سېنىڭ شۇ سۆيگۈڭ يالغان

dolathenim

	مەن يەنىلا سېنى ئويلاۋاتىمەن، سەن ئۈچۈن قايغۇرۋاتىمەن ،سەن ئۈچۈن ئېچىنىۋاتىمەن ،بىلەمسەن سېنىڭ ھازىرقى تەقدىرىڭنى ئۆزۈڭ كەلتۈرۈپ چىقاردىڭ،سېنىڭ تومۇر-تومۇرلىرىڭغا،قان-قېنىڭغا سىڭىپ كەتكەن شەخسىيەتچىلىكىڭ ،مەنپەتپەرەسلىكىڭ كەلتۈرۈپ چىقاردى.ھەممە ئوقۇغۇچىلار بولۇشنى ئارزۇ قىلىدىغان ئوقۇغۇچىلار ئۇيۇشمىسىنىڭ باش رەئىسلىكىدىن ئۆز سەۋەبىڭدىن قېلىپ قالدىڭ،سىنىپتىكى بالىلارنىڭ سۆزى بويىچە :‹ھوقۇقتىن چۈشۈپ كەتتىڭىز!› .    ئىلگىرى ئەنە ئاۋۇ سەھنىدە ،ئەنە ئاۋۇ ئوغۇل رىياسەتچىنىڭ ئورنىدا سەن بار ئىدىڭ .ئالدىنقى يىلى مەكتىپىمىز ئورۇنلاشتۇرغان بىرلەشمە كۆڭۈل ئېچىش كېچىلىكىدە ئاپئاق كاستيۇم-بۇرۇلكا كىيىپ رىياسەتچىلىك قىلغان ئىدىڭ.كاستيۇم-بۇرۇلكا ساڭا شۇنداق يارىشىپ كەتكەنىكى ،خۇددى يېڭى تويى بولغان يىگىتكە ئوخشاپ قالغانىدىڭ .مەن بولسام تاماشىبىن قاتارىدا زالنىڭ ئوتتۇرسىدا سىنىپتىكى ساۋاقداشلىرىم بىلەن بىللە ئولتۇرغان ئىدىم .سەن سەھنىگە چىقىپ سۆزلىگەن چاغدا ،كۆزلىرىڭ پەقەتلا ماڭا قاراپ تۇرغاندەك ،باشقا ساۋاقداشلار سېنىڭ ماڭا قارىغىنىڭنى بىلىپ قالىدىغاندەك ھېس قىلىپ ،بويۇنلىرىمغىچە قىزىپ كېتىپ ،بېشىمنى كۆتۇرەلمەي قالغانىدىم.سەن نېمە دېدىڭ ،باشقىلار سەن توغرۇلۇق نېمىلەرنى دېدى،قۇلۇقۇمغا ھېچنىمە كىرمەيتتى.مەن مانا بۈگۈنمۇ بۇرۇنقى ئرنۇمدا ساۋاقداشلىرىم بىلەن بىللە ئولتۇرماقتىمەن ،لېكىن سەن يوق !،بۈگۈن مەن رىياسەتچىلەرنىڭ كۆزىدىن سېنىڭ كۆزۈڭدىن ھېس قىلغان غايىبانە ،مۇھەببەتلىك كۈچنى ھېس قىلالمىدىم.       ھازىر مۇھەببەت كۈيى پۈتۈن زالنى قاپلىدى،بارلىق ساۋاقداشلار مۇھەببەت مىلودىيىسىدىن مەستخۇش بولۇپ خىيال دەرياسىغا غەرق بولدى...   مەنمۇ ناخشىنىڭ جەلپ قىلارلىق گۈزەل مىسرالىرىنىڭ ئارىسىغا كۆمۈلۈپ كەتتىم...     ‹ماڭا ئۇنداق خۇمار كۆزلىرىڭ بىلەن قارىمىغىن بولامدۇ؟مەن ئەمدى سېنىڭ ئۇنداق قاراشلىرىڭغا بەرداشلىق بېرەلمەيمەن،ئىرادەمدىن يېنىپ قېلىشتىن ئەنسىرەيمەن ،بىلەمسەن مېنىڭ كۆڭۈل كۆزۈم پەقەتلا سېنىڭ ئارتۇقچىلىقىڭنى كۆرەلەيدۇ.قەلب ئېكرانىمدا پەقەت سېنىڭ جەسۇرانە قىياپىتىڭ بىلەن ئىشەنچكە تولغان نۇرانە كۆزلىرىڭلا بار.›    مەن سەن بىلەن بىللە ئولتۇرۋاتقىلى بۇيىل توپتوغرا 3يىل بولدى.ئېسىمدە قېلىشىچە سەن ماڭا:‹مەن ئۆز مۇھەببىتىمنى ھەرگىزمۇ رومانتىك سۆز-جۈملىلەردىن ،لىرىك شېئرىي مىسرالاردىن پايدىلانماستىن ،كۆزۈم ئارقىلىق ئىپادىلەيمەن›دېگەنىدىڭ،سەن گەرچە بىر قېتىممۇ ‹سىزنى ياخشى كۆرىمەن ›دەپ باقمىغان بولساڭمۇ،لېكىن  ھەرىكىتىڭ ئارقىلىق بۇ گەپنى نۇرغۇن قېتىم ئېيتىپ بولغانىدىڭ،بىلەمسەن؟مەن سېنىڭ ھەرىكىتىڭگىلا ئەمەس سۆزۈڭگىمۇ تەشنا ئىدىم،ئەپسۇس،سەن مېنى نۇرغۇن قېتىم ئۈمىدسىز قويدۇڭ،مېنىڭ ئۈمىد شامىم پىلدىرلاپلا قالدى،ئۈمىد شامىمنىڭ ئۆچۈپ قېلىشىدىن ،ئۆچۈپ قېلىشى سەۋەبىدىن قاراڭغۇلۇقتا قېلىشتىن ئەنسىرەيمەن.    سەھنىدە‹باھارىم›دېگەن ناخشىغا ئۇسسۇل ئويناۋاتقان ئەنە ئاۋۇ قىزئارزىگۈل ئېسىڭدىمۇ،ئۇ قىز تولۇق ئوتتۇرىغا يېڭى چىققاندا ،ئوقۇغۇچىلار ئۇيۇشمىسىغا يېڭى ئەزا قوبۇل قىلىشتا مەن سەن بىلەن بىللە ئۇ قىزدىن ئىمتىھان ئالغانىدۇق،بىز ئۆزئارا پىكىر ئالماشتۇرغاندا،ئارزىگۈل سەندىن:‹ئەگەر سىزنى باشقىلار ياخشى كۆرۈپ قالسا قانداق قىلىسىز ؟›دېگەندە،سەن قەتئىي ئىككىلەنمەي‹ئەگەر باشقىلار مېنى ياخشى كۆرۈپ قالسا،ئۇ ئۆزىنىڭ ئىشى ،ئەگەر مەن بىرەرسىنى ياخشى كۆرۈپ قالسام ،چوقۇم تەلەپ قويۇپ يۈرۈيمەن›دېگەنىدىڭ.ئۇچاغدا مەن سەن بىلەن ئۇدۇلمۇ-ئۇدۇل تۇرۇپ قالغانىدىم،سەن بۇ گەپلەرنى قىلغان چاغدا،مېنىڭ يۈزلىرىمنىڭ قىزىرىپ ئوت ئېلىپ كەتكەنلىكىنى بەلكىم سەن سەزگەنسەن ياكى سەزمىگەنسەن؟لېكىن سەن ئەينى چاغدا دېگەن سۆزۈڭنى ئەمەلگە ئاشۇرالىدىڭمۇ؟     راست،سەن شۇ چاغدا قىزلارنىڭ قەلبىدىكى مەبۇدە ئىدىڭ،سېنىڭ دەرستىكى ئەستايىدىللىقىڭ ،تىرىشچانلىقىڭ،ھەممىدىن مۇھىمى مېنىڭ ئەڭ ئاجىز پېنىم ھېسابلىندىغان ئالگېبرادا ئەڭ ياخشى بولغانلىقىڭ مېنى قايىل قىلغانىدى،كىشىلەر:‹قايىللىقنىڭ يېرىمى مۇھەببەت،يېرىمى ھۆرمەت ›دەيدىكەن،مېنىڭ ساڭا بولغان قايىللىقىمدا مۇھەببەت كۆپ قىسىمنى ئىگەللەپ كەتكەنىكەن ئەمەسمۇ؟    سەھنىدە مەۋلان نىيازنىڭ ‹گۈلباغ›دېگەن ناخشىسىغا ئۇسسۇل ئوينالماقتا،بۇ مەن ياخشى كۆرۈدىغان جۇشقۇن ناخشىلارنىڭ بىرى.      ‹يارنى ئۇندا يالغۇز دەيدۇ ،ھەمراھ بولايمىكىن›    - كەچۈرگىن،ئەمما،مەن ساڭا ھەمراھ بولالمايمەن.    مەن سەن بىلەن بىللە ئولتۇرغىلى 3يىل بولغان بولسىمۇ ،لېكىن بىرەر قېتىممۇ سەن بىلەن دەرقەمدە تۇرۇپ سۆزلىشىپ باقماپتىمەن،سەن قەلب سىرلىرىڭنى ،ئائىلەڭ ھەققىدىكى ئىشلارنى ھېچكىمگە دەپ بەرمىدىڭ،مەن سەن بىلەن بىر يېزىدىن بولمىغاچقا،سەن توغرىسىدا ھېچنىمىنى بىلەلمىدىم.سەن سىنىپىمىزنىڭ تۈنجى مۇنازىرسىدا:‹قىزلارنىڭ ئۆتمۈشى،ئوغۇللارنىڭ كەلگۈسى كېرەك ›دېگەنىدىڭ.    دۇنيادا ئاشكارلانمايدىغان سىر،ئېچىلمايدىغان قۇلۇپ ،يېشىلمەيدىغان تۈگۈن ،تارقالمايدىغان سورۇن بولمىغىنىدەك،سېنىڭ خارەكتىرىڭدا شەخسىيەتچىلىك،مەن بولساملا بولدى دەيدىغان كۆزقاراش بولغاچقا،سېنىڭ ماھىيىتىڭنى ئۇلار بىلىپ قالدى-دە،ئۇلارنىڭ نەزىرىدىن چۈشۈپ كەتتىڭ،ئۇلارنىڭ داۋاملىق قوللىشىغا ئېرىشەلمىدىڭ  ،سەن ئاجىزلىقىڭ تۈپەيلى دېڭىزنىڭ شىددەتلىك دولقۇنلىرىدا ھالەك بولدۇڭ.     سەن ھېچكىمگە چۈشەندۈرۈپ قويۇشقا ئۇنىمىغان مىساللىرىڭنى ماڭا چۈشەندۈرۈپ قوياتتىڭ ،لېكىن مەن باشقا ساۋاقداشلارغا ،مۇھىمى ئوغۇل ساۋاقداشلارغا چۈشەندۈرۈپ قويسام سېنىڭ چىرايلىرىڭ شۇ ھامان ئۆزگۈرۈپ كېتەتتى.     تۇغۇلغان كۈنۈمدە،سىرتى ناھايىتى نەپىس ئورالغان بىر قاپ شاكىلات بىلەن ئېسىل ئەتتىردىن بىرنى سوۋغا قىلغانىدىڭ ،ھەم تورتخانىغا ئېلىپ كىرگەن ئىدىڭ،مەن سېنىڭ شۇ كۈندىكى سۆزلىرىڭ ۋە سوۋغىلىرىڭنى كۆرۈپ ،مېنى راستلا ياخشى كۆرۈدىغان ئوخشايدۇدېسەم،مەن خاتالاشقان ئوخشايمان،بىركۈنى ئىككىمىز تورخانىغا كىرىپ ماتىريال ئىشلىدۇق،ئەسلىدە ئۆزەڭ يالغۇز ئىشلىسەڭمۇ بولىدىغان نەرسىگە،مېنىمۇ بىللەئېلىپ كىرىپ،يېنىڭدىكى ئورۇندۇقتا ئولتۇرغۇزۇپ قويۇپ، ئۆزەڭ ئۇيۇن ئويناپ مېنى ماتىريال ئىشلەتكىلى قويغىنىڭغا گەرچە سىرتقى قىياپىتىمدە خاپا بولغاندەك قىلساممۇ،لېكىن ئىچىمدە سەن بىلەن بىللەچىققىنىمدىن ئىنتايىن خۇشال بولغانىدىم.ئىشلەپ بولغاندىن كېيىن ماتىريالنى ئۆزەڭ قىلغان بولۇپ تاپشۇردۇڭ،لېكىن ماتىريالدىن چاتاق چىققاندا بولسا:‹ماتىريالنى شۇنداقمۇ ئىشلىگەن بارمۇ؟تولۇق قىلماپسىز،مۇئەللىم مېنى بىر مۇنچە ئەيىپلەپ كەتتى،سىز دەرھال چىقىپ ،ئۇ ماتىريالنى مەن ئىشلىدىم،سىنىپ باشلىقى بىلەن مۇناسىۋىتى يوق،ھەممىنى مەن ئىشلىگەنتىم دەڭ،تېز بولۇڭ....›ئاھ خۇدا،مۇنۇ گەپلەرنى مەن كىمدىن ئاڭلاۋاتىمەن؟سەن مەن ياخشى كۆرىدىغان ئوغۇل بالا شۇمۇ؟سەن سىنىپ باشلىقىما؟چاتىقى چىققىندا باشقىلارغا ئارتىپ قويىدىغان،يەنە كېلىپ بىر قىز بالىغا؟ئويلاپ باقماپتىمەن؟ئەسلى سېنىڭ ماڭا بولغان مۇھەببىتىڭدىن مەنپەتپەرەسلىكىڭ ئېشىپ كەتكەنىكەن ئەمەسمۇ؟

salkin302

	قىزلارنىڭ مۇھەببىتى ھۆرمەتتىن باشلىنىدۇ.ئاشۇ ھۆرمەت يوقالغاندا مۇھەببەتمۇ ئاستا ئاستا سۇسلايدۇ

1670154432

	ھازىرقى ۋەزىيەتتە بۇنداق ئىشلارغا ، چامدامدا بىر ئۇچىراپ تۇرىمىزغۇ ؟ئىشقىلىپ  بەزى ئادەملەردە ئەخلاق ،ۋىژدان،مەسئۇلىيەت دىگەنلەردىن ئەسەرمۇ يوق.

akax520

88128

imangul

	تۇۋا نىمەدئگۇلۇك ئەمدى

kappa520

	ئالدىراپ كۇلمىگىن تەڭشەپ تۇردۇ، دەت_ئەلەم كۆزۇڭنى ياشلاپ قويدۇ. ئۇنۇتما بىرگە-بىر تەڭشەلگەن جاھان، نامەرتلە سىنىمۇ ئالداپ قويىدۇ.                                                  قىزلارنىڭ مۇھەببىتى ھۆرمەتتىن باشلىنىدۇ.ئاشۇ ھۆرمەت يوقالغاندا مۇھەببەتمۇ ئاستا ئاستا سۇسلايدۇ

oguzkiz

	قىزلارنىڭ مۇھەببىتى ھۆرمەتتىن باشلىنىدۇ.

gulxanay

tahdassira

	قىزلارنىڭ مۇھەببىتى ھورمەتتىن باشلىنىدۇ.         ھازىرقى بىر قىسىم قىزلارنىڭ ھورمىتى شۇ شەخسنىڭ ئۆزىگىمىدۇ ياكى يانچۇقىدىكى پۇلغىمىدۇ  ؟                                     مەن بىلەلمىدىم جۇمۇ . . .

OMAKTEGEN

	ئوغۇل بالىنىڭ ‹جىڭى› ئىكەن، كىچىك ۋاختىدا كەمپۇتنى ئازراق يەپ قالغان گەپ؛ئۇنداق ئادەمگە مۇھەببەتنىڭ نىمە ئىشى؟ئاستا سەنىئەت مەكتەپتە مودىل بوسا بوغىدەققۇ؟؟