مەن كىم ئۈچۈن كۈلگەن بولغىيتىم

aydakkiz

	مەن كىم ئۈچۈن كۈلگەن بولغىيتىم ، ئېسىمدە يوق ھېچبىر ئىش بىراق . ئەسلەپ كۆرسەم قۇرۇق خىيالىم ، قورشاپ ئاپتۇ كۆڭلۈمنى پىراق. ئاھ ! دەپ قالدىم شۇنچە بىچارە ، يۈرەك ئاچچىق بولدى بىر پەستە . تارتقان جاپا ئۇ پەقەت ئۆتمۈش ، ئۆتۈپ كەلگەن ئىدىمغۇ تەستە . ئىشلەپ تېنىم تاپماستىم پەقەت ، ئۆي ،ئېرىم ۋە بالام ئۈچۈنلا . چاچ- سۈپۈرگە، قولۇم- كۆسەيتى ، نېمە بولدى ئەمدى يوچۇنلا . نىكاھ بېغى چەيلەندى بىردىن ، مەندە يوقكەن قىلچە ئەركىنلىك . نېمە ئويلار دېمەيدۇ ھېچكىم ، قىلغاندىمەن نېمە سەۋەنلىك ؟ تۇرمۇش شۇنچە مۇرەككەپكەن، ھەي ، دىللىرىمدا قالدى بىر نەپرەت . چاك -چېكىدىن سۆكۈلگەن كۆڭۈل ، ۋاراقلىسام دەردلىرىم رەت -رەت. خوش دېگەنچە چىقتىم ئۆيۈمدىن ، ئۇ مەن ئۈچۈن بىر ئىللىق دۇنيا . خوش دېمەككە ھېچ ئىلاجىم يوق ، ھايات يولۇم بولۇركى قاندا (ق). مەنمۇ بىلگەن بولسام گىرىمنى ، ياكى نازلاپ كۈلۈپ بېقىشنى . بولماس ئىدى بالىلار ئۆگەي ، بىلەر ئىدىم قانداق قىلىشنى . كۆڭۈل يۈگرۈك دەيدۇ ھەممىدىن ، شۇ كۆڭۈللەر نازنى ئىزلەركەن . ئۆي دىگەنچە جاپا تارىتقانغا ، شۇ كۆڭۈللەر ئازاپ بېرەركەن . ئىنساپ بەرسۇن يېگانە ئاللاھ ، كوچىلاردا يۈرگەن كۆڭۈلگە . دەرتكە ئۆلۈپ كەتمەسمەن بەلكى ، ئېرىشەرمەن  بىر كۈن كۆيۈمگە .   ( مەنبە :ئۆز يازمىلىرىمدىن )

ARKZAT

	" تۇر!!! + مۇش!!! =تۇرمۇش!!!!" نى خېلى ئەينەن ھالدا پەردەزسىز ئەكىس ئەتتۈرگەن بەدئىي ماھارىتىڭىزگە ئاپىرىن!    ئازاب-قەلەمكەشلەر ئۈچۈن تۈگىمەس ئىلھام بۇلىقى. بۇ بۇلاقتىن تېخىمۇ شېرىن شەربەتلەرنى مۇنبىرىمىزگە تۆكۈپ تۇرغايسىز. بەلكىم شۇندىلا، قەلب بوستانىڭىزدا  رەڭدار ۋىسال گۈللىرى پورەكلەيدۇ!

natik

	ياخشى يىزىپسىز  ماڭا  شۇنداق ياردى ،  رەخمەت  نادىر ئەسەرلىرىڭىز ئۈزۈلمىگەي.

allibas

	ئادەمنىڭ ئىلھامى كەلگەندە ياخشى بىرشېئىرنى 5 مىنۇتتا پۇتتۇرگىلى بۇلىدۇ،ئىلھامى كەلمىسە 5يىلدىمۇ بىر كۇپىلىت يازغىلى بولمايدۇ، ئىلھاملىرىڭىزنىڭ ھەر قاچان ئۇرغۇپ تۇرىشىغا تىلەكداشمەن،

نۇربىيە

	بەك ياخشى چىقىپتۇ ،ئەملىيەتنى چىقىش قىلىپ يىزىپسىز ？

umak88

	ياخشى يېزىپسىز ، شئېرىڭىزنى ئۇقۇپ كۆڭلۈم شۇنداق يېرىم بولدى ، ئاللاھ ھەممىمىزنىڭ بەختىنى بەرسۇن !

ihsan0903

	ئىلھام كەلمىكى ئاسان ئەمەستە

ubul0998

	بەك ياخشى چىقىپتۇ، ئىلھامىز ياخشى كەپتىكەن.

cubat

	ھەممىمىزگە بەخىت يار بولسۇن... ھايات ئاجايىپ بۇلىدۇ. بەخىت ئۈچۈن غەم يىيىشنڭ ھاجىتى يوق. مېنىڭچە ئادەم ھەممىنى ئۈزىدىن ئىزدىشى كېرەك ... ئادەم ھەمىشە ئۈزىنڭ خاتالىقىنى ئېتراپ قىلىشنى خالىمايدۇ. جاپالىق ياشاشنىڭمۇ ھاجىتى يوق ... پەقەت يۈرىڭىڭىز ئازاپ ۋە ئۆكۈنۈشنى ھېس قىلالمىغىدەكلا ياشىسىڭىز بولدى ...

cubat

	بىر سۇئال سوراي كۆپچىلىك مېنىڭكىدە مىسرانىم  ئېكرانىمغا پايمايۋاتىدۇ، نىمە ئۈچۈن؟ ياردەم قىلساڭلار ،..