا. كۆرۈنمەس كۆز ئالدىم يىراق جايلارمۇ، يامغۇردا كۆيىمەن،تەنھا قالغاندا. تەقدىرىم ئەسلىدە شۇنداق بولاكەن، قاپقارا ئورمانلار يۇتقاندەك مېنى، تەلمۈرسەم يولۇڭغا كەلمىدىڭ جېنىم، ۋاپادار بولىمەن دېگىنىڭ قېنى. دۇنيادا مەڭگۈلۈك ياشايدىغاندەك. ھاياتقا مىھرىڭدە مەنا بەرمىدىڭ ، سۇئاللار قورقۇتار،جاۋاپسىز دۇنيا، بىر كەتسەڭ ئەشۇنداق يوقتۇر كەلمىكىڭ.

musilina

	ۋىجداننى ئۆلچىمەس تۆر بىلەن پەگا، ساپ ۋىجدان گۆھەر -دۇردىن ئاتىۋا. ئەجرىڭ بىلەن ئېچىلدۇرساڭ گۈل، ئەل -ئاۋام ئالدىدا بولىسەن ئەتىۋا.

musilina

	بىر كەتسەڭ ئاشۇنداق يوقتۇر كەلمىكىڭ، كۆزلىرىم يولۇڭغا تەلمۈرەر دائىم، ئۈمىدسىز ھېسلارغا قىلمىغىن مەھكۇم، ئۇچۇرۇڭنى پات -پات بېرىپ تۇر جېنىم.

تاڭنۇر

	يۈرگەنتىم سەيلىدە ئاي بىلەن تەنھا ، يۇلتۇزلار بولغانتى، غېمىمغا ھەمرا . ئاي يۇلتۇز مۈكۈندى تۇيۇقسىز شۇ دەم ھەسرەتلىك كەچمىشنى ئەسلىسەم غۇۋا ، ئىشىم بەك ئالدىراش بوپقالدى سىلەر يازغاچ تۇرۇڭلار !

pidayi0998

	ئەل-ئاۋام ئالدىدا بولىسەن ئەتىۋا، گەر قىلساڭ ئۆزۈڭگە ئەخلاقنى ئۆلچەم. دىيانەت،ئادالەت بولسا ھەم ھەمرا، قىلمايسەن سەن شۇندا ھىچنەرسىدىن غەم.

ئۆل

	ئۇچۇرۇڭنى پات -پات بېرىپ تۇر جېنىم، ئۇچۇرسىزلا يوقاپ كەتمىگىن جىنىم . بىر موغا   چىدىمساڭ ئاتۇشلۇق جىنىم ، چوۋاڭخۇ قىلساڭ ھازىرلا قايتۇراتىمغۇ  جىنىم .