ھەركىم قىلسا ئۆزىگە قىلىدۇ

8koqa

	بۇرۇنقى زاماندا ناھايىتى كەمبەغەل ،ئەمما ئىمان-ئېتىقادلىق بىر  تىلەمچى ئۆتكەن ئىكەن. ئۇ داۋاملىق تىلەمچىلىك قىلسا ساپايى چېلىپ ۋە شۇنداقلا < ھەركىم قىلسا ئۆزىگە قىلار > دەپ توۋلاپ تىلەمچىلىك قىلىدىكەن ، ئۇ ھەركۈنى ھەر قايسى جايلاردا شۇ تىلەمچىلىك بىلەن كۈن ئۆتكۈزىدىكەن ، شۇنداق كۈنلەرنىڭ بىرىدە ئۇ پادىشاھ ئوردىسى ئەتراپىدا ئۇدا بىر نەچچە كۈن شۇ سۆزنى توۋلاپ تىلەمچىلىك قىلىپ يۈرۈپتۇ ، بۇ ئاۋازدىن بىزار بولغان پادىشاھ: خىزمەتكارلىرىدىن بىرىنى چاقىرتىپ ، ئاۋۇ تىلەمچى گاداينىڭ زۇۋانىنى ئۆچۈرۈڭلار دەپتۇ . شۇنىڭ بىلەن خىزمەتكارلار چىقىپ تىلەمچىگە بىر نەچچە تەڭگە بېرىپ يولغا ساپتۇ . ئارىدىن بىر نەچچە كۈن ئۆتكەندىن كېيىن بۇ ئەھۋال يەنە تەكرار بولۇپتۇ ، بۇنىڭدىن دەرغەزەپ بولغان پادىشاھ: چاپارمەنلىرىگە ئاۋۇ تىلەمچىگە، زەھەرگە چىلانغان گۆشنى ئەپچىقىپ سەدىقە قىلىڭلار !!! شۇنىڭ بىلەن مەڭگۈلۈك زۇۋانىنى ئۆچۈرسۇن دەپ بۇيرۇق قىلىپتۇ . چاپارمەنلەر پادىشاھنىڭ بۇيرىقىنى شۇ ھامان بەجا كەلتۈرۈپتۇ. شۇنداقلا بىچارە تىلەمچىگە ئەپچىقىپ بېرىپتۇ ، بۇنىڭدىن خۇشال بولغان تىلەمچى ، گۆشنى ئۆيىگە ئاپىرىپ مەززە قىلىپ يىمەكچى بولۇپتۇ ، ۋە ئۆيگە بارغۇچە بولغان ئارىلىقتا ، ناماز شام ۋاقتى بولۇپ قالغاچقا ، تىلەمچى بۇ گۆشنى مەشنىڭ ئۈستىگە ئىسستىقىلى قويۇپ قويۇپ ، كامىل تاھارەت ئېلىپ ياندىكى ئۆيدە ناماز ئۆتىگىلى كىرىپ كېتىپتۇ ، بىر ھازا ۋاقىت ئۆتۈپ نامازنى ئوقۇپ بولۇپ ئۆيگە يېنىپ كىرىپ قارىغۇدەك بولسا بىر ئادەمنىڭ جەسىتى تۇرغۇدەك ، بىر قولىدا ئېلىپ كەلگەن گۆش بار ئىكەن. تىلەمچى دەرھال بۇ ئەھۋالنى يۇرت قازىسىغا مەلۇم قىلىپتۇ ، ئاخىرى سۈرۈشتە قىلىش ئارقىلىق تىلەمچىنىڭ ئۆيىگە ئوغۇرلۇقچە كىرگەن بۇ ئوغرى نەچچە يىل بۇرۇن ئوۋغا چىقىپ غايىپ بولغان پادىشاھنىڭ ئوغلى بولۇپ ، يولدا كەلگۈچە بولغان ئارىلىقتا ئاچلىقتىن تىلەمچىنىڭ ئۆيىگە كىرىپ شۇ گۆشنى يەپ سالغان ئىكەن ، بۇنى ئاڭلىغان پادىشاھ قاتتىق قايغۇرۇپتۇ ، يىغلاپتۇ . تىلەمچى بۇ يۇرتتا يەنە ساپايىسىنى چېلىپ <ھەركىم قىلسا ئۆزىگە قىلار > دەپ توۋلاپ تىلەمچلىك قىلىپ ياشاپ ئۆتۈپتۇ.       8كوچا يازمىلىرىدىن      مەنبە: ئانام ئېغىزىدىن

1670154432

	رەھمەت ئىبىرەتلىك تېما يوللاپسىز ،(ھەر كېم قىلسا ئۆزىگە ،تۇپا كىرەر كۆزىگە) دىگەندەكلا ئىش بوپتۇ.

2256

	ھەقىقەتەن گەپنىڭ تىگىدە گەپ باركەن رھەمەت ئىسىل سوزكەن....!

akax520

	مازۇسى ناھايتى جايىدا قويۇلۇپتۇ.......

adil2052103

	ئورىنى كىمكولىسا ئۆزى تۈشىدۇ   دىگەندەلا بوپتۇ دېمىسىمۇ شۇنداق بوپتۇ رەھ مەت ئىبرەتلىك شېېركەن

ئۆل

	ھەر كىم قىلسا ئۆزىگە قىلدۇ ....شۇڭا باشقىلارىنىڭ يامان نىيتىدىن ئاھ ئۇرۇپ كەتمەسلىك كېرەك

يىشيۇ

	بۇرۇنقىلار  بەكلا  ئۇستىكەن ماقال تەمسىل تۇقۇغىلى  .

qiqakkiz

	ھەركىم قىلار ئۆزىگە ، توپا تىقار كۆزىگە .   ئىبرەتلىك تىمىكەن .

tahdassira

	تېلەمچىمۇ ئىمان_ئېتىقاتلىق بولامدا؟