داڭگال لېرىكىللىرى - ئىنتىلىش ‹14-16›

Danggal

	《14》 سېنى ساقلاپ ،سېنى كۈتۈپ ھالىمدىن كەتتىم.تاڭلار ئىتىۋاتىدۇ.دىدارسىز كىچىللىرىم غەمناك.بىغەم،خاتىرجەملىكىم بۇزۇلدى.ئۇيقۇم قېچىپ ،كۆزلۈرۈم تېلىپ ،سارغىيىشقا باشلىدىم.   ئاھ،راس بۇ ھەقىقەت! مەن ماڭا كۈلۈپسىرەپ ئۆتۈپ كېتىۋاتقانلارغا خىجىل بولۇپ قايرىلىپ قارىيالمىدىم. مۇشۇ ياشتىمۇ مۇشۇنداق ئاقىۋەتكە قېلىۋاتقانلىقىمدىن ئويالغان بولسام كىرەك.   شۇنداق. مەن سېنىڭ چوقۇم كېلىشىڭنى ،ئالدىمدا پەيدا بولۇشۇڭنى ،ماڭا مۇھەببىتىڭنىڭ پۈتۈن زوقلىرىدىن مەلھەم بېرىدىغانلىقىڭنى تۆت كۆز  بىلەن كۈتكەن بار شادىيانە خىياللىرىمنى  مەھكەم قۇچاقلاپ قېلىۋەردىم.                                                                                           ‹15›    مەن سېنىڭ ئاياغ تېۋىشىڭنى ئاڭلىدىم.سەن چوقۇم يىنىك قەدەم تاشلاپ ،ماڭا تەبەسسۇم قىلىپ ئاستا-ئاستا پۇتۇڭنىڭ ئۇچىدا دەسسەپ كېلىۋاتىسەن.   سەن چوقۇم ھەر چاغ،ھەر زامان،ھەر ۋاقىت،ھەر دەقىق ماڭا قاراپ ئىلگىرلەۋاتىسەن. سەن چوقۇم ھەر كۈنى،ھەر كىچە...ھەر بىر ئوي،ھەر بىر چۈشلۈرۈمگىچە ماڭا قاراپ يېقىنلىشىۋاتىسەن،يېقىنلىشىۋاتىسەن-دىلبىرىم! سەن چوقۇم قوياش پارلاپ سېغىنىش مۇڭلۇرۇم ئالدىراش كۈندۈزلۈرۈمگە يوشۇرۇنغاندا ئۇشتۇمتۇت پەيدا بولۇپ مىنى ھەيرەتتە قالدۇرسەن... سەن چوقۇم  ۋىسال غۇربەتلىرىڭ مىنى ئىسەدەتكەن،ئىشقىڭنىڭ چەكسىز ھېجرانىدا ئۆرتەنگەن ئەڭ ئازاپلىق مىنۇتلۇرۇمدا يۈرۈكۈم ئۈستىدە بەخۇدۇك چامداپ توختاۋسىز ھەر بىر قەدەملىرىڭ بىلەن مىنى كۆككە ئاتىسەن!                                                                                         ‹16›    يەنە تاڭ ئاتتى.كۈن نەيزە بويى ئۆرلەپ ئىشقا كىچىكىپ قالماسلىق ئۈچۈن يۈگۈرۈپ كوچا ئاپتۇۋۇزىغا ئاران ئۈلگۈردۈم.ماشىنىنىڭ يېقىمسىز ئاۋازى،كىشىلەرنىڭ ۋاڭ-چۇڭلىرى مىنى ئەللەيلەپ ھارغىن كۆزلۈرۈمنى يۇمدۇم.توساتتىن سەن يېنىمدا پەيدا بولۇپ مىنى جەينەكلەۋاتقاندەك ئەندىكىپ كۆزۈمنى ئاچتىم.   جىمجىت ئىشخانىدا ئولتۇرۇپ ئىشىك ئىچىلسا خۇددى سەن كىرىپ كىلىدىغاندەك ئىشىكلەرگە تەلمۈرۈپ،بىئىختىيار ئورنۇمدىن تۇرۇپ كەتتىم.   بازار،كوچىلاردا كىتىۋىتىپ سېنىڭ قاراڭ كۆرۈنۈۋاتقاندەك كىشىلەر توپىغا ھاڭۋىقىپ تۇرۇپ مەيۈسلەندىم.   ئاشپۇزۇللاردا،رەستىلەردە خۇددى سەن،سەنلا ئالدىمغا چېقىپ قالىدىغاندەك خاۋاتىرلەندىم...   ئاھ ،لىكىن ئەمما-دىلبىرىم! سەن يوق،سەن يوق،سەن يوق!      مەنبە ؛ قەلەم.

tvnlirikisi

	قارغاندا ئاشىق كۈيىدەك تۇرىدۇ. مەن باشتىن ئوقۇپ چىقسام بولغۇدەك. بىرىنچىسىنى تېپىپ باشتىن ئوقۇي ئەممىسە. _______________________________________________________ ‹‹ لېرىكا ›› ئەمەس ‹‹ لىرىكا ›› ھازىرقى زامان ئۇيغۇر ئەدەبىي تىلىنىڭ ئىملا لۇغىتىدىن

︶ㄣHijranざ

	تىلى بەك يېقىملىق چىقىپتۇ دوستۇم! تېخىمۇ تىرىشىڭ !!

topaq

	كونا دوستۇم داڭڭالنىڭ بۇ تېمىسىنى مىسىرانىمدا كۆرۇپ شۇنداق خوشال بولدۇم.