مۇخــتار بۇغـــرا بىلەن مىسرانىمدا سۆھبەت

Misranim

	مۇختار بۇغرا ئاكىمىز مىسرانىم تور بېكىتى سىرداشلار كۆزنىكى پىروگراممىسىدا ئەسسالامۇ ئەلەيكۇم مىسرانىمدىكى ئەزىز تورداشلار ئالدى بىلەن ھەممىڭلارغا تېنىچلىق، خاتىرجەملىك ،بەركەت تېلەيمەن. بىر قىسىم شەخسىي ئىشلارنى ئورۇنلاشتۇرۇش شۇنداقلا چوڭلارنىڭ سالامەتلىكىنىڭ دېگەندەك ياخشى بولماسلىقى سەۋەبلىك سىلەر بىلەن بىر كۆپرەك ھال مۇڭ بولالمىدىم.  .. مانا سىرداشلار كۆزنىكى پىروگراممىسى يولغا قويۇلغاندىن بۇيان 7- سانىنى مۇۋاپپىقىيەتلىك ئۆتكۈزۈپ ،پىروگراممىمىزنى يوقلىقتىن بارلىققا كەلتۈردۇق ،ئەلۋەتتە پىروگراممىلارنى ئىشلەش ۋە تارقىتىشلاردا نۇرغۇن تورداشلارنىڭ دوستانە تەكلىبلىرىنى دادىللىق بىلەن قوبۇل قىلىپ ماڭدۇق، بىز سۆھبەت يۆنىلىشىنى ھەرخىل كەسىپكە قارىتىپ تورداشلارنىڭ مەنىۋىيتىنى تېخىمۇ يۇقىرى كۆتۈرۈشكە تېرىشىۋاتىمىز. ئۈمۈدىمىز شۇكى پىروگراممىمىزنى ئۇيغۇر تورچىلىقىدىكى ئەڭ نادىر ، ئەڭ سەۋىيلىك ،ئەڭ تەربىيىۋى ئەھمىيتى بار پىروگرامما قىلىپ تورغا چىققۇچى خەلىقنىڭ مەنىۋىيتىنى ئەڭ يۇقىرى تۈستە بېيىتىش. پىروگراممىمىزدا مۇختار بۇغرا ھاجىمنىڭ ھەج سەپىردىكى تەسىر قىلغان ئىشلار توغۇرلۇق ،شۇنداقلا شېئىرىيەت ،رېجىسورلۇق يەنە شۇنىڭغا ئوخشاش ئۇنىڭ ھاياتى پائالىيتىدىن تولۇق خەۋەردار بولالايسىز،. ھەر قېتىملىق سۆھبەتتىكى ئىنكاسلارنى شۇ سۆھبەت ئىگىلىرىگە چالا قويماي يەتكۈزىۋاتىمىز، ھەرقانداق سۆزلەر بولسا سەمىمىي ھەم چىن يۈرىكىڭىزدىن چىقىرىپ مەزكۇر تېمىغا ئىنكاس قالدۇرسىڭىز شۇ كىشى بىلەن بىۋاستە سىردىشىش پۇرسىتىگە ئېرىشەلەيسىز. بۇ قېتىم بىز تورداشلارنى بۇرۇندىنلا نامىنى كۆپ ئاڭلاپ ئۆزىنى ئانچە مۇنچە ئۇچرىتىپ تۇرىدىغان بىرىنجى دەرىجىلىك رېژىسور ،شائىر مۇختار بۇغرا ئاكىمىز بىلەن يۈز كۆرۈشتۈرۈپ ،سىردىشىش پۇرسىتىنى ياراتتۇق. تورداشلارنىڭ ياقتۇرىشىنى ئۈمۈد قىلىمز فىلىم مەزمۇنىنى ھوزۇرىڭلاردا بولسۇن... چىقمىسا بۇ ئادرىستىن كۆرۈڭ : http://player.youku.com/player.php/sid/XMzM0NDk1Nzc2/v.swf زىيارەتكە مۇناسىۋەتلىك بىر قىسىم رەسىملەر زىيارەت جەريانىدىن بىر قانچە كۆرۈنۈش مۇختار بۇغرا مىسرانىم قۇرغۇچىسى ئابابەكرى مۇختەر بىلەن بىرگە مۇختار بۇغرا سۆز قىلماقتا مۇختار بۇغرانىڭ ھەج پائالىيتدىن كۆرۈنۈش مۇختار بۇغرا سۆز قىلماقتا مۇختار بۇغرا مىسرانىم تورىدىكىلەرگە ئىمزاسى يېزىلغان 3 توم شېئىرلار توپلىمى كىتابىنى سوۋغا قىلماقتا زىيارەت جەريانىدىن بىر قانچە كۆرۈنۈش مۇختار بۇغرا مىسرانىمدىكىلەرگە تورداشلار ناملىق شېئىرنى دېكلىماتسىيە قىلىپ بەرمەكتە زىيارەت ئىمزا خاتىرسىدە مۇختار بۇغرانىڭ ئىمزاسى ئورۇن ئالدى. ____________ مەزكۇر فىلىمنىڭ پۈتۈپ چىقىشى ئۈچۈن ئاز بولمىغان ئەجىرلەر سىڭدۈرۈلدى.تورداشلارنىڭ مەكتەپ تورلىرى ھەم ھەرقايسى شەخسىي توربەت ،بىلوگ،ھەم بوشلۇق، چ چ لاردا كەڭ كۆلەمدە تەشۋىق قىلىپ قويۇشىنى سەمىمىي ئۈمۈد قىلىمىز. سىرداشلار كۆزنىكى ئۆتمۈشىگە نەزەر.. 1 - سان ، شىرئەلى ئەلتېكىن بىلەن مىسرانىمدا سۆھبەت مەزمۇنى : مۇقامچىلىق ھەم ئۇيغۇر مۇقامى ھەققىدە سۆھبەت ئادرىسى: https://uyghur-archive.com/misranim/read.php?tid-44353.shtml 2 - سان ، سىراجىدىن پەتقۇللا بىلەن مىسرانىمدا سۆھبەت مەزمۇنى : ئاۋاز ئارتىسىلىق ھاياتى ھەققىدە سۆھبەت ئادرىسى:https://uyghur-archive.com/misranim/read.php?tid-47576.shtml 3 -سان، جالالىددىن بەھرام بىلەن مىسرانىمدا سۆھبەت مەزمۇنى : ئەدەبىيات ۋە يازغۇچىلىق ھاياتى ھەققىدە سۆھبەت ئادرىسى:  https://uyghur-archive.com/misranim/read.php?tid-50654.shtml 4 - سان ،ئەركىن ھاشىم بىلەن مىسرانىمدا سۆھبەت مەزمۇنى : ئىزدىنىش ۋە ھايات تېمىسىدا مەخسۇس سۆھبەت ئادرىسى: https://uyghur-archive.com/misranim/read.php?tid-54193.shtml 5 - سان ،ئادىل مىجىت بىلەن مىسرانىمدا سۆھبەت مەزمۇنى : ئېتوتچىلىق ۋە كەسپىي ھايات توغىرسىدا سۆھبەت ئادرىسى: https://uyghur-archive.com/misranim/read.php?tid-56640.shtml 6 - سان ئاتلان قۇرغۇچىسى بىلەن مىسرانىمدا سۆھبەت مەزمۇنى : ئىگىلىك تىكلەش ۋە تىل توغۇرسىدا ئادرىسى: https://uyghur-archive.com/misranim/read.php?tid-59263.shtml 7 - سان مۇختار بۇغرا بىلەن مىسرانىمدا سۆھبەت مەزمۇنى : شېئىرىيەت ۋە رېژىسورلۇق توغرىسىدا ئادرىسى: https://uyghur-archive.com/misranim/read.php?tid-63408.shtml كېيىنكى سان پروگرامملىرىمىز تېخىمۇ سەرخىل. پروگراممىمىزنى كۆرۈشنى ئۇنۇتمىغايسىلەر. مىسرانىم ئۇيغۇرچە ئۇنۋېرسال تور بېكىتى مىسرانىم پروگرامما باشقۇرۇش گۇرۇپىسى 2011 - يىلى 11 - ئاينىڭ 04- كۈنى

karwan21

	مەن كۆرۈپ ئولتۇرۇپتىمەن ماۋۇ تېمىنى،ئاللاھ ئەجرىنى بەرسۇن بۇ شائىرىمىزنىڭ،نۇرغۇن شېئىرلىرى ئەيسا بەگ،ئابدۇللا ئابدىرھىم،زاھىر بۇرھان قاتارلىق ناخشىچىلارنىڭ ئېيتىشى بىلەن،خەلق قەلبىدە جاراڭلىق كۈي ياراتتى،ئۇنىڭ يازغان شېئىرلىرى ناخشىچىلىرىمىز ئېيتقان ناخشىلىرى بىلەن  ئۇيغۇرلار بىلەن مەڭگۈ بىللە ئېيتىلىپ تۇرىدۇ!مەن مۇختار بۇغرانىڭ 3توملۇق شېئىرلار توپلىمىنى ئالالمىغانلىقمغا كۆڭلۈم ئىنتايىن يېرىم.لېكىن،بىر كۈنلەردە ئۇ كىتابىمۇ ئۇچراپ قالار،تولىمۇ سۆيۈندۈم مىسرانىم مۇنبىرىدىن!

arkzada

	ئىنسانىيلىق قەدىر- قىممىتى بىلەن ئۆز پەرزىنى ئادا قىلىۋاتقان قېرىنداشلىرىمىزغا ئاپرىن.  ھەمدە بىزنى شۇلار بىلەن تونۇشۇش پۇرسىتىگە ئىگە قىلىۋاتقان ‹مىسرانىم تور بېكىتى› دىكى بارلىق ئاكا- ھەدىلەرگە تەشەككۈر!

qiqakkiz

	ئەسسالامۇ ئەلەيكۇم مۇختار ئاكا ، ئائىلىڭىزگە چەكسىز بەخىت ، خىزمىتىڭىزگە تېخىمۇ ئۇتۇق تىلەيمەن .ئاللاھنىڭ ئۆيىنى زىيارەت قىلىپ كەلگىنىڭىزگە مۇبارەك بولسۇن .

پالۋان

	مۇنبەرنىڭ بۇ پائالىيىتىنى ئىزچىل كۈزۈتۈپ كەلمىگەن بولساممۇ غەلبىلىك چىققانلىقىنى كۆزۈم بىلەن كۆرۈپ تۇرۇپتىمەن... ئۇيغۇر جەمىيىتىدە ياشاۋاتقان تالانت ئىگىلىرى مەيلى ئەدەبيات سەنئەتتە مەيلى ئىقتىساتتا مەيلى باشقا بىر كەسىپتە بولمىسۇن ئۇتۇق قازانغان بۇ تالانت ئىگىلىرىنى مىسرانىم مۇنبىرىدە كۆرۈش ھەقىقەتەن خوشاللىق بېغىشلايدىغان كاتتا ۋەقە.... ھەممىمىزگە مەلۇم بولغىنىدەك مۇختار بۇغرا ئەپەندىم شېئىرىيەت ۋە رىژىسورلىقتا ئۇتۇق قازانغان تالانت ئىگىسى، مۇنبەر باشقۇرۇش ئىشخانىسىنىڭ زىيارىتى قوبۇل قىلىپ، ۋاقىت ئاجراتقانلىقى ئۈچۈن شائىرغا رەھمەت ئېتىمەن، شۇنىڭدەك بۇ ئېسىل سۆھبەتنى بىزگە يوللاپ مەنىۋىيىتىمىزنىڭ بىيىىشغا سەۋەپ بولغان مىسرانىم ئەپەندىمگىمۇ بۇ ئېسىل تېمىنى ۋە بۇ ئېسىل سورۇننى ھازىرلاپ بەرگەنلىكى ئۈچۈن تەشەككۈر ئېيتىمەن....... شائىرنىڭ ھەج قىلىپ كەلگەنلىكىدىن مۇشۇ مۇنبەر ئارقىلىق خەۋەر تاپتىم... ئاللاھ قىلغان ھەج ئىبادىتىنى قوبۇل قىلغاي، ۋە كېيىنكى خىزمىتىدە غەلبە ئاتا قىلغاي... بۇ پائالىيەتنىڭ داۋاملىشىشىنى ئۈمىت قىلىمەن، چۈنكى مۇشۇ پائالىيەت ئارقىلىق نۇرغۇنلىغان بىلىملەرگە ئېرىشكىلى بولىدۇ دەپ قارايمەن.

TaRKiN

	مۇختار بۇغرا ئەپەندىمنىڭ ۋاقىتتىن-ۋاقىت چىقىرىپ،مەزكۇر پىروگراممىغا قاتنىشىپ،تورداشلار بىلەن يۈز كۆرۈشكەنلىكىدىن تولىمۇ خۇرسەنمەن. مۇئەللىپنىڭ بۇندىن كىيىنكى ئىجادىيەت ۋە خىرمىتىگە ئۇتۇق!ئائىلىسىگە بەخىت ۋە بەرىكەت تىلەيمىز!

yehya

	7-ئاينىڭ ئوتتۇرلىرىدا يەكەندە شام نامىزىنى بىر سەپتە تۇرۇپ ئوقىغانتۇق بۇ ھاجىكام بىلەن.

sahrayi-tarim

	ئىجادىيەت كىچىلىكى ئۆتۈزگەندە سالامەتلىكى ياخشى ئەمەس دەپ ئاڭلىغانىدۇق،ھازىر سالامەتلىكلىرى قانداقراقكىن ھاجىمكا؟ مىنىڭچە مۇختەر بۇغرا ئاكىمىز ئېغىر -بېسىقمىجەزى ياخشى كىشى.يازغان بەزى ناخشا تىكىستلىرىنى ياقتۇرىمەن،ئۈمىت قىلىدىغىنىم :كۆيدۈم- پىشتىم تىمىسىدىكى شىئېرلارنى ئاز يېزىپ خەلق ياقتۇرىدىغان مەزمۇندىكى شىئېرلارنى كۆپرەك يازسىكەن دىگەن ئۈمىتتىمەن. ئاللاھ ئىگەم بۇ كىشىنىڭ سالامەتلىكىنى تېخىمۇ ياخشى قىلغاي....