<<مىليون گۈل>> فىلىمىنىڭ 3-4-قىسمى بازا

Aytugh

	ئەسسالامۇ ئەلەيكۇم،ھەر-قايسى جايلاردىكى سەنئەتسۆيەر قېرىنداشلار ۋە ‹‹مىليون گۈل›› فىلىمىمىز بىلەن يۈز كۆرۈشنى تەقەززالىق بىلەن كۈتىۋاتقان تورداشلار! ھۆرىيەت كىنو-تېلىۋېزىيە شىركىتىدىكى مۇسئۇللار ۋە مۇناسىۋەتلىك بارلىق خادىملار يىتىپ كىلىش ئالدىدا تۇرغان ئەنئەنىۋىي بايرىمىمىز قۇربان ھېيتىڭلارنى ئالدىن قۇتلۇقلاش بىلەن بىرگە زور سۈيۈنۈش ئىچىدە سىلەرگە ئۇشبۇ خۇشخەۋەرنى يەتكۈزمەكچىمىز: كۆپلىگەن ئەجىر-مىھنەت،جاپا-مۇشەققەت ۋە سىناقلارنى باشتىن كەچۈرۈپ،تىرىشچانلىقىمىز ۋە كەڭ سەنئەت سۆيەر قېرىنداشلارنىڭ قوللاپ-قۇۋۋەتلىشى بىلەن روياپقا چىققان ئەجىر مىۋىمىز‹‹مىليون گۈل››فىلىمىنىڭ 3-4-قىسمى قۇربان ھېيت ھارپىسىدا بازارغا سېلىنماقچى! فىلىمىمىزنىڭ دەسلەپكى ئىككى قىسىمى بازارغا سېلىنىپ كەڭ تاماشىبىنلار بىلەن يۈز كۆرۈشكەندىن بېرى بىز كۆپلىگەن ياخشى تىلەك ۋە تەكلىپ-پىكىرلەرنى تاپشۇرۇپ ئالدۇق. شىركەت مەخسۇس خادىملىرى مۇشۇ مۇناسىۋەت بىلەن بىزنى قوللىغان كۆپچىلىككە رەھمىتىمىزنى بىلدۈرىمىز ‹‹ مىليون گۈل ›› فىلىمىنىڭ  3- 4 - قىسىملىرىدىن باشلاپ ھەر بىر قاپقا قاچىلانغان ئىككى قىسىم پىلاستىنكىسىنىڭ پارچە ، توپ  سېتىلىش  باھاسى 40 يۇەن خەلق پۇلى . كۆپچىلىكنىڭ فىلىمنى سېتىۋالغاندا پەۋقۇلادە يۇقىرى باھادا كۆپ پايدا قۇشۇپ ساتقۇچىلارنى بايقىغاندا شىركەتكە ۋە  شۇ رايۇندىكى مۇناسىۋەتلىك ئورگانلارغا خەۋەر قىلىشىنى تەشەببۇس قىلىمىز. 11-ئاينىڭ5-كۈنى فىلىم ئالدىن پۈتكۈل ئاپتونۇم رايونىمىز ۋە ئىچكىرى ئۆلكىلەردىكى توردىن زاكاس قىلغۇچىلارغا پوچتا ئارقىلىق يەتكۈزۈپ بېرىلىدۇ.ۋە يەتكۈزۈپ بېرىش پائالىيىتىمىز توختىماي داۋاملىشىدۇ،شۇڭلاشقا كەڭ فىلىم ھەۋەسكارلىرىنىڭ ئۈزلۈكسىز زاكاس قىلىشىنى قارشى ئالىمىز. ئۈرۈمچى تەۋەلىكىدىكى  زاكاس قىلغۇچىلار ۋە بىۋاستە سېتىۋالماقچى بولغانلار شىركەتكە تىلىفۇن قىلسا ياكى تور بېتىمىز ئارقىلىق زاكاس قىلسا ،شىركەت خادىملىرىمىز 24 سائەت ئىچىدە يەتكۈزۈپ بېرىدۇ. 0991  8555155  8197877 3-4-قىسىمنىڭ قىسقىچە مەزمۇنى باھادىر تۈرمىدىن چىققاندىن كىيىن ئايالىنىڭ ئۇنىڭ بىلەن ئاجرىشىش ئۈچۈن سوتقا ئەرز سۇنغىنىنى، شۇنداقلا، شىركەتتىكى مەبلەغ ۋە ئىسكىلاتتىكى كۆپ قىسىم ماللارنى ئېلىپ كەتكەنلىكىنى بىلىدۇ. ئۇ ئەتراپىدىكىلىرگە بىلالغا ئەگىشىپ، كۆز ئالدىدىكى بۇ قىيىنچىلىق ئۆتكەللىرىدىن بىرگە ئۆتۈش توغرىسىدا يوليۇرۇق ۋە چۈشەنچە بېرىدۇ. ئەزىمەت سەتەڭ ئەختەمنىڭ ئىش-ھەركىتىنى ھەر ۋاقىت كۈزىتىپ تۇرىدۇ ۋە بەزىدە ئۇنىڭغا ئەسكەرتمە بېرىپ تەھدىت سالىدۇ.سەلىمەمۇ ئەختەمنىڭ بەزى گەپ-سۆزلىرىدىن سەل گۇمانلىنىپ قالىدۇ. يۇلتۇز كۈتۈلمىگەن تېلىفون قوبۇل قىلىدۇ ۋە نۇرنىڭ ۋاپاتىدىن تېخىمۇ گۇمانلىنىدۇ. ھەسەن ساقچى بىلەن رىشات باھادىرغا دىققەت قىلىشقا باشلايدۇ. ئەزىز سادىقنى مۇھىم مەلۇمات بىلەن تەمىنلەيدۇ. سادىق ئېنتىرنىت تورىدا كۈشەندىسى ئەختەمنى ئۇچرىتىپ قالىدۇ ۋە ئۇلار ئۆز-ئارا بىر-بىرىنى ئېنىقلاشقا تىرىشىدۇ.. باھار تۇيۇقسىز باشقىلارنىڭ زەربىسىگە ئۇچراپ قاتتىق چۆچۈيدۇ ۋە شۆھرەتباي بىلەن ئەزىمەتنى ئىزدەپ بارىدۇ ئۈچەيلەن ئالاقزادىلىك ئىچىدە دەرھال بۇ ئىشنى ئېنىقلاپ بىر تەرەپ قىلىشقا مەسلىھەتلىشىدۇ. ئابباس  قىلمىشلىرىدىن بىلالنىڭ خەۋەر تېپىپ قېلىشىدىن ئەنسىرەپ ۋە پايدا-مەنپەئەت ئۈچۈن شىركەتكە ئىستىپانامە سونۇپ چىكىنىپ چىقىدۇ. باھادىرنىڭ يېقىنلىرىدىن قۇدرەت، ياسىنلار كەيىپكە ئۆگىنىۋېلىپ بىر قىسىم كومىدىيىلىك ئەھۋاللار يۈز بېرىدۇ.فىلىمنىڭ داۋامىغا قىزىقسىڭىز نەزىرىڭىز ‹‹مىليون گۈل›› فىلىمىنىڭ 3-4-قىسىمىدا بولسۇن. ھۆرمەت بىلەن:ھۆرىيەت كىنو-تېلېۋىزىيە چەكلىك شىركىتى ھۆرىيەت تور بېتى كوللىگىيىسى 2011-يىلى11-ئاينىڭ 1–كۈنى.

مارشال

	بۇ كىنۇنىڭ چىقىنى تولىمۇ ياخشى بوپتۇ،لېكىن،ئازراق مەنپەئەتنى قوغلىشىدىغان قارا يۈز مەلئۇنلار بۇ پىلاستىكىنلارنى كۆچۈرۈپ،كەچلىك بازاردا،يايمىلاردا 3-5يەنگىچە سېتىپ يۈرۈيدۇ،مۇشۇنداق ئىشلارنى ھۆكۈمەت بىر توسسا بولىتى،لېكىن،ئۇنى توسۇپ بولالمايۋاتىدۇ،ئۇيغۇر كىنۇچىلىقىدا پىلاستىنكا بازار تاپمىسا،نۇرغۇن كىنۇنى ئىشلەشكە قانداق ئىقتىساد،مەبلەغ ئاجرىتىپ بولغىلى بولىدۇ.

KOHDUHUQI

	3-4 قىسمىنى ساقلىغىلى خېلى ۋاقىت بولغان ئدى1ئايدا 2قىسىم ئشلىندۇ دەۋاتاتى ۋاقىت بەك ئۇزۇراپ كەتتىمۇ قانداق. باھاسىنى تەڭشەپ ياخشى قىلىپتۇ. سېتىشقا مەسئۇل بۆلۈمدىكىلەر خېلى قاقۋاش كىشىلەرئكەن خې خې خې ھارپا كۈنى بازارغا سالسا ھېيتتا سېتىلىپ تۇگەرمىكىن ،كىم بىلىدۈ ھازىر زاكاس قىلىپ سېتىلىپ بولدىمۇ تېخى  . قالغان ئنكاسنى قۇربان ھېيتىمىزدا بۇكىنونى كۆرۈپ بېقىپ ئنكاس يازاي

Я!У♬ㄒ

	مەن بىر قىسىنىمۇ كۆرۈپ باقمىدىم ،بەك كۆرگۈم بار ئىدى

kapTalis

	40يۇەنمۇ قىممەت بولاپ كىتىپتۇ . كۆپ ساندىكى كىشىلەر مېنىڭچە يەنىلا دوبەن نەشىرىنى سىتىۋالامىكى.

lala820

	بۇ كىنونى توردا كۆرگىلى بولمامدا ؟ باشقا شەھەر لەردىمۇ سىتىش ئۇرۇنلىرى بارمۇ يا ؟

KOHDUHUQI

	ئزدىسىڭىز1-2 قىسمى بارئكەندۇق،قايسى توربەتتە كۆرگىنىمنى ئېسىمگە ئالالمىدىم كەچۈرسىز

nijat187

	توردىن يوقىتىۋەتتى .  يوۋكۇدا باتى.