توشقان قانداق قىلىپ بۆرىنى يەۋەتتى

satorn

	توشقان قانداق قىلىپ بۆرىنى يەۋەتتى بىر كۈنى بىر بۆرە ئۆڭكۈر ئالدىدا ئولتۇرۇپ بىر نىمىلەرنى يېزىۋاتقان توشقاندىن سوراپتۇ :   __ نىمە يېزىۋاتىسەن ؟   __ ماقالە يېزىۋاتىمەن ، __ دەپ جاۋاپ بىرىپتۇ توشقان .   __ قايسى تىمىدا يېزىۋاتىسەن ؟ ، دەپ سوراپتۇبۆرە يەنە.   __ توشقاننىڭ قانداق قىلىپ بۆرىنى يەۋەتكەنلىكى ھەققىدە ، __ دەپ جاۋاپ بىرىپتۇ توشقان .   بۇ گەپكە ئىشەنمىگەن بۆرە قاھقاقلاپ كۈلۈپ كىتىپتۇ .   __ ئەمسە ئارقامدىن ماڭ  ، __ توشقان شۇنداق دىگىنىچە بۆرىنى ئىچكىرگە باشلاپ ئەكىرىپ قويغاندىن كىيىن ، يەنە ئۆڭكۈر ئالدىغا چىقىپ ماقالىسىنى داۋاملىق يېزىۋېرىپتۇ. بۇ چاغدا بىر تۈلكە كىلىپ توشقاندىن :   __ نىمە يېزىۋاتىسەن؟__دەپ سوراپتۇ.   __ ماقالە يېزىۋاتىمەن ، __ دەپ جاۋاپ بىرىپتۇ توشقان.   __ قايسى تىمىدا يېزىۋاتىسەن؟ دەپ سوراپتۇ تۈلكە.   __ توشقاننىڭ قانداق قىلىپ بۆرىنى يەۋەتكەنلىكى ھەققىدە ، __ دەپ جاۋاپ بىرىپتۇ توشقان .   بۇ گەپكە ئىشەنمىگەن تۈلكە قاھقاقلاپ كۈلۈپ كىتىپتۇ .   __ ئەمسە ئارقامدىن ماڭ  ، __ توشقان شۇنداق دىگىنىچە بۆرىنى ئىچكىرگە باشلاپ ئەكىرىپ قويغاندىن كىيىن ، يەنە ئۆڭكۈر ئالدىغا چىقىپ ماقالىسىنى داۋاملىق يېزىۋېرىپتۇ.   بۇ چاغدا ئۆڭكۈر ئىچىدە بىر شىر بىردۆۋە سۆڭەك ئارىسىدا يېتىپ چىشىنى كولىغاچ ، توشقاننىڭ ماقالىسىنى كۆرۈپتۇ:   «بىر ھايۋاننىڭ قابىلىيتىنىڭ قانچىلىك بولىشى ئۇنىڭ كۈچلۈك ئاجىزلىقىدا ئەمەس ، بەلكى پەردە ئارقىسىدىكى خوجايىننىڭ كىم بولىشىدا!» مەنبە كىلەچەك تورى

nur-luk

	بەك مەنىلىككەن.نۇرغۇن نەرسىلەرنى چۈشەندىم

adwokatsubi

bahirah

	توۋا........... ھەجەپ بىر قىسمىلا بولۇپ قالدىميا بۇ تىمىنى ئوقۇپ....... رەسىمنى كۆرۈپلا ھەيران قالغانتىم.........

satorn

	گەپنىمۇ ئوڭشاپ قىلالمايدىغان ، بىلىم سەيەسىدىن ئېغىز ئېچىشقا ئەسلا بولمايدىغان ئەمما بىلىملىك ، قولىدىن ئىش كىلىدىغان ئىختىساسلىقلارنى بولسا ئۇلارنىڭ نۇرىدىن ئۆزىنىڭ نۇرسىز كۆرىنىپ قېلىشىنىڭ ئالدىنى ئېلىش ئۈچۈن ھەرخىل ۋاستىلارنى قوللۇنۇپ رولىنى جارى قىلدۇرغىلى قويماي ، ئاقىۋەت ئاشۇنداق ئىختىساسلىقلار جەمىيەتتىن ئاغرىنىدىغان ھەتتا جەمىيەتنىڭ داشقاللىرى قاتارىغا ئۆتۈپ كىتىشىگە سەۋەپچى بولىۋاتقان بىچارە توشقانچاقلىرىمىز جەمىيەتتە نۇرغۇن. بولۇپمۇ ھوقۇقنى پۇلغا سېتىۋېلىپ كىرىم مەنبەسى قىلىۋالغان ئەمەلدارلار تۆۋەندە ساماندەك تولا. قايسى كۈنى بىر ئوقۇتقۇچىىنىڭ ئاھۇ زارى دىگەن تىمىنى كىلەچەك تورىدا كۈرۈپ شۇنداق ئازاپلانغان ئىدىم، دىمىسىمۇ تۆۋەندە بىر قىسىم مەكتەپ مۇدىرلىرىنىڭ قىلمىشىغا چىدىغىلى بولمايدۇ. بۈگۈن قارىسام دەل مۇشۇ نوقتىنى يۇرۇتۇپ بىرىدىغان بۇ تىمىنى تەرمىلەر يورنىلىدىن كۆرۈپ كىلەچەك ترىغان يوللانغان يىرىدىن بۇ مۇنبەردە تېخىمۇ كۆپ كىشىلەرنىڭ كۆرىشى ئۈچۈن يۆتكىگەنتىم. ئاشۇنداق بايقۇش توشقانچاقلارمۇ كۆرسە دەيمەن.

13579343005

	ئۆزىنىڭ ئەرزىمەس ھاياتىنى دەپ ،كۈچلۈكلەرنىڭ ئاقىغا ئۆتىۋالغان توشقاندەك كىشىلەر جەمىيىتىمىزدە ئاز ئەمەس ... مەسلەن:  جەمىيىتىمىزدە  نۇرغۇن  كىشىلەر توشقان  قىياپىتىگە كىرىۋىلىپ  بىزنىڭ ‹‹بۆرە- تۈلكىە››لىرىمىزنى  گۇمران قىلىپ كەلمەكتە .بۇ  بىر قاباھەت .  ئىسىت .............................ئاشۇنداقلارنىڭ ھالىغە ۋاي .....!!!!!!!

8koqa

	ۋەقەلىكتىكى تۈلكە ۋە بۆرە ئاتالغۇلىرى ئىشلىتىش جەريانىدا ئورۇن ئالماشتۇرۇش خاتالىقى كېلىپ چىقىپتۇ، مۇمكىن بولسا تەپسىلىي تۈزىتىلگەن بولسا، تەپەككۇر قىلغۇچىلار ئۈچۈن قولايسىزلىق ئېلىپ كېلىشتىن ساقلىنىش ئۈچۈن. (14ۋە15 - قۇرلىرىغا قاراڭ) --شەخسى پىكىر

xahida223

	بەك مەنىلىككەن .تېما ئىگىسىگە رەھمەت.

natik

	ئەپەندىم سلى ساۋاتسىزمۇ؟ مۇشۇنداقما ئىنكاس بۇلامدا؟

adwokatsubi

	يىزىقتا ئىنكاس يازسام مۇنبەر باشلىقلىرى قالپاقلارنى كىيگۈزۈپ ئۆچۈرۋىتىدىكەن. ئۇنىڭدىن رەسىملار ئەۋەتەي دەپ ئەۋەتكەن.  مۇنبەر باشلىقلىرى ئەركىن،ئوچوق پىكىر،ئاڭلارنىڭ بولۇشىنى چەكلەيدىكەن. بىر نەچچە كۈننىڭ ياقى ئىنكاس يازسام ئۇلارنىڭ دىتىغا ياقمىسىلا ئۆچۈرۋەتتى. ئۇنىڭدىن بىر نەچچە تال رەسىمنى ئەۋەتىپ ئىنكاسلارنىڭ قىممىتىنى چۈشۈرسە مۇنبەر باشلىقلىرى ئۆچۈرمەيدىكەن، شۇڭا مۇنبەر باشلىقلىرىغا نارازىلىقمىنى بىلدۈرۈپ قويۇش ئۈچۈن رەسىم ئەۋەتتىم.