ئۇيغۇرلار ئىچىدىن تۇنجى بولۇپ پۇتبول تەپك

JAWLAN622

	مىسرانىمدا پۇتبول ۋە تەنتەربىيىگە دائىر تېمىلار ۋە خەۋەرلەر سەل ئازىراق يوللىنىدىكەن.شۇڭلاشقا مىسرانىمدىكى پۇتبول ھەۋەسكارلىرىنىڭ  ھوزۇرىغا بۇ تېمىنى تەقدىم ئېتىمەن. ئۇيغۇرلار ئىچىدىن تۇنجى بولۇپ پۇتبول تەپكەن يىگىت                               1870 - يىلى ئېنگىلاند مانچىسىتىر پورتىدىكى ئىشچىلار ئارىسىدا 20 ياشنىڭ قارىسىنى ئالغان بىر گەۋدىلىك ئۇيغۇر يىگىتى پەيدا بولىدۇ. ھەمدە پورىت ئىشچىلىرى بىلەن بىرلىكتە ئوينايدۇ. بىللە توپ تېپىدۇ. ئۇ بۇ يەرگە كېلىپ بىر ئايغا يەتمىگەن ۋاقىت ئىچىدە ئاددىي ئىنگىلىز تىلىنى ئۈگۈنۋالىدۇ. ئۇ يەردىكى كىشىلەر بىلەن ئاسانلا چىقىشىپ كېتىدۇ ھەمدە توپ تېپىشنى ئۈگۈنۋالىدۇ. يەرلىك كىشىلەر سەن قەيەرلىك ، نەدىن كەلگەن دەپ سورىسا ، ئۇ ئۇزاق ئويلىنىپ كېتىپ مەن ئاتۇش ئىكساقلىق دەپ جاۋاپ بېرىدۇ. بۇنىڭغا قىزىققان ئېنگىلانىدلىقلار خەرىتىنى ئاختۇرۇپ يەر شارىدا ئۇنداق ئىكساق ناملىق يەر بارلىقىنى تاپالمايدۇ. بۇ يىگىت بولسا ، ئۇيغۇرلار ئارىسىدا تۇنجى بولۇپ توپ تەپكەن كىشى ‹‹ ھاشىم بالىخان ›› دۇر.      ھاشىم بالىخان ناھايتى كىچىك ۋاقتىدىلا ئاتا ئانىسى تۈگەپ كېتىدۇ. ھاممىسى ئۇنىڭغا قۇرئان ئۈگىتىدۇ. ئۇ يەنە ئاتۇشتا باغۋەنچىلىكنى ئۈگىنۋالىدۇ. 18،17 ياش ۋاقىتلىرىدا ھاممىسى بىلەن غۇلجا شەھىرىگە كېلىدۇ. ھەمدە باشقا يىگىتلەر بىلەن بىرلىكتە سودىگەرلەرگە ئەگىشىپ ئەنجانغا كېلىدۇ. كېيىن تۈركىيەگە بارىدۇ. ئىزمىردا بىر زالفۇب ئسىملىك تۈرۈك سودىگىرىنىڭ بۇ ئەقىللىق ، ئىشچان ، قاۋۇل نامرات بالىغا كۆزى چۈشۈپ قالىدۇ. ھەمدە ئۆزىنىڭ سودا كېمىسىدە مال خاتىرلەش ئىشلىرىغا ياردەملەشتۈرۈپ قويىدۇ. 19 يېشىدا زالفۇبنىڭ سودا كېمىسى بىلەن مانچىسىتىرغا كېلىدۇ ھەمدە بۇ يەردە 1 يىل تۇرۇپ قالىدۇ. بىر يىلدىن كېيىن ھاشىم تۈركىيەگە قايتىپ بىر شىركەتتە مال ساتقۇچى بولىدۇ. 1872 - يىلى خوجايىنى ئۇنى سىبىريە ، ئالمۇئاتا ، قازان تەرەپلەرگە مال سېتىۋىلىشقا ئەۋەتىدۇ. قازاندا تۇرغان ۋاقتىدا پۇتپۇلغا باشچىلاپ كىرىپ كېتىدۇ. ھەمدە كىچىك تۇرۇپلا نامى چىققان پۇتپۇلچى بولۇپ قالىدۇ. قازاندىكى ۋاقتىدا ھاشىم ئوتتۇرا ئاسىيادا داڭقى بار باي باۋۇدۇنھاجى ( تارىغتىكى باۋدۇنباي شۇ ) بىلەن ئۇچۇرشۇپ قالىدۇ. باۋدۇنباي بىلەن ھاشىم غۇلجىدىلا تونۇشاتتى. شۇنىڭ بىلەن باۋدۇنباي ھاشىمنى قايتۇرۇپ كېلىدۇ. يەنە ئۇنىڭغا ئەنگىلىيىدە ئىشلەنگەن توپ بىلەن ناسۇس سوۋغا قىلىدۇ. 1880 -يىلى ھاشىم بالىخان ئىكساق كەنىتىدە تۇنجى بولۇپ پۇتبول كوماندىسى قۇرىدۇ. ھاشىمنىڭ دوستلىرىدىن تاياخۇن ، نامۇكام ، خەللامۇكام ، ناسىپ ئاخۇن ، سۇپىكام ، نودەنكام ، نەبىكام قاتارلىقلار ئىكساقنىڭ تۇنجى توپچىلىرىدىن بولۇپ قالىدۇ. ئەينى يىللىرى ئۇلار تۆت ئادەم بىر گۇرپا بولۇپ توپ ئوينىغان. بۇ يازمىنىڭ ئەسلى مەنبەسى : پۇتبول كۇلۇبى http://bbs.putbol.cn/read.php?tid-21947.html

j@h@ng!r

	مەن بۇ تىمىغا تۇنجى بۇلۇپ ئىنكاس يىزىپتىمەن . بۇندىن كىيىنمۇ  مۇشۇنداق تۇنۇلغان پۇتبۇلچىلىرىمىزنىڭ كۆپلەپ چىقىشىنى ئۈمۈد قىلىمەن.

osmanjan37

	بىز بىلمىگەن مۇشۇنداق تارىخى شەخىسلەرنىڭ تەرجىمھالىنى  ئايىمىغايسىلەر...

Qapaqhenim

	مەن بۇرۇن بۇ گەپنى ، يەنى ئاتۇش ئېكساقتىكىلەرنىڭ ئەنگىلىيەلىكلەر بىلەن پۇتبول مۇسابىقىسى ئوينىغانلىقىنى ئاڭلىغان، لېكىن بۇ پۇتبول ئەزىمىتىنىڭ قانداق بولۇپ پۇتبولغا كرىرىشىپ قالغانلىق تارىخىنى بىلمەيتتىم. بۇ يوللانمىدىم تەپسىلى بىلدىم. رەھمەت.

saltanat

	شۇتاپتا مەن قانچىنچى بولۇپ توپ تەپكەن كىشى ھىساپلىنىغاندىمەن.؟؟؟؟؟؟؟؟؟؟؟

327563313

	ياخشى تمىكەن بۇ!مەنمۇزە  بەك ئوينايمەن جۇما توپ دىگەننى!

zulayha

	يۇقۇرىدىكى ئىسمى تىلغا ئېلىنىپ ئۆتكەن، ئۇيغۇر  تارىخغا ئۆچمەس ئىزلارنى سالغان كىشىلىرىمىزگە اللەنىڭ ھىممىتى بولسۇن . مۇشۇنداق تارىخى كىشىلىرىمىزنى كۆپلەپ ئەسلەش ئارقىلىق ، يېقىنقى زاماندا تۇغۇلغان تارىخنى ئۇلىغۇچى پەرزەنتلىرىمىزگە مۇشۇنداق ئىزچىلارنى تونۇتۇپ ، ئەسلىمىزنىڭ ھەم نەسلىمىزنىڭ غورۇرىنى ئۇلارغا بىلدۈرەيلى. ئۆز تارىخىنى بىلمىگەن مىللەت-قارىغۇ مىللەت. دىمەك ، بۇرمىلانغان تارخنى ئاڭلاپ ،ۋۇجۇدى ئىللىمىغان ۋارىسلار ئۈچۈن بۇ ئاجايىپ سوغا. تېما ئىگىسىگە تەشەككۈرۈم بولسۇن .

kahrizat

	پەقەت ئاڭلاپ باقمىغان ئىشلاردى خەۋەرلەندۈرگەنلىكىڭىزگە ھەشقەللا

hekmat-uyghur

	ياشا ئۇيغۇر! ئۇيغۇرلارنىڭ روھىنى كۆتۈرىدىغان تېمىلارنى كۆپرەك يوللىشىڭلارنى ئۈمىت قىلىمەن      رەھمەت

$UQKUN$

	تىمىڭىزغا تەشەككۇر ،بۇ تىمىىڭىز ئۇيغۇر پۇتبۇلچىلىق تارىخنىڭ مۇھىم دەلىلى