سىزدىن بىر شېئىر يازايمىكىن يار

qaxmazulal

	سىزدىن بىر شېئىر يازايمىكىن يار، سىزدىن بىر شېئىر يازايمىكىن يار، خۇش چېھرىڭىزنى بىر مىسرا قىلىپ. چىكىت،پەشلىرىم ئوينىسا ئەركىن، بولمىسا ئاڭا مۇتلەق بىر قېلىپ. سىزدىن بىر شېئىر يازايمىكىن يار، بولسا بىر مىسرا قوشما قېشىڭىز. بىرلا مىسراغا ئارتۇق كېتەرمۇ؟ تەر تاپچىيدىغان ئەشۇ بۇرنىڭىز. سىزدىن بىر شېئىر يازايمىكىن يار، بەلكىم بىر كوپلىت چىقار كۆزىڭىز. ۋەزىن تۇراقلار بېرەلمەس بەرداش، يازسام ئەگەردە قىلغان سۆزىڭىز. سىزدىن بىر شېئىر يازايمىكىن يار، ئېتىزدا،باغدا ئىشلگەن سىزنى. بىر كوپلىت يازسام ئاز بۇپ قالارمۇ؟ كەتمەن قاپارتقان قوللىرىڭىزنى. سىزدىن بىر شېئىر يازايمىكىن يار، بىر كوپلىت قىلىپ بوي بەستىڭىزنى، يېزىپ بولالماي قالىمەن بەلكىم، قانچە قىلساممۇ تەرىپىڭىزنى. سىزدىن بىر شېئىر يازايمىكىن يار، ئويلىسام سۆزۈم ككپ ئىكەن تېخى. ئۇنتۇپتىمەنغۇ ئوغلاقتا مىنگەن، ئالدىدا چاپار ئېتىڭىز قېنى؟ (تازا جىلە بۇلۇپ ،يازغانلىرىنى يىرتىۋەتكەن،لىكىن يەنە كەينىدىن مىيىقىدا تاتلىققىنە كۈلۈمسىرەپ قېرىنداشنىڭ ئۇچىنى چىشلەپ ئولتۇرۇپ قايتىدىن يېزىشقا تەمشىلىۋاتقان چىراي ئىپادىسى.) ۋاي بولدى يازماي،تىلىم بولدى گال، ئىلھام زىيادە،ئەمما تىلغا زار. كۆڭلۈم تارتىدۇ يەنىلا بىر خىل. سىزدىن بىر شېئىر يازايمىكىن يار. چەشمەزۇلال

zapar

	دېھقان يىگىتنىڭ ئىشقىكەندە سىزنى شائىرە قىلغان ئەسلى. كەتمنىڭنى چاپقاندا، گۈس -گۈس قىلىپ، يۈرىكىممۇ تەڭ سۇقار گۈپ-گۈپ قىلىپ. دەپ قۇشۇپ قويىڭە

1670154432

	ۋاي-ۋاي ! مىسرالىرى ئالامەتكەن ھە؟ ئەمما بەكمۇ قاملاشتۇرۇپ يېزىۋېتىوسىزغۇ؟ شېئىر دىگەننى،قەلىمىڭىز بەركەت تاپقاي .

پالۋان

	سىزدىن بىر شېئىر يازايمىكىن يار، پەزىلەتلىرىڭىز پۈتمەس شېئىردا، قانچىلىك ماختىسام پەزلىڭىزنى ئاز، پەزلىڭىز بولغاچقا داستان شېئىردا،

akax520

	رەخمەت

fatima

	شېئىر بەك تاتلىق چىقىپتۇ... سىزدىن بىر شېئىر يازايمىكىن يار، مىسرالىرىمنى بۇلاقتا سۇغۇرۇپ. مەھەللەمنى كىزىپ ناخشا ئېيتسىڭىز، ئاڭلىنىدۇ قۇلاققا جۇش ئۇرۇپ.

nazigul8

	سىزدىن  شېىر  يازايمىكى  يار، چۈنكى، شۇ ئەمگەكچان خەلقىمنىڭ ئوغلانى سىز. يازسام تۈگىمەس ئاققۇزغان تەرىڭىز، ئېيتسا تۈگىمەس داستان بولغانى سىز. جاپا، ئەجىر-مېھنەتتە ھالال ياشاپ، بارچە ئەلنى، مېنى كۈلدۈرگەنمۇ سىز، شۇنچە ئاق-كۆڭۈل ئىشچان خىسلەت بىلەن، مالال قىلىپ مېنى، كۆيدۈرگەنمۇ سىز.

ismail

	ياخشى يېزىپسىز

qaxmazulal

	دوستلىرىمغا رەھمەت.. قېنى داۋاملاشتۇرمايمىزمۇ....