مەسىلىنى مۇنداق تېز ھەل قىلايلى

Eltekin

	ئەسسالامۇئەلەيكۇم، ھۆرمەتلىك مۇنبەرداشلار، تۆۋەندىكى مەزمۇنلارنى كۆرۈپ تەكرار مەزمۇن دەپ ھەيران قالماڭ. بۇنى يوللاشتىكى مەقسەت: توردىن ئىبارەت بۇ تېزلىكى بىلەن ھەممىنى ھەيران قالدۇرىدىغان ئۇچۇر ۋاستىسىنىڭ پايدىلىق تەرەپلىرىنى ھەم ئۇنىڭدىن ئۈنۈملۈك پايدىلىنىشنى تەشەببۇس قىلىپ، ئۆزىمىزنىڭ قانۇنى ھوقۇق - مەنپەئىتى، ئەتراپىمىزدىكى قانۇن-تۈزۈمگە ۋە سىياسەتكە خىلاپ قىلمىشلارنى، ناھەقچىلىقنى قانۇن دائىرىسى ئىچىدە، مۇۋاپىق دەلىل-ئىسپاتلىرى بىلەن تور ئەھلىگە ئاشكارىلاپ ھەم مۇناسىۋەتلىك ئورۇنلارنىڭ دىققىتىنى قوزغاپ، مەسلىنىڭ ھەل بولۇشىنى قولغا كەلتۈرىشىمىز كېرەكلىكىنى دېمەكچى. شۇنداق قىلالىساق، جەمئىيىتىمىزدىكى ناچار ئىللەتلەر، قانۇنسىز، تۈزۈمگە خىلاپ قىلمىشلارغا زەربە بېرىش ، تۈزەش خىزمىتىگە ھەسسە قوشقان، ئىناق جەمئىيەت، مەدەنىيەتلىك جەمئىيەت شۇنداقلا دىمكوراتىك جەمئىيەت بەرپا قىلىشقا تۆھپە قوشقان بولىمىز. شۇ مەقسەتتە تۆۋەندىكى مىسالنى ئوتتۇرىغا قويدۇم. دېمەك، دۆلەت جەمئىيەتتىكى خاتا ئىشلارغا بولغان باشقۇرۇش ۋە تۈزەشنى بوشاشتۇرۇپ قويغىنى يوق. ھەممىمىزنىڭ ئۆز ئەتراپىمىزدىكى ناتوغرا ئىشلارنى ھۆكۈمەتكە دوكلات قىلىش مەجبۇرىيىتىمىز بار. ھۆكۈمىتىمىزمۇ پۇقرالارنىڭ قانۇنى ئېڭىنى ئۆستۈرۈپ، ئىشلارنى قانۇنى يول بىلەن مۇۋاپىق ھەل قىلىشىنى تەشەببۇس قىلىدۇ. 2011-يىلى 19-ئۆكتەبىردىكى خەۋەر : تۈنۈگۈن چۈشتە مەكتەپتىن قۇيۇۋەتكەندىن كىيىن، ۋىييىڭ رايۇنى بىرىنچى تەجرىبە باشلانغۇچ مەكتىپى دەرۋازىسى ئالدىدا بىر قىسىم ئۇقۇغۇچىلارنىڭ يىشىل گالىستۇكى كىشلەر توپى ئارىسدا ئالاھىدە كۆزگە تاشلىنىپ تۇراتتى.چۈشتە قۇڭغۇراق چىلنىشى بىلەن باشلانغۇچ مەكتەپ ئوقۇغۇچىلىرى ئوقۇتقۇچىنىڭ مۇھاپىزىتى ئاستىدا رەتكە تىزىلىپ ئۆيگە مىڭىشتى. ئەڭ ئاۋۋال دەرۋازىدىن چىققىنى بىرىنچى يىللىق ئۇقۇغۇچىلىرى بۇلۇپ، رەت ئۇلار تاقىغان گالىستۇك رەڭگىگە ئاساسەن ئىككىگە بۆلۈنگەن.بىر قىسمى قىزىل گالىستۇك تاقىغان بولسا، يەنە بىر قىسمى يىشىل گالىستۇك تاقىغان. ... ... «سىنىڭ ئۆگىنىشىڭ ياخشى بولمىغاچقا، يىشىل گالىستۇك تاقىدىڭ،مەن بولسام قىزىل گالىستۇك تاقىدىم.....................»شىئەن شەھەرلىك ۋىييىڭ رايۇنى بىرىنچى تەجرىبە باشلانغۇچ مەكتىپى ئالدىدا ئىككى ئوقۇغۇچى كۈلكە-چاقچاق قىلىشۋاتاتتى. يىشىل گالىستۇك تاقىغان ئۇقۇغۇچىنى ئالغىلى كەلگەن ئاتا-ئانسى گاڭگىراپ  قالدى. سۇ خانىمنىڭ قىزى بىرىنچى يىللىقتا ئۇقۇۋاتقان بولۇپ، ئۇنىڭ دىيىشچە، بالىسىنىڭ كىتاپ كۆرۈشى، خەت يىزىشى ناھايىتى ئەستائىدىل،بىراق ئىنكاسى بىر قەدەر ئاستا، نەتىجىسى ئوتتۇراھال. ئالدىنقى جۈمە كۈنى، قىزى يىشىل گالىستۇك تاقىغان ھالدا ئۆيىگە قايتىپ كەلگەن. سۇ خانىم ناھايىتى ھەيران قالغان. قىزىنىڭ دىيىشچە، بۇنى ئۇقۇتقۇچى ئۇنىڭغا تارقىتىپ بەرگەن بولۇپ، سىنىپتا يىرىمغا يىقىن ئوقۇغۇچى يىشىل گالىستۇك تاقايدىكەن. ... ... 2011-يىلى 22-ئۆكتەبىردىكى خەۋەر: شىنخۇا ئاگېنتلىقىنىڭ تېلېگراممىسى : مائارىپ مىنىستىرلىقىنىڭ مۇناسىۋەتلىك  مەسئۇل خادىملىرى مۇخبىرنىڭ زىيارىتىنى قوبۇل قىلغاندا، مەكتەپلەرنىڭ  ھەرقانداق ئۇسۇل بىلەن قورامىغا يەتمىگەن ئوقۇغۇچىلارنى  ئاتالمىش «ياخشى » ۋە «ناچار » دەپ ئايرىشنى قاتتىق چەكلەيدىغانلىقىنى بىلدۈردى.     بۇ مەسئۇل خادىمنىڭ دېيىشىچە، يېقىندا شەنشى ئۆلكىسى شىئەن شەھىرى ۋېيياڭ رايونلۇق بىرىنچى تەجرىبە باشلانغۇچ مەكتەپنىڭ ، ناچار ئوقۇغۇچىلارغا «يېشىل گالستۇك » تاقىغانلىقى  جەمئىيەتتە غۇلغۇلا قوزغاپ، نۇرغۇن ئادەمنىڭ دىققىتىنى تارتقان.   شەنشى ئۆلكىلىك پىئونېرلار خىزمىتى كومىتېتىنىڭ تونۇشتۇرۇشىچە،بۇ دېلو قوبۇل قىلىنىپ،دەسلەپكى قەدەمدە ئەھۋال ئىگىلىشىچە ، ۋېييياڭ رايونلۇق پىئونېرلار خىزمىتى  كومىتېتى ۋە رايونلۇق مائارىپنى باشقۇرۇش تارماقلىرىنىڭ ، بۇ خىل قىلمىشنى دەرھال توختىتىشقا بۇيرۇق قىلغانلىقىنى  ھەم بارلىق «يېشىل» گالاستۇكلارنى بىردەك   يېغىۋېلىش لازىملىقىنى، مەكتەپنىڭ دەرھال مەخسۇس ئاتا-ئانىلار يېغىنى ئىچىپ بۇ ئەھۋالنى ئاتا-ئانىلارغا چۈشەندۈرۈشنى تەلەپ قىلغان. نۆۋەتتە بۇ پائالىيەت توختىتىلىپ، بارلىق «يېشىل گالستۇكلار» يېغىپ بولۇنغان. شەنشى ئۆلكىلىك پىئونېرلار خىزمىتى  كومىتېتى پۈتۈن ئۆلكىدىكى پىئونېرلار ئەترىتى تەشكىلاتلىرىدا، ئەترەت بەلگىلىرىنى ئىشلىتىش ئەھۋالىنى تەكشۈرۈشنى قانات يايدۇرۇشنى تەلەپ قىلغان.     بۇ مەسئۇل خادىم يەنە، بىز ھەرقايسى دەرىجىدىكى ،ھەر قايسى خاراكتېردىكى مەكتەپلەرنىڭ،ئوقۇغۇچىلارنى ئۆسمۈرلەرنىڭ ئۆسۈپ يېتىلىش ئۆلچىمى ھەم مائارىپ ئۆلچىمى  بويىچە توغرا ئۇسۇل بىلەن    يېتەكلىشى ھەم تەربىيىلەشنى ، ئۇلارغا كۆنۈشنى، ئوقۇغۇچىلارنىڭ ھەر تەرەپتىن ساغلام ئۆسۈپ يېتىلىشىنى ئىلگىرى سۈرۈشىنى تەكىتلىدى . مەنبە: نۇر تورى ۋە قارىشىم

taxyurak520

	مىنىڭچىمۇ  بۇنداق ئايرىش توغرا ئەمەس~~ئاڭلىشىمچە نۇرغۇن ئالىملار كىچىك ۋاختىدا مەكتەپتە ئىنتايىن كەپسىز ،دەرستە ئاجىز ئىكەنتۇق ~~بۇ مەسىلە 3 كۈن ئىچىدىلا  ھەل  بوپتۇ ~~~

kizhumar0998

	ئاچامنىڭ بالىسىغىمۇ شۇنداق يېشىل گالىستۇك تاقاپ قويۇپتىكەن، كىچىك ۋاقتىمىزدا ئوقۇتقۇچىلىرىمىز بىزنىڭ قىزىل گالىستۇكلىرىمىزنىئىنقىلابى قۇربانلارنىڭ ئىسسىق قېنى بىلەن بويالغان ، شۇڭا قىزىل رەڭلىك دىگەن ئىدى،  مەن جىيەنىمنىڭ بوينىدىكى يېشىل گالىستۇكنى كۆرۈپ تېخى ھازىر تىنىچلىق يىللىرى بولغاندىكىن ھەممە يەردە يېشىل مەھسۇلات تەشۋىق قىلىنىۋاتقاچقا بويايدىغان ئىسسىق قان يوق يېشىل رەڭدە بويىغان چېغى دەپتىمەن.

1670154432

	بىزنىڭ بۇ يەردىمۇ ،يېشىل گالاستۇك تاقىمىغان بىلەن ياخشى ،ئورتا، ناچار دەپ ئايرىپ ،تېخى ئاتا-ئانىلار يىغىنىدا ،ئۇقۇغۇچىلارنىڭ ئاتا-ئانىسىنى باللىرىنىڭ ئورنىدا ئولتۇرغۇزىدىغان ئىشلار مەۋجۇت ،يىغىنىدا پىكىر قىلىڭلار دىسە ،ھىچكىم ئۇندىمەيدۇ ،كڭيىنى بالىلىرىدىن  ئوچ ئېلىشىدىن قورقسا كىرەك .

babur99

	شىئەندىغۇ ھەل قىپتۇ، بىزنىڭ بۇيەردە قاچان ھەل بولار....

kunntugdi

	يېشىل  گالاستۇك ئوقۇغۇچىغا  قىلىنغان  ھاقارەت ،خورلۇقتىن  باشقا  نەرسە  ئەمەس.كىشىنى  تەنقىد  ئارقىلىق  تۇنجۇقتۇرۇپ  تەربىيىلەش  بىزلەرگە  ئۇدۇم .      بۇ  ئەھۋالنى  ئوزگەرتىشكە  ئۈچ  تەرەپ تەڭ  كۈچ  چىقىرېشلېرى  زورۇر.

adil2052103

	ناچار ئوقۇغۇچى يوق دۆت ئوقۇتقۇچى بار  دەپتىكەن مىنىڭ سنىپ مەس ئۇلىم

zapar

	بۇمۇ بوپتۇ، ھىچ بولمىسا ئاتا-ئانىسنىڭ پەرزەنتلرىنىڭ ئۆگىنشگە كۆڭۈل بۆلۈشى كېرەكلىكنى  ئېسىگە سېلىپ قۇيۇپتۇ.

murqa

abdirehim

	ھەممە ئىشنى موللا (مۇئەللىم)بىلەر،موللا قوپۇپ كۆلگە سىيەر موللىنڭ دىگىننى قىل ،قىلغىننى قىلما     دەپتىكەن كونىلار     بۇ ئوقۇتقۇچى دىگەن ھەممە ئادەمنى ئاغزىغا قارىتىپ سۆزلىگەن بىلەن قىلغان ئىشى شۇ بۇ خەقنىڭ