ئېغىرلىقىڭىز قانچىلىك؟
ئەگەر سىز ئۆزىڭىزنى ھەقىقى مۇسۇلمانمەن دەپ قارىسىڭىز تۈۋەندىكى سۇئاللارغا سەمىمىي جاۋاب بىرىپ باققايسىز.شۇ ئارقىلىق ئۇزىڭىزدىكى خاتالىقلارنى تەكشۇرشىڭىزگە،ئۇزىڭىز بىلمىگەن بەزى پەزىلەتلىك ئۆزى كىچىك ئەمما ساۋابى يۇقرى بولغان قىيامەت كۇنى ھالقىلىق پەيتتە بىزنى دۇزاقتىن قۇتقۇزالايدىغان بىر قىسىم بىلىملەرنى بىلۋالالايسىز….
سىزنىڭ ئېغىرلىقىڭىز قانچىلىك؟
50كىلو….
……..
60كىلو….
ياق ياق…
مەن سىزنىڭ جىسمىڭىزنىڭ ئېغىرلىقىنى دىمىدىم. ئاللاھ قۇرئانى كەرىمدە تىلغا ئالغان قىيامەت كۇنى تارازىدا ئېغىر كىلىدىغان ھەقىقىي ئېغىرلىقىڭىزنى دەۋاتىمەن….
ئاللاھ قۇرئاندا بۇ ئېغىرلىقنى تىلغا ئېلىپ مۇنداق دەيدۇ{بۇ كۇندە بەندىلەرنىڭ (ياخشى-يامان ئەمەللىرىنىڭ) ئۆلچىنىدىغانلىقى ھەقتۇر.ياخشى ئەمەللىرى ئېغىر چىققانلار نىجات تاپقانلاردۇر* ياخشى ئەمەللىرى يىنىك چىققۇچىلار بىزنىڭ ئايەتلىرىمىزنى ئىنكار قىلغانلىقلىرى تۈپەيلىدىن ئۆزلىرىگە زۇلۇم سالغۇچىلاردۇر*}(سۈرە ئەئراف 8.9ئايەتلەر)
مانا مەن تىلغا ئالغان قۇرئانى كەرىمدىكى بۇ ئېغىرلىق بىز ئەڭ كۈڭۈل بۈلىدىغان ئېغىرلىقتۇر. بىز ھەرقاندىقىمىز تارازىنىڭ يېنىغا بارساق
ئۇزىمىزنى ئۆلچەپ باقىمىز. ۋە بۇرۇنقىدىن ئېغىرلاپتىمەنمۇ ياكى يىنىكلەپتىمەنمۇ دىگەننى ئويلايمىز. بۇ ئۈزىڭىزنىڭ جىسمىغا كۈڭۈل بۆلگەنلىكىڭىز. ئەمما بۇ كۆڭۈل بۇلىشىڭىزنىڭ سىزگە مۇشۇ دۇنيادىكى ئازغىنە پايدىسىدىن باشقا ھېچقانداق پايدا يوق. سىز پەقەت جىسمىڭىزنىلا ئۆلچىسىڭىز پەقەت بىر خىللا تارازا كىتىدۇ. ئەمما سىزنىڭ ھەقىقى ئېغىرلىق ئۆلچىمىڭىز بولغان ياخشى يامان ئەمەللىرىڭىزنى ئۆلچىسىڭىز بىر نەچچە خىل تارازا كىتىشى مۇمكىن.
سىزگە پايدىسى يىتىدىغان ئېغىرلىق ئۆلچەم دەل سىزنىڭ ياخشى-يامان ئەمەللىرىڭىزنى ئۆلچىشىڭىز…
ئۇنداقتا قاراپ باقايلى:
سىزنىڭ ھەقىقى ئېغىرلىق ئۆلچىمىڭىز…………..
دىققەت قىلىڭ.
سىزنىڭ ئادىللىق تارازىسىدىكى ئېغىرلىقىڭىز قانچىلىك؟ يەنى ئەتراپىڭىزدىكى ئىشلارغا ئادىللىق بىلەن مۇئامىلە قىلىشىڭىز قانچىلىك؟
سىزنىڭ ياخشىلىقلار تارازىسىدىكى ئېغىرلىقىڭىز قانچىلىك؟
رەسۇلۇللە سەللەللاھۇ ئەلەيھى ۋەسەللەم تىلغا ئالغان حسن الخلق (ياخشى ئەخلاق) نىڭ ئېغىرلىقى قانچىلىك؟ سىزدە ئۇزىڭىز ئەڭ ياخشى كۇرىدىغان ياخشى ئەخلاقلاردىن قايسىسى بار؟ زىكىر قىلىڭ.
رەسۇلۇللە سەللەللاھۇ ئەلەيھى ۋەسەللەم ياخشى ئەخلاقنىڭ تارازىدا ئەڭ ئېغىر كىلىدىغانلىقى توغۇرلۇق مۇنداق دىگەن«قىيامەت كۈنى مۇئىمىننىڭ ياخشى ئەخلاقىدىنمۇ ئېغىر كىلىدىغان نەرسىسى يوق.ئاللاھنى يامان خۇلۇقتىنمۇ بەكرەك غەزەبلەندۇرىدىغان نەرسە يوق»
الراوي: أبو الدرداء المحدث: عبد الحق الإشبيلي - المصدر: الأحكام الصغرى – الصفحة أو الرقم: 852
خلاصة حكم المحدث: [أشار في المقدمة أنه صحيح الإسناد]
سىنىڭ ياخشىلىققا بۇيرۇپ ئۇنىڭغا باشلاپ قۇيشىڭ قانچىلىك؟
رەسۇلۇللە سەللەللاھۇ ئەلەيھى ۋەسەللەمنىڭ بو توغۇرلۇق ھەدىسىنى كۆرمىگەنمىدىڭ؟ رەسۇلۇللە سەللەللاھۇ ئەلەيھى ۋەسەللەم «قانداق بىر كىشى بىراۋنى بىر ياخشىلىققا باشلاپ قويسا ئۇ ياخشىلىقنى قىلغۇچىغا ئوخشاش ئەجىرگە ئىرشىدۇ» مۇسلىم رىۋايەت قىلغان.
يەنە رەسۇلۇللە سەللەللاھۇ ئەلەيھى ۋەسەللەم«قانداق بىر كىشى بىراۋنى ھىدايەتكە چاقىرسا ھىدايەتكە چاقىرغۇچىغا ئۇنىڭغا ئەگەشكەن كىشىگە بولغان ساۋاب كام قىلماستىن ھىدايەتكە باشلاپ قويغان ئادەمگىمۇ بولىدۇ.قانداق بىر ئادەم بىراۋنى بىرەر گۇناھ بۇلىدىغان ئىشقا باشلاپ قويسا ئۇنىڭغا ئەگەشكۇچىگە بولغان گۇناھ كام قىلىنماستىن باشلاپ قويغىچىغىمۇ بۇلىدۇ» (مۇسلىم رىۋايەت قىلغان)
قېنى سىز قاراب بېقىڭ سىز ياخشىلىققا باشلاپ قويغان، ھەقىقەتنى يەتكۈزۈپ قويغان كىشىلەر قانچىلىك؟ سىز ھاياتىڭىزدە بىرەر ئادەمنى گۇناھ ئىش قىلىۋاتقان ھالىتىدە تېپىپ ئۇنىڭغا ھەقنى بىلدۈرەلىدىڭىزمۇ؟
يەنە قاراب بېقىڭ سىز باش بۇلۇپ قىلغان گۇناھ ئىشلىرىڭىز قانچىلىك؟ بۇ گۇناھ ئىشتا سىزگە ئەگەشكەن كىشىلەر قانچىلىك؟
*********************************************
سىز ئاللاھنىڭ سۈزى بولغان قۇرئانى كەرىمدىن قانچىلىك ئوقۋېتىپسىز؟ قانچىلىك يادقا بىلىسىز؟
رەسۇلۇللە سەللەللاھۇ ئەلەيھى ۋەسەللەمنىڭ مۇنۇ سۆزىنى ئاڭلىغانمۇ؟
«قانداق بىر كىشى ئاللاھنىڭ كىتابى بولغان قۇرئاندىن بىر ھەرپ ئوقۇيدىكەن ئۇنىڭغا ھەر بىر ئوقۇغان بىر ھەرپى ئۈچۈن 10 ياخشىلىق يېزىلىدۇ. مەن ”ال م“ نى بىر ھەرپ دىمەيمەن. ئەلىف بىر ھەرپ .لام بىر ھەرپ.مىيم بىر ھەرپتۇر. مۇشۇنداق ھەر بىر ھەرپ ئۈچۈن 10 ياخشىلىق يېزىلىدۇ. ئاللاھ خالىغان كىشىگە بۇنىڭدىنمۇ كۆپ ياخشىلىق ئاتا قىلىدۇ (يەنى ئاللاھ خالىغان كىشىگە 10 دىنمۇ كۆپرەك ياخشىلىق ئاتا قىلىدۇ)(جامىئۇسسەھھاھ. ئالبانىي سەھىھ دىگەن)
ئاللاھقا قانچىلىك زىكىر تەسبىھ ئېيتالىپسىز؟
سبحان الله وبحمده سبحان الله العظيم دىگەن بۇ كاتتا زىكرىنى سەن دۇنياغا يارالغاندىن بۇيان قانچە قېتىم دەپ باقتىڭىز؟
رەسۇلۇللە سەللەللاھۇ ئەلەيھى ۋەسەللەم بۇ زىكىر توغرىسدا مۇنداق دىگەن « كلمتان خفيفتان على اللسان ثقيلتان في الميزان حبيبتان إلى الرحمن.. سبحان الله و بحمده، سبحان الله العظيم » تىلغا يەڭگىل كىلىدىغان،قىيامەت كۈنى تارازىدا ئېغىر كىلىدىغان، راھمانتائالاغا سۈيۈملۈك بىلنىدىغان ئىككى جۈملە سۆز بار. بۇلار سۇبھەنەللاھى ۋەبىھەمدىھى،سۇبھەنەللاھىلئەزىيم.( بۇخارى رىۋايەت قىلغان)
قىلغان گۇناھلىرىڭ ئۈچۈن ئاللاھقا يالۋۇرۇپ گۇناھىڭنى كەچۈرۋېتىشىنى تىلەپ باقتىڭمۇ؟
مەيلى ماددىي بولسۇن ياكى مەنۋىي بولسۇن سەدقە بىرىپ باقتىڭمۇ؟
رەسۇلۇللە سەللەللاھۇ ئەلەيھى ۋەسەللەم سەدقە بىرىشكە قىزىقتۇرۇپ مۇنداق دىگەن«سىلەر تاڭ ئاتقۇزغان ھەربىر كۇنۇڭلاردا سىلەرنىڭ ھەر-بىر ئۈگىلىرىڭلارغا سەدقە كىلىدۇ. بارلىق تەسبىھمۇ سەدىقە (يەنى سبحان الله)بارلىق ھەمدى ئېيتىشمۇ(الحمد لله) سەدىقە.بارلىق تەكبىر ئېيتىشمۇ (اللە اكبر) دىيىشمۇ سەدىقە. ياخشىلىققا بۇيرۇپ يامانلىقتىن تۇسۇشمۇ سەدىقە. زۇھا ۋاقتىدا ئىككى رەكئەت زۇھا نامىزى ئوقۇش يۇقارقىلارغا كۇپايە قىلىدۇ»(مۇسلىم رىۋايەت قىلغان)
……………..
سىنى يۇقارقى ئىشلاردىن قىلدىمۇ دەيلى .ئەمدى تۈۋەندە يۇقاردىكى ئىشلارنىڭ كۈشەندىسى بولغان بىر قانچە ئىش بار شۇنى تۇنۇپ باق. سەن ئۇنى تۇنامدىكەنسە؟سەندە ئۇنىڭدىن قانچىلىكى تېپىلىدىكەن؟
يۇقارقى ئىشلارنىڭ يامان كۇشەندىلىرىدىن بولغان بىر قانچە ئىشلار.
چېقىمچىلىق،يالغانچىلىق،سۇخەنچىلىق،زۇلۇم قىلىش،غەيۋەت قىلىش، ھەسەد قىلىش…. مانا مۇشۇلار ئىنتايىن يامان خۇلۇق يامان ئادەتلەر. قانداق ئادەمدە مۇشۇ خىسلەتلەردىن بىرەرى تېپىلىدىكەن ئۇنىڭ تۈگىشىشكە باشلىغانلىقى شۇ…
بۈگۈن مۇشۇنچىلىك بولسۇن. ئاخىرنى بۇ تىمىنىڭ ئەھۋالىغا قاراب يوللىغشىمىز مۇمكىن.
مەنبە: ئىسلام ئۇزۇقلىرى تورى.
تىما ئادرىسى:
http://www.uzuk.net/?p=313
تەييارلىغۇچى: ئىزباسار