يېتىلىۋاتقان ئەزا
شائىر،مەرھۇم غەنى رەشىدى 1965- يىل 1- ئايدا ئاتۇش شەھىرىنىڭ كاتتايلاق يېزىسىدا ئوقۇتقۇچى ئائىلىسىدە دۇنياغا كەلگەن،بالىلىق،ۋە ئۆسمۈرلۈك چاغلىرى باي ناھىيەسىدە ئۆتكەن. باشلانغۇچ، ۋە ئوتتۇرا مەكتەپلەرنى باي ناھىيەسىدە ئوقۇغان.1983-يىلىدىن 1985-يىلىغىچە سابىق مەركىزىي مىللەتلەر ئىنىستىتۇتىنىڭ تەييارلىق بۆلۈمىدە،1985-يىلىدىن 1989-يىلىغىچە سابىق بېيجىڭ پىداگوگىكا ئىنىستىتۇتىنىڭ خىمىيە فاكۇلتېتىدا ئوقۇغان.1989-يىل 7- ئايدا ئوقۇشنى تاماملاپ،شىنجاڭ ئۇيغۇر ئاپتونوم رايونلۇق مائارىپ كومىتېتى(ھازىرقى شىنجاڭ ئۇيغۇر ئاپتونوم رايونلۇق مائارىپ نازارىتى)گە خىزمەتكە تەقسىم قىلىنغان.شائىر، مەرھۇم غەنى رەشىدى 1994- يىلى 12- ئاينىڭ 8- كۈنى قاراماي شەھىرىدە يۈز بەرگەن پەۋقۇلئاددە زور ئوت ئاپىتىدە خىزمەت ئۈستىدە بەختكە قارشى قازا قىلدى.شائىرنىڭ ئىجادىيىتى 1989-يىلى باشلانغان بولۇپ، ئاپتونوم رايونىمىزدىكى ھەرقايسى مەتبۇئاتلاردا 100 پارچىدىن ئارتۇق شېئىر،ۋە ئۇنىڭدىن باشقا خېلى كۆپ ئەدەبىي تەرجىمە ئەسەرلىرى،«دادامغا خەت»ناملىق شېئىرلار توپلامى ئېلان قىلىنغان. ئېھ،سەلكىن شاماللىق سەھرا سەھىرى غەنى رەشىدى ئېھ! سەلكىن شاماللىق سەھرا سەھىرى، شەپەقنىڭ رەڭگىگە تويۇنغان ياپراق. شۇنچە ئۇز-جىلۋىگەر بۇندىكى بارى، ھەر گىياھ قەلبىمگە سالىدۇ پىراق. ئېھ! سەلكىن شاماللىق سەھرا سەھىرى، سەھرانى سېھىرلەپ تۇتقۇزدۇڭ بۇدەم. قارىچۇققا ناتونۇش بىلىنەر بارى، چىۋىق ئات مىنگەن چاغ سەندە مۇجەسسەم. ئېھ! سەلكىن شاماللىق سەھرا سەھىرى، ھېسلىرىم سىرغىيدۇ قوينۇڭغا ئاستا. خۇمارىنى يېشىدۇ دېھقاننىڭ تەرى، چوڭ بولاي شۇلارنىڭ قولىدا قايتا. بۇ شېئىر مەرھۇم شائىرنىڭ 1998- يىل 4- ئايدا مىللەتلەر نەشرىياتى تەرىپىدىن نەشىر قىلىنغان«دادامغا خەت» ناملىق شېئىرلار توپلامىدىن ئېلىندى.
پاش قىلىش
ئاكتىپ ئەزا
ئەركزات ئۇچۇر- ئېلانچىلىقى
مۇنبەر باشقۇرغۇچىسى
تارازا بارمۇ ؟
مەستانە ئـــەزا
ئىنكاس يوللاش ئىنكاس قايتۇرۇپ بولغاندا ئاخىرقى بەتكە قايتىدۇ
ئالاھىدە ئىلگىرلەش
ئىشچان باشقۇرغۇچى
ئەستايىدىل باشقۇرغۇچى
مىسرانىم مەستانىسى