پېرىسپېكتىۋ كۆز ئەينەك راستىنلا مەۋجۇتمۇ؟

كارۋان

	مۇخبىرىمىز نەجمىدىن نەسىردىن. تورغا چىققىنىڭىزدا بەلكىم پېرىسپېكتىۋ‹‹تاقىغاندا كىيىمدىن ئۆتۈپ بەدەننىڭ يالىڭاچ ھالېتىنى كۆرگىلى بولىدىغان كۆزئەينەك››نىڭ ئېلانى بىلەن ئۇچراشقانسىز،بەلكىم دوسلىرىڭىزدىن ئاڭلىغانسىز ۋە ياكى بۇ خىل كۆز ئەينەكنى سېتىۋېلىپ،‹‹سېھرى››نى ھىچكىمگە ئېيتالماي يۈرگەنسىز.پېرىسپېكتىۋ كۆز ئەينەك نۆۋەتتە كىشىلەر ئارىسىدىكى قىززىق تېمىلارنىڭ بىرىگە ئايلانماقتا.ئۇنداقتا،پېرىسپېكتىۋ كۆز ئەينەك راستىنلا مەۋجۈتمۇ،ئۇنىڭ راستىنلا شۇنداق سېھىرلىك خۇسۇسيىتى بارمۇ؟                                   توردا سېتىلۋاتقىنى راسىت پېرىسپېكتىۋ كۆز ئەينەكمۇ؟ مۇخبىر‹‹بەيدۇ ئىزدەش تورى››دىن‹‹پېرىسپېكتىۋ كۆز ئەينەك››كە ئائىت ئۇچۇرنى ئىزدەپ،ئۇنى ساتىدىغان تور بىكەتلىرىنى تىزلا تاپتى.تور بىكىتىدە مەزكۇر ئەينەكنىڭ تونۇشتۇرلىشى،ئىشلىتىلىش ئۇسۇلى،سۈرەتلىرى،سېتۋالغاندا دىققەت قىلىشقا تىگىشلىك ئىشلار قاتارلىق مەزمۇنلار بولۇپ،تۈرلۈك تىپ،پاسوندىكى،ھەتتا يۇشۇرۇن شەكىلدىكى پېرىسپېكتىۋ كۆز ئەينەكلەر بار ئىدى. كۆز ئەينەكلەرگە 1000يۈئەندىن2000 يۈئەنگىچە باھا قۇيۇلغاندى.مۇخبىر ئىستىمالچى سۈپىتىدە مەلۇم تور بىكىتىدە قالدۇرۇلغان تېلفۇن نۇمۇرى ئارقىلىق ساتقۇچى بىلەن ئالاقىلاشتى.:‹‹دۇكىنىمىزدىكى پېرىسپېكتىۋ كۆز ئەينەكلەر ئامېرىكىنىڭ ئەڭ يېڭى تېخنىكىسى ئارقىلىق ياسالغان،سۈزۈكلۈك دەرىجىسى يۇقىرى،تاقىسىڭىز،ھەر قانداق ئادەمنىڭ يالىڭاچ قىياپىتىنى كۆرەلەيسىز.بۇ كۆز ئەينەكنىڭ يىپەك، تالالىق رەخىتكە بولغان ئۈنۈمى تېخىمۇ ياخشى››دېدى.مۇخبىر كۆز ئەينەكلەرنىڭ باھاسىنىڭ نىمە ئۈچۈن پەرىقلىندىغانلىقىنى سورىغىنىدا،ساتقۇچى:‹‹پېرىسپېكتىۋ كۆز ئەينەكلەرنىڭ باھاسىنىڭ ئوخشىماسلىقىغا قاراپ سۈزۈكلۈك دەرىجىسىمۇ ئوخشىمايدۇ.يۇشۇرۇن شەكىلدىكى كۆز ئەينەك ھەجىم جەھەتتىن كىچىك بولغاچقا،ئۇنى ياساشتا قوللىندىغان تېخنىكنىڭ ئىلغار بولىشى تەلەپ قىلىندۇ.شۇڭا بۇ خىلدىكى پېرىسپېكتىۋ كۆز ئەينەك ئادەتتىكىگە قارىغاندا قىممەت بولىدۇ ››دېدى. مۇخبىر ساتقۇچىدىن مالنىڭ سۈپىتىدىن مەسلە چىقسا قانداق قىلىدىغانلىقىنى سورىغاندا،ئۇ:‹‹سۈپەتتىن چاتاق چىقىشى مۇمكىن ئەمەس،ناۋادا چاتاق چىقسا،بىز بىلەن ئالاقىلىشىپ مالنى قايتۇرسىڭىز بۇلىدۇ››دېدى.                         ‹‹ پېرىسپېكتىۋ كۆز ئەينەك››نىڭ كەشىپ قىلىنغىنى يوق. مۇخبىر پېرىسپېكتىۋ كۆز ئەينەك تېخنىكىسىنىڭ بار -يوقلىغىنى بىلىش ئۈچۈن شىنجاڭ ئۇنىۋېرستېتى فىزىكا ئىنىستۇتىنىڭ پىروفېسسورى ئابدۇرۇسۇل ئابدۇرېشىتنى زىيارەت قىلدى.ئۇ مۇنداق دېدى: -مەلۇم جىسىمدىن ئۇنىڭ ئرقىسىدىكى جىسىمنى كۆرۈشنى فىزىكىلىق تەدبىر ئارقىلىق ئەمەلگە ئاشۇرغىلى بولىدۇ.ئىنفرا قىزىل نۇرنىڭ تىشىپ ئۆتۈش ئىقتىدارى بىر قەدەر يۇقىرى،ئەمما ئۇنى كۆز ئارقىلىق كۆرگىلى بولمايدۇ.فىزىكىلىق ئۇسۇل ئارقىلىق مەلۇم جىسىمنىڭ ئارقىسىدىكى يەنە بىر جىسىم قايتۇرغان ئىنفرا قىزىل نۇرنى قۇبۇل قىلىپ،ئانىن ئۇنى ئەسۋاب ئارقىلىق ئادەملەرنىڭ كۆرۈش دائىرسىگە كىرگۈزۈپ،ئارقىدىكى جىسىمنىڭ شەكلىنى كۆرۈش تامامەن مۇمكىن،ئەمما ئۇنىڭ ئېنىقلىق دەرىجىسى يۇقىرى بولمايدۇ.بۇ ئىنفرا قىزىل نۇردىن ئۈنۈملۈك پايدىلىنغان تېخنىكا بولۇپ،ھەربىي ئاۋىياتسىيە ئىشلىرىدا كەڭ قوللىنىلىدۇ،ئەمما بۇ تېخنىڭ كۆز ئەينەك،ئەمەلگە ئېشىشى مۇمكىن ئەمەس،چۈنكى كۆز ئەينەك سىرتىغا مەلۇم ئىنفرا قىزىل نۇرنى ئايرىپ قۇبۇل قىلىش ماددىسى سۈرتۈپ،ئىنفرا قىزىل نۇرنى ئايرىم قۇبۇل قىلىش مەقسىدىگە يەتكەن تەقدىردىمۇ،ئۇنى يەنە كىشىلەر كۆرەلەيدىغان دائىرىگە كىرگۈزۈش ئۈچۈن ھەجىمى چوڭ بولغان ئالاھىدە ئەسۋاب بولىشى كىرەك.ماتىرياللاردا كۆرسىتىلىشچە،بۇنداق كۆز ئەينەكنىڭ تېخى دۇنيا مىقياسىدا بارلىققا كەلگىنى يوقكەن.                                                   ئالدىنىپ قېلىشتىن ساقلىنىڭ! مۇخبىر توردا سېتىلۋاتقان پېرىسپېكتىۋ كۆز ئەينەكنىڭ يالغانلىقىنى مۇئەييەنلەشتۈرگەندىن كىيىن،ئاپتۇنۇم رايۇنلۇق س س م ب ئىدارىسىدىكى مەسئۇل خادىمنى زىيارەت قىلدى.ئۇ مۇنداق دېدى: -ھازىرقى ئېلان قانۇنىدا تور،قىسقا ئۇچۇر قاتارلىق يېڭى شەكىلدىكى ئېلان ۋاستىلىرى ئۇچۇق ئەسكەرتىلمىگەن،شۇڭا قانۇن ئىجراچى بۇ خىلدىكى قانۇنسىز قىلمىشلارنى بىر تەرەپ قىلىشتا تايانچىسىز قالغان.يېڭى ئېلان قانۇنى مۇزاكىرە قىلنىۋاتقىنىغا ئىككى يىلچە ۋاقىت بولدى،يېقىندا يولغا قۇيۇلۇشى مۇمكىن.يېڭى قانۇن ئارقىلىق بۇ مەسىلىلەرنىڭ ئۈنۈملۈك ئالدىنى ئالغىلى بولىدۇ.تور ئېلانى يېڭى تىپتىكى ئېلان ۋاستىسى بولۇش سۈپىتى بىلەن يېڭىلىشچانلىقى تېز،نازارەت قىلىش قىيىن،توردىكى قانۇنسىز ئېلان،قىلمىشلارنى توسۇشتا گەرچە تېخنىك خادىملىرىمىز زور كۈچ سەرىپ قىلىۋاتقان بولسىمۇ،قىيىنچىلىقلار يەنىلا مەۋجۈت. مۇخبىر ئىستىمالچىلار پېرىسپېكتىۋ كۆز ئەينەكنى سېتىۋېلىپ ئىقتىزادىي زىيانغا ئۇچرىغاندا مەنپەئىتىنى قانداق قوغداش كىرەكلىكىنى سورىغاندا،ئۇ مۇنداق دېدى: -بۇ خىلدىكى كۆز ئەينەكلەرنى سېتىۋېلىپ باشقىلارنىڭ يالىڭاچ ھالىتىنى كۆرۈش كىشلەرنىڭ شەخسىيەت ھۇقۇقىغا چېقىلغانلىق بولىدۇ،شۇڭاپېرىسپېكتىۋ كۆز ئەينەك سېتىۋالغان ئىستىمالچىلارنىڭ مەنپەئىتىنى قوغداشمۇ تەس.شۇڭا ئىستىمالچىلارغا ئەسكەرتىدىغىنىمىز،توردىن تاۋار سېتىۋالغاندا چۇقۇم قانۇنلۇق تور بىكەتلەردىن راس تاۋار سېتىۋېلىشى،ھەر ۋاقىت ھۇشىيار بولۇپ،ئالدىنىپ قېلىشنىڭ ئالدىنى ئېلىش كىرەك. 14 -ئۆكتەبىر قانۇنچىلىق گېزىتىدىن ئېلىندى.

sargarda

	جاھان  دېگەندە  ھەر  خىل  ئىشلار  باردە   ، توۋا...   تۇخۇم  بىلەن  تۇخۇم  ئوخشاشقۇ  ؟

1670154432

	ۋاي خۇدايىم مۇشۇنداق كوزئەينەك چىققان تەقدىردىمۇ ئالىدىغان ئادەملەر چىقارما؟بۇنداق كوزئەينەك سېتىۋالغۇچىلار ساختا مال ئېلڭپ ئالدىنىو قالغان تەقدىردىمۇ ،مال ساتقۇچىنى ئەمەس سېتىۋالغۇچىنى جازالاش كىرەك دەپ قارايمەن ،تېما ئىگىسىگە رەخمەت جاپا چىكىپسىز، بىزنى ئاگاھلاندۇرغىنىڭزغا كوپ تەشەككۇر.

jasur777

	تىخى ياسال ماپتىغۇ كارۋان ئاكا  يىقىندىن بۇيان تىما يوللىماس بولۇپ كەتتىڭىز غۇ!!!!!

jasur777

	چچ

Uyghun

	بۇنداق كوز ئەينەكنى ئېلىپ ئالدىنىپ قالسا مەيلىغۇ . بولسا مۇشۇنداق ئەخلاقسىزلار كوپرەك ئالدانسۇن.

ubul0998

	توۋا  يالغان خەۋەركەندە، ئاياللارنى بىرمۇنچە قورقۇنجىغا سالدى.

nurmamat0997

	نىم دىسەك بۇلار،،،،، چىقمىغىنى ياخشى بوپتۇ،،، لىكىن ئاشۇنداق كۆز ئەينەكنى سېتىۋېلىشقا نىيەت قىلغانلارنى ،،، ھەي

xahlaay

	بۇ خەۋەرنى مەكتەپتە ئوقۇپ ھەيران قالغانىدىم.

uzumtal

	ئاپتور جاۋابىنى بويلاپ 7قەۋەت  nurmamat0997 كە 2011-10-25 09:29 PMئەۋەتىلدى  : نىم دىسەك بۇلار،،،،، چىقمىغىنى ياخشى بوپتۇ،،، لىكىن ئاشۇنداق كۆز ئەينەكنى سېتىۋېلىشقا نىيەت قىلغانلارنى ،،، ھەي