تۆمۇر ئاياقلىق ئەزىمەت ئەتە ئۇرۇمچىگە يېتىپ بارىدۇ.
پۈتىغا تۆمۇر ئاياقنى كىيىپ غۇلجىدىن ئۇرۇمچىگىچە بولغان 700 كېلىمېتىر يولنى تاقىلاپ مېڭىش نە قەدەر قىيىن ھە ؟ ! بۇ يىل 5- ئاينىڭ ئاخىرىدا بىز بىرقانچەيلەن 10 كېلومېتىر تاغ يولىنى پىيادە بېسىم قالدۇق، ھېلىمى ئېسىمدە بۇ يولنى مېڭىپ تۈگەتكىچە 3و يەردە ئولتۇرۇپ، ھاسىراپ، ھۆمۇدەپ، تەرلىمىز چىپىلداپ ئېقىپ، ۋايساي دىسەك ئەر كىشى، چىدىغانغا چىقارغان، پىيادە ماڭىمىز دەپ كېلىشىم ھاسىل قىلغان. ۋايسىساق ئەرلىككە توغرا كەلمەس؟ ئىش قىلىپ دەردىمىزنى ئۆزىمىز بىلگەن.
مانا قاراڭ بۇ تۆمۇر ئاياقلىق ئەزىمەت بىلەت پۈتبول ئەلچىسى دىلشات باتورانا ھالدا 2011- يىلى 10 – ئاينىڭ 13 – كۈنى غۇلجىدىن يولغا چىقىپ، تەلكە تېخى ئېتىكىنى بويلاپ، تىك تاغۇـ تاش ، داۋانلاردىن ھالقىپ، بوران ـ چاپقۇن، يامغۇرلارغا پەرۋا قىلماي سەپىرىنى داۋاملاشتۇرۇپ ئەتە 10- ئاينىڭ 28- كۈنى ئۇلۇغ جەمە كۈنىدە، مەركىزى شەھەر ئۇرۇمچىگە يېتىپ بارىدۇ. (ئاللا ئۇلارنىڭ يولىنى راۋان قىلغاي)
ئۇلار يولدا نىمە قىيىنچىلىقلارغا ئۇچرىمىدى دەيسىز ؟ تىك داۋان يولىنى توستى، تەلكە ئېتىكى دە كەچ كۈزنىڭ سوغۇق شامىلى ئۇلارغا قارشىلىق قىلدى، يامغۇر ئۇلارنىڭ يولىغا يىڭى بىر مۇشكىلات قوشتى، لىكىن باتۇر ئەزىمەتلەر، ئۇيغۇرلارغا خاس غورۇر، باتورلۇق، جەسۈرلۈك، تەۋەككۈلچىلىك بىلەن ئالغا ئىلگىرلەۋەردى. ئۇلار ئالدىدىكى مۇشكىلاتلارغا پەرۋا قىلماي، مۇشكۈللاتلارغا خىتاپ قىلاتتى: ‹‹ تىك داۋان، بوران ـ شىۋىرغان، يامغۇر يېشىن مۇشكىلات ئەمەس،بىز ئۇيغۇر ئەزىمەتلىرىنىڭ باتۇر، تەۋەككىلانە روھىنى ھەرگىزمۇ بويسۇندۇرالمايسىلەر، بىز ئۇيغۇر ئەزىمەتلىرى بولىدىكەنمىز، بىز چوقۇم ئاخىرقى پەللىگە يېتىپ بارىمىز! بىز چوقۇم غەلبە تەنتەنىسگە چۆمىمىز! غەلقىمىزنىڭ، بىزدىن كۈتكەن ئۈمىدىنى ھەرگىز يەردە قالمايدۇ! خەلقىمىز چوقۇم بىزنى ئاخىرقى پەللىدە ئالقىشلار بىلەن كۈتىۋالىدۇ! ئالغا! ئالغا! ئالغا!›› مانا ئۇلار قەدەممۇ قەدەم ئىلگىرلەپ كېتىپ بارماقتا، غەلبە بايرىقىنى ئېگىز كۆتۈرۈپ،ئالغا باسماقتا. ئۇلارنىڭ دىلىدا بۈيۈك ئارزۇ ۋە نىشان، ئۇلار يۇرت جامەئەتىنىڭ ئوتلۇق سالىمىنى مەركىزى شەھەرگە ئېلىپ ماڭماڭتا. سالام مەركىزى شەھەر! سالام خەلقىم! بىز ئۇيغۇر ئەزىمەتلىرىدىن سىلەرگە سالام! ئەزىمەتلىرىڭلار داۋاملىق ئىزدەنمەكتە، تىرىشماقتا،بىز ئۆزىمىزنىڭ غەلبىسى ئارقىلىق سىلەرگە سوغا تەييارلايمىز !
ئۇچۇرلا تورىنىڭ قۇرغۇچىسى تومۇر ئاياقلىق ئەزىمەت ئەھەت يۈسۈپ، ۋە پۈتبول ئەلچىسى دىلشات ئىنىلىرىمىز ئەتە ئۇرۇمچىگە يېتىپ بارماقچى ئۇرۇمچىدىكى قېرىنداشلارنىڭ ئۇلارنى كۈتىۋىلىشىنى تەۋسىيە قىلىمىز .
ئەلقۇت مەرىپەت تورىدىن : تاشپولات بىلال
تۆۋەندىكىلەر ئۇلارغا مۇناسىۋەتلىك رەسىم ۋە فىلىم بار بەتلەر :
http://www.elqut.cn/read.php?tid=45551
http://www.elqut.cn/read.php?tid=45856