ئائىلىنىڭ شەكىللىنشى

fazlidin

	«ئى ياشلار ! ئاراڭلاردا ئۆيلىنىشكە كۈچى يىتىدىغانلار ئۆيلەنسۇن » ( بۇخارى رىۋايەت قىلغان .) ئائىلىنىڭ شەكىللىنشى ئەر بىلەن ئايالنىڭ ھاياتىنى بىرلەشتۈرشى بىلەن باشلىندۇ . كېيىنچە پەرزەنتلەر دۇنياغا كىلىدۇ . ئەر - ئايالنىڭ بىرلىششى نىكاھ ئارقىلىق ۋۇجۇتقا چىقىدۇ . نىكاھلىنىشى مەخسەت قىلمىغان ئەر - ئايالنىڭ بىللە ياشىشى ئائىلە ھىساپلانمايدۇ .چۈنكى ئائىلە مۇئەسسەسىسى ئۆتكۈنچى ھەۋەس ۋە ئېھ ـ تىياجلارنى قاندۇرۇش نىيىتى بىلەن ئەمەس ، بەلكى ئۆمرىنىڭ ئاخىرىغىچە قايغۇ ۋە خۇشاللىقلارنى بىرلىكتە ياشاش ،ھاياتنىڭ يۈكىنى بىرلىكتە كۈتۈرۈش،راھەت - پاراغەتتىن بىرلىكتە بەھرلىنىش ئۈچۈن ئۈچغن قۇرلىشى كىرەك . شۇڭا ئۆيلىنىش قارارىغا كىلىش ئۈچۈن زور جاسارەت،نىكاھنى داۋاملاشتۇرۇش ئۈچۈن ئرادە كىرەك بۇلىدۇ .قۇرئانى كەرىم ۋە پەيغەمبىرمىز (س ئە ۋ ) نىڭ ھەدىسلىرىدە ئۆيلىنىپ ئائىلە قۇرۇش تەشەببۇس قىلىنغان . ئەر بىلەن ئايالنى ئاللاھ بەلگىلگەن چەك - چىگرا ئىچىدە ( يەنى يېقىن تۇققانلار توي قىلماسلىق ،زىنا قىلماسلىق،.....قاتار- لىق)بىر-بىردىن ئايرىلماي بىللە ياشاشقا دەۋەت قىلىش،ئىسلام دىنىنىڭ تۈپ پىرىنلىرنىڭ بىرىدۇر .   جەمىيەتنىڭ ھۇلىنى تەشكىل قىلىدىغان ئائىلىنى قۇرىدىغان شەخىسلەردە بۇلۇشقا تېگىشلىك ئالاھىدىلىكلەر ئالاھىدە دىققەت قىلىشقا ئەرزىيدۇ . يەنى بۇ ئىككى كىشى بىر-بىرگە ھۇزۇر ۋە خاتىرجەملىك بېغىشلاپ (سۈرە رۇم 21- ئايەتكە قاراڭ) بىر-بىرىگە خۇددى كىيىم بۇلىشى كىرەك.(سۈرە بەقەرە 187-ئايەتكە قاراڭ) كىيىم كىشىنى يازدا ئىسسىقــتىن قىشتا سوغۇقتىن قوغدايدۇ. نىكاھلانغان ھالال بىر جۈپلەرمۇ ھاياتنىڭ ئىسسىق-سوغۇقنى تەڭ باشتىن كەچۈرىدۇ .كىيىم ۋۇجۇتتىكى نۇقسانلارنى يېپىپلا قالماي يەنە كىشىنى گۈزەللەشتۈرىدۇ. ئەر-خۇتۇنلارمۇ بىر-بىرنىڭ سەلبى تەرەپلىرنى يۇشۇرۇپ، ياخشى تەرەپلىرنى ئوتتۇرىغا چىقىرىدۇ. كىيىم يەنە كىشىنىڭ ئۇياتلىق يەرلىرنى يېپىپ، گۇناھتىن ساقلايدۇ. ئەر-خۇتۇنلار بىر-بىرىگە قارشى تەرەپنى گۇناھتىن ساقلىغۇدەك كىيىم بۇلۇشى كىرەك. يۇقۇردا بايان قىلىپ ئۆتكەن ئالاھىدلىكلەرگە ئىگە،شۇنداقلا جەمئىيەت ئۈچۈن ئالاھىدە مۇھىم بولغان بۇ مۇئەسسەسسەنى يەنى ئائىلىنى قۇرىدىغان شەخىسلەر ھازىرلاشقا تىگىشـ لىك ئالاھىدلىكلەر قانداق بۇلۇشى كىرەك ؟ پەيغەمبىرمىز(س ئە ۋ )بۇنىڭ شەرىتلىرنى مۇنداق بايان قىلىدۇ ؛ «دۇنيا ماددى نەرسىلەردىن ئىبارەت بۇلۇپ،دۇنيادىكى ئەڭ قىممەتلىك نەرسە سالىھ ئايالدۇر.» (نەسائى ۋە مۇسلىم رىۋايەت قىلغان.)  «بىر ئايالغا ئۆيلىنىشتىن بۇرۇن ئۇنىڭ پۇل-مېلى،جەمەت- نەسەبى،ھۆسۈن جامالى ۋە دىن-دىيانىتى قاتارلىق تۆت نەرسىگە قارىلىدۇ.سەن دىيانەتلىك خۇتۇن ئالغىنكى،ئاللاھ سىنى ئۆز فەزلى بىلەن باي قىلىدۇ.»(بۇخارى ۋە مۇسلىم رىۋايەت قىلغان.) پەيغەمبىرمىز(س ئە ۋ )نىڭ ئاياللار ھەققىدە بايان قىلغان بۇ ئالاھىدىلىكلىرنى ئەرلەرگە تەتبىق قىلىشقىمۇ بۇلىدۇ . يەنى،بىر ئايال ئۈچۈن ئەڭ خەيرىلىك بولغىنى سالىھ ئەردۇر. ئاياللار بىر ئەرنىڭ ئۆيلىنىش تەلپىنى قۇبۇل قىلىشتىن بۇرۇن ئۇنىڭ بوي-تۇرىقى، مال -مۇلكى،نەسەبى ۋە دىن-دىيانىتىگە قارايدۇ . ئاياللار دىندار ۋە مىجەز - خۇلىقى ئسىل بولغىنىنى تاللىشى كىرەك . نىمە ئۈچۈن نىكاھلىنىش ئوبىكتىنى تاللاشتا ئەڭ مۇھىم ئالاھىدىلىكنىڭ دىندارلىق،دىندارلىقـنىڭ ئۆز ئىچىگە ئېلىشى كىرەك بولغان ئالاھىدىلىكنىڭ گۈزەل ئەخلاق ئىكەنلىكى ھەققىدە بىر ئاز توختىلىپ ئۈتەيلى؛ ئىسىل نەسەپ، بايلىق ۋە گۈزەللىك ئەر بىلەن ئايالنىڭ بىر-بىرىگە يېقىنلىشىشى ئۈچۈن ئەڭ جەزىبىلىك ئالاھىدىلىكلەر . بۇ ئالاھىدىلىكلەر كۈپۈنچە شەخسنىڭ تىرىشچانلىقى بولمايمۇ قولغا كىلىدۇ . ئىسىل نەسەپ، ۋە گۈزەللىك مانا بۇنىڭ جۈملىسدىن . بايلىقمۇ كۈپۈنچە ھاللاردا ئائىلىگە تەۋە بۇلىدۇ . مەزكۇر ئالاھىدىلىكلەرگە ئىگە بولغان كىشنىڭ نىكاھلانغاندىن كىيىن جۈپتىگە قانداق مۇئامىلە قىلدىغانلىغى ، ئائىلىسنىڭ كەلگۈسدە دۇچ كىلىدىغان قىيىنچىلىقلارغا قارىتا قانداق پوزىتسىيە تۇتىدىغانلىقى نامەلۇم . ئەمما دىندارلىق ، گۈزەل ئەخلاق ۋە پەزىلەت شەخىسنىڭ تىرىشچانلىقى بىلەن قولغا كەلگەنلىكى ئۈچۈن ، بۇنداق كىشلەرنىڭ نىكاھلانغاندىن كىيىن نىمىلەرنى قىلىپ نىمىلەرنى قىلمايدىغانلىقىنى ئالدىنئالا پەرەز قىلغىلى بۇلىدۇ .چۇنكى ئۇنىڭ ئىش-ھەركەتلىرىنى بەلگ ىلەيدىغان ۋە تەرتىپكە سالىدىغان ئېتىقاد،ئەقىدىلەر ئۆزگەرمەيدۇ. ھارامدىن ۋە خاتادىن ئۆزىنى قاچۇرىدىغان كىشىنىڭ، ئايالى ۋە بالىلىرىغا زىيان يەتكۈزكۈزىدىغان ئىشلارنى قىلىشى،ئائىلىسىنى ھالاكەتكە ئىتتىرشى ئىھتىمالدىن يىراق. دىندار ۋە پەزىلەتلىك كىشى ئۆزى نىكاھلانماقچى بولغان قارشى تەرەپكە ئىشەنچ ۋە بىخەتەرلىك تۇيغۇسى ئاتا قىلالايدۇ . شۇنىمۇ ئەسلىتىپ ئۈتۈش لازىمكى، ئۆمۈرلۇك جۈپتىنى تاللاشتا دىققەت قىلىشقا تىگىشلىك ئالاھىدىلىكلەر ( ئىسىل نەسەپ، بايلىق، گۈزەللىك، دىندارلىق ۋە گۈزەل ئەخلاق ) بەزىدە بىر-بىرگە يۇغۇرۇلۇپ كەتكەن بۇلىدۇ. يەنى بىر كىشى بىرلا ۋاقىتتا ھەم باي ، ھەم كىلىشكەن ، ھەم دىندار بۇلۇشى مۈمكىن. بۇنداق ئەھۋال ئاستىدا قارشى تەرەپ ناھايىتى ئاسانلا بىر قارارغا كىلەلەيدۇ . پەيغەمبىرمىز(س ئە ۋ)نىڭ بىز يۇقىرىدا قەيت قىلىپ ئۆتكەن تەۋسىيىسى ، بۇلۇپمۇ بۇ ئالاھىدىلىكلەر بىر-بىرىگە ماس كەلمىگەن ھەتتا زىت بۇلۇپ قالغان ئەھۋاللاردا زور ئەھمىيەتكە ئىگە. ئىتقاتسىز كىشى ھەر قانچە گۈزەل ۋە باي بولغان تەقدىردىمۇ دىندار كىشلەرنىڭ مەيلىنى تارىتماسلىقى كىرەك، بۇ قۇرۇلغۇسى ئائىلىنىڭ بەختى ۋە سائادىتى ئۈچۈن تۇلىمۇ مۇھىم . چۈنكى بايلىق سورۇلۇپ تۈگەپ ، گۈزەللىك يىللارنىڭ خورىتىشىغا ئۇچىرىغان بىلەن ، دىندارلىق مەڭگۈ تۈگىمەيدىغان بايلىق سۈپىتىدە ساقلىنىپ قالىدۇ . شۇڭا ئەر-ئاياللارنىڭ قانداق كىشىنى ئۆزىنىڭ مەڭگۈلۈك جۈپتى قىلىپ تاللىشى ، ئۇ كىشىنىڭ كېلىچەكتە بەختلىك ياكى بەختسىز بۇلىشى بىلەن بىۋاستە مۇناسىۋەتلىك . ئۆزىدە بولمىغان ئالاھىدىلىكلەرنى باشقىلاردىن ئىزلەپ ، بۇ ئارقىلىق ئۆ- زىدىكى بوشلۇقنى تولدۇرۇشقا ئۇرۇنۇش، ئاقىۋەتتە نىكاھنى ھالاكەتكە ئېلىپ بارىدۇ . مەنبە ؛      «   ئائىلە ھۇزۇرى    »    نامىلىق كىتاپتىن ئېلىندى.

osmanjan37

	ئائىلە جەمئىيەتنىڭ ئەڭ كىچىك بىرلىكى. ھەربىرىمىز ئائىلىمىز ئارقىلىق ئۆز خۇشاللىقىمىزنى تاپىمىز! بۇ ھەقىقەتەن ئەھمىيەتلىك تېما بولۇپتۇ! تېما ئىگىسىگە رەھمىتىمنى بىلدۈرىمەن...

sumaya0999

	ھەقىقەتەن بىلىشكە تىگىشلىك مۇھىم تىمىكەن ئەجرىڭىزگە كۆپ رەھمەت.....

sebiriye

	ئىتقاتسىز كىشى ھەر قانچە گۈزەل ۋە باي بولغان تەقدىردىمۇ ;j\\$[4W.i   دىندار كىشلەرنىڭ مەيلىنى تارىتماسلىقى كىرەك، بۇ قۇرۇلغۇسى ئائىلىنىڭ بەختى ۋە سائادىتى ئۈچۈن تۇلىمۇ مۇھىم . چۈنكى بايلىق سورۇلۇپ  تۈگەپ ، گۈزەللىك يىللارنىڭ خورىتىشىغا ئۇچىرىغان بىلەن ، دىندارلىق مەڭگۈ تۈگىمەيدىغان بايلىق. مۇستەھكەم ئىمان ۋە ئىتىقاد بىر ئائىلىگە ئۆمۈرلۈك بايلىق بولغۇسى،بىر ئائىلىنىڭ بۇزۇلماس قورغانى ھەم گۈزەل كەلگۈسىىنى بارلىققا كەلتۈرگۈسى