يۈزسىزلىك قىلاي دىسە بىردەملىككەن

nim-japa

	چۈشەنچە: مەزكۇر تېما ئاپتورىنىڭ تەلىپى شۇنداقلا ئەسەرنىڭ ئىھتىياجى، مۇنبەرداشلارنىڭ ئەسەرنى ئوقۇشىغا قولايلىق بولسۇن ئۈچۈن ئەسەرنىڭ داۋامى قوشۇۋېتىلدى ياكى ئۇلىنىش ئارقىلىق كېيىنكى بەتلەردىكى داۋامى كۆرسىتىلدى. ئەسەر داۋامى يەنىلا ئۇلىنىش قىلىش ئارقىلىق 2-قەۋەتتىكى ئىنكاس ئاستىغا بېرىلىدۇ. ئەسەرنىڭ ئاخىرىنى ئەڭ ئاخىرقى ئىنكاس ئورنىدىن ئىزدىمەي، 1-بەت 2-قەۋەتتىكى "داۋامىX " دېگەن سۆزنى بېسىپلا ئېچىپ كۆرۈڭ.                 __ باشقۇرغۇچىدىن __________________________________________________________      بۈگۈن باشقىلارغىمۇ تاڭ ئاتتى ، ماڭىمۇ شۇ . يالغۇز ئۆيدە قانچىلىك يىغلىغىنىمنى ، قانچىلىك ئازابلانغىنىمنى بىر ئۇلۇغ ئاللا بىر ئۆزەم بىلىمەن . بۇرۇن دوسلىرىم مۇشۇنداق يىغلىسا قاقاقلاپ كۈلۈپتىكەنمەن ، ئەرزىمدۇ ؟  دەپتىكەنمەن ، ئەمدى ئۆزەمگە شۇ سوئالنى قويالمايۋاتىمەن ، تۇنجى مۇھەببەتنى باشقىلارغا ئوخشاش ئالى مەكتەپتە ئۆتكۈزۈپتىمەن ، بىراق ئۇزۇن يۈرمەيلا ئايرىلىپ كەتتۇق ،  سەۋەبى، بىر تەتىل كېتىپلا باشقا مەكتەپتە ئوقۇيدىغان يۇرتدىشى بىلەن پويىزدا ‹ لاڭمەن › مۇھەببەتلىشىپتۇ ، دېيىشچە ئاپىسى ئۆز يۇرتىدىن ئەتكەن چاينى ئوخشىتىپ ئېتەلەيدىغان قىز ئېلىپ بېرەرمىش، يول ئـــــــــۇزۇن ، خۇدايىمغا بەك ئامانەت دەپ ئۇزىتىپ قويدۇم ، قىزلارغىمۇ مەن ئايرىلىپ كەتتىم دەپ يۈرسەم ھېلقى دەلتىنىڭ توبا باش مۇھەببىتى كەچتە ياتاققا كىرىپتۇ ، يوغان مەندىن كەچۈرۈم سوراپ ، قىزلارنىڭ ئالدىدا ئۆزەمنىڭ تاشلىۋېتىلگەنلىكىدىن شۇنداق نومۇس قىلىپ ئولتۇرسام دوستۇم : - قاراڭ ، ئادىلەچۇ ، ئېلشاتنى سىلەرنىڭ ياتاقتىكى ئەخلەت ساندۇقىغا تاشلىۋەتكەن پىرقىرتىپ ، ئەخلەت ساندۇقىدىن تېرىۋېلىپ ئىشلىتەمسىز تاشلىۋېتەمسىز كارىمىز يوق ،  ئېلشاتنى بۇرۇندىن  ياراتمايتتۇق بىز، ئۆزىڭىز شۇنداق چىرايلىق ، چاچلىرىڭىز سۇمبۇل ، قانداق بۇلۇپ يۈرۈپ قالدىڭىز ؟ - شۇ ، ئەمدى پويىزدا بىللە ماڭغان كەلگەندىمۇ بىللە كېلەيلى دېگەنتى، شۇڭا ، شۇ ئارلىقتا  ......... - ئاداااااش ، ئۆچىرە توكنى ، ئۇخلايمەن مەن ، ما ياتاقنىڭ ئىچى بۇنداق پۇرىمايتتى،  قىزلار قايسىڭلار ئىشلەتتىڭلار بۇنداق سېسىق ئەتىرنى ؟ -- توبا باشنىڭ گېپى تۈگمەستىنلا دېدى قارىمايلىق شەھىدە. قىزلار پىخىلداپ كۈلۈشكە باشلىدى ، مەنمۇ ئۆزەمنىڭ ئىشىنى قىلىۋەردىم ، ئاخىرى گەپ قىلىدىغان ئادەم تاپالماي ئۆزى بىلەن ئۆزى خوشلاشقان بۇلۇپ ياتاقنىڭ ئىشىكىنى ئەمدى يېپىشىغا قىزلار شۇنداق سەت بىر چىقىرىشىپ كۈلگەنتى ئۆزەممۇ تەڭ قۇشۇلۇپ چىقىراپتىمەن ، قىزلارغا نېمە دېيىشىمنى بىلەلمەي تۇرسام ، يەنە شۇ ۋات-ۋات شەھىدە . -ئاداش، ئېلشاتنىڭ سىنىپىدىكى ھېلقى قارىمايلىق قوشماقلار بارغۇ، شۇنىڭ ئۇكىسى ئۆتكەندە سېنى مابىتى بارمۇ دېگەنتى ، ئەتە چىقىپ بىللە تاماق يەمدۇق يا ؟ -دېيىشىگە ، توقسۇنلۇق زۇلپىيە قوپتى : -ئاتــــــام ، ھەي بىرمە، ماڭا تونۇشتۇرماقچىتىڭغۇ ؟ - ئۇخلاڭلار قىزلار ، ئەتە نامازغا قوپالمايدىكەنسىلەر ، . ئۇنى بۇنى دېيىشىپ ئۇخلىغان بولدۇق ، يوتقانغا كىرۋېلىپ يىغلىدىم ، ئۇ ئىنسان ئۈچۈن ئەمەس ، بەلكى سۆيۈملۈك ياتاقداشلىرىم ئۈچۈن، بۇرۇن كۆڭلىگە ئازار بېرىپ ئۇنى مەينەت، بۇنى دەرس ئۇقمايدۇ دەپتىكەنمەن ، مانا سېزىپ سەزمەيلا  قېرىنداشتەك بۇلۇپ قاپتىمىز، مەن ئۈچۈن ئۇلارنىڭ غەزەپلەنگىنى،.....     شۇنداق بىر كۆڭۈلسىزلىكلەرنى ئاخىرلاشتۇرۇپ ، ئالى مەكتەپنى شۇنداق كۆڭۈللۈك پۈتتۈرىۋالدىم ، سىنىپتا جەمىئي 17 بالا دېپلوم، ئوقۇتقۇچىلىق سالاھىيەت كىنىشكىسى ئالالمىدى ، مەن بولسام تولۇقلىما ئىنتاھان دېگەننى بۇلىشىغا بېرىپ ئوقۇش پۈتتۈرۈش ئىنتىھانىغا يېرىم سائەتتىن ئارتۇق كېچىكىپ دېگەندەك ئىشلارنى باشتىن كەچۈرۈپ ، ساق - سالامەت دېپلۇم ئالالايدىغانلار قاتارىغا تىزىلدىم، دېپلومنى مەكتەپتە ئوقۇغاندىكىن، ئىنتىھاندىن ئۆتكەندىكىن بېرىۋېرىدىغۇ دەپتىمەن ، ئۇففف ، بەك ئىشى تولىكەن ، پالانى بىنانىڭ مانچىنچى قەۋىتىگە چىقىپ ، ما تامغىنى ئۇرغۇزۇپ ، ئاندىن پالانى فاكۇلتۇتقا كىرىپ بىر رەسمىيەتنى ئۆتەپ ...... دېگەندەك . ئەتىگەن سەھەردە پالاقشىغان ئادەم ، ئاشۇ ئىسسىقتا چۈشتىن كېيىن ئىشتىن چۈشەي دېگەندە ئاران ئاپتىمىز . دېپلومنى ئېلىپلا يەرگە قويۇپ نەچچىنى دەسسىۋەتسەم ، ئا دېپلوم تارقىتىدىغان يولداش: - باشقىلار خۇشاللىقىدا سەكرەپ كەتسە ، سەن نېمە دەپ دەسسەيسەن دەيدۇ ، - مۇشۇ بىر نېمىنى دەپ مەن بۈگۈن قانچىلىك جاپا چەكتىم ، ئاتا-ئانام قانچىلىك جاپا چەكتى؟؟ - دېسەم ، ئــــــو ، دەپ ئولتۇرۇپ قالدى، نەنسەنگە چىقىپ ئولتۇرۇشۇپ . يىغلىشىپ دېگەندەك ، شۇ سۆيۈملۈكلەر بىلەن خوشلاشتۇق. جەمىئەت داشۆسىگە داغدام قەدەم تاشلىدۇق . چىقساملا خىزمەت بارغۇ دەپ بەك ئىشەنگەنتىم ئاشۇ تاغامغا ، ئۇنداق ئاددى ئەمەسكەن ، بىرىنجى بۇلۇپ بېشىمنى قاتۇرغىنى ئۆي مەسلىسى بۇلۇپ قالدى، ئوقۇۋاتقاندا ئاپام ئۆي ئوقۇشقىن ، مۇۋاپىق ئۆي بولسا ئۆي ئالايلى دېسە ، ئاپام دادامدىن ئاجىرشىش نىيىتىدە شۇنداق دەۋاتىدۇ دەپتىكەنمەن ، ئەمدى ئۆزەم نەگە بېرىشىمنى بىلەلمىدىم ، يانچۇقتا پۇل بار دەپ ، خەقنىڭ ئۆيىگە كىرىپ ياتقىلى بولمىسا يا،  ئاخىرى بىر دوستۇمنىڭ ئاچىسىنىڭ تەكلىپى بىلەن بىر نەچچە قىز بىرلىشىپ ئولتۇرماقچى بولدۇق، ئۆينى تېپىپ ، كۆچۈپ كىرگىچە بىر ئۆي تۇتماقنىڭ تەسلىكىنى ھېس قىلدىم ، 100كىۋادىرات ئۆي 1000يۈەن ، ئۈچ ياتاق ئۆيدە ئۈچىمىز تۇرىمىز، ئۆي شۇنداق پاكىز ، چىرايلىق،  ئەمدىكى مەسلە خىزمەت تېپىش، ھە دەپ خىزمەت تاپاي دەپ يۈگرەپ يۈرسەم دادام كەلدى، نەدە تۇرۋاتىسىز، قانداقراق ئادەم بىلەن تۇردىڭىز دەپ كەپتۇ بىچارە دادام . كېلىپ ئۆي ئىگىسى بىلەن كۆرۈشۈپ بىر يىللىق پۇلنى بىراقلا تۆلەپ بېرىپ ، خىزمەت ئىشىمغا ماڭىمەن دەپ ، تاغامغا شۇنچىۋالا پۇلنى تۇتقۇزۇپ ، قولۇمغا يەنە پۇل بېرىپ، قىزلاردىن ئۆينىڭ پۇلىنى ئۆزىڭىز ئېلىپ خەجلەڭ ، ما پۇلنى يېنىڭزغا يوق دەپ قويۇپ قويۇڭ ، دەپ ئۆينىڭ كام نەرسىلىرىنى تولۇقلاپ ئېلىپ بېرىپ كەتتى. *** *** داۋامى: دادام ھەممىنى تەييار قىلىپ بېرىپ كەتتى، تاغام بىر ئىككى ئايدا ھەل بۇلىدۇ دېگەچكە بىكار ئولتۇردۇم ، كۈندە  ئۆيدە بىكار، قىزلارمۇ .ئۆز خىزمىتى بىلەن ئالدىراش، كىم بىكار ،مەن بىكار، بىكارچىلىقتىن دوستۇمنىڭ دوسلىرى بىكەن تونۇشۇپ جەمئىيەتتە دوسلىرىم كۆپىيىپ كەتتى، ئويۇنچى بۇلۇپ كەتتىم، نەگە بارىمىز دېسە كافىيخانا . ئۆيگە ھەممىنى ئەكىرۋېلىپ ئولتۇرىمز، ئۆزەمچە شۇ ۋاقىتتا كۈنلىرىم شۇنداق كۆڭۈللۈك ، خاتىرجەم، مەنىلىك . قىزلار ئوغۇللارنىڭ گېپىنى قىلىشىپ ئۇچرىشىپ يۈرسىمۇ خىيالىمغا كىرىپ چىقمايتتى، بەزىدە مېنى تاڭسىڭ ،  ‹同性恋› دەپ زاڭلىق قىلاتتى، ئاداش ، سەن مۇشۇنداقلا ئۆتەمسەن دەپ جىلە قىلىپ دېگەندەك ، ئۇنى-بۇنى قىلىپ چاي باشلىۋالدۇق ، 8قىز بالا ، دىبادا ، ياكى تاماقخانىلاردا ئۆتكۈزىدىغان بۇلۇپ دېيىشتۇق، بۇرۇن دىبا دېگەنگە شۇنداق ئۆچتۈم ، چاي باھانىسىدا كىرىپ ئۇ يەرگىمۇ كۆنۈپ قالدىم ، بۇرۇن ئۆچ ، ئۇنداق يەرگە كىرگەن قىز بالىنىمۇ بۇزۇق دەپ ئويلايدىغان مەن ھازىر ئۆزەم پۇل چىقىرىپ ئاپىرىپ ئولتۇرۇپ كېلىدىغان بولدۇم . ئۇ يەردىكى قىز بالىلارنىڭ ھاراق ئىچىپ قىلۋاتقان رەسۋالىقى ،  ئوبۇرنىدىكى ئىس-تۈتەك، تېشىدىكى تۇرۇپ كەتكەن ماشىنىلار.... ،  يا ئىچمىسەم ، يا چەكمىسەم شۇ ئولتۇرۇپ شۇلارنىڭ تاماشاسىنى كۆرۈش پەقەت. بەزىدە قىزلار بىلەن ئولتۇرسام جوزىمىزغا ئوغۇللار كېلەتتى ، - تونۇشۇپ قالساق بولامدۇ ؟ -تانسا ئوينايلى، قىزلار تونۇشۇپ ، ئىچىپ تېلفۇن نومۇرىنى يېزىشىپ ئولتۇرۇپ كەتسە ھەيرا قالاتتىم، مېنى تانسىغا تارتسا ئىتتىكلا دوستۇمغا قارايتىتىم، ئۇ : - مەن ئويناي، ئۇ بىلمەيدۇ. سەھنىدە ئويناۋېتىپ شەرەت قىلىپ مېنى تىللايتتى، مەن كۈلۈپ زاڭلىق قىلىپ ئۆزەمنىڭ ئولتۇرىشىنى بىلەتتىم. ئاياللار بايرىمى كۈنى ، بىر دوستىمىز كابانادا چاي قىلدى، شۇنداق كۆڭۈللۈك ئولتۇرساق يېنىمىزدىكى جوزىغا بىر توپ ئوغۇللار كېلىپ ئولتۇرۇشتى، بىردەمدىن كېيىن، دېسكو چىقىپ ھەممىمىز ئوتتۇردا دېسكو ئويناۋاتساق، بىزنىڭ يېنىمىزغا كېلىپ بىللە ئوينىدى، بىز يا تونۇمىساق ، دەپ خۇيۇم تۇتۇپ ، ئورنىمغا كېلىپ ئولتۇرۋالدىم ، - ئاداش، بىزنىڭ تونۇش بالىلار، سەنشىخاڭزىلىق، دەششەت ياڭزىسى بار، ما يەردىن ساق -سالامەت چىقۋالايلى، قاپىقىڭنى تۈرۋالمىغىنە. ئارىدىكى سېمىزراق بىرسى ئارقا-ئارقىدىن مېنى نەچچە قېتىم تانسىغا تارتىپ تۇرۋالدى، قوپمىسام، يېنىمدىكى ئورۇندۇقتا ئولتۇرۇپ : _ ھەي، مالارنىڭ ئارىسىدا سەن خېلى تۈزۈككەنسەن ،  ماڭا ماسلىشىپ گەپ قىلماي ئولتۇرشۇپلا بەر، ئا ئېگىز بالا سېنى سورىغانتى، سېنى مېنىڭ تونۇشۇم ئاكا دەپ قويدۇم ، -دەپلا يېنىمغا تېخىمۇ سۈرۈلۈپ ئۇنى دەپ ، بۇنى دەپ ئولتۇردى... داۋامى: ئەسلى تېلفۇننى قويۋېتەي دېگەن ، ئۆزەمنى شۇنداق تۇتۋېلىپ ۋاقىراش-جاقىراشلىرىنى ئۆزەمنى ئاڭلاپ تۇردۇم، بىردەم بولغاندا سەل بېسىقتى، - گېپىڭىز تۈگدىمۇ؟ ئەمسە مېنىڭكىنى ئاڭلاڭ ، مەن سىز ئويلىغاندەك قىز بالا ئەمەس، مېنىڭ دوسلىرىممۇ ئويۇنچى بولغان بىلەن يامان يولدىكى ياكى مېنى يامان يوغا باشلايدىغان قىزلارمۇ ئەمەس، مەيلى سىز ماڭا قانداق ئويدا بولۇڭ، بۇ ئويىڭىزنى قايتۇرۋېلىڭ ،  مەندە سىزگە نىسبەتەن ھۆرمەتلا بار ئىدى، ئۇنىمۇ يوق قىلدىڭىز. ئاللاھدىن تىلەيمەن، كۈنلىرىم مۇشۇنداق ئۆتۋاتىدۇ، بىر تۇرۇپ مەنىلىك ھېس قىلىمەن بىر تۇرۇپ ئۆتۋاتقان كۈنلىرىمگە ئىچىم ئاغرىيدۇ، سىزگە باشقىچە تەسىر بەرگەن بولسام كەچۈرۈڭ.... - سېنى ياخشى كۆرۈپ قالدىم  .   شۇ ھامان ئېلشات بىلەن ھېلقى توبا باش مابىتى كۆز ئالدىمغا كەلدى، نىمىشقىكىن كۆزۈمگە يىغا ئولاشتى، - قارا، سېنى ئۇ قىزلارغا ئوخشاتقان بولسام ئاشۇ كۈنى بىردەملىك ئىش ئۇ، سەن راس ئۇلارغا ئوخشىمايدىكەنسەن، كۆزلىرىڭ بىر نەرسىدىن ھۈركىگەندەك چۆچۈپلا ئولتۇردۇڭ، بۇ قىز بالا بۇ يەرگە نىمە بوپ كىرىپ قالغاندۇ دەپ ساڭا يېقىنلاشتىم، بوپتۇ ، مەنمۇ دېمىگەن بولاي، لېكىن ما ئۈرۈمچىدە مۇشۇنداقلا يۈرسەڭ سەنمۇ ئوخشايسەن تۆت كۈندە، ئەڭ ياخشىسى ئاۋۇ رەپ-رەپ لەر بىلەن ئارلاشما، ئۇلار سېنىڭ پۇلۇڭنى دەپ سەن بىلەن..... گېپى تۈگمەيلا تېلفۇننى قويۋەتتىم،  دوسلىرىمنى تىللىغانغا ئاچچىقىم كەلدى، نەچچە كۈنگىچە پوق يەۋەلغاندەك يۈردۈم،. كۈنلىرىم يەنە شۇنداق ، چۈش بىلەن قوپىمەن، تاماق يەيمەن ، ئۆينى يۇغۇشتۇرۇپلا كومپىيۇتۇرنى ئاچىمەن، ئولتۇرىمەن، كەچتە قىزلار ئۆيگە كېلىدۇ يا بىر يەرگە بارىمىز يا ئۆيدە قەرت ئوينايمىز.... تاغامدىن تېخىچە خەۋەر يوق، تېلفۇن قىلسام ئۇ بايرام تۈگكەندە، بۇ دەم ئېلىشتىن  كېيىن لا دەيدۇ.، يەنە خەۋەر يوق. سېمىزمۇ شۇ پېتى يوقىدى، بىر كۈنى دوستۇم ئوقۇتقۇچلىق ئىنتھانىغا تىزىملاتماقچىتىم، بېرىشىپ بەر، دېدى، ئۈچ قىز پېچەت ياسىنىپ پەلەمپەيدىن چۈشۋاتساق ناتونۇش بىر نومۇردىن تېلفۇن كەلدى. شۇ ناتونۇش نومۇر بىلەن ئۇنىڭ ھاياتىمنى پۈتۈنلەي ئۆزگەرتىدىغىننى ئويلىماپتىكەنمەن . ***   *** داۋامى : -ياخشۇمىسىز؟ - ھە ، مەن ياخشى  ، كىمۇ ؟؟ - مەن كامىل  .   ئۆتكەندە كابانادا دوستىڭىزدىن نومۇرىڭىزنى سورىسام ھە دەپ بەرگىن دەپتىكەنسىز ،  شۇ ۋاقىتتا... - قايسى دوستۇم ؟   - رەنا، كەيفاچۈدىكى، - مەن بىرەرسىگە نومۇرىمنى دەپ بەر دېمىدىم ، - - سىز دەپ بەر دېمىگەن مەن سوراپ بىلۋالغان . رەناغا نومۇرۇمنى بىرەرسىگە دەپ بەر دېگىنىمنى بىلەلمەي تۇرۇپ قالدىم ، - بىر يەرگە ماڭغانمىتىڭىز؟ -قانداق بىلۋالدىڭىز؟ -پەلەمپەيدىن چۈشۋاتقاندەك قىلىسىلەر، شۇڭا سورىدىم ، - ياق ، ئۈستىگە چىقۋاتىمىز،   دېيىشىمگە دوستۇم ۋاقىرىدى ، - يالغان سۆزلىمىسەڭ بولمامدۇ ھەي!! ئۇنىڭغا سەت ئالىيىپ قويدۇم - مەن ئاپىرىپ قويايمۇ ؟   - بولدى ،، تاكسى توسۇپ بارىمىز، - بەرىبىر تاكسى توسالمايسىلەر، قاتناش بەك قىس، بۇ سوغۇق ھاۋادا، مەن ماشىنامنى ھازىر يۇغۇزۇپ چىققان ، باشقا ئىشىم يوق ، ئاپىرىپ قوياي، - مەيلى ، 3- دوختۇرخانىنىڭ ئالدىغا كېلىپ تېلفۇن قىلامسىز؟ لېكىن بەك ساقلاتماڭ ، ئالدىرايتتۇق، - ماقۇل. يولغا چىقىپ تۇرساق ئاق ماشىنىدىن بىرسى كېلىپ توختىدى، كەينىگە چىقىشقا تەمشىلىپ تۇرسام ، ۋات-ۋات دوستۇم: -ۋايجان ئاداش، قىشلىق كىيىم بىلەن قىستىلىپ يۈرەىچە ئالدىغا چىقە. سالام قىلىشىپلا ئالدىغا چىقتىم، دوستۇم ئىككىسى كەينىدە، ئۇنىڭغىچە ئۇ بالىغا تېلفۇن كەلدى، دوستۇمغا ، سەن كۆرگنمۇ دېسەم ، كۆرگەندەك قىلىمەن ، كابانادا رەنا بىلەن سالاملاشقان . ئۇف .، نومۇرۇمنى راست رەنا دەپ بېرىپتۇ دە، دەپ ئويلاپ سەل ئوڭايسىزلىنىپ تېشىغا قاراپ ئولتۇرسام ، يېنىمىزدىن بىر ماشىنا شۇنداق سەت يانداپ چىقتى، كۆزلىرىمگە ئىشەنمەيلا قالدىم ، ئىسمىنى كامىل دەۋاغان بۇ يىگىت ئەينەكنى چۈشۈرۈپ بىر نەرسىلەرنى دېيىشتى،   ئۇ دەل ھېلقى سېمىز ئىدى،  ‹ تۈگەشتىم  . ئەمدى مېنى ئۇدۇل خوڭيەنچىغا ئاپىرىپ ئېسىپ قويىدىغان بولدى، قېچىپ يۈرۈپ ئاغىينىسى ئارقىلىق تۇتۇلدۇم ›  دەپ قورقىنىمدىن تىترەپ كەتتىم، -ماشىنىنى توختىتىڭ !! -نېمە بولدى؟ - توختىتىڭ !!!! شۇ ۋاقىتتا كۆزلىرىم ئۇنىڭ بىلەن ئۇچراشتى . ئاق سېرىق كەلگەن، ئۆزىنى تۇتۋالغان ، تەمكىن چىراي ئەجەپلەنگەن ھالدا ماڭا قاراپ تۇراتتىئ - بۇ يەردە ماشىنا توختاتقىلى بولمايدۇ ، - توختاتمىسىڭىز سەكرەيمەن . ئىشىككە ئېسىلدىم . -ئىشىك ئېتىك . ئالدىمىزدا سەل چەتتىرەك توختىتىپ بېرەي ، ياندۇرامسىز ؟؟؟ شۇنداق جىلە بولدۇم ، بىلمەسكە سېلۋالغىننى، سېمىز بىلەن بىرلىشىپ مېنى بىر يەرگە ئېلىپ بېرىپ يا بىر نېمە قىلىشىسەن ، يا ئۆلگۈچە ئۇرىشىسەنغۇ شۇ !!! ماشىنا يولنىڭ چېتىدە توختىدى، كەينىدىكى ئىككىسىگە چۈشۈشكە شەرەت قىلۋېتىپ ، ئۆزەمنى ئوڭشىۋېلىپ ئالدىرماي دېدىم : -ئاغىنىڭىزغا دەپ قويۇڭ ، مەن ئۇنىڭغا ھېچ يامانلىق قىلمىدىم، ماڭا بۇنداق تىكو ئوينىغۇدەك مەندە نېمە ئۆچى باركەن ؟  قىزلارنى بۇزۇق دەپ تىللايسىلەر ، شۇ بۇزۇق قىزلارنىڭ كەينىدە مۇشۇنداق قىلتاق قۇرۇپ سىلەرگە نېمە بار ؟  ئاچىڭىز بارمۇ ؟  سىزنىڭ ئاچىڭىزغا كىچىككىنە بىر ئوقۇشماسلىق سەۋەبىدىن بىرسى مۇشۇنداق تىكو قۇرسا سىز نېمە بوپ كېتىسىز ؟  سېمىزگە دەڭ ، ئەگەر ئاچچىقى بولسا ھازىر مۇشۇ يەرگە كېلىپ گېپىنى قىلسۇن ، سىز ئارقىلىق مېنى نېمە قىلماقچىكەن ؟؟   - نېمە دەۋاتىسىز ، چۈشەنمىدىم، - چۈشەنمىگەن بولسىڭىز مەيلى ، بوپتۇ ئەمسە ئاۋارە قىلدىم رەھمەت . ماشىنىنىڭ ئىشىكىنى شۇنداق قاتتىق يېپىپ چۈشۈپ كەتتىم.  بايا ھېلقى سېمىىزنى دوستتۇممۇ كۆرۈپتىكەن ، لېكىن ئۇ : - ئاداش، يا تونۇشىدۇ يا شۇنداق ئۇدۇل كەپ قالغاندۇ ، بەزى ئىشلارنى بەك ئاشۇرۋېتىدىكەنسەن، سېمىزنىڭ سېنى بىر نېمە قىلغۇسى بولسا بىردەمچىلىك ئىش، ئەمدى مۇشۇ يەردىن قانداق ماشىنا توسىمىز ؟؟ ھەر كاللىدا ھەر خىيال ، ئۇ ئۆزىنىڭ ئىشىغا ئالدىراۋاتىدۇ ، بىر بىرىمىزگە گەپمۇ قىلىشماي دۈگدۈيۈپ تۇرساق ، تېلفۇنۇم جىرىڭشىدى، قارىسام بايىقى نومۇر، دوستۇم ئىتتىكلا تېلفۇننى ئېلىپ : - قاراڭ ، بايا ما دوستۇم سىزنى خاتا چۈشۈنۈپ قاپتۇ . بايا سىز بىلەن سالاملاشقان ھېلقى سېمىز بالا بارغۇ، ھە ، شۇ سېمىز بالا بىلەن سىزنى بىرلىشىپ ئۆزىگە قىلتاق قۇرۋاتىدۇ ، دەپ ئويلاپتىچۇ بۇ يىشۇ دوستۇم، بۇ قىز بالا ئەسلى  دول بودىلاردىن قېلىشمىغىدەك ھوشىيار.. . ئاراڭلاردا ئوقۇشماسلىق بوپتۇ، خاپا بولماڭ ، سىزمۇ يىراققا كەتمىدىڭىز ھە قاچان ، بىزنى دىككىدە ئاپىرۋېتەمسىز؟؟؟؟؟؟؟  ، ھە ماقۇل ماقۇل ، ئاشۇ سىز چۈشۈرۈپ قويغان يولنىڭ قارشى تەرىپىدە ساقلايلى . تېلفۇننى قويۇپ دوستۇم بىر مۇنچە سۆزلىدى، مېنى  گۇمانخور، قانچىنچى ئەسىردە ياشاۋاتىسەن، مۇشۇنداقلا ئۆتۈپ كېتەمسەن... دېگەندەك . ماشىنا توسالمىغاندىكىن ئامال يوق ئەگەشتىم . ***  *** ئاق ماشىنا بىردەمدىلا كەلدى، ئۇنىمىغانغا ئۇنىماي كەينىگە چىقىپ ئولتۇردۇم ، دوستۇم خۇددى كونا تونۇشلاردەك پاراڭلىشىپ ماڭدى، شۇنداق تەستە بىر باردۇق ئۇ يەرگە ، ماشىنىدىن چۈشۋاتساق : - مەن ئاۋۇ تەرەپتىن ماشىنامغا سايمان ئېلۋالاي، سىلەر ئىشىڭلارنى تۈگۈتۈپ تېلفۇن قىلامسىلەر ئەمسە؟  ئاغىزىمنى لۆمشىتىپ گەپنى چىقىرىپ بولىشىمغا ئا ۋات ۋات دوستۇم : -ۋىيەي ئەجەپ ياخشى. ماقۇل ماقۇل ،  ئاۋارە قىلىدىغان بولدۇق ھە سىزنى . خوش ھېلى كۆرۈشەيلى. كاللامدا بۇ راست ئويۇن ئەمەسمىدۇ ؟ ئۇدۇل كەپ قالغانمىدۇ ؟ شۇلا خىيال ، ئۆزەم بەش يىل ئوقۇغان مەكتەپنىڭ قايسى بىناسىدا ئىنتھانغا تىزىملىتىدىغاننىمۇ ئاڭقىرالماي تۇرسام ، ۋات ۋات يەنە سۆزلىدى : - جېنىم ئاداش ، كاللىڭىز ماشىنىنىڭ ئىچىدە قېلىپ قالمىغاندۇ ؟ سىزنى باشقا يەرگە ئاپىرىپ قويمىدى شۇ دېگەن يېرىڭىزگە ئەكەلدى مانا ، يەنە نېمانداق تۈگمەيدىغان ئەندىشە ئۇ ؟؟ ( ئادەتتە تەنە گەپ قىلىشساق سىز دېيىشەتتۇق ) بولە تېز ، تىزىملىتۋېتىپ چىقايلى، كەچتە مەن بىر يەرگە بارىمەن . ئۇ بىناغا ، بۇ بىناغا قاراپ يۈرۈپ تاپتىم ، ئادەممۇ بەك جىق ئەمەسكەن تىزىملاپ ھەممە ئىشىنى تۈگەتتۇق ، كۆڭلۈمدە ئۇ بالىنى ساقلىماي ئابتوبۇستا بولسىمۇ قايتىپ كېتەرمىز دەپ ئويلىدىم ،  مەكتەپ ئالدىغا چىقساق كەينىمىزدىن بىرسى سىگىنال بېسىۋەردى، قارىساق ئاق ماشىنا . - كەپ بولغانمىتىڭىز ؟ دېدى ۋات ۋات . - ھە ، بايا كەلگەن ، سىلەرنى ئالدىراپ قالمىسۇن دەپ تېلفۇن قىلمىدىم ، تىزىملاتتىڭلارمۇ ؟   - ھە ، تىزىملىتىپ بولدۇق ، ساقلىتىپ قويدۇق سىزنى ، - ھېچقىسى يوق، ئادەم كۆپمىكەن ؟ - ياق ئانچە ئەمەس، . بايىقىدەك جىددىيلەشمىدىم، قورقمىدىم، ئۇنىڭ گەپ سۆزلىرىدىن ئەسكى بالىلاردەك قىلمايتتى . *** ***     دوسلىرىم بىلەن كامىل شۇنداق قىزغىن پاراڭلىشىپ كەتتى، مەن بولسام بۇ بالا قانداق بۇلۇپ بىزگە بۇنداق ياخشى مۇئامىلە قىلىدۇ ؟  نېمە مەقسىدى باردۇ ؟ شۇ خىياللاردا. - دازەيگۇ تەرەپتە بىر پولوخانا بار ،  شۇ تەرەپتىن پولو يەپ كېتەمدۇق ؟؟ - ۋاااااا، سىز نېمانداق ياخشى، ئادىلە بەك ئامراقكەنتۇق ئۇ يەرنىڭ پولوسىغا، دائىم بىزگە بېرىپ يەپ كېلەيلى دەييتى، لېكىن ئارلىق يىراق ، پولونى يەپ ئۆيگە كېلىپ بولغىچە قورساق يەنە ئاچىدىغان گەپ دەڭە ، ۋات-ۋات دوستۇمنىڭ بۇ گېپىدىن ھەممىمىز كۈلۈشۇپ كەتتۇق ، تاماق يەپ قايتقۇچە بولغان ئارلىقتا ئۇ ئاساسەن دوسلىرىم بىلەن پاراڭلىشىپ ئولتۇردى، ئۇ ئىككىسى بىزنى ‹ بەخىت گۈللۈكى › دە تاشلېۋېتىپ كېتىڭلار دەپ شۇ يەردە چۈشۈپ قالدى .  ئۇنىڭغىچە يول دېگەن قىستاڭ ،‹ قاتناشنىڭ يۇقىرى پەللىسى› (ئۇيغۇرچە مۇشۇنداق ئالدىمغۇ ) ۋاقتى بۇلۇپ قالدى. - ئادىلە ، -ھە؟؟؟؟؟ -ئالدىغا چىقۋېىلىپ ئولتۇرۇڭە ، -بولدى ئولتۇرېۋېرەي، -ئالدىمىزدىكى بېكەتتىن ماشىنا توسالماي تۇرۇپ قالغان ئۇيغۇرلار بولسا ئېلۋالايلى، بۇ سوغۇقتا بەك تۇرۇپ كېتىدۇ بولمىسا.   ئۆزەمچە مېنى پاراڭلىشىپ ماڭايلى ،دەمدىكىن دەپ نازلىنىپ كەتسەم ، ئەجەپ خىجىل بولدۇما ؟ ؟ گەپ قىلماي ئالدىغا چىقىپ ئولتۇردۇم ، ئۆزەممىغۇ بۇرۇندىن ماشىنىنىڭ ئالدىدا ئولتۇرۇشنى ياخشى كۆرەتتىم . بېكەتتە ئوتتۇرا ياشلىق بىر-ئەر ئايال قولىدا تاماق قاچىسى كۆتۈرۋالغىنىچە ماشىنا ساقلاپ تۇرغانكەن ، دەرىزىنى چۈشۈرۈپ مەن تەرەپكە سوزولۇپراق ، ئۇلارغا دېدى : - ئاكا ، نەگە باراتتىڭلار ؟؟ -ئىككىنجى دوىتۇرخانىغا، -چىقىڭلار، ئاپىرىپ قويايلى سەل ئىككىلىنىپراق ماشىنىغا چىقتى : - ئۇكام پۇلنى ھازىر دېيىشېۋالايلى، قانچە پۇل ؟؟ - ئاكا مەن كىرا قىلمايمەن ، قارىسام قولۇڭلاردا تاماق قاچىسى باركەن، شۇڭا بۇ ۋاقىتتا ماشىنا ساقلاپ تۇرۇپ قالمىسۇن دەپ ئالغاچ ماڭدىم - . ۋىيەي ، ئەجەپ ياخشى بالىلاركەنسىلەر، ئۆتكەندە بىر ماشىنىغا دېيىشمەيلا چىقىپ قاپتىكەنمىز، 20 سوم ئالدى قاراڭ ساقام ، شۇڭا، سەل .... - دېگىنىڭىز توغرا ھەدە، مۇشۇ قاتناشنىڭ يۇقىرى پەللىسىدىن پايدىلىنىپ نۇرغۇن ئادەملەر كىرا قىلىپ 10كويلۇق يولغا 20كوي ئالىدىكەن  ،  مۇشۇنداق قىلسا ھۆكۈمەت تۇتمامدۇ ؟ قارا تاكسى دېگەن ئالدى بىلەن ما پۇقرانىڭ ، خەلىقنىڭ قوللىشىغا، ياقتۇرىشىغا ئېرىشۋالسا ھۆكۈمەت يوقىتىمەن دەپمۇ يوقىتىپ بولالمايدۇ ،  ئۇنداق قىلسا خەق بىر چىقا ، ئىككى چىقا، بۇلىغاندەك ئالسا، شۇ ئاچچىقى كېلىپ بولسىمۇ تۇتۇپ بېرىدۇ، ماسلاشمايدۇ شۇ ،   -شۇ شۇ ئۇكام .    ۋاي توۋا ، مىڭ توۋا،  ئىچىمدە نەچچە مىڭ توۋا دېگەچ بۇ بالنىڭ چىرايىغا قارىۋەتتىم ، دۇرداننىڭ پولوسىغا ئامراقلىقىمنى قانداق بىلگەندۇ ؟ مېنىڭمۇ دەل مۇشۇنداق ئويلايدىغىنىمنى بىلىپ قېلىپ دەۋەتقانمىدۇ ياكى بۇلارنىڭ ھەممىسى بىر ئۇدۇل كېلىپ قېلىشمىدۇ ؟ ئىچىمدە تېخى ئۆتكەندە بولغان بىر ئىشنى ئويلىدىم : ئاپام يېشىك ساپتىكەن ، ئالغىلى سەل ۋاقچە چىقىپ قاپتىمەن ، ھازىر ئۇنداق بۇرۇنقىغا ئوخشاش سىز نەدە، مەن بېرىپ ئېلۋالاي دەيدىغان ئىشلار قالماپتۇ،  ‹ لوقمان تاللا بازىرى › دەپ بىر يەر ئېچىلىپتۇ . شۇ يەردىن 3 يۈەن تۆلەپلا ئېلۋالىدىكەنمىز ، يېشىكنى ئېلىپ خىيالى ماشىنىدىن بىرنى توسۇپ ، 3-دوختۇرخانىنىڭ يېنىغا دەپ ئولتۇرۇپ بىردەمدىلا كەپ بولدۇق ، شوپۇرغا ئەدەپ يۇزىسىدىن قانچە پۇل دەپ سورىسام : -10 كوي خان - قانچە؟؟ - 10 كوووووي!! - ۋوي ،  ما سومكامدا پىچاق بار ، بېرەي ، مېنى بۇلاپ باقامسىز يا ؟؟؟ مېنى ما ئۈرۈمچىگە ھازىر چۈشتى دەپ ئويلاپ قالغان ئوخشىمامسىز ؟ - ھازىر ھەممە نەرسىنىڭ باھاسى ئۆسۈپ كەتتى، -ھەجەپ تاكسىنىڭ ئۆسمەپتا ؟  ماشىنىڭىز گازلىق ھەقاچان ، يا بىرەر يەرگە باج تاپشۇرمايسىلەر ،مۇشۇنداق قىلىپ دەپ يۇقۇردا ئا بالا دېگەن گەپلەرنى دەپ 10كوينى بېرىپ : - ماقا ئەمسە ، كەچكىچە خۇدايىم ماشىنىڭىزنىڭ چاقىنى تىشۋەتمەيراق ماڭاسىز.، مەن بەرگەن پۇلۇمغا رازى . شۇلارنى ئويلاپ ئولتۇسام كەينىدىكى ئاچىمىز گەپ باشلاپ قالدى: -ئۈرۈمچىدە قاتناشقا ھېلىمۇ چىدايدىكەنسىلەر جۇمۇ ئۇكام ، يائاللا ، بالامغا ‹ بالام ، بولدى ئابتوبۇس ساقلايمەن دېگۈچە داداڭنىڭكىگە ئوخشاش توكلۇق موتۇدىن بىرنى ئېلۋالساڭ بولمامدۇ ؟ › دېسەم ئۇنىمىدى ، مانا ، سىلەرغۇ ياپياش تۇرۇپ ماشىنا ئېلۋاپسىلەر، ئەر-ئايال ئىككىلەڭلارغا ئەپلىك بوپتۇ ،  باشقىلار قانداقمۇ قىلار ، ما دوختۇرخانىغا ئېلىپ ماڭغان تاماق ھازىر نېمە بۇلۇپ كەتتى مانا.....   بىزنى ئەر-ئايال دېگىنىدىن شۇنداق نومۇس قىلدىم ، كەينىمگە بۇرۇلۇپلا  ، ‹ مەن تېخى بۈگۈن كۆرۈشۈم ما بالىنى › دېگىلىرىم كەپ كەتتى، ئۇ بولسا خىيالى كۈلۈپ قويۇپ بىردەم بىردەم ئۇلارغا گەپ قىلىپ قويۇپ ماشىنىسىنى ھەيدىمەكتە، شۇنداق تەستىمۇ باردۇق ئىككىنجى دوختۇرخانىغا ، ئۇلار ماشىنىدىن چۈشكەندە مەنمۇ ئەينەكنى چۈشۈرۈپ قوشلاشماقچى بۇلۇپ تۇرسام .: - ۋىييەي، ۋوي بۇ كىچىكلا قىزكەنغۇ ، ئايالىڭىزمۇ يا سىڭلىڭىزمۇ ؟ مەن بايا ئۇقمايلا ،    ئەر -ئايال كۈلۈشۈپ كەتتى . - تېخى توي قىلمىدۇق ،، ئەمدى قىلارمىز خۇدايىم بۇيرىسا، -ھە ، كىچىكلا قىزكەن ، كەچۈرۈڭ ھە قىزىم، -ئۇكام ، رەھمەت ساڭا، خۇدايىم ئىشلىرىڭغا بەركەت بەرسۇن ، يولۇڭنى ئوچۇق قىلسۇن ، -ماقۇل ئاكا، ئېيتقانلىرى كەلسۇن  ،  ئاللاھقا ئامانەت .   ئۇلار بىلەن كونا تونۇشتەك خوشلىشىپ كۈلۈپ كەتتى . مەنبە؛ ئۆزۈم . داۋامى ئىنكاس ئارقىلىق يوللىنىدۇ ...

nim-japa

	ئۈن- تۈنسىز ماڭدۇق ، ئۇ بىر يەرلەرنى بېسىپلا  مەن ئەڭ ياخشى كۆرىدىغان ‹ مۇھەببەتنىڭ بىرىنجىسى › دېگەن ناخشىنى قويدى ،  بۇ ناخشىغا ئامراقلىقىمنى قانداق بىلۋالغاندۇ ؟  ما بالا ئىچىمنىڭ بىرەر يەرلىرىگە مەخپى تىڭشىغۇچ ئورنىتىپ قويدىمۇ نېمە ؟  تېخى بايىلا ئالارنى چۈشۈرۈپ قويۇپ ئېلشاتقا ئوخشايدىغان بىرسىنى كۆرۈپ شۇمىكىن دەپ يۈرۈكۈم ‹ قارت › لا قىلىپ قالغانتى . - ناخشا تېكىستىنى چۈشىنەمسىز ؟ -ھەئە . مەن بەك ئامراق بۇ ناخشىغا.  تېكىستىنى يادلاپ بېرەيمۇ ؟؟ - ھە ، يادلىڭە، شىئېر دىكىلماتسىيە قىلغاندەك قىلماي ئازراق ئاھاڭغا سېپ ئۇقۇڭ ھە ،، كۈلۈشۈپ كەتتۇق . - تاشقا كۆكسۈم قويۇپ ياتسام تاش يانىدۇ ، دەريالارغا سىرىم ئېيتسام تولغىنىدۇ ئاخشامدا ئاي گۇۋاھ نى-نى ئاشىقلەرگە   سۆيگەن بولسا سۆيگۈسىدىن كىم تانىدۇ ؟؟؟ ئاخشامدا ئاي گۇۋاھ نى-نى ئاشىقلەرگە   سۆيگەن بولسا سۆيگۈسىدىن كىم تانىدۇ ؟؟؟ مۇھەببەتنىڭ بىرىنجىسى ياندۇرىدۇ ، مۇھەببەتنىڭ بىرىنجىسى كۆيدۈرىدۇ . ياندۇرەدۇ ، كۆيدۇرىدۇ مۇھەببەت ، مۇھەببەتنىڭ بىرىنجىسى ياندۇرەدى،، خوپ سەن يۈرەر كەتسەڭ كېتەر دېگەن بىلەن ، تەقدىر ئىكەن كۆيدۈم يېتەر دېگەن بىلەن بال تاتىنىپ بالنى تارتىپ كۆرگەن بىلەن ھەسەل ئورنىنى باسماس ناۋات يېگەن بىلەن ، بال تاتىنىپ بالنى تارتىپ كۆرگەن بىلەن ھەەيي ھەسەل ئورنىنى باسماس ناۋات يېگەن بىلەن ، مۇھەببەتنىڭ بىرىنجىسى ياندۇرىدۇ ، مۇھەببەتنىڭ بىرىنجىسى كۆيدۈرىدۇ . ياندۇرەدۇ ، كۆيدۇرىدۇ مۇھەببەت ، مۇھەببەتنىڭ بىرىنجىسى ياندۇرەدى،، ئۇ يار كەتكەن ئاللىقاچان بىراۋ بىلەن ، بەلكى ياشىڭ ئۆتكەن ساچىڭ قىراۋ بۇلۇپ . دىلدا ئوشۇق ئىشىق ئۇچقۇنى بارمۇ تامام ، ئۆتمۈشتە ھەم سۆيۈش مۇمكىن ئالاۋ بولۇپ . دىلدا ئوشۇق ئىشىق ئۇچقۇنى بارمۇ تامام ، ئۆتمۈشتە ھەم سۆيۈش مۇمكىن ئالاۋ بولۇپ . مۇھەببەتنىڭ بىرىنجىسى ياندۇرىدۇ ، مۇھەببەتنىڭ بىرىنجىسى كۆيدۈرىدۇ . ياندۇرەدۇ ، كۆيدۇرىدۇ مۇھەببەت ، مۇھەببەتنىڭ بىرىنجىسى ياندۇرەدى،، دەرياسىدا كېچەلىدىم مۇھەببەتنىڭ ، كەفتىدە بىر سۇ ئىچمەدىم مۇھەببەتنىڭ ئېھھھ، بىر ئەركىلەپ ئۇچالمىدىم، مۇھەببەتنىڭ ، مۇھەببەتنىڭ بىرىنجىسى .   ناخشىنى تەڭ دېگۈدەك ئېيتتۇق ، مەن تېنەپ قالغىننى كامىل تولۇقلاپ دېگەندەك . لېكىن ئىككىلىمىز جىملا بۇلۇپ قالدۇق ، ئۇنىڭدىن سېمىزنى قانداق تونۇيدىغىننى، مەن بىلەن قانداق بوپ تونۇشۇپ قالغۇسى كەپ قالغىننى بىلىپ باققۇم بار ئىدى . تۇيۇقسىز تېلفۇنۇم سايرىدى ، ئۆيدىكى قىزلاركەن ، -ھە ئاداش، دەپلا تېلفۇننى ئالغىنىمنى بىلمەن ئەمما ............ ***   *** - ۋەيييييييييتتتتتتتتتتتتتتتتت،  بىر توپ  قىزلار چىقىراۋاتاتتى، ئۇلار چىقىراپ توختاپ بولغىچە چۈشۈنۈپ بولدۇم ، چوقۇم ھېلقى ۋات-ۋات دەپ بولغان گەپ بۇ يېڭىلىقنى. - ھە نىم بۇلاشلا ؟؟؟ - جىم-جىملا يۈرۈپ كەلتۈرۈپ بولغىنىڭ بار دەيلى، نېمانداق ئىچىڭ كۈچلۈك سېنىڭ . تېلفۇننىڭ ئاۋازىنى ئېچۋېتىشكەنكەن ، ھەممىسى ھەر ياقتىن چۇۋۇلداپ كەتتى. - نىمىشقا ئوغۇل بالا ياراتمايدىكىن دېسەك ، ئەسلى ماشىنسى بار ، قاملاشقان ، مەرد بىرسىنى توغۇرلاپ بوپتىكەنسەن دە، -ئۆتكەندە ، تاھىر نومۇرىڭنى سورىسا خۇددى شەھەر باشلىقنىڭ نومۇرىدەك مەخپى تۇتۇپ كېتىپ باراتتىڭ ، ئەمدى تۇتۇلدۇڭما ؟؟   بۇۇلارنىڭ گەپلىرىدىن ئۆزەممۇ كۈلۈپ تاشلىدىم ، ماڭا چۈشەندۈردىغانغا پۇرسەتمۇ بەرمەي قايناۋاتاتتى، - ھە، دىبادا تونۇشقان بىر نېمىلەر پوققا ئەسقاتامتى  دەپ كېتىپ باراتتىڭ  بۈگۈن بىر خىل ياڭزاڭ بىلەن چوڭ سۈپەت ئىش قىلۋېتىپسەنغۇ ؟ -دۇرداننىڭ پولوسىنى بىز يوق يەپ گېلىڭدا تۇرۇپ قېلىشماپتۇ ھە ئاچ....... -ئوغۇل بالىنىڭ پۇلىنى خەجلىمەيمەن دەپ ئۆزەڭ پۇل تۆلەپ يۈرمىگەنسەن ئا يەردىمۇ ئاقسالىق قىلىپ -ۋەەەەەەەەەەيييييييييييت ، -ھېي  ،  بولدى قىلىشە، مەن ئۆيگە كېتۋاتىمەن ، بىر نەرسە لازىممۇ ؟ -بولدى ، ئاچا، ئۆزلىرىنى ئىشقا بۇيرىساق كامىل مابەتلىرى تىللىۋەتمىسۇن يەنە . گۈزەلنۇر بىلەن ئا ۋات-ۋات كېلۋاتىدۇ ، -ئۇ ئىككىسىنى ئۆيىنىڭ ئالدىدا چۈشۈرۈپ قويغانغۇ ؟ يەنە نېمە باركەن بۇ ئۆيدە ؟ -ھەممەڭ ئۇ ئۆيدە ئولتۇرۇشساڭ بىزگە نېمە بار بۇ ئۆيدە دەيدۇ . يولدىكەن كېلۋېتىپتۇ ، -ھارماي يول ماڭىدۇ ھە ئىككىسى توۋا، ئۆيگە كېلەي دەپ قالدىم خوش. شۇنداق دەپلا تېلفۇننى قويۋەتتىم ، قىزلارنىڭ پاراڭلىرىدىنمۇ ياكى ما لاتارىيەدىن چىقىپ قالغاندەكلا چىققان ما بالىنىڭ بۈگۈنكى ئەسقېتىشلىرىدىنمۇ كەيپىياتىم ياخشى ئىدى. - تاماكا چەكسەم بولامدۇ ؟؟ -ھە ؟؟ چېكىۋېرىڭ .   ئۆمرۈمدە تۇنجى قېتم ئاڭلىشىم بۇ سوئالنى ، ئەتراپىمدا ئوغۇللارنىڭ ئازلىقىدىنمۇ ياكى ئوقۇش پۈتتۈرۈپلا سىرىتتىكلەر بىلەن تۈزۈك ئارلاشماي دىبادىكىلەرنى تولا كۆرۈپ كەتكىنىمدىنمۇ ، ئەزەلدىن بىرسى مەندىن رۇخسەت ئېلىپ تاماكا چەككىنىىنى ئۇقمايمەن .  ئېلشاتمۇ تاماكا چېكەتتى، ئويلاپ باقسام ئۇ مەندىن بىرەر قېتىم ئۇنداق دەپ سوراپ باقماپتىكەن ، سىرىتتا بوش قار يېغۋاتاتتى، ئەتراپ سەل تۇمان ، 2-دوختۇرخانىنىڭ ئالدىدىن ئۆيگە شۇنداق تەستە كەپتىمىز ، بىر ناخشىنى ئېيتىپتىمىز، ئۇ ناخشىنى قانداقراق ئېيتتۇقكىن دەپ قويۇپ ئاڭلاپ بېقىپتىمىز، يەنە سۈكۈتلەرنى ساقلاپ ، ئا ئۆيدىكى ئاچاملارنىڭ تېلفۇنىنى ئېلىپ دېگەندەك . خىيالىمدا ئۆينىڭ ئالدىغا بېرۋېلىپ ماشىنىدا ئولتۇرۇپ بايا ئويلىغان سوئاللىرىمنى سورايمەنغۇ دېسەم ، ئۆينىڭ ئالدىغا كېلىشىمىزگە ۋات-ۋات ئالدىدا گۈزەلنۇر كەينىدە چوڭ كىچىك خالتىلارنى كۆتەرگەچ  تاكسىدىن چۈشتى. مەنمۇ بولدىلا ئالار بىلەن بىللىلا كىرىپ كېتەيچۇ دەپ ئويلاپ قالدىم . بولمىسا ھېلى ئۆيگە كىرىپ كەتكەندە قىزلارنىڭ سوئال -سورىقىدىن قۇتۇلماق تەس ئىدى، ما ئىككىسى بىلەن كىرىپ كەتسەم ھەممە سوئالغا ۋات-ۋات ئۆزى ئۈلگۈرەتتى. -سىزنى ئاۋارە قىلدىم ، بۈگۈن كۆپ -كۆپ رەھمەت ئېيتىمەن سىزگە . كۈلۈپ تۇرۇپ گېپىمنى تۈگەتكىچە -ئا ئىككىسىگىمۇ خوش دەپ قوياي . - ۋوي سىلەر تېخى باما ؟ ئاداش ئۆينى تاپالماي بىزنى قاچان كېلەركىن دەپ تۇررۇپسەندە . -ھە شۇ دوستىڭىزنى سىلەرگە ساق -سالامەت تاپشۇرۇپ بېرەي دەپ . ھە راس ، سىلەرگە تېلفۇن قىلغان ۋاقتىمدا قانداق كونا بىناكىن ، نېمانداق ئاۋاز چىقىدىغان دۇ دېسەم ، يېڭىلا بىناكەن ،  ئاستىراق چۈشۈپ چىقىڭلار، خەق قاغىۋەتمىسۇن . گەپ بىلەن قورۇنىڭ ئىچىگە كىردۇق ، ئۇ ئىككىسى يالغاندىن ئۇنى ئۆيگە تەكلىپ قىلغانمۇ بولدى، -بولدى خوش ، ئادىلە، تېلفۇن قىلسام كىمۇ دېمەي ئالارسىز ھە؟ - ماقۇل ، رەھمەت سىزگە،  خوش ، خۇدايىمغا ئامانەت . - ئاللاھقا ئامانەت . مېڭۋېتىپ كەينىمگە قاراپ باقايچۇ دەپ بىر كەينىمگە قارىغىنىم بىلەن بىر ئورەككە چۈشكەندەكلا قىلدىم ، پىشانەمگە بىر نەرسە تىرررررررررررررىىىىڭڭڭڭڭڭڭڭڭڭڭڭڭ  قىلىپلا تەگدى . بىر ئاغرىق مېڭەمدىن كىرىپ تاپىنىمغا تارىدى، بىراق پۈتۈن خىيالىم ئا بالا كەتكەن بولغىيمىتى، شۇلا. تۇربا يولىنىڭ ئاغىزى چىڭ ئېتىلمەپتىكەن ، گىرۋىكىگە دەسسەپ مۈرەمگىچە كىرىپتىمەن ئىچىگە . ئا تەرىپى قاڭقىپ پىشانەمگە تازا بىر تېگۋېتىپ تاراڭشىپ توختىدى، گۈزەلنۇر بىلەن ۋات-ۋات ئىككىسى كەينىگە قاراپ قوساقلىرىنى تۇتۋېلىپ قاردا دومىلاۋاتاتتى. - مېنى تارتىىشە !!!!!  جېنىمنىڭ بارىچە ۋاقىردىم ، - ئادىلە ،  بۇ يەردە نېمە قىلىپ يۈرىسىز ؟ نېمە بولدى؟   - ئويناي دەپ چۈشكەن .  يۈزۈمگە ئىسسىق بىر نەرسە ئاقتى، قارغۇ دەپ ھاپىلا -شاپىلا  ئېيتىپتىمەن ، -ۋاي ئاداش، يۈز- كۆزۈڭ قانغا بويىلىپ كېتىپتىغۇ ؟؟ تۈپتۈز يولدا ماڭماي نېمە بار بۇ يەردە؟؟ كامىل تارتىپ يۆلەشتۈرۈپ دېگەندەك مېنى ئەچىقتى، نومۇستىن ‹ پۈتۈن كىرىپ كەتسەمچۇ ؟  ماراپ بېقىپ كەتكەندە چىقار بولغۇيتۇم › دېگەننىلا ئويلىدىم . - يۈرۈڭ دوختۇرخانىغا ئەچىقاي، - ۋاي مەن ساق ، بولدى رەھمەت. - ئۇنداق دېمەڭ ، ئاۋۇ دېگەن مەنمۇ كۆتۈرەلمەيدىغان تۆمۈر . -باشقا يېرىم ئاغرىمىدى، مىڭەمدىن قۇشقاچ ۋىچىرلاپ ۋىڭڭىدە ئۇچۇپ كەتتى.  مەن ساق ، گۈزەلنۇر بۇ ئوخشىتىشلىرىمنى بىلمىدى بولغاي: - جېنىم ئاداش، كورىيەنىڭ كىنوسىدەك بوپ قالمىغانسەن ھە ؟؟ مەن كىمۇ ؟؟ شۇنداق ئاچچىقىم كەلدى : - سىز كىم ، مەن بۇ يەردە نىمىش قىلىمەن ؟ كامىل قاقاقلاپ كۈلۈپ كەتتى. - يۈرۈڭ دوختۇرخانىغا چىقايلى، قىزىق خەقكىنە بۇ ، ئاغىزىنى چىڭ ياپماي، قىش تۇرسا بۇ . قاردا كۆمۈلۈپ قالسا يا پەرق ئەتكىلى بولمىغان ، - يۈرە ئاداش، ئا قوغداش بۆلۈمىگە كىرىپ بىر چاڭ ئۇرۇشايلى، ئادىلەنىڭ بېشىنى تۆلىسۇن. -بولدى قىلىشە.  دەپلا ئۆي تەرەپكە ماڭدىم . - ئادىلە!! كامىل كەلگىنىچە بىلىكىمدىن تارتقىنىچە ئرلىپ ماڭدى : - گۈزەلنۇر، رەشىدە، يۈرۈڭلار ، ئادىلەنىڭ بېشىنى تاڭدۇرۋېتەيلى، يېرىلىپ كېتىپتۇ.  بۇنداق ئۆيگە ئەكىرسەڭلار ھېلىلا قىزلارنىڭ نامسىز تېلفۇنىنى ئېلىپ تىل ئىشتىمەن . ***  *** بىز دوختۇرخانىغا كىرىپ نومۇر ئېلىپ بولغىچە ۋاراڭ-چۇرۇڭ قىلغان بىلەن ئۆيدىكى قىزلار بىر توپ بۇلۇپلا كىردى، ئا ۋات-ۋات قولىدىكى نەرسىلىرىنى ئۆيگە قويۇپ قويماقچى بۇلۇپ چىقىپ ھەممىنى يەتكۈزۈپ بوپتۇ. - ۋاي ئاداش، نېمە بولدۇڭ ؟ - ھۆكۈمەت ياساپ بەرگەن شۇنچە يول تار كەلدىمۇ جېنىم ئادىشىم ؟؟ - شۇ دىبادا ئويناپ زېرىكىپ يەر ئاستىغا كىرىپ ئويناپ باقاي دېدىمغۇ ؟؟ دوختۇر ئۇيغۇركەن ، ئەجەپلىنىپ سورىدى : - قانچىڭلار يارلاندىڭلار ؟ - ئۇ ئورەككە مۇشۇ كىچىك پاتمىسا بىز پاتمايمىز ئاكا ، ئەڭ سېمىز ، يوغان ، بىز رامبو دەپ لەقەم قويۋالغان رەنانىڭ گېپىدىن دوختۇرمۇ كۈلۈپ كەتتى. - ئورەككە چۈشۈپ كەتتىڭىزما ؟ مەن تېخى بۇنچە جىقىڭلار يوپۇرلۇپ كىرسەڭلار ماشىنا سوقۇشقان ئوخشايدۇ دەپتىمەن ، چىقىپ زالدا ساقلاپ تۇرۇڭلار،    مەندىن بىر قاتار سوئاللارنى سورېۋېتىپ ، پىشانەمنىڭ يېرىلغان يېرىنى تازا بىر كۆرۋېتىپ : - CT چۈشۈپ بېقىڭ دەي دېسەم ھېچقانداق چاتاق يوقكەن ، ھەم ھازىر تەكشۈرتسەڭلار جىددى قۇتقۇزۇش بويىچە ھېسابلاپ بىر مۇنچە ھەق ئالىدۇ. يېرىلغان يەرنى دورا سۈركەپ ياخشى تېڭىپ قوياي ، قاشنىڭ ئۈستىكەن ، تارتۇق قېلىپ قالامىكىن،  3 كۈندىن كېيىن ھېلى مەن بەرگەن دورىنى ئېلىپ كىچىك دوختۇرخانىلارغا كىرىپ تاڭدۇرۋېلىڭ ، ئاچچىڭ نەرسە يېمەڭ ، ئا يەرنى پاكىز، ئىسسىق تۇتۇڭ دەپ پىشانەمگە ئاپئاق مومىنى چاپلاپ قويغاندەك قىلىپ تېڭىپ قويدى.   دوختۇرخانىنىڭ ھەققىنى ئۇنىمىغانغا ئۇنىماي ئۆزەم تۆلىدىم،  ئوغۇللارنىڭ پۇلىنى خەجلىمەي نېمە ئىش قىلىدۇ دەيدىغان نۇربىيە ئاليىپ دۈشكەللەپ قويدى . چىقىپ كېتەيلى دەپ تۇرساق يىغا-زارە بىلەن بىر ئادەمنى كۆتۈرۈپ دوختۇرخانىغا بىر توپ ئادەملەر كىرىپ كەتتى.  ئۇلارنىڭ كەينىدىن ‹ دادا ، دادام نېمە بويدى ؟؟ › دەپ يىغلامسىراپ تۇرغان كىچىككىنە قىزنى كۆرۈپ يۈرۈكۈم شۇنداق ئېزىلدى، بۇ كىچىك قىزنى ئۆزەمنىڭ كىچىك ۋاقتىدىكى قىزغا غۇۋا ئوخشاتتىم. ئۆي بىلەن دوختۇرخانا يېقىن بولغاچقا قىزلار ئالدىدا ، كامىل بىلەن ئىككىمىز كەينىدە ماڭدۇق .   ئۇنىڭ ماشىنىسى يەنىلا قورۇنىڭ ئالدىدا توختىتۇقلۇق ئىدى. قورونىڭ ئالدىغا كەلگەندە خوشلىشاي دەپ تۇرسام ؛ كامىل ئېغىز ئاچتى : - يەنە ئاغرىۋاتامدۇ ؟ - ياق . ئاغرىمىدى. -ماشىنىدا بىردەم ئولتۇرايلىمۇ ؟ رەت قىلالمىدىم. *** *** قىزلار بىر ئىككى ئېغىزدىن ۋاتىلدىشىپ كىرىپ كەتتى. ماشىنىغا چىقىپ ماڭا قاراپ كۈلۈپ كېتىپ : - ئادىلە ، قانچە ياشقا كىردىڭىز ؟ - قانداق ، نېمە بولدى ؟ - ھېچنىمە ، سوراپ باقتىم، بەك كىچىك بالىدەككەنسىز،  يول ماڭسىڭىزمۇ ئاغىزىڭىز ئوچۇق قالدىكەن . ئۇنىڭ گېپىدىن كۈلۈپ تاشلىدىم ، راست، بۇرۇندىن ئۇخلىساممۇ ، كىتاپ ئوقۇساممۇ ئاغىزىم ئازراق ئوچۇق قالاتتى، ئاپام ‹ ئاغىزىڭنى يۇم ، چىۋىن كىرىپ كەتمىسۇن ، لەقۋا چىراي بوپ.... › دەپ كوتۇلداييتتى . - ئۇنىڭ بىلەن قانداق تونۇشىسىز ؟ بايا مەن كۆرۈشكەن ھېلقى بالا بىلەنچۇ ؟   ئۇنىڭغا دىبادا ماڭا قىلغان ياخشىلقىدىن تارتىپ كېيىن دېگەن گەپلىرىگىچە ھەممىنى دەپ بەردىم ،  گېپىمىنى ئۈنسىز تىڭشىدى. - ئۇنىڭ بىلەن بەك يېقىن ئۆتىمەن  ، ئادەتتە ۋاي دەپ كۈندە بىللە يۈرمىسەكمۇ لېكىن كۆڭلۈم يېقىن ، ئايالى بالىسى بارلىقى راست ،بايا سىز يولدا ماڭا شۇ گەپلەرنى قىلىپ ماشىنىدىن چۈشۈپ كەتكەندە ئۇنىڭغا تېلفۇن قىلىپ دېدىم ، دېسەم سىز دېگەندەكلا دەپ مېنىڭ سىزنى قانداق تونۇيدىغانلىقىمنى سورىدى ، كېيىن دەپ بېرەي دېسەم تۇرۇپ كېتىپ ‹ ئاداش، مەن ئۇ قىز بالىنى ئالدىمدا ياڭسۇڭلۇق قىلۋاتامدىكىن دەپتىمەن ، سېنى ئۇنداق چۈشۈنۈپ قالسا  مەن چۈشەندۈرۈپ قويساممۇ بۇلىدۇ  › دېگەن ، مەن ئۆزەم چۈشەندۈرىمەن دەپ ئۇنىمىدىم . ئۇ بالا سىز ئويلىغاندەك ناچارمۇ ئەمەس، غەرەز ئۇقىدۇ ، سىز دېگەندەك ئۆچ ئېلىپ دېگەندەك ئىشلارنى قىلىپ يۈرمەيدۇ.  ئەمدى سىزگە قانداق بولۇپ تېلفۇن نۇمۇرىڭىزنى سورىغۇم كېلىپ قالغانلىقىنى دەپ بېرەي: - مۇشۇ ئاينىڭ بېشىدا ئاغىينەم كاباناغا جىڭلى بولغان ،  ئوندەك ئوغۇل بالا ئوتۇرۇپ باشتا دىققەت قىلماپتىمەن،  قارىسام سەھنىدە دوستىڭىز بىلەن ئۇسۇلغا چۈشۈپ كېتىپسىز، توۋا ، بۇ كىچىك شۇمغا نېمە باردۇ بۇ يەردە ئوقۇشىنى ئوقۇماي دەپ سىزگە دىققەت قىلدىم، بىر كەمدە قارىسام مۇلازىمنى چاقىرىپ ‹ قىزىل كالا › ئەكەلدۈرۈپ شۇنى ئىچىپ ئولتۇردىڭىز ،  شۇنداق ئاقسا،  بىرسى كېلىپ تانسىغا تارتسا قوپمىدىڭىز، يەنە ئۇسسۇل چىقتى، قارىسام بايىقى رەشىدە بىلەن قوپۇپ ئوينىدىڭىز، مەنمۇ ئاغىينەم بىلەن ئەتراپىڭىزنى چۆرگىلەپراق ئويناۋاتسام  بۇرنىڭىز ئېتىلۋالدىمىكىن ، بۇرنىڭىزنىڭ بىر تۆشۈكىنى تۇتۇپ دىمىقىڭىزنى قاققانتىڭىز، شۇنداق بىر چىرايلىق پوزا چىقتى ماڭقىڭىزدىن . ئۇ گەپنى ئاڭلاپ بايىقى خىجىلچىلىقنىڭ ئۈستىگە ئۆزەم بىلىمەن ، ماشىنىدىن پۇررىدە قىلىپ ئۇچۇپ چىقىپ كەتكۈم كەلدى، شۇنداق ئىش بولغىنى راست، بۇرۇن ياللۇغى بولغاچقا بۇرنۇم ئېتىلۋېلىپ قىينىلىپ بىر تۆشۈكىنى ئېتۋېلىپ بىر ‹ قىق › قىلىپ دىمىقىمنى قاقسام ، بۇرنۇمدىن رەڭلىك شار ئېتىلىپ چىققاندى. رەشىدە كۈلگۈنىدىن ئۇسسۇلنىمۇ ئۇسسۇل قىلمىغان ، شۇ جوزىغا بېرىپ قىزلارغا دەپ تولا كۈلۈپ ئولتۇرغان . بۇ بالىنىڭ نەلەردە تۇرۇپ كۆرۈپ قالغىنىغا ھەيرانمەن. داۋامى يېزىلىۋاتىدۇ ...

nim-japa

	داۋامى: - ھا ھا ھا ھا.......  ، شۇ ھالىتىڭىزنى كۆز ئالدىمغا ئەكەلسەم ھازىرمۇ كۈلگۈم كېلىدۇ، شۇنداق تەبئىي ، تېخى بۇرنىڭىزنى سۈرتىۋېتىپلا ئويناۋەردىڭىز ئۇسسۇل دېگەننى، مېنىڭ كۆرۈپ قالغىنىمنى سەزمىدىڭىز، ئەتراپىڭىزدا  ئادەم بارلىقىنى ئۇنتۇپ قالغاندەك . - كىم سىزنى ئالدىڭىزغا قاراپ ئۇسسۇلنى ئوينىماي ، قاچان مېنىڭ بۇرنۇمدىن ماڭقا چىقاركىن دەپ مارىسۇن دېگەن ؟؟؟   خىجىلچىلىقتا ئۇششۇقلۇق قىلىشقا باشلىدىم، - ۋوي ما ئۇششۇقنى . مەن سىزنى زاڭلىق قىلۋالاي دەپ دېمىدىم ، ما گەپلەرنى، گېپىمنى ئاڭلىڭە ،يالغان خىجىل بولماي ،  سىزدىكى ئۇ تەبئىيلىكنى كۆرۈپ توۋا ، ما دىبادا مانداقمۇ تەبئى قىزلار باركەن ھە؟ دەپ سىزگە مەسلىكىم كەلدى، مېنىڭ نەزىرىمدە دىباغا كىرگەن قىزلارنىڭ ھەممىسى يالغان نازلىنىپ ئوغۇللارغا كۆز سالىدۇ دەپ ئويلايتتىم،  لېكىن سىز بىر خىيالى، شۇنىڭ بىلەن سىز بىلەن تونۇشقۇم كېلىپ قالدى. ئاغىينەمدىن سورىسام رەنا كەيفاچۈنى تونۇيدىكەن ، ئۇ قىز بالا بىلەن پاراڭلىشىپ نومۇرىڭىزنى سورىسام ‹ ئۇ ئۆزى كىچىك بولغان بىلەن مۇشۇ جوزىدىكى ھەممىمىزنى باشقۇرىدۇ، مەن ئۆزىدىن بىر سوراپ باقاي › دەپ كەتتى، بىر كەم بولغاندا  ‹ ۋاي سېسىق گەپتىن تازا ئاڭلاپ ئەكەلدىم ما نومۇرنى، ئاداش ، بىر ساۋاقدىشىم نومۇرىڭىنى سورىغان ، دېسەم ، (  ھە ئاداش مېنىڭ نومۇرىمنى يېزىپ ئوبۇرنى ئوبۇرنىلارغا چاپلىۋېتىڭلار ) دەيدۇ  خۇددى ئۇنىڭغا تولا  تېلفۇن كېلىدىغاندەك ، ئەتە- ئۆگۈنچىراق ئۇرۇڭ ھە، مېنى تىللاپ كەتمىسۇن  › دەپ نومۇرىڭىزنى بەردى، قارىسام شۇنداق قاملاشقان نومۇركەن ، ئۇرايمۇ -ئۇرمايمۇ  دەپ يۈرۈپ مانا خۇدايىم  سىزنىڭ يەنە بىر قېتىملىق ئوماق قىلىقلىرىڭىزنى كۆرۋالدىم . - تۇربا يولىنىڭ ئورىكىگە چۈشۈپ كەتسە ئوماق بولامدىكەن ؟  سىزمۇ بىر چۈشۈپ بېرىڭە ، ئاشۇ ئورەككە ، سىزنىڭ ئوماقلىقىڭىزنى مەن بىر كۆرەي. تۇمشۇقلىرىمنى ئۇچلاپ دېگەن گەپلىرىمدىن ئۇ ئاۋازىنى قويۋېتىپ كۈلۈپ كەتتى، - ھا ھا ھا ھا ..............   .  مەن شۇ ئوماقلىقنى قىلالمايمەن ، شۇڭا سىزنىڭ قىلىقلىرىڭىزغا مەسلىكىم كەلدى. - بۈگۈن مېنى شۇنچە زاڭلىق قىلۋالغان بولسىڭىزمۇ سىزگە رەھمەت ، مەن كىرىپ كېتەي . - ماقۇل ياخشى ئارام ئېلىڭ .  ئا يەرگە سوغۇق ئۆتۈپ قالمىسۇن،  ھە راست ، ئەتە قانداق ۋاقىتتا تاماق يېيىشىڭىزدىن بۇرۇن ، ماڭا بىر تېلفۇن قىلۋېتەمسىز؟ - نىمىشقا ؟؟ - خاتىرجەم بۇلۇڭ . بىللە تاماق يەيلى دېمەيمەن ، ئەتە بەك مۇھىم ئىشىم بار ، شۇ تاماقتىن بۇرۇن تېلفۇن قىلىڭ. مەن ماڭدىم ئا ئورەكتىن ئايلىنىپ ئۆتۈڭ ھە، ئاللاھقا ئامانەت. - ۋاي دېمىسىڭىزمۇ ئىچىگە سەكرىمەيمەن ، خوش. 6- قەۋەتكەن ھاسىراپ ئاران چىقسام قىزلارنىڭ سوئال سورىقى باشلاندى : - ئاداش، ئەجەپ تېز قايتىپ كىرىپسەنغۇ ؟ - ياتامتىم ئەمدى ماشىنىسىدا!!! - ئاداش، نىمە ئىش قىلىدىغان بالىكەن ؟ - سورىماپتىمەن . -  ۋاي ئاداش، بىرنى بىر دېمەي، دېگنە ھە ،  نېمە دېيىشتىڭلار ؟ تەلەپ قويدىمۇ ؟ - كاللاڭنىڭ بار ھە سېنىڭ ، خەق ئا كابانادا بۇرنۇمدىن پوزا يېنىپ كەتكىننى كۆرۈپتىكەن شۇڭا تونۇشقىسى كەپتۇ مەن بىلەن  . - ۋاي خۇدا،  ھا ھا ھا   - ھاھاھاھا ،،،،،، - ۋاي ئاداش ، شۇنى كۆرۈپ قېلىپ قىزىقىپ قاپتىما ساڭا ؟ - ھا ھاھاھا ... ، ئىسىت ئىسىت ، بىلگەن بولسام ئالدىغا بېرىپ مىشقىرىپ بەرمەمتىم مەن ؟ -ھاھاھاھا  ھاھاھا  ،   - توختىغىنە . ما رەنا كەيفا دېگەن بىر نېمىگە بىر تېلفۇن قىلاي، ‹ نومۇرىمنى ئوبۇرنىلارغا چاپلىۋەت بولسا › دېگەن گېپىمنى ئۇدۇل ئاپىرىپ دەپتۇ ساراڭ . - ئاداش، يالغانمىتى، دېمىسىمۇ نۇمىرىڭنى بەك سىرلىق قىلۋېتىسەن، مۇشۇ كەمگە كېلىپ داداڭدىن باشقا بىرەر ئەر زاتتتىن تېلفۇن كېلىپ باققىنى بىلمەيمىز . ئەمدى چوڭ بولدۇڭ ،   - ئادىلە،  ما ئۆمرۈڭدە ‹ يۆخۇي › دېگەنگە چىقىپ باققانمۇ سەن ؟ - ۋاي مەن ‹ يۆخۇي › ئويناپ بەرسەم ھەرقايسىڭغا بولۇپ بېرە، كېچە- كېچە ئۆيگە كىرمەي ئويناپ . - ۋوووووووووي ،  گېپىڭىزچە بىزگە ئۈلگە بولۇپ بېرىمەن دەپ تاڭسىڭ بولۇپ كېتىپسىزدە،  ئۇنداق قىلماڭ ، ما بىزنىمۇ  ‹ ئايپاتەم  › قىلىپ قويماڭ ، ئەمدى ئا بالا بىلەن يۈرۈپ بىزگە پاك، ساپ مۇھەببەتلىشىشتىكى ئۈلگە بولۇپ بېرىڭ . - ئاداش، چاڭ قويۇپ بېرە، ئۇسساپ كەتتىم.   - ماقۇل ئاداش ، بۈگۈن تۇربا يوللىرىنى تەكشۈرەيمەن دەپ ھېرىپ كەتتىڭىز، قىزىل چاي ئىچەمسىز ، يېشىل چايمۇ ؟     ئۇنىڭ قىلغان گېپىدىن سۆيۈنۈپ كەتتىم . مۇشۇ قىزلارنى كۆرسەملا ھەممىنى ئۇنتۇيمەن ، باشقىلار ‹ قىزلار كۆپ يەردە  غەيۋەتمۇ، ئۇششاق گەپمۇ جىق بولىدۇ › دەيدۇ ، بىراق بىز ئوخشىمايمىز، قايسىمىزنىڭ كۆڭلىمىزگە كەلگۈدەك ئىش بولسا چىرايلىق ئولتۇرغۇزۇپ قويۇپ دەيمىز، مېنىڭ سەل ئاچچىقىم يامان ، بەزىدە ۋاقىراپ سىلكىپ سالساممۇ ئېغىر ئالمايدۇ ، رەنا رامبو سەل قالايمىقان ، نەرسىلەرنى قالايمىقان تاشلايدۇ،  نازى ئۆينىڭ ئىچىدە توختىماي بىر ئىشلارنى قىلىدۇ، قانچە پۇللۇق مېھمان قىلىشقان بولساق ئۇ ئايرىم، 10 كوي سورىغان بولساق ، 10 كوي پۇلۇمنى بەرمەمسەن دېيىشىۋېرىمىز، ئارىمىزدىكى ئىچىدىغانلىرىنىڭمۇ قەتئىي قالايمىقان ئىشى يوق ، تېخى بەزىدە ئىچمەڭلار دەپ بىزگە تەربىيە قىلىدۇ ،  تۆتىمىز بىزنىڭ ئۆيدە بولساق ئا نەچچىسىنىڭ ئۇيقۇسى كەلمەيدۇ ، بىزنى ئايرىپ قويۇپ نەگە ئوينىغىلى قاچاي دېگەن دەپ تېخى ، دۇنيانىڭ پارىڭىنى قىلىشىمىز ئولتۇرۋېلىپ ، ياكى بىر كويدىن قەرت ئوينايمىز، ئۇتقان پۇلغا ئۆيگە قەغەز دېگەندەك نەرسىلەرنى ئالىمىز، ئىشلەيدىغانلىرى بولسا ئىشلەۋېتىپمۇ نەچچە قېتىم تېلفۇن قىلىدۇ : - نېمە ئىش قىلۋاتىسىلەر ؟ كىم بار ؟ ۋايجان زېرىكىپ كەتتىم ئاداش ، شۇ سىلەرنى نېمە قىلۋاتىدىكىن دەپ . مۇشۇلار بولمىسا يالغۇزچىلىقتا قانچە زېرىكەتىم ؟   شۇ خىياللار بىلەن ئۇخلاپ قالدىم ، ئەتىسى چۈش بولاي دېگەندە ئورنۇمدىن قوپۇپ تېلفۇنىمغا قارىسام كامىلدىن ئۇچۇر كەپتۇ . ... ...   بۇ بالا قاچان ئورۇنلاردا قوپۇپ ئۇچۇر يېزىپ بولغاندۇ دەپ ئوبۇرنىدا ئولتۇرغاچ ئۇچۇرىنى ئاچتىم ‹ ھەي  ئوماق ، قوپتىڭىزما ؟ مەن تاماق يېگەندە تېلفۇن قىلىڭ دېسەم نىمىشقا تېلفۇن قىلمايسىز ؟ ناشتا قىلمىدىڭىزما..  ھېلى ماڭا تېلفۇن قىلىڭ ھە › .. ئەتىگەنلىك ناشتىغا بۇرۇندىن ئۆچتۈم ، نىمىشقىكىن ئەتىگىنى بىر نەرسە يېگۈم كەلمەيتتى، داشۆدە 2-سائەتلىك دەرىستىن چۈشۈپ 20مىنۇت تەنەپۇستا ئاغىزىمدىن كىرۋاتامدۇ ھېلقى تاماق ئىشقىلىپ چاينىماي دېگەندەك يۈتۈپ سىنىپقا يۈگرەييتىم ، بىر خەنزۇ مالىم بار ئىدى،  ‹ ئەمەلىيەتتە ، ئادىلە مۇشۇ ئولتۇرغان ساۋاقداشلاردىن ، مەندىن ساغلام ، ساغلاملىق پەقەت ئادەم تېنىگىلا قارىتىلمايدۇ ، روھى ساغلاملىق ئەڭ مۇھىم ، نېمە قىلغۇسى كەلسە شۇنى قىلىدۇ ، بىر ئىشتىن غەم قىلىپ كەتمەيدۇ ، ئازاپ دېسەڭلار ئۇنىڭدىمۇ ئازاپ بار ، ئۇ پەقەت نېمە جاپا ، مەن قانداق قىلالايتتىم دەپلا ئۆزىگە تەسەللى بېرەلەيدۇ ، شۇڭا بەزى روھى چۈشكۈنلۈشۈپ كەتكەنلەر ئادىلەدىن ئۆگىنىڭلار ، لېكىن ئۇنىڭ دەرس ئارلىقىدا تاماق يەيدىغىننى ئۆگەنمەڭلار، يېسەڭلارمۇ ئاغىزىڭلارنى پاكىز ئېيتىپ چاندۇرماي كىرىڭلار  ›  . مالىمنىڭ گېپى بىلەن ياتاقتىكى قىزلار مېنى  ‹ئادىلە ساغلام  › دېيىشتى بىر مەزگىل . شۇلارنى ئويلاپ ئولتۇرسام ئوبۇرنىنىڭ ئىشىكىنى تېپىپ ۋات-ۋات سۆزلىدى: - خان باشلىرى پاكار بۇلۇپ قالمىغاندۇ ، ياستۇق ئەكىرىپ بېرەيما ؟ - ھەي ، قەشقەرلىك ساراڭ  ، ئەتىگەندە تەنە گەپ قىلماي ‹ مەن كىرەتتىم › دېسەڭلا بولمىدىمۇ ؟  ئاچچىقىمدا سۈيۈنىمۇ چۈشەرمەي يېنىپ چىقتىم . رەشىدە قەشقەرلىك ، تونۇشقىلى ئۇزاق بولمىسىمۇ مەن بەك ئامراق بۇ قىزغا ، غۇلجىنىڭ نى-نى چاقچاقلىرىدىن مۇشۇنىڭ بىر ئېغىز ‹ سېسىق گېپى › نى ياخشى كۆرىمەن ،  ماڭا ئادەتتىكىدەك گەپ قىلسىمۇ قىزىقارلىق بىلىنىدۇ ، ھەم بەك بەك چاقچاق كۆتىرىدۇ، شۇنداق دېسەم ‹ قەشقەردە بۇنچىلىك گەپنى كۆتۈرمىسەڭ ئۆلىسەن شۇ › دەپ قويىدۇ. ئۆي جىملا بۇلۇپ قالسا قايسى كىرسە ‹ ۋات-ۋات يوقما ، ئۆي ئەجەپ جىم بولۇپ قاپتا ؟ ›  .  ‹ ھە مەن يوق ، بېشىڭىزنى شۇنچە ئاغرىتۋەتكەنمىدىم خان ؟ ›  شۇنىڭ بىلەن پاراڭ باشلىنىدۇ ،  سافادا ئولتۇرۋېلىپ كۈلگىلى باشلايمەن . ۋات-ۋات چىقىپلا : - ئاداش، نېمە يەيمىز؟ - ئاداش ، مۇشۇ گەپتىن بەك زېرىكتىم جۇما مەن ، ئاپىمىز قانداق قىلار بولغۇيتى ؟    بەزىدە يەيدىغان تامىقىمىزنى تاپالمايمۇ ئۆتىدۇ نەچچە سائەت ، شۇنداق بىرسى ئۆيگە ماڭدىم دەپ تېلفۇنلا قىلسا ‹ ئاداش ، تاماق ئالغاچ كىرە، نېمە بولسا مەيلى › دەپلا تېلفۇننى قويۋېتىمىز ، قايتۇرسا ئالمايمىز، بۇ رەشىدە ئىككىمىزنىڭ تىكوسى، كىرگەن ئادەم نېمىلا بولسۇن ئەكىرىدۇ ، شۇنى يەيمىز، قاچىسى بىچارە نۇربىيە كەلگۈچە ئاشخانىدا .   - ھەي، مەن تاماققا ئانداق ئۇستا مانداق ئۇستا دەۋەتاتتىڭ ، غاچلا قوپۇپ سەي قورىغىنە ، نان بىلەن يەيلى ، -سەنچۇ ؟  سەن نېمە ئىش قىلىسەن ؟  ۋات-ۋات ياندۇرۇپلا مەندىن سورىدى . - بەك ناچار ھە سەن ، تۈنۈگۈن دوختۇر مېنى ئېغىر ئىش قىلماي ياخشى كۈتۈنۈڭ دېدى . - ۋاي، كەچۈرۈڭ ھە ، سىز يارىدارتىڭىز راست .   ئۇ تاماق تەييار قىلغۇچە مەن پىشانەمنىڭ تۆۋىننى شۇنداق تەستە يۇيدۇم، ئوي قۇلىقۇم سەل ئاغرىپ تۇراتتى، ئەينەككە قاراپ ‹ گۈزەل رۇخسارىمدىن›   ھوزۇرلىنۋاتسام ئۇنىڭ تامىقى تەييار بولدى . -بۇ سەيلەر پىشتىمۇ يا ؟ -بەك ئىچىمنى سىقىسەن جۇمۇ ، ئېتىپ بەرگەنگە خوش بۇلۇپ يېگنە . -   چوكىنى قولۇمغا ئېلىپلا ‹ تاماق يەيدىغان ۋاقىتتا ماڭا بىر تېلفۇن قىلىڭ › دېگىنى يادىمغا كەلدى ، نېمە دەيدىغان بولغۇيتى ؟ ئۇچۇر يازاي دەپراق تېلفۇن قىلدىم : - ئەسسالامۇ - ئەلەيكۇۇۇۇۇممممم - ۋاي ۋەئەلەيكۇۇۇۇۇۇۇۇۇم -ئەسسالام .  مەنمۇ ئاچچىقىمدا تەنە بىلەن سالام قايتۇردۇم - ھاھاھاھا، ئەمدى قوپتىڭىزما ، لەقۋا. - نەۋاق مەن قوپقىلى ، ئۆي تازلاپ ،تاماق ئېتىپ بولۇپ تېلفۇن قىلدىم .   رەشىدەنىڭ چوكىسى قولىدىن چۈشۈپ كەتتى،  ئۇنىڭغا ‹ ئۈششششششش › نى نەچچە شەرەتلەپ ،  گەپ قىلماي تۇر دەپ يالۋۇرغان چىراي ئىپادىسىدىن نەچچىنى قىلىپ زۇۋانىنى يىغدىم ، - ھە ،  تاماقنى سىز ئەتتىڭىزما ؟ - ھەئە ، نېمە بولدى ؟ - ھى ھى ھى ،  يانماي ھەئە دەۋاتقىننى ، شۇنچە قىزلار تۇرۇپ سىزدەك بىر بىمارنى تاماق ئەتكىلى سالارما ؟   قايتۇرىدىغان گەپ تاپالماي قالدىم - ھە شۇ ھازىر تاماق يەي دەپ ئولتۇرغان ، شۇڭا تېلفۇن قىلدىم، - ھەنىم بولسا گېپىمنى ئاڭلاپسىز ھە ؟ ھازىر چوكا قايسى قولىڭىزدا ؟    چۆچۈپ كەتتىم ، بۇ بالا جىنكەشمۇ نېمە ، قولۇمدا چوكا بارمۇ ، قۇشۇق بارمۇ قانداق بىلگەندۇ ؟ - چوكا يوق قولۇمدا !!! قۇشۇق بار قۇشۇق !! - ھە يەنە سۆزلىڭە ھە، بايا ئىككى تال چوكا تىرىڭشىپ پەسكە چۈشتى، - ھە چوكا بولسا نېمە بوپتۇ ؟ - قايسى قولىڭزدا ؟ - سول . - تۆنۈگۈن دۇرداندا تاماق يەۋېتىپ ھېس قىلدىم سول قوللۇق ئىكەنلىكىڭىزنى ، ئۇ يەردە گەپ قىلسام قاچىنى بېشىمغا كەيدۈرۈپلا قاچىسىز . شۇڭا تاماق يېگەندە تېلفۇن قىلىڭ دېگەن ، سول قولدا يېگەن تاماق ھارام، ئۇ تاماققا شەيتان ھەمرا.......................  ،  بىر مۇنچە ‹ پەتىۋا › سۆزلىدى .    مۇشۇ گەپلەرنى ئاڭلاۋېتىپ شۇنداق بىر مۇڭ باستى ئىچىمدىن ، مەن قاچان بۇنداق گەپلەرنى ئاڭلاپ باقمىغىلى ، مۇشۇ ئۆيدىكى قىزلاردىن قانچىسى ھېس قىلغاندۇ مېنىڭ سول قوللۇق ئىكەنلىكىمنى ؟ مەن سول قوللۇقلا ئەمەس، سول پۇتلۇق، سول پۇتۇم باشتا چىقىدۇ چامدىسام،  كىچىك ۋاقتىمىدا  ‹ سەكرەش › دەپ بىر ئويۇن بۇلىدىغان ، بىر سىزىقنى سىزىپ قويۇپ سەكرەيتتۇق ، قارشى تەرەپتىكىلەر تارتاتتى، شۇ ئويۇندىمۇ سول پۇتۇمدا سەكرەيتتىم ، مەلىدە ئويناۋاتقاندا ئاپام كۆرۈپتىكەن ، كەچتە دادامغا ‹ بۇ بالىنى سول قوللۇقمىكىن دېسەم سول پۇتلۇقكەن  ،  قىز بالا تۇرسا  › دەپ قاقشاپ  كەتكەنتى. - ئاڭلاۋاتامسىز ؟؟ - ھەئە .   - بىسسىمىللاھ  دەپ ئوڭ قولىڭىزدا يەڭ ، ئۆگىنىڭ . قىزلار زاڭلىق قىلماس . - ھە ماقااااااااااا .  ما سەي سوۋۇپ قالدى، مەن يەۋالاي ھە ! - سىرىت بۈگۈن بەك سوغاق ، سىرىتقا چىقماڭ ھە !! - مەن سوغاققا ئامراق . -  پىشانىڭىزگە سوغۇق ئۆتۈپ كەتمىسۇن دېدىم تازىمۇ جاھىل قىزكىنە . - ۋاي خوش بولدى ! - ھى ھى ھى  .  گەپ ئاڭلاڭ ھە ئوماق . جىق- جىق يەڭ . مەن كەچ تەرەپتە تېلفۇن قىلاي !    *** *** داۋامى ئىنكاس شەكلىدە يوللاندى، تۆۋەندىكى ئۇلىنىشنى بېسىپ كۆرۈڭ : داۋامى1           داۋامى2          داۋامى3         داۋامى4             داۋامى5 داۋامى6           داۋامى7           داۋامى8         داۋامى9              داۋامى10 داۋامى11         داۋامى12          داۋامى13       داۋامى14           داۋامى15 داۋامى16        داۋامى17           داۋامى18     داۋامى19            داۋامى20 داۋامى21       داۋامى22          داۋامى23      داۋامى24            داۋامى25 داۋامى26        داۋامى27          داۋامى28      داۋامى29            داۋامى30 داۋامى31        داۋامى32          داۋامى33      داۋامى34            داۋامى35

蓝狼331

	جىننىڭ قەستى شاپتۇلدا  ،   داۋامىنى تېزراق يېزىڭە   ساقلاپ قالدىم

ئۆل

	بۇنىڭ ئاخىرىنى ئوقۇشقا سەۋرىم بارىمدۇ

runiyam

	مەكتەپ ھاياتىم كۆز ئالدىمدا ئكراندەك كۆرنۈشكە باشلىدى. ئاخىرىنى كۈتۈپ ....

$UQKUN$

	تۇگۇدىما؟ ئاخىرى قېنى خانقىز؟ تىزراق يازسىڭىز بوپتىكەن .

osmanjan37

	مەنمۇ قىزىقىپ قالدىم. پەرزەنىت ئۈچۈن ئاتا-ئانىلار ھەقىقىي كۆيۈندىغان كىشىلەردۇر!  ئۇنداق مۇھەببىتىم بۇنداق مۇھەببىتىم دېگەن بىلەن ئاخىرى سىزنىڭ ھېچنىمىڭىز بولمايمۇ قالىدۇ!  مۇھەببەت (قىز-ئوغۇل ئوتتۇرىسىدىكى) چوڭقۇرلىغانسىرى  ئايرىلىشتىن دېرەك بىرىدۇ. چۈنكى كۆپ ئۇچرىشىش مۇھەببەتنى ئاسانلا تۇيۇندۇرۇپ قويىدۇ. بۇرۇنقىدەك قىزىقمايدىغان بولىسىز!    سەل ئۈمىدسىزلەندىم! مەنمۇ بېرىپ باقمىغان  ئۇنداق يەرلەرگە.....  ئىملاغا دىققەت قىلىڭ!

zapar

	ئىز-پىزا ئىشتشكە تەييارلىق تۇلۇق بولسۇن-ھە!

$UQKUN$

	ھەييييييييييي ياشلىق بەڭۋاشلىق دەپتىكەن كونىلار