ئەركەك بولساڭ مىنى ئايىغىن

Gvljahan

	ئەركەك بولساڭ مىنى ئايىغىن مەندىن كۆڭۈل سوراپ قانمىغان ، «مەھبۇبەم »دەپ ھالىڭ قالمىغان ، ئەينى ۋاقتا ئۆزەڭ تاللىغان ، بىرسى مىنى ساڭا تاڭمىغان ، ئەركەك بولساڭ مىنى ئايىغىن .... تەنتەنىلەر ھەريەرگە كەتتى  ، بېشىڭ گۇيا كۆكلەرگە يەتتى ، دوستلىرىڭ ھەم شىرمەت كۆرسەتتى ، «بوسۇغاڭ»غائەمدى دەز كەتتى ، ئەركەك بولساڭ مىنى ئايىغىن ..... سىنى تادان كۆرۈپ ئىشەنگەن  ، «بەل باغلىغان ئەركەك »-چۈشەنگەن ، ئۆزەم خالاپ ساڭا چۈشەلگەن ، مەيلى جېنىم پىدا -دەپ كۆنگەن ، ئەركەك بولساڭ مىنى ئايىغىن .... نىكاھ نىمە- سىنىڭ ئىلكىڭدە ؟ ئايال نىمە - سىنىڭ بىلگىڭدە ؟ غورۇر  لىقمۇ قېنىڭ - ئىلىكىڭدە ؟ تېرىق ئىمان بولسا يۈرىكىڭدە ، ئەركەك بولساڭ مىنى ئايىغىن ..... نىمە دىسەڭ «لەببەي »دەپ تۇرسام ، گۇناھىڭغا ھەم كۆزۈم يۇمسام ، دوزاخ تامان ھەمسەپەر ماڭسام ، خوش بولامسەن «ساراڭ »ئاتالسام ، ئەركەك بولساڭ مىنى ئايىغىن .... ساڭا كۆڭۈل ئاتاشتىن ئاۋال ، ھەققە كۆڭۈل قويغان، بىلىۋال، ئازغۇنلارچە تاپقۇم يوق زاۋال ، قۇچاي دىسەڭ مەن بىلەن كامال ، ئەركەك بولساڭ مىنى ئايىغىن ..... قەھىر قىلساڭ سىنى كەچۈردۈم ، تىل ياراڭنى دىلدىن ئۈچۈردۈم ، يۆلىكم دەپ ماختاپ ئۇچۇردۇم ، «نۇقسانلىرى يوق »دەپ كۈچەندىم ، ئەركەك بولساڭ مىنى ئايىغىن .... جېدەل بولسا  ،ئاغزىڭ بەك چەبدەس   دەيسەن دائىم «ئاجرىشىمەن بەس»، سىنى قىلغۇم يوق «خوتۇنپەرەس »، بەزەن مەنمۇ غەزىۋىم پەۋەس ، ئەركەك بولساڭ مىنى ئايىغىن .... قىلىقلىرىڭ بەزى كىچىكچە  ، كۆرسىتىسەن ھەتتا كۈچۈكچە ، ئۇيۇنخۇمارلىقىڭ كېچىچە ، تەۋبەڭ يوقمۇ ھەتتا ئۆلگۈچە ، ئەركەك بولساڭ مىنى ئايىغىن .... يالۋۇردى دەپ ئەسلا  چۈشەنمە، قورقۇتتۇم دەپ خاتا ئىشەنمە ، شەيتىنىڭنى تىزدىن كىشەنلە ، كام ئەقىللەر قىلمىسۇن ھەملە ، ئەركەك بولساڭ مىنى ئايىغىن .... ياخشىلارنى ئىزدىگىن تاپقىن ، ئىمانىڭنى -زىھنىڭنى ئاچقىن ، كۈيۈمىڭنى بارچىگە چاچقىن ، ھۆرمەت ساڭا بولىدۇ تاشقىن ، ئەركەك بولساڭ مىنى ئايىغىن ..... ئازماس ئىنسان بولمايدۇ ئەسلى ، بىزمۇ ئۇلۇغ -*ئادەم -نىڭ نەسلى ، ئائىلىمىز---- ئىناقلىق ۋەسلى  ، بېشىڭغا كەلمەستە خازانلىق پەسلى ، ئەركەك بولساڭ مىنى ئايىغىن ..... مەنبە : ئۆز تىلىم 2011-يىل 10-ئاينىڭ 10-كۈنى *ئادەم -ئادەم ئەلەيھىسسالام

tatlikpigan

	ئۇيغۇرلا بولسا نىكاھنىڭ نېمىلىكىنى چۈشىنىۋەرمەيدۇ.....ئسلامنى چۈشەنمىسە.....كېچىلەپ كېچىلىك سورۇنلاردىن كەلمەيدىغانلار بىلەن ئوقۇلغان نىكاھىڭىز نىكاھ بولدىمۇ ياكى بولمىدىمۇ بىر نېمە دېمەكمۇ تەس جۇمۇ.... نىكاھ ئوقۇلغاندىن كېيىن ئاياللار ئۆتكۈزگەن گۇناھنىڭ ھەممىسى دېگۈدەك ئەرگە ئارتىلىدۇ ..ئالدىم دېگەن گەپ نىكاھتىن كېيىن شۇ قىزنىڭ بارلىقىنى قۇشۇپلا ئالغانلىق بولىدۇ، بەختى،خوشاللىق ساغلاملىقى،ياكى ئاغرىق سىلاق ،ئۆتكۈزگەن گۇناھ ھەممىسىنى ئالغانلىق بولىدۇ....

miskin312

	بەك ياخشى يېزىپسىز، راست ھەقىقەت بەزى ئەرلەر يۈرۈۋالغۇچە،ئېلىۋالغۇچە نېمە دېسەڭ شۇ دەيدۇ، بىراق ئېرىشىۋالغاندىن كېيىن، كوچىدىكى چىرايلىقلارغا قاراپ يۈرىيدۇ، شۇڭا ئاللا ئۇلارغا ئىمان، ئىنساپ ئاتا قىلسۇن. خەقلەرنى تۈزەيمەن دىمەي ھەممە ئەركەك ئۆزىگە تەئەللۇق بولغان بىرىگە ئېگە بولسا، جاھان بۇزۇلمايدۇ.

miskin312

	بەك ياقتۇردۇم. قولىڭىزغا دەت بەرمىسۇن، ھەممىمىزنىڭ كۆڭلىدىكى گەپلەركەن بۇ.......

tumaris427

	ئسل شېئىركەن،ئىسىل.كۆڭۈلدىكى گەپلەر.مۇشۇندا ئىسىل تېمىلار بولسا مۇنبەردىن ئايىمىغايسىلەر.رەھمەت.

parakande

	چىن ھىسيات دىگەن قەلەمنى چىشلەپ ئولتۇرغانغا كەلمەيدۇ ،بەلكى مۇش ۇنداق رىئاللىقتىكى چىن ھىسياتتىن يۈرەكنىڭ سۇيىنى سىقىپ چىقىدۇ! ھەقىيقەتەن ياخشى چىقىپتۇ.

qihrinaz

	ئىسىل شىئېر ئىكەن ، ئەرلەر كۆپرەك دىققەت قىلىڭلار......

abrar315

	بەك ياقتۇردۇم،ھەقىقەتەن كۆڭۆلدىن چىققان گەپلەر.................

OTYAK

	جەمىيەتتىكى بىر قىسىم ئەركەكلىرىمىزنىڭ جانلىق كارتىنىسى ئىكەن.

fatima

	چىن ھىسيات بىلەن سۇغرۇلغان مىسرالىرڭىزدىن بەك سۈيۈندۈم.بەزى ئائىيلىسى باللىرى بىلەن كارى بولماي ئۇيۇنغا باشچىلاپ كىرشىپ كەتكەن ئەرلىرمىزنىڭ ئوبرانى ياخشى يارتىپ بىرىپسىز.ئاياللارنىڭ يەنىلا ئىنتايىن قەيسەر ھەم چىدامچان بولغىنى ياخشى.