سېنىڭ خوشاللىقىڭ

Xarminaz

	‹‹ سېنىڭ خوشاللىقىڭ ›› قەدىردانىم ، مەن سېنىڭ قەلبىڭنى قاشتېشىدەك ساپ ، زۇمرەتتەك سۈزۈك ، كەڭ كەتكەن چىمەنزارلىقتەك گۈزەل ، يۈرەك قانلىرى شىددەتلىك ئېقىنلارنىڭ سۈپسۈزۈك سۇلىرى بىلەن يۇغۇرۇلغان دەپ ئويلايمەن . سېنىڭ قەلبىڭگە يانغۇر كەبى سىڭىپ ، قەلىب بوستانلىقىڭنى گۈللەرگە پۈركەپ ، بەخىت شىرىنلىكىدە ئەللەيلەنگۈم بار . سەن ماڭىدىغان ئاشۇ چىغىر يوللار جەننەت گۈلزارلىقىغا ئوخشاش شادلىق پەيزىگە چۆمۈلگەن يەسىمەن گۈللەر ، قىزىلگۈللەر ، لەيلىقازاقلار توپ - توپى بىلەن ئېچىلىپ سېنىڭ قۇچىقىڭغا چۈشۈپ ، قەلىب بوستانىڭغا گىرەلىشىپ كەتكەن . سېنىڭ خوشاللىقىڭ - گويا شادىيانە ئاھاڭلار ئىچىگە غەرق بولىۋاتقان بىر ناخشىغا ئوخشىشىدۇ . ئۇ - نامەلۇم گۈل - گىياھلارنىڭ خۇش پۇراقلىرىدىكى شادلىق تۇيغۇسى . سېنىڭ خوشاللىقىڭ - گويا قەلبىڭگە يۇشۇرۇنغان تۇلۇن  ئاينىڭ  گىلاستەك لەۋلىرىڭ روجىكىدىن ئوقچۇپ چىقىۋاتقان گۈزەل شولىسى . سېنىڭ خوشاللىقىڭ - گويا پايانسىز سۈزۈك ئاسماندىكى دانە - دانە يۇلتۇرلارنىڭ خۇش تەبەسسۇم بىلەن جىمىرلاپ كۆز قىسىشى . سېنىڭ خوشاللىقىڭ - گويا تاڭ سەھەردە كۈلۈپ چىقىدىغان قۇياشنىڭ كۆزنى قاماشتۇرىدىغان رەڭگارەڭ نۇر - زىياسى . سېنىڭ خوشاللىقىڭ - گويا خىلمۇخىل گۈللەر خۇشپۇراق چېچىپ تۇرغان گۈلزارلىققا ئوخشىشىدۇ . ئۇ - ھىجران قۇشىنىڭ ۋىسال پەيتىدە خۇش ناۋا ئەيلىشى . -----شەرمى^^ ناز ----- [mp3=1]http://www.iz.la/uploads/media2/22095/130Z03I9-6205.mp3[/mp3]

sumaya0999

	نىمانچە ئىسىل........... مۇزىكىلىرىمۇ شۇنداق ماسلاشقان........... ئەجرىڭىزگە كۆپ رەھمەت............

شاتئاي

	ھىم ، شاتئاينىڭ قەلبىمۇ لەرزىگە كەلدى. ‹سېنىڭ خۇشاللىق دەپ ياشاپ ئۆتكەن بۇ يۈرەك لەسسىدە بولدى. كىم بىلدى، مەن سېنى دېسەم ، سەن يەنە بىرسىنى دېسەڭ ھەق بولامدۇ؟ نىمسىنى دېسەم بولار، خۇشاللىق خۇشاللىق ئىلىپ كەلدىمۇ ماڭا، ياق ياق، ئازاپ ئىلىپ كەلدىڭكى ئازاپ. ئارتۇقچە ئازاپنى مەن يەنە قەلبىمگە سالالايمەنمۇ ؟ خۇشال ئۆت دەپ خۇشاللىق بەرسەم سەن ماڭا ئازاپ قايتۇردۇڭ. ›دېدى شاتئاي ئاچچىقلانغان تەلەپپۇزدا ....›...

kunbike

	نىمە دىگەن رومانتىك ،مۇزىكىسى بەكلا ماسلىشىپتۇ .

miskin33515am

	مەنمۇ ئۇنىڭ خۇشاللىقى ئۈچۈن ھەرنىمىلەنى قىلغان ئىدىم،ھەم قىلىشقا تەييار ئىدىم،بىراق ئۇنىڭ ماڭا ئېلىپ كەلگىنى شاتئاي دىگەندەك ئازابتىن باشقىسى بولمىدى..................

alrzibag

	ئەسسالاممۇ ئەلەيكۇم قىرىنداشلارسىلەرگە ئاللاھنىڭ سالىمىنى يوللايمەن !! ھەي مۇھەببەت دىگەن بەزىدە شۇنداقكەن قىرىنداشلار !!   يىنىمىزدا بار چاغدا قەدرىنى بىلمەيمىز يوق چاغدا ..........................   ھەي .. بولدى ھەممىدىن بەكىرەك خوشاللىق  ئاتا _ ئانىمىزغا بەرگەن خوشاللىق بىزگە مەڭگۈ يانغۇسى .... شۇنى بىلسەڭلار بولدى .. باشقىلارغا خوشاللىق بىرىپ ئۆزۈم ئازاپتا قالدىم .. دەپ ئۆكسىگەندىن ئاتا _ ئانىغا خوشاللىق ئاتا قىلىشقا يەتمەيدۇ .. قانداق دىدىم ....؟؟؟؟   ئەلرازى 0999

qiqakkiz

	مۇزىكا بىلەن بەكمۇ ماسلىشىپتۇ . مۇزىكىنى ئاڭلاپ ئولتۇرۇپ ، يىراقتىكى يولدىشىمنى بەكمۇ سېغىندىم . نىمىدىگەن رومانتىك . مەن بەك ھىسياتچانمۇ قانداق ، يېغلاپ ساپتىمەن . بىر ئادەمنى ياخشى كۆرۈش شۇنداق بۇلامدىغاندۇ ؟

ئۆل

	مەن مۇشۇ موزىكغا بەك ئامراق ...رەخمەت..... ياخشى چىقپتۇ يەنە شۇ ئۆلمەس مۇھەببەت ........

sir-lik-bu-lak

	رەخمەت بەك ياقتۇردۇم ...

musilina

	يارقىن ھېسلار  بىلەن يۇغۇرۇلغان لېرىك  كۈيلەر، مۇڭلۇق مۇزىكا، ئادەمنى باشقا بىر دۇنياغا باشلاپ كىرىدىكەن...