«يېڭى»دىن بىزار بولدۇم

ئىمكان

	مەن مۇشۇ «يېڭى»، «ئەڭ يېڭى» دىگەنلەردىن ئۆلگىدەك بىزار بولۇپ كەتتىم. بۇنىڭ قىسچىلا قىلىپ مۇنداق چۈشەندۈرەي. مەن ئەزەلدىن پىلاستىنكا بازارلىرىنى ئايلانمايمەن. چۈنكى ئىزدىمەكچى بولغان نەرسىلىرىمنى ئاساسەن توردىن ئىزدەپ تاپالايمەن. تاپالمىغانلىرىمنى باشقا دوستلىرىمدىن ئىزدەيمەن. بىر كۈنى ئاكام بىلەن بازار ئايلىنىپ كېتىپ بارغان ئىدۇق. ئاكام پىلاستىنكا بازىرىنى بىر ئايلىنىپ كەلسەك دىگەن پىكىرنى ئوتتۇرغا قويدى شۇنىڭ بىلەن مەنمۇ ئارتۇق گەپ قىلماستىن ئۇنىڭ كەينىدىن ئەگىشىپ بېرىپ پىلاستىنكىلارنى بىر-بىرلەپ كۆرۈشكە باشلىدىم. پىلاستىنكا ئۈستىگە يېزىلغان خەتلەر شۇنداق پوچى ئىكەنكى ئەيۋۇھانناس... ئادەمنىڭ جېقلىقى سەۋەپلىك پىلاستىنكىنى قويۇپ سىناپ باققۇدەك ئىمكانىيەت يوق ئىدى. شۇنداق قارىسام بىر توپ پىلاستىنكىنىڭ ئۈستىگە «2011-يىلى ‹ئەڭ يېڭى› تەرجىمە قىلىنغان فىلىم»، «بۇ يىلقى ‹ئەڭ يېڭى› نادىر فىلىم»، «2011-يىللىق ‹ئەڭ يېڭى› مودا ناخشىلار»، «2011-يىللىق ‹ئەڭ يېڭى› مۇڭ كۈيلەر».... دىگەندەك. مەن «....‹ئەڭ يېڭى›........» دەپ يېزىپ قويغان پىلاستىنكىدىن بىرنى ئالدىم. ئۆيگە ئېلىپ كەلگەندىن كېيىن DVDغا سېلىپ قويسام جى جى جى.... قىلىپ ئاران ئاران سۆرەپ ناخشا چىقىشقا باشلىدى، ھەقىقەتەن ئالدىدىكى بىر نەچچە ناخشىسى يېڭى چىققان ناخشىلار ئىدى. 5-دىن باشلاپ ناخشىنىڭ مۇزىكىسى چىقىشى بىلەنلا ئۆتكۈزۈپ ماڭدىم. 40-ناخشىغا بارغاندا DVD ئاپپاراتىم پەقەت ماڭمىدى.... مەن خەجلىگەن 10 يۈەن پۇلۇمغا ئەمەس ئاشۇ تېتىقسىز پىلاستىنكىنى كۆرۈشكە سەرىپ قىلغان ۋاقتىمغا ئىچىم ئاغىرىپ قالدى.... مەن يۇمۇر كۆرۈشكە ئىنتايىن ئامراق. بىكار ۋاقىتلىرىم بولسىلا ھەر خىل گېزىت ژورناللاردىن ئاختۇرۇپ يۈرۈپ يۇمۇر كۆرىمەن. شۇڭا قىززىق يۇمۇر دىگەندەكلەرنى كۆرۈپ قالسام تۇرالماي قالىمەن. بىر كۈنى مۇنبەر ئارىلاپ زىرىكىپ قىززىق يۇمۇر بولسا ئوقۇپ باقايچۇ دەپ يۇمۇرخانىغا كىردىم. تېمىسىغا قاراپلا خۇشاللىقىم 120 گەزگە چىقتى، «ھەر نىمە بولسا بۈگۈن قۇرۇق قايتمايدىغان بولدۇم» دەپ ئويلاپ «......‹ئەڭ يېڭى›.....يۇمۇر» دىگەن بىر تېمىنى چىكىپ قارىسام ماڭا ناتۇنۇش يۇمۇردىن يېرىم تالمۇ يوقكەن، بۇنىڭدىن ئۈمىتسىزلىنىپ يەنە باشقا بىرسىنى چېكىپ باقتىم، خۇداغا شۈكرى مەن كۆرۈپ باقمىغان يۇمۇردىن ئىككىسى باركەن بىر كۈلىۋېلىپ ئىنكاس قالدۇرۇپ قويۇپ چىقىپ كەتتىم. شۇ تەرىقىدە قانچىلىغان تېمىلارنى چىكىپ باقتىم، ئەپسۇس مەن كىرگەن قىررىق ئەللىكتەك يۇمۇر تېمىسى ئىچىدىن مىنى رازى قىلالىغۇدەك، ماڭا يېڭى تۇيۇلغان يۇمۇرلاردىن ئاران 10 نەچچىنى كۆردۈم. يۇمۇر كۆرەي دەپ يەنە بىر تېمىغا مائۇسنى سۆرەپ بولۇپ چىكىشكە پېتىنالمىدىم، چۈنكى ھەر بىر تېمىنى ئېچىپ بولۇپ بارا-بارا ئۈمۈتسىزلەنمەكتە ئىدىم. يەنە شۇ «يېڭى» يۇمۇر ئوقۇيمەن دەپ تېتىقسىز كونا يۇمۇرلارنى ئوقىۋالغان ۋاقتىمغا ئىچىم سىيرىلىپ كەتتى... مەن ناخشىلارغا بولۇپمۇ شوخ ناخشىلارغا بەك ئامراق، قېرىشقاندەك ناخشىچىلىرىمىزنىڭ ھەممىسى لىرىك مۇڭ ناخشىلارنى ئېيتىۋالىدىغان بولۇپ قالدى، شۇنچە قىلىپ شوخ ناخشىلارنى يىغقان بولساممۇ، بىر ھۆججەت قىسقۇچنىڭ كۆپ قىسسىمىنى لىرىك ناخشىلار قاپلاپ كىتىدۇ دىسە، ھى ھى ھى ... ئەمىلىيەتتە لىرىك ناخشىلارمۇ ياخشى ئەمەسمۇ؟  پىلاستىنكا بازىرىدىن زىرىكىپ تور دۇنياسىغا ئۆزۈمنى ئاتتىم. قارىسام «ئەڭ يېڭى» ناخشىلار دىگەن خەتلەر ئۆزىنى تۇتىۋالالماستىن چاقناپ كىتىشىپتۇ، ئاشۇ «ئەڭ يېڭى»دىن بىرنى چىكىپ ئېچىپ باقتىم. مىنى ھەقىقەتەن رازى قىلغۇدەك ناخشىلاردىن بىر نەچچىنى چۈشۈرىۋېلىپ چىكىنىپ ئاستىدىكىراق يەردىكى «ئەڭ يېڭى» دىگەن يەرنى چىكىپ كىرىپ باقتىم. بۇ ناخشىلار سەل كونا بولسىمۇ ھەر ھالدا ماڭا ياققانلىرى چىقىپ قالدى، بىر نەچچىسىنى چۈشۈرىۋېلىپ چىكىنىپ كېنكى «ئەڭ يېڭى»نىڭ ئىچىگە كىرىپ سەل ئۈمۈتسىزلەندىم چۈنكى بۇلار بىر يىل ئاۋالقى بولمىسا نەچچە يىل ئاۋالقى ناخشىلار ئىدى. ئاستىغا چۈشكەنسىرى «يېڭى» دىگەن بۇ پارقىراق چىرايلىق خەتلەر كۆزۈمگە سەت كۆرۈنىدىغان بولۇپ قالدى.... يېزىنىڭ بازىرى ئىنتايىن قىززىيدۇ. مەن يېزىدا تۇغۇلۇپ ئۆسكەن بولساممۇ لىكىن تۈزۈك بىر قېتىم يېزا بازىرىنى ئايلىنىپ باقماپتىمەن، بىر كۈنى ئاپام بىلەن بازار ئايلىنىشقا چىقتىم. ئەمما تولا زىرىكتىم، ئاپام بولغانلىقى ئۈچۈنلا ئۇنىڭغا بازار ئايلىنىشىپ بىرىۋاتقىنىم ئېنىق ئىدى. كىتىپ بارسام بىر سودىگەرنىڭ ئاۋازى خىرىدار چاقىرىۋاتاتتى. « بۇ يىلىقى ‹ئەڭ يېڭى›پاسون قېنى تاللاڭلا، خىللاڭلا، باھاسى ئەرزان، سۈپىتى ياخشى» مىنى جەلىپ قىلغان بۇ ئاۋازنىڭ قېشىغا ئادەملەر توپى ئارىسىدىن قىسىلىپ يۈرۈپ ئاران دىگەندە كىرىۋالدىم. قارىسام ئۇششاق چۈششەك نەرسىلەر بەركەن، نىمىلىكىنى ئەسلى دىمەي دىگەن ئىدىم ئەمدى دىمىسەم بولمىدى. پايپاق كۇسار، ئاياللارنىڭ ئىچ كىيمى دىگەندەكلار شۇ. غەززىپىم كېلىپ مۇشتلىرىم تۈگۈلۈپ كەتتى، مۇشۇ نەرسىلىرىڭنىمۇ «‹ئەڭ يېڭى› پاسون دەپ ساتامسەن؟» دەپ بىر ئۇرىشاي دىگەن ئەمما ئاپام ئالدىرىتىپ ئاچچىقىمنى ئىچىمگە يۈتۈپ كېتىپ قالدىم. ئەمما ماۋۇ لاۋزا سودىگەرنىڭ خېرىدار چاقىرىش ئۈچۈن دەۋاتقان گەپلىرى بىلەن ئالدىدىكى نەرسىلىرىنى، تېخى ئۇنى ئازدەپ ئالدىدىكى ئۇششاق بالىلارنى يىتىلىشىپ يۈرۈپ نەرسە كېرەك تاللاۋاتقان ئاتا-ئانىلارغا، قىزلارغا غەززىپىم كەلدى. ئەمدى «ئەڭ يېڭى» دىگەن گەپنى ئاڭلىغۇدەك تاقىتىم قالمىدى.... ھەر كەسىپ ھەر ساھەدىكىلەرگە شۇنداق ئەسكەرتىپ قويغۇم كېلىدۇ. «ئەڭ يېڭى» دىگەنمۇ گەپمۇ؟ ھازىر قانداق زامان؟ سىزنىڭ «ئەڭ يېڭى» نەرسىڭىز ئەڭ ئۇزاق «يېڭى» بولسا بەش يىل يېڭى بولار. سىز سېتىۋاتقان «ئەڭ يېڭى» كىنولار بەك ئۇزۇن يېڭى بولسا يېرىم يىل «يېڭى» بولار. سىز سېتىۋاتقان كىيىم كېچەكلەرمۇ بىر يىلدىن ئېشىپ «ئەڭ يېڭى مودا» بولالمايدۇ ئەلۋەتتە. ناخشىلارغۇ 3 ئايدىلا كونىغا ھېساپ. شۇڭا سۆز ئىبارىلەرنى ئىشلەتكەندە دىققەت قىلساق. سىز بىر نەچچە ئاي ئىلگىرى «ئەڭ يېڭى» دەپ چىقىرىپ قويغان نەرسىلىرىڭىز، ھازىر كونىغا تەۋە.  شۇڭا .ئۇنى ھازىر قايتا «يېڭى» دەپ بازارغا سالماڭ. مەنبە: ئۆزۈم «ئەڭ يېڭى» نۇسخىسى

JAWLAN622

	سىز مەن ئويلىغاننى ئويلاپلا يېزىپسىز.ھازىر بازاردىن پىلاستىنكا سېتىۋالسا ئەڭ يېڭى كىنو دىگەندىن بىرسى يېىڭى باشقسى كونا كىنو.شۇڭا بازاردىن دەي ئالمايمەن ھازىر . ھەي قاچانمۇ تۇگەر ئۈن سىن بازىدىكى قالايمىقانچلىق

wisalay

	ئەڭ يېڭى يازمىڭىزغىمۇ ھىچكىم ئىنكاس يازماپتۇ،قارىغاندا بۇنىڭمۇ ۋاختى ئۆتۈپتۇ دە.

zulayha

	بۇنچىلىك ئىشقا ئىچىڭىزنى ئۆرتەۋەرسىڭىز  ، يۈرەك توشۇمايدۇ كىيىنچە .  ھە بولدى ....سەنمۇ  يېڭى، ئەڭ يېڭى بولدىمۇ دەۋېتىپ قارنىڭىزنى بوشۇتۇپ ئازادە ياشىمامسىز . ئىچ ئېچىشىدىغان لاپىزىدەك ئەلەملەر مىللەت بېشىدا سەي قورۇيدىغان چۈمۈچتەك  قاراپ تۇرسا ، بۇ كىچىككىنە ئىشلار ئۈچۈ ن ۋاقىت زايە قىلماڭ . زىھنىڭىزگە ئالماڭ . خۇددى باشقىلاردەك  ۋايجان يەنە شۇكىنە ...دەپلا چىقىپ كېتىپ ئېسىل تېمىلارنى كۆرۈڭ. مېنىڭ تېمىلىرىمنىڭ ئىچىدە يېڭى... ئەڭ يېڭى بىر تېمام بار . ئۇ بولسىمۇ ‹بۆرىلەر نىداسى› دىگەن يىپيېڭى بىر تېما... ئوقۇپ بېقىڭ . چوۇقۇم سىز گە يارايدۇ . ھى ھى ھى  چوقۇم مۇشۇنداق كۈلۈپ ياشايلى قوزام .

ئىمكان

	ھى ھى ھى ... ئىچىمنى ئۆرتىمىدىم. ئەمما «يېڭى» دىگەن سۆزگە ئۆچ بولۇپ قالدىم. سىز ئەسىرىڭىزنىڭ ئادىرسىنى قالدۇرۇپ قويماپسىزغۇ؟

1670154432

	بۇنداق ئىشلاردىن رەنجىپ يۇرسىڭىز ،يۇغانراق چىققان لەغمەن  چۇپىگە ئېسىلىپ ئۇلىۋالسىڭىزلا بۇلىدۇ بۇ جاھاندا ،چۇنكى ھازىر ساق پۇل ئەمەس ساراڭ پۇل ،قاپاق پۇل ئەمەس باراڭ پۇل دەپ ياشايدىغانلار كۇرمىڭ ،بۇنداق ئىشلارغا پىسەنت قىلماي يۇرىۋېرىڭ، ھەممە ئىشلار ئاستا-ئاستا ئوز يۇلىنى تاپىدۇ.

hapil

	يېڭى»دىن بىزار بولدۇم ، مەن تۇگەشتىم . چۈنكى قىز دوستۇم يېڭى يىگىت تېپىۋاپتۇ ...

möljarli

	يۇقىرىدىكى تېمىنىڭ ئاچچىق ئىپادىسىگە، مىساللارنىڭ بىر-تەرەپلىمىلىكىگە قاراپلا، ئاپتۇرنىڭ يۇمۇرلارغىلا قىززىقىدىغانلىقىنى بىلىۋېلىشقا بۇلىدىكەن. تېمىغا ئىكاس يازغان قېرىنداشلىرىم ھەقىقەتەن ياخشى تەۋسىيەلەرنى بىرىپتۇ . خېلى كۈنلەر بولغانتى كۈلمىگىلى، ئازراق بولسىمۇ كۈلۈپ سالدىم ، رەھمەت . مىنىڭمۇ ئاپتۇرغا بىر تەۋسىيەم، نەرسىنىڭ تېشىدىكى پاقىراق ۋال-ۋۇللار «يېڭى» بولمايدۇ. ئەسلى يېڭى ئۇنىڭ ئىچىدىكى گۈزەللىك قىممىتى . سىزگە سەت كۆرۈنگەن «يېڭى» نەرسىدىن يەنە بىرنى كۆرۈپ قالسىڭىز، ئاچچىغىڭىزدا كۆزىڭىزنى يۇمىۋالماي، ياخشىراق قاراپ قۇياڭ. ھېچ بولمىسا توغرا باھا بېرىشكە پايدىسى بۇلىدۇ . « قايتا كىرىدىغان ئىشىكنى ئاستاراق يېپىپ چىق، يەنە كىرىشتە خىجالەت بولمايسەن ». «خەلىق سۆزلىرىدىن» سالامەت بولۇڭ