دۆلەت ئىشلىرى مەھكىمىسى قاراقاش ناھىيەسىد

noshirwan

	دۆلەت ئىشلىرى مەھكىمىسى قاراقاش ناھىيەسىدە يۈز بەرگەن زور قاتناش ۋەقەسىنى ئومۇمىي ئۇقتۇرۇش قىلدى جۇڭگو ئۇيغۇرچە رادىيو تورى 31-ئۆكتەبىر بېيجىڭ خەۋىرى:دۆلەت ئىشلىرى مەھكىمىسى بىخەتەر ئىشلەپچىقىرىشنى باشقۇرۇش نازارەت قىلىش كومىتېتى ئىشخانىسى يېقىندا 12 كىشى قازا قىلغان شىنجاڭ ئۇيغۇر ئاپتونوم رايونى خوتەن ۋىلايىتىنىڭ قاراقاش ناھىيەسىدە يۈز بەرگەن «23-ئۆكتەبىر» زور قاتناش ۋەقەسىنى ئۇقتۇرغاندا مۇنداق دەپ كۆرسەتتى: بىر يىلدىن كۆپرەك ۋاقىتتىن بۇيان، شىنجاڭدا كۆپ قېتىم كىنىشكىسىز ئۈچ چاقلىق موتسىكلىتىنىڭ قانۇنغا خىلاپ ھالدا ئادەم توشۇپ سوقۇلۇپ كېتىش ۋەقەسى يۈز بېرىپ، ئالاقىدار نۇرغۇن مەسىلە ئاشكارلاندى. 　　23-ئۆكتەبىر سائەت 21 دىن 30 مىنۇت ئۆتكەندە، 30 كىشى ئولتۇرغان ئەسلى 21 كىشىلىك بىر ئاپتوبۇس خوتەن ۋىلايىتىنىڭ قاراقاش ناھىيەسى تەۋەسىدىكى دۆلەت يولى 315-لىنىيەسىدە ، ئالدىدا كېتىۋاتقان كىنىشكىسىز ئۈچ چاقلىق موتوسىكلىت بىلەن سوقۇلۇپ كېتىپ، ئۈچ چاقلىق موتوسىكىلىتتىكى 12 كىشى قازا قىلغان، 2 كىشى يارىلانغان. ۋەقەنىڭ سەۋەبى تەكشۈرۈلمەكتە. 　　ئالاقىدار بەلگىلىمىگە ئاساسەن، دۆلەت ئىشلىرى مەھكىمىسى بىخەتەر ئىشلەپچىقىرىشنى باشقۇرۇش نازارەت قىلىش كومىتېتى بۇ ۋەقەگە ۋىۋىسكا ئېسىپ تەكشۈرۈشكە ھەيدەكچىلىك قىلىپ، تەكشۈرۈش نەتىجىسىنى ۋاقتىدا جەمئىيەتكە ئېلان قىلىشنى قارار قىلدى. ۋەقەدىن چوڭقۇر ساۋاق ئېلىپ، بۇ ئىش ئارقىلىق نۇرغۇن ئىشلارنى پاش قىلىپ، تاش يول قاتنىشى بىخەتەرلىك خىزمىتىنى يەنىمۇ ياخشى ئىشلەش ئۈچۈن، دۆلەت ئىشلىرى مەھكىمىسى بىخەتەر ئىشلەپچىقىرىشنى باشقۇرۇش نازارەت قىلىش كومىتېتى ئىشخانىسى جايلاردىن مەنبىيىدىن باشقۇرۇش، يولنى باشقۇرۇش كونترول قىلىشنى كۈچەيتىپ، تەشۋىقات كۈچىنى ئاشۇرۇپ، ۋەقەنى قاتتىق تەكشۈرۈپ بىر تەرەپ قىلىشنى تەلەپ قىلدى. 　　مەنبە: جۇڭگو ئۇيغۇرچە رادىيو تورى

8koqa

	توغرا بالا قازالاردىن ساقلىسۇن.

kahrizat

	ئۈچ چاقلىق موتوغىمۇ 14 ئادەم چىقامدۇ ؟ تويماس گۇي

amannisa

	نىم دىسەم بۇلا

akax520

jasur971

	《30 كىشى ئولتۇرغان ئەسلى 21 كىشىلىك بىر ئاپتوبۇس 》    تەرجىمسى خاتا بولۇپ قالدىمۇ قانداق، ئەسلى 《21كىشى ئولتۇرغان ئەسلى 30 كىشىلىك بىر ئاپتوبۇس 》. http://www.chinasafety.gov.cn/ne ... /content_153771.htm

noshirwan

	ماشىنا-موتسېكلىت ھەيدەيدىغانلار ئۆزۈڭلارنىڭمۇ، ئۆزگىلەرنىڭمۇ جېنىغا ئېچىڭلار ئاغرىسۇن، قاتناش قائىدىسى دەيدىغان بىر قائىدىنىڭ بارلىقىنى ئۇنتۇپ قالماڭلار. مۇتلەق كۆپ ساندىكى قاتناش ھادىسىلىرىنىڭ سەۋەبىنى تەكشۈرگەندە، بىر تەرەپتە ياكى ئىككىلا تەرەپتە قاتناش باشقۇرۇش قانۇن-نىزاملىرىغا ئېغىر خىلاپلىق قىلىش ئەھۋاللىرىنىڭ بارلىقى مەلۇم بولىدۇ. يوللاردا بىر-بىرى بىلەن بەسلىشىپ موتسېكلىتنى ئۇچقاندەك مىنىپ كېتىۋاتقان ياش باللىنى كۆرۈپ توۋا دەپ قالىمەن. ئالاقىدار باشقۇرغۇچى تارماقلارمۇ قانۇننى قاتتىق ئىجرا قىلسا، مەسئۇلىيىتىنى تولۇق ئادا قىلسا، بەزى ھادىسىلەرنىڭ ئالدىنى ئېلىشمۇ مۇمكىن. يەنە بىر گەپ، ئۆتكەندە گۇما ناھىيىسىنىڭ بىر يېزىسىدا يېمەك-ئىچمەكتىن زەھەرلىنىپ ئون نەچچە ئادەم قازا قىلغانلىق خەۋىرى تاراتقۇلاردا تارقالغان. شۇ ئىشنىڭ سەۋەبى تەكشۈرۈلۈپ نەتىجىسى ئېلان قىلىنغان بولسا، خەۋەر تېپىپ قالساق بولاتتى.

TIRIXQANBALA

	نىمە دىگەن ئېچىنىشلىق ، بىر موتودىكى 12 ئادەم بىراقلا قازا قىلىشى ھەرقانداق ئادەمنى ئېچىندۇرماي قالمايدۇ ، بۇمۇ قاتناش باشقۇرۇش تارماقلىرنىڭ مەسۇليىتى دەپ قاراشقا بۇلۇدۇ . چۈنكى باشقۇرۇشنىڭ بوشلىغى .

noshirwan

	ئاپتور جاۋابىنى بويلاپ 5قەۋەت  jasur971 كە 2011-10-31 10:11 PMئەۋەتىلدى  : 《30 كىشى ئولتۇرغان ئەسلى 21 كىشىلىك بىر ئاپتوبۇس 》   تەرجىمسى خاتا بولۇپ قالدىمۇ قانداق، ئەسلى 《21كىشى ئولتۇرغان ئەسلى 30 كىشىلىك بىر ئاپتوبۇس 》. http://www.chinasafety.gov.cn/ne ... /content_153771.htm راستىنلا شۇنداقتەك تۇرىدۇ. ئۇيغۇرچە مەنبەسىنى يوللاپ قوياي http://uyghur.people.com.cn/155988/15185268.html

andir

	قاتناش ۋەقەسىدىن خۇدا ساقلىسۇن!

kunsanap

	21 كىشىلىك  ئاپتۇبوسقا  30 ئادەم باسقان بولىشى مۇمكىن ، ئادەتتىمۇ شۇنداق بولدىىغۇ!! قاتناش راستىنلا  خەتەرلىك بوپقالدى ھازىر!!! بۇرۇنقىدەك ئېشەك مىنسەك  ياخشىمىكىن دەپ قالدىم!

anatil0997

	تەرجىمىدىكى خاتالىق ئىكەن،جوڭگۇ ئۇيغۇرچە رادىئو تورىدىكى مەسئۇل مۇھەررىرلەر دېققەت قىلسا بولغۇدەك!

ablat45

	ئاپتور جاۋابىنى بويلاپ 5قەۋەت  jasur971 كە 2011-10-31 10:11 PMئەۋەتىلدى  : 《30 كىشى ئولتۇرغان ئەسلى 21 كىشىلىك بىر ئاپتوبۇس 》   تەرجىمسى خاتا بولۇپ قالدىمۇ قانداق، ئەسلى 《21كىشى ئولتۇرغان ئەسلى 30 كىشىلىك بىر ئاپتوبۇس 》. http://www.chinasafety.gov.cn/ne ... /content_153771.htm خاتا ئەمەس  ماشىنىدا ئادەم ئارتۇق ،  ئۈچ چاقىلىق موتودىمۇ  18 ئادەم ئولتۇرغان  ، بۇلاردىن 12 سى قازا تاپتى ...   ياتقان يىرى جەننەتتە بولغاي

nazle0999

	ئاللاھ  ھەممە بەندىسىنى ئۆز پاناھىدا ساقلىسۇن

zapar

	نىمە دېگەن ئېچىنشلىق ۋەقە بۇ.