ئۆتنە ئالەم بۇ

arkaksu68

	ئۆتنە ئالەم بۇ !!! ئەركەكسۇ ئون ياشلارغا كىرگەن چېغىمدا، ئات مىنەتتىم تال - چىۋىقلاردا، قىيغىتىپ مەن ئەركىن باغلاردا ، يايراپتىمەن سەبىي چاغلاردا ، سۆيۈپ قويساڭ مەڭزىمگە تاتلىق ـ سەزمەپتىمەن مېھرىڭنى ، ئانا ! يىگىرمىگە كىرگەن چېغىمدا، سۆيگۈ گۈلى كۈلۈپ بېغىمدا ، قارىغاي ئۆسۈپ يېشىل تېغىمدا، گۈزەللەرگە كۆكسۈمنى يېرىپ، يۈرىكىمدىن بىر چىمدىم ئورۇن ـ بەرمەپتىمەن بىر ساڭا ئانا !! ئوتتۇز ياشقا كىرگەن چېغىمدا، گاھى تاغدا ، گاھى ئېقىندا ، كۈچ - قۇدرەتلىك قىرانلىقىمدا ، ئۇچتۇم ، ئەمما چۈشمەي بېغىڭغا، ئوچىقىڭغا بىر قالام ئوتۇن يارماپتىمەن سەن ئۈچۈن ئانا!!! قىرىق ياشقا كىرگەن چېغىمدا ، تەڭگە - تىللا يانچۇقلىرىمدا ، ئاق كىرسىمۇ قۇندۇز چېچىمغا، ئەقىل كىرمەي ‹‹ قاپاق›› بېشىمغا - بىر توغرامچە سالماي ئېشىڭغا ‹‹ قارا گۆش ›› دەپ يەپتىمەن ئانا... سەندىن كېيىن قالغان چېغىمدا، بالىلار يوق ھېچبىر قېشىمدا، ئەمما بالا غېمى بېشىمدا، ۋايساپتىمەن ئوغۇل _ قىزىمدىن، (ئىبرەت ئالماي باسقان ئىزىمدىن) يەتمەپتىمەن قەدرىڭگە ، ئانا... پۇت - قوللىرىم قولاشقىنىدا ، كۆزۈم خىرە ( تولاشقىنىدا) ئوتۇنۇم يوق ، ئوت يوق ئوچاقتا، بادرىنى شىلدىم پىچاقتا، پۈۋلەپ ئوتنى قاتقاندا بېشىم ، ئويلاپ يېشىم تۆكۈلدى، ئانا . پۇتتىن ماغدۇر قاچقان چېغىمدا، روناق تاپماي قىلغان ئىشىمدا، تاۋۇت غېمى چۈشتى بېشىمغا، ( ئاھ كەتسەمچۇ ياشراق چېغىمدا) ئاجىزلىقتىن قەلبىڭ ئۆرتىنىپ، سەنمۇ شۇنداق كەتكەنمۇ ، ئانا !!! مەنبە : ئەركەكسۇ ئىجادىيەت خاتىرىسىدىن

1670154432

	ئەجەپ تەسىرلىك يېزىپسىز ،ئادەمنى ئۇيغا سالغىدەك . بىز  پەرزەنتلەر  ئاتا-ئانىمىزنى ،بىزنى بېقىشى كىرەك دەپ ئويلايدىكەنمىز يۇ ،بىزنىڭمۇ ئۇلارنى بېقىش مەجبۇرىيىتىمىز بارلىغىنى ئۇنتۇپ قالىدىكەنمىز ،بىزمۇ ئاتا-ئانا بۇلۇپ ،ئۇلارنىڭ قەدىرىگە يىتەي دىگەندە ئەپسۇس ئاللاقاچان كىچىكىدىكەنمىز .

پالۋان

	قەدىرلەيمەن شېئىرىلىرىمدا، ھۆرمىتىم گەر بولمىسا مەيلى، ئاھ ئۇرىمەن مىسرالىرىمدا، يىغلاتساممۇ ھاياتتا مەيلى، شۇنداق تۇرۇپ ۋاپا تېلەيمەن، بىۋاپالىق مەندىن ئۆتتىغو، ۋاپا قىلماي ۋاپا كۈتمىگىن، بىلگىن بۇلار رەببىمنىڭ پەيلىغو.

kahrizat

	ئاجايىپ ياخشى يېزىلىپتۇ، سىزگە كۆپ رەھمەت

banggi

	بار چېغىدا قەدرىنى بىلمەي ئۇلۇپ كەتكەندە يىغلاپ قاخشىغىنىمىز بىكاركەن ............

zulayha

	[mp3=1]http://lstc.hzfzm.cn/mp3player/%B9%C5%B5%E4%D2%F4%C0%D65-6%D4%C2/%B0%E0%B5%C2%C8%F0%C3%D4%CE%ED%C9%AD%C1%D6.mp3[/mp3]

nim-japa

	نادىرلىغۇدەك تېمىكەن !!

xahida223

	ئىسىل شېئىر ئىكەن.

j@h@ng!r

	ئەجەپ تەسىرلىك يېزىپسىز ،ئادەمنى ئۇيغا سالغىدەك ...........

ubul0998

	بۈگۈن كۆرگەن ئەڭ ئىسىل تىما.