بىر يىتىم قىز ھەققىدە ئويلىغانلىرىم

nasih

	ئاتاڭ تۈرمىدە ئاناڭ تارىمدا،                  يىراقتا،ئەردە. باغرىڭدىن كۈلۈپ جان قوزام                   ئەركىلەرسەن ئەمدى كىملەرگە؟ سەكرەپ يۈرۈپ شوخلۇقتىن، يۆلەيدۇ كىملەر؟                     يىقىلساڭ ئەگەرلەردە. چۇۋۇلغان چاچلىرىڭ، ئېقىپ چۈشكەن پوتلاڭمۇ بىر گەپ. چۆچۈپ ئويغانساڭ سەھەرلەردە تاراپ قويار كىممۇ چېچىڭنى؟ كىممۇ دەملەپ بېرەر ناشتاڭ،چېيىڭنى؟ بىلمىدىم، بەلكى بىلمىدى ھىچكىم، قويغان بولغىيتتى ئۇ بىچارىلەر نىمىنى ئويلاپ، "مۇنەۋۋەر" دىگەن خۇددى قۇياش نۇرىدەك                                ئىللىق شۇ ئىسمىڭنى؟ ئۆزەڭ ئوينايسەن ئۆزەڭ بىلەن، خىيالىڭدا ئۆزەڭ بىر ئانا. تاشلىغىڭ يوق ئەسلا بالاڭنى، ھارمايسەن ئوينۇتۇپ ئەسلا، تالمايسەن ئۆگۈتۈپ ئەسلا، ئۆزۈڭچە تېخى ئاشۇ بالاڭغا، ئانا تىلىڭنى. ئۆگەنگىنىڭنى، بىلمىگەننى ئۆگۈنۈپ ھەتتا. شوڭا بەلكىم، قۇشلار سەندىن ئۆگەندى ئەللەي ناخشىسى، يىرتقۇچلارمۇ سەندەك بالا ئۈچۈن جاننى ئاتاشنى سېخىدۇر تەبىئەت پەقەت سەن ئۈچۈن. قۇياشمۇ كۈلىدۇ سەن كۈلگەندە، يۇلتۇز-تۇلۇن ئاي بولار كۈزەتچىڭ. شوڭا تىلىگىم شۇ: تەڭرىم بەرسۇن ھەممىمىز ئۈچۈن پەقەت سىنىڭ كۈلكەڭنى سىنىڭ ئازابىڭ بىز ئۈچۈن قىيامەت بەلكى......

aynuri--15061

	چاچما شېئېر ئىكەنغۇ،ياخشى يېزىپسىز.

1670154432

	بالىلىقىمغا قايتقاندەك بۇلىۋاتىمەن ،مەنلا ئۇچۇن يازغانمۇ نىمە ؟مانا مەن ئاتا- ئانامنى بىر قاتا بولسىمۇ قانغىچە قۇچاقلاپ باقماي تۇيغىدەك پۇراپ سۇيۇپ باقماي چوڭ بولغان لىكىن مىنىڭ قۇچىقىمدا باللىرىم يايراۋاتىدۇ،

ئۆل

	ياخشى چىقپتۇ ....بۇ خىل شئېر تىپىنى بەك قاقتۇرىمەن ...رەخمەت..........

musilina

	شېئىرىي مەزمۇن،تەسىرلىك،تىلى يېنىك،چۈشىنىشلىك چىقىپتۇ.ئۆزىڭىزنىڭ يازمىسىمۇ؟ياخشى يېزىلغان شېئىركەن..

mosajan0997

	ياخشى يىزىپسىز،بەك تەسىرلىك چىقىپتۇ...

nasih

	ئاپتور جاۋابىنى بويلاپ 4قەۋەت  musilina كە 2011-10-15 05:03 PMئەۋەتىلدى  : شېئىرىي مەزمۇن،تەسىرلىك،تىلى يېنىك،چۈشىنىشلىك چىقىپتۇ.ئۆزىڭىزنىڭ يازمىسىمۇ؟ياخشى يېزىلغان شېئىركەن.. شۇنداق ئۆزەمنىڭ يازمىسى ئىدى.

gulbaxikar

	ياخشى يېزىپسىز ، ھەقىقى يېتىم قىزنىڭ تۇرمۇشى تەسۋىرلىنىپتۇ.

شاھلالە

	ياخشى تىلەككەن ھە !!!!