زاھىر ئابدۇراخمان ئالەمدىن ئۆتتى

Musallas

	10-ئاينىڭ 20-كۇنى  تالانتلىق شائىرىمىز - زاھىر ئابدۇراخمان  ئالەمدىن ئۆتتى. ئاللا ئۇنىڭغا ئۇ دۇنيالىقىنى بەرگەي! قوشۇمچە:      شائىر زاھىر ئابدۇراخمان 1961-يىلى 8-ئايدا ئاقسۇ ۋىلايىتىنىڭ ئاۋات ناھىيە بەشئېرىق يېزىسىدا خىزمەتچى ئائاىلىسە تۇغۇلغان، باشلانغۇچ ۋە ئوتتۇرا مەكتەپلەرنى ئۆز يېزىسىدا ئوقۇپ تاماملاپ، 1978-يىلى شىنجاڭ ئۇنۋېرسىتېتىنىڭ  ئەدبىيات فاكۇلتېتىغا ئوقۇشقا كىرگەن. 1983-يىلى ئوقۇش پۈتتۈرگەندىن كېيىن «ئاقسۇ ئەدەبىياتى» ژورنىلى تەھرىرى بۆلۈمىگە خىزمەتكە چۈشكەن. كېيىنچە كەسىپ ئالماشتۇرۇپ ئاۋات ناھىيەلىك پارتكومدا كاتىپ بولۇپ ئىشلىگەن. 1986-يىلى ئاقسۇ ۋىلايەتلىك مالىيە –سودا مەكتەپكە يۆتكىلىپ كېلىپ، ئەدەبىيات ئوقۇتقۇچىسى بولغان.      زاھىر ئابدۇراخماننىڭ ئىجادىيىتى 1980-يىلى «ئاقسۇ ئەدەبىياتى»دۆرنىلىدا ئېلان قىلىنغان شېئىرلىرى بىلەن باشلانغان. شۇنىڭدىن تارتىپ ھازىرغىچە «زۇمرەت قەترىلەر»، «قەلبىم تۆرىدىكى پەخرىي ئورۇندا»، «ئىزدىنىش»، «نۇر ھەققىدە رىۋايەت» قاتارلىق شېئىرلىرى ئېلان قىلىنغان. «تەۋەررۈك راۋاب» ناملىق داستانى بەلگۈلىك تەسىر قوزغىغان. «ماشىنا ئالماشتۇرسىلا»، «ھاكىم»، «تەستەك ۋە خىيال» قاتارلىق بىر تۈركۈم ھەجىۋى ھېكايىلەرنىمۇ يازغان. شېئىرلىرى «ئارزۇ بوستانى»، «مۇھەببەت لېرىكىلىرى»، «توي تەنتەنىسى»، «كۈمۈش قەترىلەر»، «قەشقەردىكى يەرشارى» قاتارلىق بىرلەشمە توپلاملارغا كىرگۈزۈلگەن.    زاھىر ئابدۇراخماننىڭ «روھىمغا سەپەر» ناملىق شېئىرلار توپلىمى 1994-يىلى، «ساقاللىق دەرەخ» ناملىق شېئىرلار توپلىمى 2011-يىلى نەشىر قىلىنغان.

talat315

	ياتقان يىرى جەننەتتە بولغاي.

xahida223

	ئىننا لىللاھى ۋە ئىننا ئىلەيھى راجىئۇن.

555rikabatqi

	مەن بۇ شائىرنىڭ نۇرغۇن شېئىرلىرىنى ئۇقىغان ھەم  بەك ياقتۇراتتىم

Musallas

	تۇنۇگۇن يۇرتى بېشىرىق يېزىسىغا  دەپنە قىلدۇق .

hasalharisi

	ئاپتور جاۋابىنى بويلاپ 2قەۋەت  mnafk كە 2011-10-21 11:37 AMئەۋەتىلدى  : زاھىر بۇرھان دەپ بىر سەنەتچى بولىدىغان يوقاپلا كەتتى   زاھىر بۇرھان بار ،ئۇ ئۆز كەسپى بىلەن مەشغۇل ئىكەن.ھازىر جەنۇبىي شىنجاڭدىكى بىزنىڭ ناھىيەدە دېھقان-چارۋىچىلار ئاممىسىغا ئويۇن قويۇپ بېرىۋاتىدىغۇ.

hasalharisi

	بېشىمدا چېقىلغان چېقىلغاندەكلا بولدىغۇ بۇ خەۋەرنى ئاڭلاپ؟ ھەي ئېسىت! تېخى ياش ئىدى. ساغلامدەك قىلاتتى، ھادىسىمىدۇ ياكى كېسەل سەۋەبىدىنمىدۇ؟ بۇ ئىجتىھاتلىق مۇئەللىم ھەم شائىرغا چۇڭقۇر ھۆرمىتىم بار ئىدى. ئۆلۈمگە نىمە ئامال. ياتقان يېرى جەننەتتە بولغاي،ئامىن!!

matimatika

	ياتقان يىرى جەننەتتە بولغاي! ئامىن...