كۆڭۈلگە جاۋاپ (چەشمەزۇلال)

qaxmazulal

	كۆڭۈلگە جاۋاپ سۆزلىرىمنى مىسرادا  تىزسام، سۆز ئويىنى ئوينىدى دېمە. تىنىقى بار جاندا سۆيگىنىڭ، بولمىقى ھەق،بۇ بىر مەنتىقە. سۇ قۇشۇلغان سۈتكە ئوخشايدۇ، چىن سۆزلەرگە ئارلاشسا يالغان. سەمىمىيەت ۋەجىدىن شۇڭا، دىل سۆزىمنى قىلدىم مەن بايان. كېرەك ئەمەس شىرىن سۆزلىرىڭ، پۇل-مال،چىراي كۈتمەيمەن تەما. «يىگىت»بولساڭ ئەل ئالقىشلىغان، ئۇندىن بۆلەك نە تەلەپ ئاڭا. چىللاپ قالما ئاخشاملاردا ھەم، بارالمايمەن  پىنھان سەيلىگە. داغدا قويار يولدىن ئازدۇرۇپ، كۆڭۈلنى گەر قويسا مەيلىگە. لەۋىزنىڭ ھالال بولسا ھەر ئىشتا، مەندە تۇلۇق ساداقەت ۋاپا. ئىمان،ئىنساپ قانىتىڭ بولسا، زىننىتىمدۇر نۇمۇس ۋە ھايا. سۆيدۈم دېمە،مەندىن سورىما، دىيىلمىسۇن «ئاجايىپ» سۆزلەر. سېغىنىشقا بولسۇن گۇۋاھچى، كۈيۈم بىلەن بېقىلغان كۆزلەر. ئىشەنىچ بىلەن بېقىپ ئەتىگە، بىللە تارتسا بىلىنمەس جاپا. ئورتاق يولغا قىلساق ئەقىدە، بۇ سۆيگۈگە ئەل بەرسۇن باھا. چەشمەزۇلال

kapsizparixta

	چىللاپ قالما ئاخشاملاردا ھەم، بارالمايمەن  پىنھان سەيلىگە. داغدا قويار يولدىن ئازدۇرۇپ،   كۆڭۈلنى گەر قويسا مەيلىگە. خو ! ئادىشىم ، مۇشۇ يىرىڭلىنى دەيمەندە ، بولمىسا....

akax520

	ياخشى  يېزىپسىز  جۇمۇ......

Janbar

	كىم سۆيگۈنى يازسا ،يازسۇن مۇشۇنداق، كۆيدۇم - پىشتىم دىگەنلەرنى ئاز قىلىپ . چەشمە زۇلال ئىيىتقىنىدەك ھەر زامان باھا بەرسۇن سۆيگۈلەرگە ئەل ،قەلىپ .

پالۋان

	كۆڭۈلگە ئالدىنىپ قالما، باشلار سىنى ئۇقۇبەتكە، ئەقىلدىن مەسلەھەت سورغىن، ئېرىشتۈرەر ئۇ ھۆرمەتكە.

zulayha

	چەشمە زۇلالدەك ئاتەش سۆيگۈنى ،         ئېلىپ قويسا ھەم نىكاھ ئەتىگە.                     كىشىلەر كەلسە ماختاپ تويلارغا،                                     بىزمۇ بارايلى شۇنداق پەتىگە.

8koqa

	تىنىقى بار جاندا سۆيگىنىڭ، بولمىقى ھەق،بۇ بىر مەنتىقە. سۆيگۈسى بار سۆيۈلمىگەننىڭ، بىر سۆيۈشكە بەلكى ئەرزىسە. سەمىمىيەت ۋەجىدىن شۇڭا، دىل سۆزىمنى قىلدىم مەن بايان. ئېيتقىن سەنمۇ بىرگە ئاڭلايلى سۆيگۈ گۈزەل، دۇنيا بىپايان. «يىگىت»بولساڭ ئەل ئالقىشلىغان،   ئۇندىن بۆلەك نە تەلەپ ئاڭا. سەنمۇ بولساڭ ئىسلام ئۈممىتى، ھېچ ئەيىبىڭ كۆرۈنمەس ماڭا. داغدا قويار يولدىن ئازدۇرۇپ، كۆڭۈلنى گەر قويسا مەيلىگە. كىرمەي شۇنداق شەيتان كەينىگە. بىللە چىقساق باغقا سەيلىگە. ئىمان،ئىنساپ قانىتىڭ بولسا، زىننىتىمدۇر نۇمۇس ۋە ھايا. بولسا شۇنداق پەزىلەت سەندە سېنىڭ ئۈچۈن جان قىلاي پىدا. سېغىنىشقا بولسۇن گۇۋاھچى،   كۈيۈم بىلەن بېقىلغان كۆزلەر. سېغىنىشتا تۆكۈلگەن ئۈنچە ئاق قەغەزگە تۆكۈلگەن سۆزلەر. ئورتاق يولغا قىلساق ئەقىدە، بۇ سۆيگۈگە ئەل بەرسۇن باھا. ھەممە بىزگە بولۇپ گۇۋاھچى قول كۆتۈرسۇن قىپ بىزگە دۇئا.

mosajan0997

	kungulga bargan jawap yahxi qikiptu... hap kunupka tahtisi.......

Eltekin

	سۆيدۈم دېمە،مەندىن سورىما، دىيىلمىسۇن «ئاجايىپ» سۆزلەر. سېغىنىشقا بولسۇن گۇۋاھچى،    كۆيۈم بىلەن بېقىلغان كۆزلەر.   _______________________ ھەجەب بەكمۇ يارىدى بىزگە، چەشمە زۇلالنىڭ شۇبۇ گەپلىرى. مۇھەببەتلىشىش بولىدۇ ئەمما، باردۇر ئۇنىڭ شۇنداق چەكلىرى.

heslirim

	مىنىڭمۇ نەچچە كۇبلىت يېزىۋەتكىم بار ئىدى ئەپسۇس ۋاقىت قىستاپ  قالدى